WTC Final Ind vs NZ: ఎడతెరిపిలేకుండా వర్షం.. ఫైనల్ మ్యాచ్కు ఆటంకం..?
టెస్ట్ క్రికెట్ చరిత్రలో అతి పెద్ద మ్యాచ్గా భావిస్తోన్న ప్రపంచ టెస్ట్ ఛాంపియన్షిప్ ఫైనల్ సౌతాంప్టన్లో ఇవాళ(18 జూన్ 2021) మధ్యాహ్నం జరగాల్సి ఉండగా.. మ్యాచ్ ఆగే పరిస్థితి కనిపిస్తుంది. ఊహించినట్టే.. కోట్లాదిమంది అభిమానుల ఆశలపై వరుణుడు వర్షం కురిపించే అవకాశాలు ఎక్కువగా కనిపిస్తున్నాయి.
THE Test- టెస్ట్ క్రికెట్ చరిత్రలో అతి పెద్ద మ్యాచ్గా భావిస్తోన్న ప్రపంచ టెస్ట్ ఛాంపియన్షిప్ ఫైనల్ సౌతాంప్టన్లో ఇవాళ(18 జూన్ 2021) మధ్యాహ్నం జరగాల్సి ఉండగా.. మ్యాచ్ ఆగే పరిస్థితి కనిపిస్తుంది. ఊహించినట్టే.. కోట్లాదిమంది అభిమానుల ఆశలపై వరుణుడు వర్షం కురిపించే అవకాశాలు ఎక్కువగా కనిపిస్తున్నాయి. క్రికెట్ చరిత్రలో నిలిచిపోయే ఈ మ్యాచ్ ఫస్ట్ సెషన్ ఇప్పటికే రద్దు అయ్యింది.
రెండో సెషన్ కోసం ఎదురు చూస్తోండగా.. మోస్తరు నుంచి భారీ వర్షం కురిసే అవకాశాలే ఎక్కువగా ఉన్నాయని అంటున్నారు వాతావరణశాఖ నిపుణులు. దీంతో మ్యాచ్ సవ్యంగా సాగే పరిస్థితి లేదు. ఒకవేళ భారీ వర్షం కురవకపోయినా చిరుజల్లులు పదేపదే మ్యాచ్కు అంతరాయం కలిగించవచ్చు అంటున్నారు.
సౌతాంప్టన్లో శుక్రవారం 91% వర్షం పడేందుకు ఆస్కారం ఉందని, మధ్యాహ్నం 95%, సాయంత్రం 47%, అర్ధరాత్రి 16% వర్షం కురుస్తుందని చెబుతున్నారు. మ్యాచ్ జరిగే ఐదు రోజులు వరుణుడే టెస్ట్ మ్యాచ్ ఆడే అవకాశం కూడా ఉందంటున్నారు. వర్షం కారణంగా టాస్ కూడా మరింత ఆలస్యం కావచ్చు.
భారత్, న్యూజిలాండ్ జట్లు రెండూ కూడా చాలా బలంగా ఉండగా.. ఇరు జట్లలో ఛాంపియన్ ఆటగాళ్ల కొరత లేదు. టీమ్ ఇండియా తన ప్లేయింగ్ ఎలెవన్ ఇప్పటికే ప్రకటించింది. భారత ఇన్నింగ్స్ ప్రారంభించే బాధ్యత రోహిత్ శర్మ మరియు శుబ్మాన్ గిల్ చేతిలో ఉంటుంది. టీమ్ ఇండియా చాలా సమతుల్యంగా కనిపిస్తుంది. పూర్తి సామర్థ్యంతో ఆడితే మాత్రం భారత్కు టైటిల్ గెలవడం కష్టం కాదు. జట్టు బ్యాటింగ్ చాలా బలంగా ఉంది, రోహిత్ మరియు గిల్ తరువాత పుజారా, కోహ్లీ, రహానె, రిషబ్ పంత్, జడేజా మరియు అశ్విన్ ఉన్నారు. బౌలింగ్ విషయానికి వస్తే, పిచ్లో స్పిన్ సహాయం చేస్తే, అశ్విన్ మరియు జడేజా విద్వంసం చేయగలరు. షమీ, బుమ్రా మరియు ఇషాంత్ త్రయం కివీస్ ఆటగాళ్లను ముప్పు తిప్పలు పెట్టగలరు.
న్యూజిలాండ్ జట్టులో కూడా స్టార్ ప్లేయర్స్ ఉన్నారు. టామ్ లాథమ్, డెవాన్ కాన్వేతో ఇన్నింగ్స్ తెరిస్తే, అదే సమయంలో జట్టు బ్యాటింగ్ బాధ్యత కెప్టెన్ కేన్ విలియమ్సన్, రాస్ టేలర్ మరియు హెన్రీ నికోల్స్ చేతిలో ఉంటుంది. వికెట్ కీపర్గా బిజె వాట్లింగ్కు ఇది చివరి టెస్ట్ మ్యాచ్ కావచ్చు. న్యూజిల్యాండ్ జట్టు బౌలింగ్ దాడిని కూడా విస్మరించలేము. ట్రెంట్ బౌల్ట్, టిమ్ సౌతీ మరియు నీల్ వాగ్నెర్ ఖచ్చితంగా జట్టులో ఉంటారు. కోలిన్ డి గ్రాండ్హోమ్, కైల్ జామిసన్, మాట్ హెన్రీ మరియు అజాజ్ పటేల్లకు అవకాశం లభిస్తుంది.
టెస్ట్ క్రికెట్ చరిత్రలో 144సంవత్సరాల చరిత్రలో తొలిసారిగా, ఈ ఫైనల్ మ్యాచ్ గెలిచిన జట్టుకు ట్రోఫీ లభించడమే కాదు, ఈ జట్టుకు ప్రపంచంలోనే తొలి టెస్ట్ ఛాంపియన్గా నిలిచిన ఘనత కూడా లభిస్తుంది. ఛాంపియన్గా నిలిచిన జట్టుకు రూ.12కోట్ల ప్రైజ్ మనీ, రన్నరప్ జట్టుకు రూ.6కోట్లు ఇవ్వబడుతుంది.
ఫైనల్ మ్యాచ్ ఎలెవన్-
భారత జట్టు:
రోహిత్ శర్మ, శుబ్మాన్ గిల్, చేతేశ్వర్ పూజారా, విరాట్ కోహ్లీ (కెప్టెన్), అజింక్య రహానె, రిషబ్ పంత్ (డబ్ల్యుకె), రవీంద్ర జడేజా, ఆర్ అశ్విన్, ఇశాంత్ శర్మ, మొహద్. షమీ, జస్ప్రీత్ బుమ్రా.
న్యూజిలాండ్ జట్టు-
కేన్ విలియమ్సన్ (కెప్టెన్), డెవాన్ కాన్వే, టామ్ లాథమ్, రాస్ టేలర్, హెన్రీ నికోల్స్, బిజె వాట్లింగ్, ట్రెంట్ బౌల్ట్, నీల్ వాగ్నెర్, టిమ్ సౌతీ, కోలిన్ డి గ్రాండ్హోమ్, మాట్ హెన్రీ, కైల్ జేమ్సన్, టామ్ బ్లుండెల్, అజాజ్ పటేల్, విల్ యంగ్.
Good morning from Southampton. We are just over an hour away from the scheduled start of play but It continues to drizzle here. The match officials are on the field now. ☔ #WTC21 pic.twitter.com/Kl77pJIJLo
— BCCI (@BCCI) June 18, 2021