IPL2021: ఐపీఎల్ సెకండాఫ్ చూసేందుకు ప్రేక్షకులకు అనుమతి

భారత క్రికెట్ నియంత్రణ మండలి సెప్టెంబర్ 15 బుధవారం నాడు బిగ్ ఇండియన్ ప్రీమియర్ లీగ్‌కు సంబంధించి ఒక పెద్ద ప్రకటన చేసింది.

10TV Telugu News

IPL 2021: భారత క్రికెట్ నియంత్రణ మండలి సెప్టెంబర్ 15 బుధవారం నాడు బిగ్ ఇండియన్ ప్రీమియర్ లీగ్‌కు సంబంధించి ఒక పెద్ద ప్రకటన చేసింది. క్రీడాకారులు స్టేడియంకు వెళ్లడం ద్వారా టోర్నమెంట్ 14వ సీజన్‌లో మిగిలిన మ్యాచ్‌లను ఆస్వాదించవచ్చని బోర్డు తెలియజేసింది.

ఐపిఎల్ 14వ సీజన్ మిగిలిన మ్యాచ్‌లు యూఏఈలో సెప్టెంబర్ 19వ తేదీ నుంచి ప్రారంభం అవుతున్నాయి. మొదటి మ్యాచ్ ఐదు సార్లు ఛాంపియన్ ముంబై ఇండియన్స్ మరియు చెన్నై సూపర్ కింగ్స్ మధ్య దుబాయ్ ఇంటర్నేషనల్ క్రికెట్ స్టేడియంలో మ్యాచ్ జరగనుంది. కరోనా కారణంగా రెండేళ్లుగా ఐపిఎల్ మ్యాచ్‌లో కోవిడ్ నిర్భందంలో సాగుతుండగా.. ప్రేక్షకులకు అనుమతి లేదు. ఈ సీజన్ రెండవ భాగంలో మాత్రం ప్రేక్షకులు స్టేడియానికి వెళ్లడానికి అనుమతి ఇస్తున్నారు అధికారులు.

సర్జికల్‌ మాస్కులే మంచివి, కరోనా వ్యాప్తికి చెక్

మ్యాచ్‌ను చూడాలనుకునే అభిమానులు ఇప్పుడు మ్యాచ్‌లను ఆస్వాదించవచ్చునని, సెప్టెంబర్ 16వ తేదీన గురువారం నుంచి టిక్కెట్ల అమ్మకం ప్రారంభం అవుతుందని బీసీసీఐ స్పష్టంచేసింది. ఐపీఎల్ అధికారిక వెబ్‌సైట్ ద్వారా www.iplt20.com. టికెట్లు బుక్ చేసుకునే సౌకర్యం కల్పిస్తోంది బీసీసీఐ. మ్యాచ్ సమయంలో, మ్యాచ్ చూడటానికి సాధారణ ప్రేక్షకులు స్టేడియానికి రావడానికి అనుమతించనున్నారు. అయితే, వ్యాక్సిన్ రెండు డోసులు వేయించుకున్న ప్రేక్షకులు మాత్రమే మ్యాచ్‌ను ఆస్వాదించగలరు.

అఫ్ఘానిస్తాన్‌కు చైనా సహాయంపై భారత్‌కు ఆందోళన అక్కర్లేదు -తాలిబాన్లు

ఈ ఏడాది టోర్నమెంట్ మార్చిలో ప్రారంభమైంది కానీ, బయో బబుల్‌లో ఆటగాళ్లకు కరోనా సోకినట్లు గుర్తించిన తర్వాత ఈ మ్యాచ్‌లను వాయిదా వేయాలని నిర్ణయించారు. ఈ క్రమంలోనే మిగిలిన మ్యాచ్‌లను 19 సెప్టెంబర్ నుండి అక్టోబర్ 15 వరకు, UAEలో మళ్లీ నిర్వహిస్తున్నారు. ఐపిఎల్ 14వ సీజన్‌లో మిగిలిన 31మ్యాచ్‌లు దుబాయ్, షార్జా మరియు అబుదాబిలో జరగనున్నాయి.

10TV Telugu News