అన్‌లాక్ 4.0 : 10 రాష్ట్రాల్లో తెరుచుకున్న పాఠశాలలు.. పెళ్లిళ్లకు, అంత్యక్రియలకు 100మందికి అనుమతి

Share on facebook
Share on twitter
Share on telegram
Share on whatsapp

కరోనా సంక్షోభం కారణంగా ఆరు నెలలు నుంచి ఆగిపోయిన పాఠశాలలు అన్‌లాక్ 4.0 ప్రక్రియలో భాగంగా ఈ రోజు(21 సెప్టెంబర్ 2020) నుంచి పది రాష్ట్రాల్లో ప్రారంభం అవుతున్నాయి. అంతేకాదు ఈరోజు నుంచి 100 మందికి మాస్క్‌లు ధరించి సాంస్కృతిక, వినోద, మత, రాజకీయ మరియు సామాజిక కార్యక్రమాల్లో పాల్గొనడానికి అనుమతి లభించింది. ఈ సమయంలో సామాజిక దూరం, థర్మల్ స్కానింగ్ మరియు హ్యాండ్ వాష్ లేదా శానిటైజర్ వాడకం తప్పనిసరి.




లేటెస్ట్‌గా వచ్చిన మార్గదర్శకాలతో దేశంలోని 10 రాష్ట్రాల్లో ముందుజాగ్రత్తతో 9 నుంచి 12 వ తరగతి వరకు విద్యార్థుల కోసం పాఠశాలలు తెరవబోతున్నారు. బీహార్, రాజస్థాన్, హర్యానా, చండీగర్, హిమాచల్ ప్రదేశ్, జమ్మూ కాశ్మీర్, ఆంధ్రప్రదేశ్, కర్ణాటక, మేఘాలయ, నాగాలాండ్(‘ఫిఫ్టీ-ఫిఫ్టీ) రాష్ట్రాల్లో నేటి నుంచి పాఠశాలలు ప్రారంభించబడతాయి. అదే సమయంలో ఉత్తరప్రదేశ్, జార్ఖండ్, ఢిల్లీ, పంజాబ్, మధ్యప్రదేశ్, మహారాష్ట్ర, గుజరాత్, పశ్చిమ బెంగాల్ రాష్ట్రాల్లో స్కూళ్లు తెరుచుకోట్లేదు. ఆ రాష్ట్రాలు మరికొంత సమయం తీసుకోవాలనే యోచనలో ఉన్నాయి.

మార్గదర్శకాలు:
50% ఉపాధ్యాయులు మరియు సిబ్బందితో పాఠశాలలు ప్రారంభం అవుతున్నాయి.
తల్లిదండ్రుల వ్రాతపూర్వక అనుమతి మేరకు మాత్రమే విద్యార్థులు పాఠశాలకు రాగలరు
కరోనాను నివారించడానికి అన్ని చర్యలు యాజమాన్యాలు తీసుకోవాలి.
మాస్క్‌లు, సామాజిక దూరం తప్పనిసరి.
పాఠశాల గేటు వద్ద థర్మల్ స్క్రీనింగ్ ఉంటుంది.




కంటెయిన్‌మెంట్ జోన్‌లో లేని పాఠశాలలను మాత్రమే తెరవడానికి అనుమతి ఉంది
కంటైన్‌మెంట్ జోన్‌లో నివసించే ఉపాధ్యాయులు, ఉద్యోగులు మరియు విద్యార్థులకు కూడా ప్రవేశం లేదు.
పాఠశాలకు వెళ్లే విద్యార్థులు, ఉపాధ్యాయులు మరియు సిబ్బందిని కంటెయిన్‌మెంట్ జోన్ ప్రాంతాలను సందర్శించడానికి అనుమతించరు.
ప్రభుత్వ నిబంధనల ప్రకారం, కంటైన్‌మెంట్ జోన్ వెలుపల ఉన్న పాఠశాలలు మరియు కళాశాలలు మాత్రమే పనిచేయడానికి అనుమతించబడతాయి.
వృద్ధులు, గర్భిణీ స్త్రీలు, అనారోగ్యంతో బాధపడుతున్న వ్యక్తులతో సహా అధిక ప్రమాదం ఉన్న ఉద్యోగులను పాఠశాలలకు రమ్మని బలవంత పెట్టరాదు.
పాఠశాలలో పిల్లలు పుస్తకాలు, పెన్ మరియు పెన్సిల్ వంటి వాటిని ఒకరితో మరొకరు పంచుకోకూడదు. ఇందుకోసం ఉపాధ్యాయులు ప్రత్యేక శ్రద్ధ తీసుకోవాలి.



ఇక ఆగస్టు 29 న కేంద్ర ప్రభుత్వం జారీ చేసిన అన్‌లాక్ -4 మార్గదర్శకాల ప్రకారం సెప్టెంబర్ 21 నుంచి మత, సామాజిక, రాజకీయ, క్రీడలు, వినోదాలకు సంబంధించిన కార్యక్రమాలను నిర్వహించవచ్చు. అందులో వ్యక్తుల సంఖ్య పరిమితం అయినప్పటికీ. కేంద్రం జారీ చేసిన అన్‌లాక్ మార్గదర్శకాలను రాష్ట్రాల్లో అమలు చెయ్యాలి.

అన్‌లాక్ 4.0 సెప్టెంబర్ 21 నుంచి మత, సామాజిక, రాజకీయ, క్రీడలు మరియు వినోదాలకు సంబంధించిన కార్యక్రమాలను నిర్వహించుకోవచ్చు. అయితే, ఇందులో 100 మందికి మించరాదు. వివాహ వేడుకలో 50 మందికి మరియు అంత్యక్రియలకు 20 మందికి మాత్రమే ఇప్పటివరకు అనుమతులు ఇచ్చింది కేంద్రం. అయితే, సెప్టెంబర్ 21వ తేదీ నుంచి 100 మంది వరకు వివాహ వేడుకలో మరియు అంత్యక్రియలకు హాజరుకావచ్చు.

READ  క్లాస్ రూంలో యాసిడ్ బాటిల్స్ : విద్యార్ధులకు గాయాలు  




కంటైన్‌మెంట్ జోన్‌లలో సడలింపు లేదు. లాక్‌డౌన్ మునుపటిలా కంటెయిన్‌మెంట్ జోన్‌లో ఉంటుంది. సెప్టెంబర్ 30 నాటికి, కంటైన్‌మెంట్ జోన్‌లో ఎటువంటి రాయితీ ఇవ్వలేదు. అన్లాక్ -4 కోసం హోం వ్యవహారాల మంత్రిత్వ శాఖ జారీ చేసిన మార్గదర్శకాలను రాష్ట్ర ప్రభుత్వాలు మార్చలేవు. కేంద్ర ప్రభుత్వాన్ని సంప్రదించకుండా రాష్ట్ర లేదా కేంద్రపాలిత కంటెయిన్‌మెంట్ జోన్ వెలుపల కొత్త ఆంక్షలు విధించలేమని హోంమంత్రిత్వ శాఖ ఆదేశంలో స్పష్టంగా వ్రాయబడింది.

Related Posts