Categories
Hyderabad

సోషల్‌మీడియాలో వస్తున్న వార్తలు అవాస్తవం

సోషల్ మీడియాలో చేసే ప్రచారాన్ని నమ్మవద్దని తెలంగాణ రాష్ట్ర డీజీపీ మహేందర్‌రెడ్డి అన్నారు. రాష్ట్రవ్యాప్తంగా హోంగార్డుల నియామకాలు జరుగుతున్నాయంటూ సోషల్‌మీడియాలో వస్తున్న వార్తలు అవాస్తవమని స్పష్టం చేశారు.

సోషల్ మీడియాలో చేసే ప్రచారాన్ని నమ్మవద్దని తెలంగాణ రాష్ట్ర డీజీపీ మహేందర్‌రెడ్డి అన్నారు. రాష్ట్రవ్యాప్తంగా హోంగార్డుల నియామకాలు జరుగుతున్నాయంటూ సోషల్‌మీడియాలో వస్తున్న వార్తలు అవాస్తవమని స్పష్టం చేశారు. హోంగార్డుల నియామకాలకు సంబంధించి ఏదైనా షెడ్యూల్ ఉంటే ముందుగా ప్రింట్, ఎలక్ట్రానిక్ మీడియాలో ప్రకటిస్తామని, పోలీస్ అధికారిక వెబ్‌సైట్‌లో పొందుపరుస్తామని డీజీపీ ట్వీట్ చేశారు. సోషల్ మీడియాలో వస్తున్న తప్పుడు వార్తలు నమ్మి నిరుద్యోగులు మోసపోవద్దని సూచించారు.

హోం గార్డుల నియామకాలు జరుగుతున్నాయంటూ ఎవరో తప్పు డు వార్తలు ప్రచారం చేస్తున్నారని, ఆ వార్త ఫేక్ అని తొలుత హైదరాబాద్ పోలీస్ కమిషనర్ అంజనీకుమార్ ట్వీట్ చేశారు. దాన్ని కోట్ చేస్తూ డీజీపీ కూడా ట్వీట్ చేశారు. ఎవరైనా తాము ఉద్యోగాలు ఇప్పిస్తామని డబ్బులు అడిగితే పోలీసులకు ఫిర్యాదు చేయాలని విజ్ఞప్తి చేశారు.
 

Categories
Hyderabad

గ్రూప్-2 నియామకాలపై స్టే విధించిన హైకోర్టు

గ్రూప్-2 నియామకాలపై హైకోర్టు స్టే విధించింది. తదుపరి ఆదేశాలు వచ్చే వరకు నియామకాలు చేపట్టవద్దని టీఎస్ పీఎస్ సీని ఆదేశించింది.

గ్రూప్-2 నియామకాలపై హైకోర్టు స్టే విధించింది. తదుపరి ఆదేశాలు వచ్చే వరకు నియామకాలు చేపట్టవద్దని టీఎస్ పీఎస్ సీని ఆదేశించింది. గతంలో గ్రూప్-2 కేసులో హైకోర్టు డివిజన్ బెంచ్ ఇచ్చిన తీర్పును ధిక్కరిస్తూ టీఎస్ పీఎస్ సీ వ్యవహరించిందని గ్రూప్-2 అభ్యర్థులు హైకోర్టులో పిటిషన్ వేశారు. ఈ మేరకు వైట్నర్‌, ట్యాంపరింగ్‌, స్క్రాచింగ్‌ చేసిన అభ్యర్థులను సెలక్ట్‌ చేయొద్దని పిటిషన్‌లో పేర్కొన్నారు.

దీంతో గ్రూప్‌-2 పరీక్షల్లో అందుకు సంబంధించిన జవాబులు తీసివేసి మిగిలిన వారికి ఇంటర్య్వూలలో 1:2 ప్రకారం నియామకాలు జరపాలని హైకోర్టు డివిజన్‌ బెంచ్‌ వెల్లడించింది. ఇప్పుడు హైకోర్టు ఇచ్చిన ఆదేశాలు లెక్కచేయకుండా మళ్లీ అదే అభ్యర్థులను సెలక్ట్‌ చేసి ప్రొవిజనల్‌ లిస్ట్‌​ను ప్రకటించింది. దీన్ని సవాలు చేస్తూ ఫైనల్‌ లిస్టుకు సెలక్ట్‌ కాని అభ్యర్థులు హైకోర్టును ఆశ్రయించారు. 

దీనిపై విచారణ జరిపిన హైకోర్టు.. కౌంటర్‌ దాఖలు చేయాలని టీఎస్‌పీఎస్ సీని ఆదేశించింది. ఈ మేరకు తదుపరి ఆదేశాలు ఇచ్చేంత వరకు ఎలాంటి నియామకాలు చేపట్టరాదని తెలిపింది. తదుపరి విచారణను కోర్టు సోమవారానికి వాయిదా వేసింది.