AB de Villiers: ఐపీఎల్‌ రీఎంట్రీపై ఏబీ డివిలియర్స్‌ క్లారిటీ.. కోహ్లీ అప్పుడే చెప్పాడుగా..!

AB de Villiers : ఐపీఎల్ అభిమానులకు గుడ్‌న్యూస్.. దక్షిణాఫ్రికా లెజండరీ ప్లేయర్ ఏబీ డివిలియర్స్ రీఎంట్రీ ఇవ్వనున్నాడు. అతడి ఐపీఎల్‌ రీ ఎంట్రీపై కొద్ది రోజులుగా ప్రచారం జరుగుతోంది. అదే విషయంపై తాజాగా వీయూ స్పోర్ట్స్‌కు ఇచ్చిన ఇంటర్వ్యూలో ఏబీడీ క్లారిటీ ఇచ్చాడు.

వచ్చే ఐపీఎల్‌ సీజన్‌ 2023లో తాను ఆడతానని డివిలియర్స్ తెలిపాడు. ఆర్సీబీతో తన జర్నీ కొనసాగిస్తానని అన్నాడు. జట్టులో క్రికెటర్‌గా ఎంట్రీ ఇస్తాడా లేదా అనేది మాత్రం క్లారిటీ ఇవ్వలేదు. ఏజ్ దృష్ట్యా డివిలియర్స్ జట్టులో ఆటగాడిగా దిగే అవకాశాలు లేవని చెప్పాలి.

Ab De Villiers Confirms Return To Rcb In Ipl 2023, Says ‘glad Virat Kohli Said It’

అయితే అతడు కోచ్‌గా లేదా మెంటార్‌గా బాధ్యతలు చేపట్టే అవకాశం ఉందని ఆర్సీబీ ఫ్యాన్స్ భావిస్తున్నారు. ఏబీడీ ఆర్సీబీ తరఫున రీ ఎంట్రీ ఇవ్వనున్నాడనే వార్త ఆర్సీబీ ఫ్యాన్స్ ఫుల్ ఖుషీ అయిపోతున్నారు. ఏబీడీ రీఎంట్రీపై విరాట్‌ కోహ్లి ఇదివరకే క్లూ ఇచ్చాడు.

2018లో అంతర్జాతీయ క్రికెట్‌కి డివిలియర్స్ గుడ్‌బై చెప్పేశాడు. 2011 సీజన్‌లో ఆర్సీబీతో ఆడిన ఏబీడీ.. 11 సీజన్ల పాటు జట్టుకు ప్రాతినిధ్యం వహించాడు. మూడు సీజన్లలో ఢిల్లీ డేర్‌ డెవిల్స్‌కు ఆడాడు. ఆర్సీబీ తరఫున 156 మ్యాచ్‌లు ఆడాడు. తన ఐపీఎల్ కెరీర్‌లో 2 సెంచరీలు, 37 హాఫ్ సెంచరీలతో 4491 పరుగులు సాధించాడు. 184 మ్యాచ్‌లు ఆడిన ఏబీడీ మొత్తం మీద 3 సెంచరీలు, 40 హాఫ్‌ సెంచరీలతో (స్ట్రయిక్‌ రేట్‌ 151.7) 5162 పరుగులు నమోదు చేశాడు.