Categories
Education and Job

ఏపీ అటవీశాఖలో FBO పోస్టులు..

ఏపీ అట‌వీశాఖలో ఫారెస్ట్ బీట్ ఆఫీసర్ (FBO), అసిస్టెంట్ బీట్ ఆఫీసర్ (ABO) పోస్టుల భర్తీకి ఆంధ్రప్రదేశ్ ప‌బ్లిక్ స‌ర్వీస్ క‌మిష‌న్ (APPSC) ఫిబ్రవరి 12న నోటిఫికేషన్ విడుదల చేసింది. మార్చి 3న ఆన్‌లైన్ దరఖాస్తు ప్రక్రియ ప్రారంభం కానుంది. అభ్యర్థులు మార్చి 26లోగా పరీక్ష ఫీజు చెల్లించాలి. మార్చి 27 దరఖాస్తుకు చివరితేది. 

రెండంచెల రాతపరీక్ష (స్క్రీనింగ్, మెయిన్) ద్వారా అభ్యర్థులను ఎంపికచేస్తారు. స్క్రీనింగ్ పరీక్షను మే 26న, మెయిన్ పరీక్షను ఆగస్టు నెలలో నిర్వహించనున్నారు. మెయిన్ పరీక్షను ఆన్‌లైన్ విధానంలో నిర్వహిస్తుండగా.. స్క్రీనింగ్ పరీక్షను ఆఫ్‌లైన్ ద్వారా నిర్వహించనున్నారు. ఒకవేళ స్క్రీనింగ్ పరీక్ష రాసే అభ్యర్థుల సంఖ్య 25 వేలలోపు ఉంటే.. వారికి కూడా ఆన్‌‌లైన్ విధానంలోనే పరీక్ష నిర్వహించనున్నారు. 

* పోస్టుల వివరాలు..

                        పోస్టులు           పోస్టుల సంఖ్య
ఫారెస్ట్‌ బీట్‌ ఆఫీసర్                  330
అసిస్టెంట్‌ బీట్‌ ఆఫీసర్                100
మొత్తం పోస్టులు (పాతవి 26 + కొత్తవి 404)                430

 

* అర్హత‌: 
ఇంట‌ర్ విద్యార్హత ఉండాలి. నిర్దిష్ట శారీర‌క ప్రమాణాలు త‌ప్పనిస‌రిగా కలిగి ఉండాలి. 

* వ‌య‌సు:
01.07.2019 నాటికి 18 నుంచి 30 సంవత్సరాల మ‌ధ్య ఉండాలి.

* దరఖాస్తు ఫీజు: 
అభ్యర్థులు దరఖాస్తు ప్రాసెసింగ్ ఫీజు రూ.250, పరీక్ష ఫీజు రూ.80 చెల్లించాలి. SC, ST, BC, తెల్లరేషన్ కార్డుదారులకు, నిబంధనల ప్రకారం ఉన్న నిరుద్యోగులకు పరీక్ష ఫీజు   చెల్లించాల్సిన అవసరం లేదు. దరఖాస్తు ఫీజు మాత్రమే చెల్లిస్తే సరిపోతుంది. 

* దరఖాస్తు విధానం: ఆన్‌లైన్ ద్వారా. 

* ముఖ్యమైన తేదీలు..

ఆన్‌లైన్ దరఖాస్తు ప్రక్రియ ప్రారంభం     05.03.2019
ఫీజు చెల్లించడానికి చివరితేది     26.03.2019
దరఖాస్తుల సమర్పణకు చివరితేది      27.03.2019
స్క్రీనింగ్ పరీక్ష తేది      26.05.2019
మెయిన్ పరీక్ష తేది        ఆగస్టులో
Categories
Education and Job

ఏపీ పాలిటెక్నిక్ లెక్చరర్ పోస్టులకు ఆన్‌లైన్ దరఖాస్తు

ఏపీలోని పాలిటెక్నిక్ కళాశాలల్లో లెక్చరర్ పోస్టుల భర్తీకి జనవరిలో APPSC నోటిఫికేషన్ విడుదల చేసిన సంగతి తెలిసిందే. ఈ నోటిఫికేషన్ ద్వారా మొత్తం 405 పాలిటెక్నికల్ లెక్చరర్ పోస్టులను భర్తీ చేయనున్నారు. వీటిలో 95 క్యారీ ఫార్వర్డ్ పోస్టులు, 310 కొత్త పోస్టులు ఉన్నాయి. అయితే ఈ పోస్టుల దరఖాస్తు ప్రక్రియ ఫిబ్రవరి 6న ప్రారంభమైంది. అభ్యర్థులు ఫిబ్రవరి 6 నుంచి 27 వరకు ఆన్‌లైన్ ద్వారా దరఖాస్తు చేసుకోవాల్సి ఉంటుంది.

 

అర్హులు:
– సంబంధిత విభాగంలో బ్యాచీలర్ డిగ్రీ (ఇంజినీరింగ్/ టెక్నాలజీ) ఉండి.. 18 నుంచి 42 సంవత్సరాల మధ్య వయసు ఉన్న అభ్యర్థులు ఈ పోస్టులకు దరఖాస్తు చేసుకోవడానికి అర్హులు. 
– ఫీజు చెల్లించడానికి చివరితేది ఫిబ్రవరి 26
– దరఖాస్తు చేసుకోయడానికి చివరితేది ఫిబ్రవరి 27
– ద‌ర‌ఖాస్తు ఫీజుగా రూ.250/- 
– పరీక్ష ఫీజుగా రూ.120 చెల్లించాల్సి ఉంటుంది.
– మొదటి దశలో ప్రిలిమ్స్ పరీక్ష, రెండో దశలో మెయిన్ పరీక్ష నిర్వహిస్తారు.
– ప్రిలిమ్స్ పరీక్షలో ఉత్తీర్ణులైన అభ్యర్థులే మెయిన్ పరీక్ష రాయడానికి అర్హత సాధిస్తారు. మెయిన్ పరీక్షను ఆన్‌లైన్ విధానంలో నిర్వహిస్తుండగా.. ప్రిలిమ్స్ పరీక్షను మాత్రం అభ్యర్థుల సంఖ్యను బట్టి ఆన్‌లైన్ లేదా ఆఫ్‌లైన్ విధానంలో నిర్వహిస్తారు. అభ్యర్థుల సంఖ్య 25 వేలు దాటితే ఆఫ్‌లైన్ ద్వారా, దాటకపోతే ఆన్‌లైన్ ద్వారానే పరీక్ష నిర్వహించనున్నారు.