ప్రతీకారం తీరింది: 36పరుగుల తేడాతో గెలిచిన టీమిండియా

ప్రతీకారం తీరింది: 36పరుగుల తేడాతో గెలిచిన టీమిండియా

భారత్ విజృంభించింది. మూడు విభాగాల్లోనూ రాణించి అద్భుతహ అనిపించింది. ఆస్ట్రేలియా ముందు 341పరుగుల భారీ టార్గెట్ ఉంచి ఘోరంగా కట్టడి చేసింది. ఈ క్రమంలో శుభారంభాన్ని నమోదు చేసినా ఆసీస్ ఆల్ అవుట్ గా ముగించి 36పరుగుల తేడాతో పరాజయానికి గురైంది. ఫేసర్ షమీ 3వికెట్లు తీయగా, సైనీ, జడేజా, కుల్దీప్ తలో 2వికెట్లు పడగొట్టగా, బుమ్రా 1వికెట్ పడగొట్టారు.

టీమిండియా దూకుడు చూపించింది. తొలి వన్డే ఓటమికి అదే స్థాయిలో సమాధానం చెప్పాలని రెచ్చిపోయింది. ఆరంభం నుంచి దూకుడు ప్రదర్శించిన కోహ్లీ సేన ఆస్ట్రేలియాకు 341పరుగుల టార్గెట్ ఇచ్చింది. ఓపెనర్లు రోహిత్(42; 44బంతుల్లో 6ఫోర్లు).. ధావన్(96; 90బంతుల్లో 13ఫోర్లు, 1సిక్సు)లు చక్కటి ఆరంభాన్ని ఇచ్చారు.

సెంచరీకి ముందు ధావన్ అవుట్ అయినప్పటకీ కోహ్లీ(78; 76బంతుల్లో 6ఫోర్లు)తో రాహుల్(80; 52బంతుల్లో 6ఫోర్లు, 3సిక్సులు) స్కోరు బోర్డును పరుగులు పెట్టించారు. ఓ వైపు వికెట్లు పడుతున్నా రాహుల్.. దూకుడు తగ్గించలేదు. ఈ క్రమంలో శ్రేయాస్ అయ్యర్(7)తర్వాత దిగి 49.4వ బంతికి అలెక్స్ క్యారీ చేతిలో రనౌట్ గా వెనుదిరిగాడు.

మిగతా బ్యాట్స్‌మెన్ మనీశ్ పాండే(2), రవీంద్ర జడేజా(20), మొహమ్మద్ షమీ(1)పరుగులు చేయగలిగారు. రిచర్డ్‌సన్(2), ఆడం జంపా(3)వికెట్లు తీయగలిగారు. మూడో వన్డేను ఇరు జట్లు బెంగళూరులోని చిన్నస్వామి స్టేడియం వేదికగా ఆడనున్నాయి