Categories
Hyderabad

ఇక ఆన్ లైన్ లోనే ఆర్జిత సేవలు, ఇంటికే రాములోరి కళ్యాణ తలంబ్రాలు.. లాక్ డౌన్ వేళ భక్తులకు ప్రభుత్వం శుభవార్త

కరోనా వైరస్ మహమ్మారిని కట్టడి చేసేందుకు దేశవ్యాప్తంగా లాక్ డౌన్ అమలు చేస్తున్నారు. దీంతో ప్రజలు ఇళ్లకే పరిమితం అయ్యారు. అన్ని రకాల వ్యాపారాలు, దుకాణాలు

కరోనా వైరస్ మహమ్మారిని కట్టడి చేసేందుకు దేశవ్యాప్తంగా లాక్ డౌన్ అమలు చేస్తున్నారు. దీంతో ప్రజలు ఇళ్లకే పరిమితం అయ్యారు. అన్ని రకాల వ్యాపారాలు, దుకాణాలు మూతబడ్డాయి. దేవాలయాల్లో దర్శనాలు సైతం నిలిపేశారు. ఆలయాల్లో నిత్య హారతి, పూజలు జరుగుతున్నా దర్శనాలు మాత్రం లేవు. ప్రముఖ పుణ్యక్షేత్రం తిరుమల, కాశీ లాంటి వాటికి కూడా దర్శనాలు పూర్తిగా నిలిపేశారు. స్వామి వారి దర్శనానికి నోచుకోక కొందరు భక్తులు మానసిక వేదనకు గురవుతున్నారు. అలాంటి వారికి తెలంగాణ దేవాదాయ శాఖ శుభవార్త వినిపించింది. వారికి కొంత రిలిఫ్ ఇచ్చే నిర్ణయం తీసుకుంది.

భక్తులకు ఆలయ ప్రవేశం లేకున్నా, వారి పేరిట పూజలు నిర్వహించే ఏర్పాట్లు చేయాలని ప్రభుత్వం నిర్ణయించింది. ఇందుకోసం ప్రత్యేక యాప్ ను(T App Folio) గూగుల్ ప్లే స్టోర్ లో అందుబాటులో ఉంచింది. దీని ద్వారా ఇక ఆన్ లైన్ లోనే ఇష్టమైన దైవానికి అర్చనలు, ఆర్జిత సేవలు చేసుకోవచ్చు. అంతేకాదు భద్రాద్రి రాములోరి కళ్యాణ తలంబ్రాలు నేరుగా ఇంటికే వస్తాయి.(ట్రాఫిక్‌ పోలీసుకు కరోనా పాజిటివ్‌)

ఉజ్జయిని, కర్మన్‌ఘాట్‌ ఆలయాల్లో నేటి నుంచే అమల్లోకి:
తొలి దశలో సికింద్రాబాద్‌లోని ఉజ్జయినీ మహంకాళి దేవాలయం, కర్మన్‌ఘాట్‌లోని ధ్యానాంజనేయస్వామి ఆలయంలో పూజలు ప్రయోగాత్మకంగా నేటి(ఏప్రిల్ 8,2020) నుంచి ప్రారంభం కానున్నాయి. ఇందులో పాల్గొనే వారు ముందుగా ప్లే స్టోర్ నుంచి ‘టీ యాప్ ఫోలియో’ను డౌన్ లోడ్ చేసుకోవాలి. ఈ యాప్ లో ఆలయాల వివరాలు చూసి, అందులో కావాల్సిన ఆర్జిత సేవను ఓపెన్ చేసి, వివరాలు నమోదు చేసుకుంటే చాలు. భక్తులు కోరిన రోజున ఆ పూజలు నిర్వహిస్తారు. పూజల తరువాత అక్షింతలు, పసుపు కుంకుమ, డ్రైఫ్రూట్స్ తో కూడిన ప్రసాదాన్ని అందించాలని తొలుత భావించినా, తపాలా, కొరియర్‌ సేవలు పరిమితంగా ఉన్నందున ప్రస్తుతం ఇది సాధ్యం కాదని అధికారులు అంచనాకు వచ్చారు.

ఇంటికే భద్రాద్రి రామయ్య కళ్యాణ తలంబ్రాలు:
ఇక భక్తులు భద్రాద్రి రామయ్య కల్యాణాన్ని ప్రత్యక్షంగా తిలకించలేకపోయినా, కల్యాణ తలంబ్రాలను ఈ యాప్ ద్వారా పొందవచ్చు. ఇందుకు గాను రూ. 30 పోస్టల్ చార్జి, తలంబ్రాల కోసం రూ. 20, సర్వీస్ చార్జ్ లను చెల్లించాల్సి ఉంటుంది. తపాలా శాఖ ఈ తలంబ్రాలను భక్తుల ఇంటికి చేరుస్తుంది. ఇందుకోసం ఐదు వేల తలంబ్రాల పొట్లాలను దేవాదాయశాఖ సిద్ధం చేసింది. తపాలాశాఖ ఉన్నతాధికారులతో మాట్లాడి దేవాదాయ శాఖ కమిషనర్‌ అనిల్‌కుమార్‌ ప్రత్యేక ఏర్పాట్లు చేశారు. యాప్‌ను డౌన్‌లోడ్‌ చేసుకుని అందులో భద్రాచలం దేవాలయం తలంబ్రాల వివరాలు ఉన్న విండో ఓపెన్‌ చేసి వివరాలు నమోదు చేసుకోవటం ద్వారా బుక్‌ చేసుకోవచ్చు. ప్రత్యేకంగా ఈ తలంబ్రాలను భక్తుల ఇంటికి చేర్చేందుకు తపాలాశాఖ సిబ్బంది,   వాహనాలను సిద్ధం చేసింది.

ఇలా బుక్‌ చేసుకోవాలి:
* గూగుల్‌ ప్లేస్టోర్‌ నుంచి టీఎస్‌ యాప్‌ ఫోలియోను(T App Folio) డౌన్‌లోడ్‌ చేసుకోవాలి. 
* అందులో దేవాలయాల వివరాలు ఉంటాయి. వాటిల్లో కావాల్సిన ఆలయంలో ఆర్జిత సేవను ఓపెన్‌ చేసి వివరాలు నమోదు చేయాలి. 
* దాని ఆధారంగా ఆయా దేవాలయాల్లో భక్తుల పేర్లతో, వారు కోరుకున్న రోజున ఆర్జిత సేవలు నిర్వహిస్తారు. 
* ఆ వివరాలను తిరిగి వారి మొబైల్‌ ఫోన్‌కు సమాచారం రూపంలో అందిస్తారు. 
* కుదిరితే పూజ అక్షింతలు, పసుపు కుంకుమ, డ్రైఫ్రూట్స్, మిశ్రీతో కూడిన ప్రసాదాన్ని కూడా అందించాలని తొలుత భావించారు. 
* కానీ ప్రస్తుతం తపాలా, కొరియర్‌ సేవలు పరిమితంగానే ఉన్నందున ఇది సాధ్యం కాదని అనుకుంటున్నారు.

Categories
Movies

కె.జి.ఎఫ్.లో అమ్మ- ఈ అమ్మాయే

కె.జి.ఎఫ్.లో అమ్మక్యారెక్టర్ చేసిన అర్చన పిక్స్ వైరల్..

కన్నడ రాక్ స్టార్ యశ్ హీరోగా, ప్రశాంత్ నీల్ డైరెక్షన్లో రూపొందిన కె.జి.ఎఫ్. చాప్టర్ 1.. కన్నడ, మలయాళం, తెలుగు, తమిళ్, హిందీ భాషల్లో  ఎంతటి సంచలనం సృష్టించిందో తెలిసందే.. ఫిబ్రవరి 5నుండి అమెజాన్‌ప్రైమ్‌లో స్ట్రీమింగ్ అవుతుండగా, ఆడియన్స్ ఎక్కువగా చూస్తున్నారు.. కొన్నిచోట్ల మినిమమ్ కలెక్షన్స్ రాబడుతుంది. ఇటీవలే 50 రోజులు పూర్తి చేసుకున్న ఈ సినిమా గురించి ఒక వార్త సోషల్ మీడియాలో హల్ చల్ చేస్తుంది. కె.జి.ఎఫ్.లో అమ్మ సెంటిమెంట్ ఏ రేంజ్‌లో వర్కవుటయ్యిందో మనం చూసాం.. అమ్మ క్యారెక్టర్ చేసిన ఆర్టిస్ట్, చూడ్డానికి పెద్దావిడలా కనిపిస్తుంది.. కానీ, ఆ క్యారెక్టర్ చేసినావిడ ఏజ్ 30 లోపే.. ఇప్పడు ఆ ఆర్టిస్ట్ పిక్స్ వైరల్ అవుతున్నాయి.

 

KGF MOTHER

అర్చన అనే అమ్మాయి.. కె.జి.ఎఫ్.లో తల్లి పాత్రలో నటించింది. ఆమె వయసు 30 ఏళ్ళ లోపే.. ఈ మధ్యనే పెళ్ళి అయ్యింది.. జనరల్‌గా అమ్మ క్యారెక్టర్స్‌కి, పెద్ద వయసు ఉన్న ఆర్టిస్ట్‌లను సెలెక్ట్ చేసుకుంటారు.. కానీ, డైరెక్టర్ ఒక యువ నటిని తీసుకుని, ఆడియన్స్‌కి గుర్తుండి పోయేలా ఆ క్యారెక్టర్‌ని తీర్చిదిద్దడం, ఆమె అంతే అద్భుతంగా నటించి, ఆకట్టుకోవడం విశేషం.. కె.జి.ఎఫ్. చాప్టర్ 2 కోసం.. ప్రేక్షకులు ఇప్పటినుండే ఎదురు చూస్తున్నారు.

వాచ్ మథర్ వీడియో సాంగ్…