బోల్ట్ కూతురిని దీవెనలతో ముంచెత్తుతున్న నెటిజన్లు
- Published By: Subhan Ali Shaik ,Published On : July 8, 2020 / 06:35 PM IST
సోషల్ మీడియా మొత్తం ఉస్సేన్ బోల్ట్ కూతురికి విషెస్ చెబుతుంది. ట్విట్టర్, ఇన్‌స్టాగ్రామ్‌లలో బోల్ట్ కూతురి క్యూట్ ఫొటోస్ నిండిపోయాయి. దాంతో పాటుగా ఒలింపియా లైట్నింగ్ బోల్ట్ అనే పర్ఫెక్ట్ పేరు పెట్టినట్లు ప్రకటించాడు బోల్ట్. ప్రపంచమంతా ఫ్యాన్స్ సంపాదించుకున్న బోల్ట్ గర్ల్ ఫ్రెండ్ కాసీ బెన్నెట్ పుట్టినరోజున కూతురి ఫొటోలను పంచుకున్నాడు.
ఇప్పుడు మేమిద్దరం కలిసి కొత్త చాప్టర్ మొదలుపెట్టాం. మా కూతురు ఒలింపియా లైట్నింగ్ బోల్ట్ తో భవిష్యత్ కలలు కంటున్నాం. కుటుంబం కోసం నేను మళ్లీ రాకింగ్ చేస్తానని ఇన్‌స్టాగ్రామ్ లో అన్నాడు.
ఈ పోస్టుపై సెరెనా విలియమ్స్ రెస్పాన్స్ ఇచ్చింది. ఎందుకంటే విలియమ్స్ కూతురు పేరుకు కూడా దగ్గరి పోలిక ఉంది. ఆమె రెండేళ్ల కూతురి పేరు అలెక్సిస్ ఒలింపియానే అని గుర్తు చేసింది. ఓసారి కరోనావైరస్ లాక్‌డౌన్ ఎత్తేశాక రెండు బేబి ఒలింపియాలు కలుసుకుంటారని.. వారి పవర్ దేనికా సరిరాదని చెప్పుకొచ్చింది.
