Categories
National Viral

చేతిలో లాఠీ మాత్రమే.. అయినా పోలీస్ ఎలా ఢిల్లీ గన్ మేన్‌కు ఎదురునిల్చాడంటే!

విద్యార్ధులపై లాఠీఛార్జీలు, యాంటీ సీఏఏ ప్రదర్శనకారులపై దుందుడు లాఠీఛార్జీలతో  ఢిల్లీ పోలీసులు మీద విమర్శలు ఎక్కువ. నిరసనకారులపై అచారకంగా ప్రవర్థిస్తారన్న చెడ్డపేరూ ఉంది. JNU విద్యార్ధులపై దాడులుచేసిన రౌడీలు తమ ముందునుంచి వెళ్తున్నా పట్టించుకోలేదన్న విమర్శలు పోలీసుల మీదున్నాయి.
police fire
సోమవారం మాత్రం, గగుర్పొడిచే వీడియో ఒకటి బైటకొచ్చింది. జఫ్రాబాద్ లో విచ్చలవిడిగా కాలుస్తున్న గన్ మేన్ ఎదురుగా నిల్చొన్నాడు ఢిల్లీ పోలీసు కానిస్టేబుల్. భయపడలేదు. ఆ సాయుధుని పేరు షారూఖ్. అప్పటిదాకా గాల్లోకి కాల్చుతూ తిరుగుతున్నాడు.
Sharif fire

ఈ వీడియాను దగ్గర్లోని బిల్డింగ్ మీద నుంచి షూట్ చేశారు. రెడ్ టీషర్ట్ వేసుకున్న సాయుధుడు గాల్లోకి చాలా రౌండ్స్ పేల్చాడు. riot gearలో ఉన్న పోలీసు ఎదురునిచ్చాడు. అతనికి తోడు ఎవరూ లేరు. గన్ మేన్ కుమాత్రం ఆరుగురు తోడున్నారు.

fire man

వాళ్లు రాళ్లు విసురుతూ, వెనక్కు వెళ్లిపోమ్మని పోలీసును హెచ్చరిస్తూనే ఉన్నారు. అయినా పోలీసుల బెదరలేదు. సాయుధుడి ముందుకెళ్లాడు. మరోసారి గాల్లోకి కాల్పులు. అక్కడితోనే వీడియో ఆగిపోయింది.
police fight

ప్రత్యక్షసాక్షులు చెప్పిందాని ప్రకారం, పోలీసుకు తోడుగా మరికొందరు వచ్చారు. సాయుధుడ్ని పట్టుకున్నారు.

మొదట ఈ గన్ మేన్ సి.ఏ.ఏ. అనుకూల వ్యక్తిగా ప్రచారం చేశారు. వ్యతిరేకుల మీద కాల్పులు సాగించడానికి అన్నారు. ఆ తర్వాత మరో వాదనా వినిపించింది. అసలు షారూఖ్ సి.ఏ.ఏ. వ్యతిరేక గుంపునుంచి బైటకొచ్చి కాల్పులు జరిపాడంట. అతన్ని అరెస్ట్ చేసి, ఆర్మ్స్ యాక్ట్ కింద కేసుపెట్టారు.

మంగళవారం నాటికి హెడ్ కానిస్టేబుల్ తోసహా ఏడుగురు చనిపోయారు. వందమంది గాయపడ్డారు. అందుకే చీఫ్ మినిస్టర్ అరవింద్ కేజ్రీవాల్ ఈ హింసాకాండను ఖండించారు. అమిత్ షాను కలసి, తక్షణం సమస్యను పరిష్కారించాల్సిందిగా కోరారు. ఆయన ఆధీనంలోనే కదా ఢిల్లీ పోలీసు విభాగం ఉండేది.

Gun man fires

మీటింగ్ తర్వాత కేజ్రీవాల్ కాన్ఫిడెంట్ గా కన్పించారు. అవసరమైన చోట్లకి పోలీసు బలగాలు వెళ్తాయని హోంమంత్రి చెప్పారని అన్నారు. అల్లర్లను అణచమని పోలీసులకు పైస్థాయి నుంచి ఆర్డర్స్ రాలేదని అందుకే వాళ్లేమీ చేయలేక పోతున్నారని అన్నారు. 
delhi cm

 

Categories
International National

ట్రంప్ టూర్ కేజ్రీకి అందని ఆహ్వానం : ఎవరిని పిలవాలో అమెరికా నిర్ణయిస్తుంది. 

అమెరికా అధ్యక్షుడు డొనాల్డ్ ట్రంప్ భారత పర్యటన సందర్భంగా ఆయన భార్య మెలానియా ట్రంప్ ఢిల్లీ ప్రభుత్వ స్కూలును సందర్శించనున్నారు. ఈ కార్యక్రమానికి ఢిల్లీ సీఎం అరవింద్ కేజ్రీవాల్, ఉప ముఖ్యమంత్రి మనీష్ సిసోడియాలకు ఆహ్వానం పంపకపోవడం వివాదానికి దారి తీసింది.

మెలానియా ట్రంప్ కార్యక్రమంలో కేజ్రీవాల్, మనీష్ సిసోడియాలు భాగస్వాములు అవుతారని వార్తలు వచ్చాయి. చివరి నిమిషంలో వారి పేర్లు లేకపోవడంపై ఆప్‌ మండిపడుతోంది. దురుద్దేశంతోనే సీఎం కేజ్రీవాల్ పేరును జాబితా నుంచి తొలగించారని కేంద్రంపై ఆగ్రహం వ్యక్తం చేసింది. 

ఢిల్లీలోని ప్రభుత్వ పాఠశాలలు కేజ్రీవాల్‌ ప్రభుత్వం కిందికి వస్తాయి. ఫిబ్రవరి 25న మెలానియా ట్రంప్ ఢిల్లీలోని ఓ ప్రభుత్వ స్కూలును సందర్శిస్తారు. హ్యాపినెస్‌ క్లాస్‌ను ఆమె ప్రత్యక్షంగా చూస్తారు. మెలానియా ట్రంప్‌ స్కూలు కార్యక్రమానికి ఆప్‌ నేతలను ఆహ్వానించకపోవడంపై వస్తున్న విమర్శలపై బీజేపీ స్పందించింది.

ఎవర్ని ఆహ్వానించాలన్నది అమెరికానే నిర్ణయిస్తుందని ఇందులో భారత ప్రభుత్వానికి ఎలాంటి జోక్యం లేదని బీజేపీ ప్రతినిథి సంబిత్‌ పాత్రా స్పష్టం చేశారు. అతిథులు భారత్‌కు వచ్చినపుడు రాజకీయాలు చేయడం సరికాదన్నారు. ఒకరినొకరు కీచులాడుకోవడం ద్వారా భారత్‌ను వివాదస్పదం చేయొద్దని సూచించారు సంబిత్‌ పాత్రా.

Read More : పాకిస్తాన్ పౌరసత్వం ఇవ్వాలంటున్న డారెన్ సామీ

Categories
National Political

ఓటు వేస్తేనేనా : ఢిల్లీ బీజేపీ మేనిఫెస్టో విడుదల…బుల్లెట్ రైలులా దేశరాజధానిలో అభివృద్ధి

ఫిబ్రవరి-8న జరుగనున్న ఢిల్లీ అసెంబ్లీ ఎన్నికలకు సంబంధించి బీజేపీ తన మేనిఫెస్టోను విడుదల చేసింది. ఇవాళ(జనవరి-31,2020)ఢిల్లీలో కేంద్రమంత్రలు నితిన్ గడ్కరీ, ప్రకాష్ జావదేకర్, హర్షవర్థన్ ,ఢిల్లీ బీజేపీ చీఫ్ మనోజ్ తివారీ,రాజ్యసభ ఎంపీ విజయ్ గోయల్ ల సమక్షంలో బీజేపీ మెనిఫెస్టో విడుదల కార్యక్రమం జరిగింది.

ఈ సందర్భంగా గడ్కరీ మీడియాతో మాట్లాడుతూ…దేశరాజధానిలో అభివృద్ధిని బుల్లెట్ రైలులా పరుగులు పెట్టిస్తామని అన్నారు. ఢిల్లీలో బీజేపీ అధికారంలోకి వస్తే కేంద్రప్రభుత్వ జల్ జీవన్ మిషన్ కింద ఢిల్లీలోని ప్రతి ఇంటికి స్వచ్ఛమైన త్రాగునీరు అందిస్తామని తెలిపారు.  ఎయిర్ పోల్యూషన్ డీల్ చేయడం కోసం 55వేల కోట్లు కేటాయిస్తామన్నారు.

కేంద్రప్రభుత్వ ప్రతిష్ఠాత్మక పథకాలైన ఆయుష్మాన్ భారత్,కిసాన్ సమ్మాన్ నిధి పధకాలను ఢిల్లీలో అమలుచేస్తామని ఢిల్లీ బీజేపీ చీఫ్ మనోజ్ తివారీ తెలిపారు. కాలేజీ విద్యార్థినులకు ఉచిత ఎలక్ట్రిక్ స్కూటీలు,స్కూల్ కు వెళ్లే 9,10వ తరగతి విద్యార్థినులకు సైకిళ్లు ఇస్తామని తెలిపారు. ఢిల్లీలో ఎరికైనా ఆడపిల్ల పుడితే ఆ అమ్మాయి పేరుతో బ్యాంక్ అకౌంట్ ప్రారంభించి ఆ అమ్మాయికి 21సంవత్సరాలు వచ్చేటప్పటికీ ఆ అమ్మాయికి రూ.2లక్షలు వస్తాయని తివారీ తెలిపారు. వ్యాపారాలకు తీవ్రమైన సమస్యగా మారిన సీలింగ్ ప్రాబ్లంకు శాశ్వత పరిష్కారం చూపిస్తామని తెలిపారు.అద్దె నివాసాల్లో ఉంటున్నవారి రక్షణకు బీజేపీ కట్టుబడి ఉందన్నారు. కొత్త కాలనీ డెవలప్ మెంట్ బోర్టు ఏర్పాటు చేసి కొత్త కాలనీల అభివృద్ధి చేయడం జరుగుతుందని అన్నారు. 

మరోవైపు బీజేపీ మేనిఫెస్టోపై ఢిల్లీ సీఎం,ఆప్ అధినేత అరవింద్ కేజ్రీవాల్ సెటైర్లు వేశారు. ఢిల్లీ ప్రజలను బీజేపీ మేనిఫెస్టో పట్ల అప్రమత్తంగా ఉండాలని హెచ్చరించారు. బీజేపీకి ఓటు వేయకపోతే ఉచిత కరెంట్,ఉచిత బస్ రైడ్,ఉచిత రక్షిత మంచినీరు ఢిల్లీ వాసులకు ఇవ్వబోమని బీజేపీ మేనిఫెస్టో నిరూపించిందని,బీజేపీకి ఓటు వేస్తేనే ఇవన్నీ ఇస్తామని చెబుతోందని కావున అందరూ ఆలోచించి ఓటు వెయ్యాలని ఓటర్లకు పిలుపునిస్తూ కేజ్రీవాల్ ట్వీట్ చేశారు.

Categories
National Political

ఢిల్లీలో హీటెక్కిన అసెంబ్లీ ఎన్నికల ప్రచారం

ఢిల్లీ అసెంబ్లీ ఎన్నికల తేదీ   దగ్గర పడుతుండటంతో రాజకీయ పార్టీలు తమ ప్రచారాన్ని ముమ్మరం చేశాయి.  శుక్రవారం జనవరి 24న  కేంద్ర హోం మంత్రి అమిత్ షా ముస్తాఫాబాద్, కారావాల్ నగర్, గోకుల్‌పురి ప్రాంతాల్లో 3 బహిరంగ సభల్లో  ప్రసంగిస్తుండగా, పార్టీ అధ్యక్షుడు జేపీ నడ్డా  ఈస్ట్ ఢిల్లీలోని లక్ష్మీనగర్, విశ్వాస్ నగర్ ఏరియాల్లో బహిరంగ సభల్లో పాల్గోంటున్నారు. 

కాగా …..ఆమ్ ఆద్మీ పార్టీ చీఫ్, సీఎం కేజ్రీవాల్ ఢిల్లీలో పార్టీ అభ్యర్థుల తరఫున రోడ్‌షోలో పాల్గొని ప్రచారం చేయనున్నారు. ద్వారక అసెంబ్లీ నియోజకవర్గం అభ్యర్థి తరఫున ఉప ముఖ్యమంత్రి మనీష్ సిసిడోయా బహిరంగ సభలో పాల్గొంటారు. కాగా, ఢిల్లీ కాంగ్రెస్ నేతలు ఇందుకు భిన్నంగా ఇంటింటికితిరిగి  ప్రచారం చేస్తూ, బహిరంగ సభలకు ప్లాన్ చేస్తున్నారు.

ఢిల్లీలో సీఎం కేజ్రీవాల్‌పై బీజేపీ నుంచి యువమోర్చా అధ్యక్షుడు సునీల్ యాదవ్ పోటీ చేస్తున్నారు. ఢిల్లీ అసెంబ్లీలో మొత్తం 70 స్థానాలకు ఒకే దశలో పోలింగ్ జరగనుంది. ఫిబ్రవరి 8 పోలింగ్ జరగనుండగా.. ఫిబ్రవరి 11న ఫలితాలు వెల్లడిస్తారు.
 

Categories
National Political

6గంటలు క్యూలో ఉండి…నామినేషన్ ఫైల్ చేసిన కేజ్రీవాల్

ఢిల్లీ సీఎం, ఆమ్‌ ఆద్మీ పార్టీ అధినేత అరవింద్‌ కేజ్రీవాల్‌ ఇవాళ(జనవరి-21,2020)న్యూఢిల్లీ అసెంబ్లీ స్థానానికి నామినేషన్ ఫైల్ చేసేందుకు రిటర్నింగ్‌ ఆఫీసర్‌ కార్యాలయంలో 6 గంటలు వేచి ఉడాల్సి వచ్చింది. జామ్‌నగర్‌లోని రిటర్నింగ్‌ ఆఫీసర్‌ కార్యాలయంలో మంగళవారం సాయంత్రం 6:30 గంటలకు తన నామినేషన్‌ను కేజ్రీవాల్‌ దాఖలు చేశారు. అయితే మధ్యాహ్నం 3 గంటల వరకు ఎవరైతే రిటర్నింగ్‌ ఆఫీసర్‌ కార్యాలయానికి చేరుకుంటారో వారి నామినేషన్లను అధికారులు స్వీకరిస్తారు. ఈ వెసులుబాటుతో కేజ్రీవాల్‌ నామినేషన్‌ దాఖలుకు ఎలాంటి అంతరాయం కలగలేదు.

తన టోకెన్‌ నంబర్‌ 45.. నామినేషన్‌ దాఖలు చేసేందుకు వేచి ఉన్నానని కేజ్రీవాల్‌ మంగళవారం మధ్యాహ్నం 2:36 గంటలకు ట్వీట్‌ చేసిన విషయం తెలిసిందే. అయితే మంగళవారం నామినేషన్ల దాఖలుకు చివరిరోజు కావడంతో ఒక్క రోజే 100 మంది నామినేషన్లు దాఖలు చేసేందుకు రిటర్నింగ్‌ ఆఫీసర్‌ వద్దకు వచ్చారు. భారతీయ జనతా పార్టీ కావాలనే కేజ్రీవాల్‌ కంటే ముందు 45 మంది స్వతంత్ర అభ్యర్థులను నామినేషన్‌ దాఖలుకు లైన్లో నిల్చోబెట్టిందని ఆప్‌ ఆరోపించింది. బీజేపీ బ్లాక్‌ మెయిల్‌ రాజకీయాలు చేస్తుందని ఆప్‌ నాయకులు తీవ్ర ఆగ్రహం వ్యక్తం చేశారు. బీజేపీ ఎన్ని కుట్రలు చేసిన ఢిల్లీకి మళ్లీ కేజ్రీవాల్‌ సీఎం అవుతారని తేల్చిచెప్పారు.

అయితే కేజ్రీవాల్ సోమవారమే నామినేషన్ దాఖలు చేయాల్సి ఉండగా రోడ్ షో కారణంగా ఆయన సకాలంలో ఎలక్షన్ కార్యాలయానికి చేరుకోలేకపోయారు. దీంతో ఇవాళ ఆరు గంటలు వేచి నామినేషన్ ఫైల్ చేశారు. ఫిబ్రవరి-8,2020న ఢిల్లీ అసెంబ్లీ ఎన్నికలు జరుగనున్నాయి. 11న ఫలితాలు వెలువడనున్నాయి.

2015 ఢిల్లీ అసెంబ్లీ ఎన్నికల్లో కేజ్రీవాల్ నేతృత్వంలోని ఆప్ 67సీట్లతో క్లీన్ స్వీప్ చేసిన విషయం తెలిసిందే. ఈసారి కూడా 2015 రిపీట్ చేసేందుకు కేజ్రీవాల్ కొత్త వ్యూహాలు రచిస్తున్నారు. ఇప్పటికే ఎన్నికల వ్యూహకర్త ప్రశాంత్ కిషోర్ తో ఆప్ ఒప్పందం కుదుర్చుకుంది. మరోవైపు బీజేపీ కూడా ఢిల్లీ ఎన్నికలపై ఫుల్ సీరియస్ గా వర్క్ చేస్తుంది. ఇక కాంగ్రెస్ అయితే ఈ రేస్ లో వెనుకబడినట్లే చెప్పవచ్చు. ఏళ్ల పాటు ఢిల్లీని పాలించిన కాంగ్రెస్ కు నాయకత్వ లేమి గట్టిగా కన్పిస్తోంది.
 

Categories
National Political

ప్రీ పోల్ సర్వే…ఢిల్లీ ఎన్నికల్లో ఆప్ క్లీన్ స్వీప్..కమలం కకావికలం

దాదాపు రెండు దశాబ్దాల తర్వాత ఢిల్లీ సీఎం పీఠాన్ని దక్కించుకోవాలని వ్యూహాలు రచిస్తున్న బీజేపీకి ఢిల్లీ ఓటర్లు గట్టి షాక్ ఇచ్చేందుకు రెడీ అయినట్లు తెలుస్తోంది. ఫిబ్రవరి-8,2020న జరిగే ఢిల్లీ అసెంబ్లీ ఎన్నికల్లో ఆమ్ ఆద్మీ పార్టీకే ప్రజలు మరోసారి పట్టం కట్టనున్నారని IANS-C VOTER ప్రీ పోల్ సర్వేలో తేలింది. కేజ్రీవాల్ క్రేజ్ ముందు కమలం వాడిపోతుందని ఈ సర్వే ద్వారా తెలుస్తోంది. క్లీన్ స్వీప్ చేసి ఢిల్లీ సీఎం పీఠంపై కేజ్రీవాల్ మరోసారి కూర్చోబోతున్నారని తెలిపింది. 

ఇప్పటికిప్పుడు ఢిల్లీ అసెంబ్లీ ఎన్నికలు జరిగితే మొత్తం 70 స్థానాల్లో ఆప్ కు 59 సీట్లు వస్తాయని సర్వే తెలిపింది. పోల్ అయిన ఓట్లలో సింహభాగం షేర్ తో 2015లో చూపించిన సత్తానే అరవింద్ కేజ్రీవాల్ రిపీట్ చేయబోతున్నారని ఈ సర్వే చెబుతోంది. ఆప్ కు 53.3శాతం,బీజేపీకి 25.9శాతం ఓటింగ్ వచ్చే అవకాశముందని తెలిపింది. 25.9శాతం ఓటింగ్ తో బీజేపీకి కేవలం 8సీట్లు గెల్చుకునే సత్తా ఉందని,ఇక సుదీర్ఘకాలం ఢిల్లీని పాలించిన కాంగ్రెస్ అయితే కేవలం 3సీట్లు మాత్రమే గెల్చుకునే అవకాశముందని తెలిపింది. జనవరి మొదటివారంలో నిర్వహించిన ఈ ప్రీ పోల్ సర్వే వివరాలు మంగళవారం రిలీజ్ అయ్యాయి. ఈ సర్వే శాంపిల్ సైజ్ 13వేల76.

2015 ఢిల్లీ అసెంబ్లీ ఎన్నికల్లో కేజ్రీవాల్ నేతృత్వంలోని ఆప్ 67సీట్లతో క్లీన్ స్వీప్ చేసిన విషయం తెలిసిందే. ఈసారి కూడా 2015 రిపీట్ చేసేందుకు కేజ్రీవాల్ కొత్త వ్యూహాలు రచిస్తున్నారు. ఇప్పటికే ఎన్నికల వ్యూహకర్త ప్రశాంత్ కిషోర్ తో ఆప్ ఒప్పందం కుదుర్చుకుంది. మరోవైపు బీజేపీ కూడా ఢిల్లీ ఎన్నికలపై ఫుల్ సీరియస్ గా వర్క్ చేస్తుంది. ఇక కాంగ్రెస్ అయితే ఈ రేస్ లో వెనుకబడినట్లే చెప్పవచ్చు. ఏళ్ల పాటు ఢిల్లీని పాలించిన కాంగ్రెస్ కు నాయకత్వ లేమి గట్టిగా కన్పిస్తోంది.

Categories
Crime National

తీస్ హాజారీ ఘటన దురదృష్టకరం…బాధిత లాయర్లను పరామర్శించిన కేజ్రీవాల్

ఢిల్లీలోని తీస్ హాజారీ కోర్టు దగ్గర జరిగిన ఘటన చాలా దురదృష్టకరమని సీఎం కేజ్రీవాల్ అన్నారు. లాయర్లపై కాల్పులు జరిగాయని,దీన్ని తీవ్రంగా ఖండిస్తున్నట్లు ఆయన తెలిపారు. ఫైరింగ్ లో గాయపడిన ఇద్దరిని హాస్పిటల్ కు వెళ్లి పరామర్శించినట్లు తెలిపారు..ప్రస్తుతం ఆరోగ్యసరిస్థితి బాగానే ఉందన్నారు. హాస్పిటల్ పాలైన వారందరి మెడికల్ ఖర్చులు ఢిల్లీ ప్రభుత్వమే భరిస్తుందని కేజ్రీవాల్ హామీ ఇచ్చారు.

శనివారం మధ్యాహ్నం ఢిల్లీలోని తీస్ హాజారీ కోర్టు దగ్గర వాహానం పార్కింగ్ చేసే విషయంలో పోలీసులకు, న్యాయవాదులకు మధ్య చెలరేగిన వివాదం కొద్దిసేపటికే కాసేపటికి ఇది ఘర్షణగా మారింది. ఈ క్రమంలో ఓ పోలీసు కానిస్టేబుల్ తన సర్వీసు రివాల్వర్ తో కాల్పులు జరపటంతో వాతావరణం హీటెక్కింది. ఆందోళనకారులు ఒక పోలీసు వాహానానికి నిప్పు పెట్టారు.  పరిస్ధితి ఆందోళన కరంగా మారటంతో  పోలీసులు కోర్టు గేట్లకు తాళం వేశారు. ఘర్షణ జరగటంతో కోర్టు వద్దకు  భారీగా  పోలీసు బలగాలను తరలించారు. ఈ ఘర్షణలో మొత్తం 20మంది గాయాలపాలవగా,అందులోఇద్దరు స్టేషన్ హౌస్ ఆఫీసర్లు(SHO),ఓ అడిషనల్ కమిషనర్ కూడా ఉన్నారు. 9మంది న్యాయవాదులు గాయపడ్డారు. వీరిలో ఇద్దరికి తీవ్ర గాయాలయ్యాయి. గాయపడిన వారిని ఢిల్లీలోని సెయింట్ స్టీఫెన్ హాస్పిటల్ లో చేర్చి చికిత్స అందిస్తున్నారు.

గాయపడిన న్యాయవాదులను ఇవాళ హాస్పిటల్ కు వెళ్లి కేజ్రీవాల్ పరామర్శించారు. మరోవైపు ఈ విషయంలో ఆదివారం ఢిల్లీ హైకోర్టు రిటైర్ట్ హైకోర్టు జడ్జితో న్యాయవిచారణకు ఆదేశించింది. ఇద్దరు పోలీస్ అధికారులను బదిలీ చేసింది. ఢిల్లీలో లాయర్లపై దాడిని ఖండిస్తూ,వారికి మద్దతుగా హర్యానా,పంజాబ్ రాష్ట్రాల్లోని న్యాయవాదులు స్ట్రైక్ చేయనున్నట్లు ప్రకటించారు. బార్ అసోసియేషన్ కూడా లాయర్లపై దాడిని ఖండించింది. సోమవారం(నవంబర్-4,2019)ఢిల్లీలోని అన్ని జిల్లా కోర్టుల్లో ఒక రోజు స్ట్రైక్ కు పిలుపునిచ్చింది.

Categories
National

మోడీ కి ధన్యవాదాలు..ఏళ్ల నాటి కల సాకారం చేశారన్న కేజ్రీవాల్

ఢిల్లీలో అనధికార కాలనీలను క్రమబద్ధీకరించాలని ఇవాళ(అక్టోబర్-23,2019) కేంద్ర కేబినెట్ తీసుకున్న నిర్ణయాన్ని స్వాగతిస్తున్నట్లు ఢిల్లీ సీఎం అరవింద్ కేజ్రీవాల్ తెలిపారు. ఢిల్లీలో 1,797 అనధికార కాలనీలలో నివసిస్తున్న 40 లక్షల మందికి యాజమాన్య హక్కులు కల్పించాలని కేబినెట్ నిర్ణయం తీసుకోవడం చాలా సంతోషకరం అని,ఇది ఢిల్లీ వాసులు ఏళ్ల నాటి డిమాండ్ అని సీఎం తెలిపారు.

ఢిల్లీ ప్రజల తరపున తాను కేంద్రప్రభుత్వానికి ధన్యవాదాలు చెబుతున్నానని కేజ్రీవాల్ తెలిపారు. నవంబర్-18,2019నుంచి ప్రారంభమయ్యే పార్లమెంట్ సమావేశాల్లో ప్రభుత్వం ఈ బిల్లు ప్రవేశపెట్టనుంది. 2020 ప్రారంభంలో ఢిల్లీ అసెంబ్లీ ఎన్నికలు జరగనున్న సమయంలో ఈ నిర్ణయం బీజేపీకి లాభం చేకూరుస్తుందని ఆ పార్టీ నేతలు భావిస్తున్నారు.

Categories
National

ఢిల్లీలో సరి-బేసి విధానం…ఉల్లంఘిస్తే రూ.4వేలు ఫైన్

నవంబర్ 4నుంచి 15వరకు ఢిల్లీలో సరి-బేసి విధానం అమల్లోకి వస్తుందని ఢిల్లీ సీఎం అరవింద్ కేజ్రీవాల్ తెలిపారు. ఇతర రాష్ట్రాల నుంచి వచ్చిన వాహనాలకు ఇది వర్తిస్తుందని,అయితే కేవలం  నాన్ ట్రాన్స్ పోర్ట్ 4వీలర్స్ కు మాత్రమే వర్తిస్తుందని ఆయన తెలిపారు.టూవీలర్లు మినహాయిస్తున్నామని ఆయన తెలిపారు.

ఆదివారం కాకుండా వారంలోని మిగతా ఆరు రోజుల్లో ఉదయం 8గంటల నుంచి సాయంత్రం 8గంటల వరకు ఇది అమలులో ఉంటుందని ఆయన తెలిపారు.సరి-బేసి విధానాన్ని ఉల్లంఘిస్తే రూ.4వేలు జరిమానా విధించబడుతుందనిఆయన తెలిపారు.

రాష్ట్రపతి,ఉపరాష్ట్రపతి,ప్రధానమంత్రి,గవర్నర్లు,సీజేఐ,లోక్సభస్పీకర్,కేంద్రమంత్రులు,రాజ్యసభ,లోక్ సభ ప్రతిపక్ష నేతల వాహనాలు,సీఎంల వాహనాలను సరి-బేసి విధానం నుంచి మినహాయిస్తున్నట్లు కేజ్రీవాల్ తెలిపారు. స్కూల్ యూనిఫాం ధరించిన విద్యార్ధులను తరలించే వాహనాలను కూడా ఈ విధానం నుంచి మినహాయిస్తున్నట్లు తెలిపారు. గతంలో కూడా తాము ఇలాచే చేశామని తెలిపారు.

అయితే ఈ సరి-బేసి విధానం నుంచి ఢిల్లీ సీఎం,మంత్రులకు మాత్రం మినహాయింపు ఉండదని ఆయన తెలిపారు. పొల్యూషన్ ను తగ్గించడంలో తీసుకునే చర్యల్లో భాగంగా రాత్రి-పగలు జరుగుతున్న నిర్మాణ స్థలాలను,చెత్తను తగులబెడుతున్న స్థలాలను తనిఖీ చేసేందుకు 16 విజిలెన్స్ టీమ్ లను ఏర్పాటు చేసినట్లు ఆయన తెలిపారు.

Categories
National

ఢిల్లీ సీఎం డెన్మార్క్ పర్యటనకు అనుమతి నిరాకరణపై స్పందించిన కేంద్రం

ఢిల్లీ సీఎం అరవింద్ కేజ్రీవాల్ డెన్మార్క్‌ పర్యటనకు అనుమతి నిరాకరణపై కేంద్రమంత్రి ప్రకాష్ జావదేకర్ ఇవాళ(అక్టోబర్-9,2019)స్పందించారు. మేయర్ స్థాయి వ్యక్తులు పాల్లొనే కార్యక్రమం కనుక ఆ కార్యక్రమంలో కేజ్రీవాల్ పాల్గొనేందుకు అనుమతి నిరాకరించినట్లు జావదేకర్ చెప్పారు.

డెన్మార్క్ లోని కోపెన్‌హాగన్‌లో జరిగే C-40 వాతావరణ మార్పు కార్యక్రమంలో కేజ్రీవాల్ పాల్గొని దేశ రాజధానిలో తమ ప్రభుత్వం పొల్యూషన్ ని తగ్గించడానికి చేస్తున్న కృషి గురించి మాట్లాడతారని గత నెలలో ఢిల్లీ ప్రభుత్వం అధికారికంగా విడుద చేసిన ప్రకటనలో ఉంది. ఇవాళ(అక్టోబర్-9,2019)డెన్మార్క్ లో ప్రారంభమయ్యే C-40 వాతావరణ మార్పు కార్యక్రమంలో పాల్గొనేందుకు మంగళవారం(అక్టోబర్-8,2019)కేజ్రీవాల్ఎనిమిది మంది సభ్యుల ప్రతినిధి బృందంతో డెన్మార్క్ బయల్దేరి వెళ్లాల్సి ఉంది.అయితే కేజ్రీవాల్ డెన్మార్క్ పర్యటనకు విదేశాంగశాఖ అనుమతి నిరాకరించింది. అయితే వెన్ట్ బెంగాల్ మంత్రి ఫిర్హాద్ హకీమ్ కి మాత్రం డెన్కార్క్ లో జరిగే ఈ సదస్సులో పాల్గొనడానికి విదేశాగంశాఖ అనుమతిచ్చింది. దీనిపై మోడీ సర్కార్ పై ఆమ్ ఆద్మీ పార్టీ ఫైర్ అయ్యింది. ప్రజల చేత ఎన్నికైన ప్రభుత్వం పట్ల మోడీ సర్కార్ శత్రుత్వ ధోరణి ప్రదర్శిస్తోందని ఆరోపించారు.

ఇది చాలా దురదృష్టకరమని మోడీ ప్రభుత్వానికి తమ పట్ల ఎందుకు అంత శత్రుత్వ ధోరణి ప్రదర్శిస్తోందని ఆర్ రాజ్యసభ ఎంపీ సంజయ్ సింగ్ అన్నారు. ఇది కేజ్రీవాల్ వ్యక్తిగత పర్యటన కాదని,సరదాగా గడిపేందుకు ఆయన డెన్మార్క్ వెళ్లాలనుకోలేదని, ఢిల్లీలో ఏ విధంగా పొల్యూషన్ ని 25శాతం తగ్గించామో అన్న దానిని ఆసియాలోని 100సిటీ మేయర్లకు వివరించడానికి,సరి-బేసి స్కీమ్ లాభాలను వివరించేందకే ఆయన డెన్మార్క్ లో జరిగే కార్యక్రమానికి వెళ్లాలనుకున్నారని,అలాంటప్పుడు ఆయన పర్యటనకు కేంద్రం అనుమతి నిరాకరించడం ప్రజాస్వామ్యానికి మంచిదికాదని సంజయ్ సింగ్ అన్నారు.

కేజ్రీవాల్ డెన్మార్క్ పర్యటనకు అనుమతి నిరాకరణ పట్ల ఆప్ నుంచి విమర్శలు వ్యక్తమవుతున్న సమయంలో ఇవాళ దీనిపై స్పందించిన జావదేకర్…డెన్మార్క్ లో జరగుంది మేయర్ల స్థాయి సమావేశం అని,ముఖ్యమంత్రులు వంటి రాజకీయ నాయకులను ఆహ్వానించినప్పుడు ప్రత్యేక ప్రోటోకాల్ ఉందని ఆయన అన్నారు.
బెంగాల్ మంత్రి మాత్రమే ఈ సమావేశంలో పాల్గొంటున్నట్లు జావదేకర్ తెలిపారు.