Categories
National Political

నేను సారీ చెప్పా…మోడీ వీడియో క్లిప్ బయటపెడతా : రాహుల్

రేప్ ఇన్ ఇండియా అంటూ కాంగ్రెస్ ఎంపీ రాహుల్ గాంధీ గురువారం జార్ఖండ్ అసెంబ్లీ ఎన్నికల ప్రచారంలో చేసిన వ్యాఖ్యలపై ఇవాళ పార్లమెంట్ దద్దరిల్లింది. రాహుల్ క్షమాపణ చెప్పాలని బీజేపీ ఎంపీలు డిమాండ్ చేశారు. భారత మహిళ రేప్ చేయబడాలి అని చరిత్రలో మొదటిసారిగా ఓ నాయకుడు గట్టిగా పిలుపునిచ్చాడని,ఇదేనా దేశ ప్రజలకు రాహుల్ గాంధీ ఇచ్చే మెసేజ్ అంటూ తీవ్రస్థాయిలో ఫైర్ అయ్యారు కేంద్రమంత్రి స్మృతీ ఇరానీ. రాహుల్ క్షమాపణలకు బీజేపీ ఎంపీలు డిమాండ్ చేశారు. దీంతో సభ కొద్దిసేపు వాయిదా కూడా పడింది. 

అయితే తాను మాత్రం క్షమాపణ చెప్పే సమస్యే లేదంటున్నారు రాహుల్ గాంధీ. ఢిల్లీని రేప్ ల రాజధానిగా ప్రధాని మోడీ వ్యాఖ్యానించిన వీడియో క్లిప్ తన ఫోన్ లో ఉందని,అందరికీ కావాలంటే ట్విట్టర్ లో ఆ వీడియోను షేర్ చేస్తానని అన్నారు. కేవలం ఈశాన్య రాష్ట్రాల్లో జరుగుతున్న ఆందోళనల నుంచి అందరి అటెన్షన్ డైవర్ట్ చేసేందుకు తన వ్యాఖ్యలు బీజేపీ పెద్ద ఇష్యూగా మార్చిందని రాహుల్ అన్నారు. తాను మాత్రం క్షమాపణ చెప్పే ప్రశక్తే లేదన్నారు.

గురువారం జార్ఖండ్ ఎన్నికల ప్రచారంలో పాల్గొన్న రాహుల్ గాంధీ…నరేంద్రమోడీ మేక్ ఇన్ ఇండియా అని చెప్పారు.కానీ ఇప్పుడు మీరు ఎక్కడ చూసిన రేప్ ఇన్ ఇండియా కనిపిస్తోంది.ఉత్తరప్రదేశ్ లో బీజేపీ ఎమ్మెల్యే ఓ మహిళపై అత్యాచారం చేశాడు.ప్రధాని మోడీ దీనిపై మాట కూడా మాట్లాడలేదని రాహుల్ అన్న విషయం తెలిసిందే.

Categories
National

రాహుల్ “రేప్ ఇన్ ఇండియా” వ్యాఖ్యలపై దద్దరిల్లిన పార్లమెంట్

కాంగ్రెస్ ఎంపీ రాహుల్ గాంధీ చేసిన రేప్ ఇన్ ఇండియా వ్యాఖ్యలతో ఇవాళ లోక్ సభలో దుమారం చెలరేగింది. రాహుల్ గాంధీ క్షమాపణ చెప్పాలంటూ బీజేపీ ఎంపీలు డిమాండ్ చేశారు. భారత మహిళ రేప్ చేయబడాలి అని చరిత్రలో మొదటిసారిగా ఓ నాయకుడు గట్టిగా పిలుపునిచ్చాడని,ఇదేనా దేశ ప్రజలకు రాహుల్ గాంధీ ఇచ్చే మెసేజ్ అంటూ తీవ్రస్థాయిలో ఫైర్ అయ్యారు కేంద్రమంత్రి స్మృతీ ఇరానీ. రాహుల్ క్షమాపణలకు బీజేపీ ఎంపీలు డిమాండ్ చేశారు.

అయితే రాహుల్ వ్యాఖ్యలను డీఎంకే,కాంగ్రెస్ సమర్థించాయి. రాహుల్ వ్యాఖ్యల్లో తప్పేమీ లేదని డీఎంకే ఎంపీ కనిమోళి తెలిపారు. ప్రధాని మేక్ ఇన్ ఇండియా అని చెప్పారని,దాన్ని మేము గౌరవించామని,అయితే ఇప్పుడు దేశంలో జరగుతున్నది ఏంటీ అని కనిమోళి ప్రశ్నించారు. అదే రాహుల్ చెప్పాలనుకున్నాడని అన్నారు.

దురదృష్టవశాత్తూ మేక్ ఇన్ ఇండియా జరగడం లేదని, దేశంలోని మహిళలపై అత్యాచారాలు జరగుతున్నాయని ఆమె అన్నారు. ఇది ఆందోళన కలిగించే విషయమని కనిమోళి అన్నారు. అయితే సభలో అధికార,విపక్ష సభ్యుల మధ్య తీవ్ర వాగ్వాదం నెలకొనడంతో సభను 12వరకు వాయిదా వేశారు స్పీకర్. మరోవైపు రాజ్యసభలో రాహుల్ వ్యాఖ్యలు దుమారం రేపాయి. రాజ్యసభను కూడా స్పీకర్ వాయిదా వేశారు.

గురువారం జార్ఖండ్ ఎన్నికల ప్రచారంలో పాల్గొన్న రాహుల్ గాంధీ…నరేంద్రమోడీ మేక్ ఇన్ ఇండియా అని చెప్పారు.కానీ ఇప్పుడు మీరు ఎక్కడ చూసిన రేప్ ఇన్ ఇండియా కనిపిస్తోంది.ఉత్తరప్రదేశ్ లో బీజేపీ ఎమ్మెల్యే ఓ మహిళపై అత్యాచారం చేశాడు.ప్రధాని మోడీ దీనిపై మాట కూడా మాట్లాడలేదని రాహుల్ అన్న విషయం తెలిసిందే.

Categories
National Political

రాహుల్ “క్షమాపణ” : నేడు దేశవ్యాప్తంగా బీజేపీ ఆందోళనలు

రాఫెల్ డీల్ లో అసత్య ప్రచారం చేసిన కాంగ్రెస్ నాయకుడు రాహుల్ గాంధీ క్షమాపణలు చెప్పాలని డిమాండ్ చేస్తూ ఇవాళ(నవంబర్-16,2019)బీజేపీ దేశవ్యాప్తంగా ఆందోళనలు చేపడుతోంది. రాఫెల్ డీల్ లో కేంద్ర ప్రభుత్వానికి గురువారం సుప్రీంకోర్టు క్లీన్ చిట్ ఇచ్చిన విషయం తెలిసిందే.

 బీజేపీ దేశవ్యాప్తంగా ఆందోళనలలో భాగంగా ఇవాళ AICC ప్రధాన కార్యాలయం బయట కూడా ఆందోళనలు జరగనున్నాయి. లోక్ సభ ఎన్నికల ప్రచారంలో భాగంగా… రాఫెల్ డీల్‌లో అవినీతి జరిగిందనీ, ప్రధాని నరేంద్ర మోదీ చౌకీదార్ కాదనీ చోర్ అనీ రాహుల్ గాంధీ విమర్శలు చేశారు. అయితే గురువారం సుప్రీంకోర్టు రాహుల్ గాంధీ చేసిన చౌకీదార్ చోర్ వ్యాఖ్యల్ని తప్పుపట్టింది. రాఫెల్ డీల్‌లో కూడా ఎలాంటి అవినీతీ జరగలేదని ప్రభుత్వానికి క్లీన్ చిట్ ఇచ్చింది. దీంతో బీజేపీ శ్రేణులు స్వరాలు పెంచాయి. కాంగ్రెస్, రాహుల్ టార్గెట్‌గా ఆందోళనలకు పిలుపిచ్చాయి.

మొత్తంగా ప్రధాని నరేంద్ర మోడీ ఇమేజ్‌ను డ్యామేజ్ చెయ్యడానికే కాంగ్రెస్ అసత్య ప్రచారం చేసిందని బీజేపీ ఫైర్ అయ్యింది. ఎప్పుడైనా సాధారంణా ప్రతిపక్షాలు ఆందోళనలు చేస్తాయి. కానీ ఇప్పుడు అధికారపక్షమే ఆందోళనలు చేస్తోంది. మరి రాహుల్ క్షమాపణలు చెబుతారా లేక… ఆందోళనలు ఉద్ధృతం అవుతాయా అన్నది చూడాలి.

Categories
International Viral

భయపెట్టే పిల్లతో ఫ్యామిలీ…కస్టమర్లను అవమానించిన కేఫ్

న్యూజిలాండ్‌ కి చెందిన ఓ మహిళ ఫేస్ బుక్ లో పెట్టిన ఓ పోస్ట్ ఇప్పుడు సోషల్ మీడియాలో వైరల్ గా మారింది. ఒక కేఫ్ వర్కర్ తన రెండేళ్ల కుమార్తెను బిల్లుపై ‘భయపెట్టే పిల్లవాడిగా’ అభివర్ణించడంతో ఒక మహిళ తీవ్ర అసమ్మతిని వ్యక్తం చేసింది. 

న్యూజిలాండ్‌లోని క్రైస్ట్‌చర్చ్‌లోని కాఫీ సుప్రీంకు గత శనివారం కింబర్లీ స్జే అనే మహిళ తన కుటుంబసభ్యులతో కలిసి వెళ్లింది. కుబంంతో కలిసి ఎగ్స్,బన్ ఐటమ్స్ ని తినింది. అయితే ఆమెకు ఇచ్చిన బిల్లు చూసి ఆమె షాక్ అయింది. ఆ బిల్లుపై ఫ్యామిలీ విత్ ది టెర్రిఫైయింగ్ కిడ్(భయపెట్టే పిల్లతో ఫ్యామిలీ)అని ఓ లైన్ బిల్లుపై రాసి ఉంది. బిల్లులో టేబుల్ నంబర్‌ను ప్రస్తావించే బదులు, కేఫ్ వర్కర్ ఆ లైన్ టైప్ చేశాడు. ఈ బిల్లును కింబర్లీ తన ఫేస్ బుక్ పేజీలో షేర్ చేసింది. హే కాఫీ సుప్రీం… మీరు కాఫీ సుప్రీం వెల్లెస్ స్ట్రీట్‌లో మీ సిబ్బందికి కొంచెం మెరుగ్గా శిక్షణ ఇవ్వాలనుకోవచ్చు. భయంకరమైన పిల్లతో కుటుంబాన్ని అంటూ మా బిల్లుపై రాయడం,ఉద్దేశపూర్వకంగా మమ్మల్ని అధికంగా వసూలు చేయడం … చాలా బాగుంది అంటూ ఆమె ఆ బిల్లు ఫొటోనే పోస్ట్ చేసింది. 

ప్రతి వారాంతంలో తాను ఆ కేఫ్ కు వెళ్లేదానని,తన కుమార్తె ప్రవర్తనకు విషయానికొస్తే… తను మర్యాదపూర్వకంగా, స్నేహపూర్వకంగా ఉంటుందని కూడా కింబర్లీ చెప్పారు. తను ఎప్పుడూ భయపెట్టేదిగా లేదని, ఎలాంటి సమస్యలను కలిగించలేదని కింబర్లీ తన పోస్ట్‌లో తెలిపారు. తమ పట్ల చాలా అగౌరవంగా ప్రవర్తించారని ఆమె తెలిపారు. ఈ పోస్ట్ ఇప్పుడు సోషల్ మీడియాలో వైరల్ గా మారింది. దీంతో కాఫీ సుప్రీం యాజమాన్యం కింబర్లీకి క్షమాపణలు చెప్పింది.
 

Categories
National

సోనియా చచ్చిన ఎలుక…హర్యానా సీఎం క్షమాపణకు కాంగ్రెస్ డిమాండ్

కాంగ్రెస్ అధ్యక్షురాలు సోనియాగాంధీని చచ్చిన ఎలుకతో  పోల్చిన హర్యానా సీఎంపై కాంగ్రెస్ తీవ్రస్థాయిలో మండిపడుతోంది. సీఎం వ్యాఖ్యలను తీవ్రంగా ఖండిస్తున్నామని తెలిపింది. అభ్యంతరకర వ్యాఖ్యలు చేసిన సీఎం వెంటనే చెప్పాలని కాంగ్రెస్ డిమాండ్ చేసింది. బీజేపీ..మహిళల వ్యక్తిత్వానికి వ్యతిరేకమని చెప్పడానికి  సీఎం మనోహర్ లాల్ కట్టర్ చేసిన వ్యాఖ్యలే నిదర్శమని కాంగ్రెస్ విమర్శించింది.  బీజేపీ సీఎం చేసిన వ్యాఖ్యలు చాలా దిగజారుడుగా,అభ్యంతరకంగా మాత్రమే ఉండటమే కాకుండా బీజేపీ..మహిళల వ్యక్తిత్వానికి బీజేపీ వ్యతిరేకమని ఈ వ్యాఖ్యలను తెలియజేస్తున్నాయని కాంగ్రెస్ ట్వీట్ చేసింది.

ఆదివారం(అక్టోబర్-13,2019)హర్యానా ఎన్నికల ప్రచారంలో పాల్గొన్న సీఎం మనోహర్ లాల్ ఖట్టర్ మాట్లాడుతూ..లోక్ సభ ఎన్నికల తర్వాత కాంగ్రెస్ అధ్యక్ష పదవికి రాహుల్ గాంధీ రాజీనామా చేశారు. గాంధీ కుటుంబం నుంచి కాకుండా బయటివ్యక్తి కాంగ్రెస్ పగ్గలు చేపడతారని చెప్పారు. రాహుల్ నిర్ణయాన్ని మేము కూడా స్వాగతించారు. వారసత్వ రాజకీయాలకు ముగింపు పడుతుందనుకున్నాం.

అయితే కొత్త ప్రెసిడెంట్ కోసం దేశమంతా వెతుకులాడిన కాంగ్రెస్ నాయకులు మూడు నెలల తర్వాత సోనియా గాంధీని కాంగ్రెస్ చీఫ్ గా ఎన్నుకున్నారు. ఇదంతూ ఓ కొండను తవ్వి ఎలుకును పట్టినట్లు ఉంది. అది కూడా చచ్చిన ఎలుకను కాంగ్రెస్ నాయకులు పట్టుకున్నారంటూ ఖట్టర్ వ్యాఖ్యానించిన విషయం తెలిసిందే. ఆర్టికల్ 370రద్దు తర్వాత  కశ్మీరీ యువతుల విషయంలో కూడా ఖట్టర్ వివాదాస్పద వ్యాఖ్యలు చేసిన విషయం తెలిసిందే. హర్యానాలో 90 అసెంబ్లీ స్థానాలకు అక్టోబర్-21,2019న ఎన్నికలు జరుగనున్నాయి. అక్టోబర్ 24,2019న ఫలితాలు వెలువడనున్నాయి.

Categories
National

పాక్ గూఢచార సంస్థ నుంచి బీజేపీకి డబ్బులు

కాంగ్రెస్ సీనియర్ లీడర్,మధ్యప్రదేశ్ మాజీ సీఎం  దిగ్విజయ్ సింగ్ మరోసారి వివాదాస్పద వ్యాఖ్యలు చేశారు. పాకిస్తాన్ గూఢచార సంస్థ ISI నుంచి భజరంగ్ దళ్, భారతీయ జనతా పార్టీ నేతలు డబ్బులు తీసుకుంటున్నారని దిగ్విజయ్ ఆరోపించారు. దీనిపై అందరూ దృష్టిసారించాలని కోరారు. ముస్లింల కంటే ముస్లిమేతరులు ISI తరపున గూఢచారులుగా పనిచేస్తున్నారని డిగ్గీ రాజా ఆరోపించారు. ఈ విషయం అందరికీ అర్థం కావాల్సి ఉందన్నారు. టెర్రర్ ఫండింగ్‌ కేసు కింద భజరంగ్‌ దళ్‌ నేత బలరాం సింగ్‌ సహా ఐదుగురు వ్యక్తులను ఆగస్టు 21 ఎటీఎస్‌ అరెస్టు చేసిన విషయాన్ని కూడా ఈ సందర్భంగా డిగ్గీ రాజా ప్రస్తావించారు.  

దిగ్విజయ్ సింగ్ వ్యాఖ్యలపై మధ్యప్రదేశ్ మాజీ సీఎం, బీజేపీ సీనియర్ నాయకుడు శివరాజ్ సింగ్ చౌహాన్ మండిపడ్డారు. వార్తల్లో ఉండేందుకే దిగ్విజయ్ వివాదాస్పద ప్రకటనలు చేస్తున్నారని శివరాజ్ సింగ్ చౌహాన్ విమర్శించారు. కాంగ్రెస్ నాయకులందరూ పాక్ భాష మాట్లాడుతున్నారని ఆరోపించారు. బీజేపీ-ఆరెస్సెస్ దేశభక్తి ప్రపంచానికంతటికీ తెలుసున్నారు చౌహాన్.

దిగ్విజయ్ వ్యాఖ్యలు సిగ్గుచేటన్నారు బీజేపీ అధికార ప్రతినిధి సంబిత్ పాత్ర. దిగ్విజయ్ వ్యాఖ్యలను తీవ్రంగా ఖండిస్తున్నామన్నారు. ప్రధాని మోడీపై ద్వేషంతో పాక్ కు ఆక్సిజన్ ఇచ్చే వ్యాఖ్యలను కాంగ్రెస్ చేస్తోందని సంబిత్ ఆరోపించారు. కాంగ్రెస్ నాయకురాలు సోనియాగాంధీ దీనిపై క్షమాపణలు చెప్పాలని ఆయన డిమాండ్ చేశారు. అయితే బీజేపీపై డిగ్గీ రాజా ఈ తరహా ఆరోపణలు, విమర్శలు గుప్పించడం ఇదే మొదటి సారి కాదు. గతంలో కూడా ఆయన ఈ తరహా ఆరోపణలు చేసిన విషయం తెలిసిందే.

Categories
National

క్షమాపణ చెప్పాల్సిందే : ప్రియాంక విడుదలకు సుప్రీం ఆదేశం

వెస్ట్ బెంగాల్ సీఎం మమతా బెనర్జీ మార్ఫింగ్ ఫొటోను సోషల్ మీడియా పోస్ట్ చేసి మే-10,2019న అరెస్ట్ అయిన బీజేపీ కార్యకర్త ప్రియాంకశర్మను వెంటనే విడుదల చేయాలని మంగళవారం(మే-14,2019) సుప్రీంకోర్టు ఆదేశించింది. శర్మ విడుదల విషయంలో ఇంతకుముందు ఇచ్చిన ఆర్డర్ లో మార్పులు చేసిన జస్టిస్ ఇందిరా బెనర్జీ,జస్టిస్ సంజీవ్ ఖన్నాలతో కూడిన ధర్మాసనం ఈ ఆదేశాలు జారీ చేసింది.అయితే క్షమాపణలు చెప్పాలన్న కండీషన్ పై ఆమె రిలీజ్ కు ఆదేశాలిచ్చింది.

మంగళవారం కోర్టులో వాదనల సందర్భంగా శర్మ తరపు న్యాయవాది నీరజ్ కిషన్ కౌశల్ మాట్లాడుతూ అరెస్ట్ అయ్యే ముందు శర్మ ఆ ఫొటోను డిలీట్ చేసిందని,అయితే ఆ ఫొటో వైరల్ గా మారిందని,శర్మఒక్కటే ఆ ఫొటోను షేర్ చేయలేదని తెలిపారు.శర్మ అరెస్ట్ ఆమె రాజ్యాంగ హక్కుల ఉల్లంఘనేనన్నారు. శర్మకు కేంద్రహోంశాఖ మంత్రి రాజ్ నాథ్ సహా,పలువురు బీజేపీ నేతలు మద్దుతు పలికారు. హౌరా జిల్లా క్లబ్ భారతీయ జనతా యువ మోర్చా సెల్ కన్వీర్ గా శర్మ ఉన్నారు.
 

Categories
National

కాంగ్రెస్ నేతపై రాహుల్ ఫైర్ : దేశానికి క్షమాపణ చెప్పాల్సిందే

1984 సిక్కు అల్లర్ల గురించి కాంగ్రెస్ నాయకుడు శామ్ పిట్రోడా చేసిన వ్యాఖ్యలు పూర్తిగా తప్పు అని కాంగ్రెస్ అధ్యక్షుడు రాహుల్ గాంధీ అన్నారు. ఆయన తన వ్యాఖ్యలకు గాను దేశానికి క్షమాపణ చెప్పాలని అన్నారు.లోక్ సభ ఎన్నికల ప్రచారంలో భాగంగా సోమవారం(మే-13,2019)పంజాబ్ లోని ఫతేఘర్ సాహిబ్ లో నిర్వహించిన ర్యాలీలో రాహుల్ మాట్లాడుతూ….తాను పోన్ లో కూడా పిట్రోడాకు ఇదే విషయం చెప్పానని అన్నారు.ఆయన తన వ్యాఖ్యలకు సిగ్గుపడాలని,బహిరంగ క్షమాపణ చెప్పాలని రాహుల్ అన్నారు. సిక్కు అల్లర్ల నిందుతులు శిక్ష అనుభవించాల్సిందేనని రాహుల్ అన్నారు.

సిక్కుల ఉచకోతకు సంబంధించి కాంగ్రెస్ పార్టీ ఓవర్సీస్ ఇంచార్జ్ అయిన శ్యామ్ పిట్రోడా చేసిన వ్యాఖ్యలు పెద్ద దుమారాన్ని రేపిన విషయం తెలిసిందే.1984 లో జరిగిన సిక్కుల ఉచకోత ఆదేశాలు అప్పటి ప్రధానిగాఉన్న రాజీవ్ గాంధీ కార్యాలయం నుండే వచ్చాయని బీజేపీ నేతలు చేసిన వ్యాఖ్యలపై ఓ ప్రయివేట్ చానల్ కు ఇచ్చిన ఇంటర్యూలో శ్యామ్ పింట్రోడా మట్లాడుతూ… అప్పుడేం జరిగింది? ఆ విషయాన్ని పక్కనబెట్టి ఈ ఐదేళ్లలో ఏం జరిగిందో దాని గురించి మాట్లాడండి. 1984లో జరిగిందేదో జరిగిపోయింది. అయితే ఇప్పుడేంటి?అని మాట్లాడారు.శ్యామ్ వ్యాఖ్యలను కాంగ్రెస్ కూడా తప్పుబట్టిన విషయం తెలిసిందే.ఆ వ్యాఖ్యలతో పార్టీతో ఎలాంటి సంబంధం లేదని,ఆ వ్యాఖ్యలు ఆయన వ్యక్తిగతమని తెలిపింది.

Categories
National

సుప్రీంకి రాహుల్ బేషరతుగా క్షమాపణ

రఫేల్‌ కేసుకు సంబంధించి చౌకీదార్ చోర్ హై అని అని సుప్రీం కోర్టు చెప్పిందని గతంలో తాను చేసిన వ్యాఖ్యలపై కాంగ్రెస్‌ అధ్యక్షుడు రాహుల్‌ గాంధీ సుప్రీం కోర్టుకు క్షమాపణ చెప్పారు. రాఫెల్ డీల్ లో తన వ్యాఖ్యల పట్ల కోర్టుకు భేషరతు క్షమాపణ కోరుతూ బుధవారం(మే-8,2019)ఆయన మూడు పేజీల అఫిడవిట్‌ దాఖలు చేశారు.గౌరవ న్యాయస్ధానానికి తాను అన్యాపదేశంగా తన ఉద్దేశాన్ని ఆపాదించినందుకు బేషరతుగా క్షమాపణలు చెబుతున్నానని, తాను ఉద్దేశపూర్వకంగా ఈ వ్యాఖ్యలు చేయలేదని అఫిడవిట్‌ లో రాహుల్‌ తెలిపారు తనపై బీజేపీ ఎంపీ మీనాక్షి లేఖి దాఖలు చేసిన కోర్టు ధిక్కార పిటిషన్‌ ను కొట్టివేయాలని రాహుల్ విజ్ఞప్తి చేశారు. దీనిపై శుక్రవారం విచారణ చేపడతామని సుప్రీం కోర్టు స్పష్టం చేసింది.

రఫేల్‌ ఒప్పందంలో చౌకీదారే దొంగ అంటూ సుప్రీం కోర్టు స్పష్టం చేసిందని రాహుల్‌ చేసిన వ్యాఖ్యలు కోర్టు ధిక్కరణ కిందకు వస్తాయని బీజేపీ నేత మీనాక్షి లేఖి సర్వోన్నత న్యాయస్ధానంలో పిటిషన్‌ దాఖలు చేసిన సంగతి తెలిసిందే.
 

Categories
National

జలియన్ వాలాబాగ్ ఘటనకు 100ఏళ్లు : స్మారక నాణెం,పోస్టల్ స్టాంప్ విడుదల

వందలాది మంది అమాయక భారతీయులు బ్రిటీష్ సైన్యం చేతిలో ప్రాణాలు కోల్పోయిన  జ‌లియ‌న్ వాలాబాగ్ ఘ‌ట‌న‌కు శనివారం వందేళ్లు నిండాయి.

వందలాది మంది అమాయక భారతీయులు బ్రిటీష్ సైన్యం చేతిలో ప్రాణాలు కోల్పోయిన  జ‌లియ‌న్ వాలాబాగ్ ఘ‌ట‌న‌కు శనివారం(ఏప్రిల్-13,32019)వందేళ్లు నిండాయి. ఈ సందర్భంగా అమరవీరులకు రాష్ట్రపతి రామ్ నాధ్ కోవింద్,ప్రధానమంత్రి నరేంద్రమోడీ,కాంగ్రెస్ అధ్యక్షుడు రాహుల్ గాంధీ తదితరులు నివాళులర్పించారు. అమరవీరుల త్యాగాలను భారత్ ఎప్పటికీ మర్చిపోదని కోవింద్ అన్నారు.అమరులు గర్వపడే భారత్ నిర్మాణంలో ఇంకా ఎక్కువ కష్టపడి పనిచేసేందుకు వారి త్యాగాలు తమకు స్పూర్తి అని ప్రధాని మోడీ అన్నారు. 
Read Also : వాడెవడండీ బాబూ : ఆ సీమ పోలింగ్ బూతుల్లో మంత్రించిన ఆవాలు

పంజాబ్ సీఎం అమరీందర్ సింగ్,మంత్రి నవజ్యోత్ సింగ్ సిద్దూలతో కలిసి కాంగ్రెస్ అధ్యక్షుడు రాహుల్ గాంధీఅమృత్‌స‌ర్‌లో ఉన్న జ‌లియ‌న్ వాలాబాగ్ స్మార‌కం దగ్గర నివాళులర్పించారు.అమృత్‌స‌ర్‌లో ఉన్న జ‌లియ‌న్ వాలాబాగ్ స్మార‌కం దగ్గర పలువురు ప్రముఖులు,పెద్ద సంఖ్యలో ప్రజలు అమరులకు నివాళులు అర్పిస్తున్నారు.ఉపరాష్ట్రపతి వెంకయ్యనాయుడు జలియన్ వాలాబాగ్ మెమోరియల్ ను సందర్శించి అమరులకు నివాళులర్పించారు.క్రూరఘటనకు 100ఏళ్లు సందర్భంగా 100రూపాయల స్మారక కాయిన్ ను,స్మారక పోస్టల్ స్టాంప్ లను విడుదల చేశారు.

బ్రిటీష్ హై క‌మిష‌న‌ర్ స‌ర్ డామినిక్ అస్క్విత్ కూడా జలియన్ వాలాబాగ్ స్మారకం దగ్గర పుష్ప‌గుచ్ఛం ఉంచి నివాళి అర్పించారు. స్మార‌కం వ‌ద్ద ఉన్న విజిట‌ర్స్ బుక్‌ లో కూడా ఆయ‌న సంత‌కం చేశారు. శుక్రవారం రాత్రి కూడా పెద్ద సంఖ్యలో స్థానికులు,పర్యాటకులు,విద్యార్థులు అమృత్ సర్ లో క్యాండిల్ లైట్ కార్యక్రమాన్ని నిర్వహించారు.
Read Also : Be Alert : మీ 2G.. PoS మిషన్స్ Upgrade చేయండి

బ్రిటీష్ ప్రభుత్వం తీసుకొచ్చిన రౌలత్ చట్టానికి వ్యతిరేకంగా 1919 ఏప్రిల్-13న జ‌లియ‌న్‌ వాలాబాగ్‌ లో శాంతియుతంగా నిరసన చేస్తున్న భారతీయులపై జ‌న‌ర‌ల్ డ‌య్య‌ర్ అత్యంత క్రూరంగా కాల్పుల‌కు ఆదేశించాడు. ఆ కాల్పుల్లో సుమారు వెయ్యి మందికిపైగా  మ‌ర‌ణించారు. చనిపోయినవారిలో చిన్నారులు కూడా ఉన్నారు.బ్రిటీష్ ఆక్రమణకు వ్యతిరేకంగా భారతదేశ స్వాతంత్ర్య పోరాటంలో జలియన్ వాలాబాగ్ క్రూర ఘటన ఓ చీకటి అధ్యాయంగా ఉండిపోతుంది. జ‌లియ‌న్‌ వాలాబాగ్ ఘ‌ట‌న భార‌త్‌, బ్రిటీష్ చ‌రిత్ర‌లో మాయ‌ని మ‌చ్చ అని రెండు రోజుల క్రితం బ్రిటీష్ ప్ర‌ధాని థెరిసా మే తెలిపారు. 1997లోనూ క్వీన్ ఎలిజ‌బెత్ జ‌లియ‌న్‌ వాలాబాగ్‌ ను విజిట్ చేసి నివాళి అర్పించారు. అయితే వందేళ్లు గడుస్తున్నా ఇప్పటివరకు జలియన్ వాలాబాగ్ ఘటనపై బ్రిటన్ అధికారికంగా భారత్ కు క్షమాపణ చెప్పలేదు.

Read Also : కొంప, కుటుంబం వద్దా రా : 12 గంటల డ్యూటీ చేసిన చైనా కంపెనీలు