Categories
International

ప్రపంచంలో తొలిసారి సముద్ర కెరటాలపై పవర్ ప్లాంట్

రష్యా అద్భుతమైన ప్రాజెక్టుకు శ్రీకారం చుట్టింది. ప్రపంచంలోనే మొట్టమొదటిసారిగా సముద్ర అలలపై తేలియాడే అణు విద్యుత్‌ కేంద్రాన్ని(న్యూ క్లియర్ పవర్ ప్లాంట్) ప్రారంభించనుంది. అలస్కా నుంచి బెరింగ్ సముద్రం మీదుగా గమ్యస్థానానికి చేరుకుంది. రష్యా ప్రభుత్వ న్యూ క్లియర్ ప్లాంట్ రోసాటమ్‌ రూపొందించిన ఈ అణు కేంద్రానికి ‘ది అకడెమిక్‌ లొమొనోసొవ్‌’గా పేరు పెట్టారు. 

రష్యాలోని మారుమూల ప్రాంతాల్లో విద్యుత్‌ సౌకర్యం అందించేందుకుగానూ దీనిని అభివృద్ధి చేసినట్లు పేర్కొన్నారు. ఆర్కిటిక్‌ మహాసముద్రంలో 5,000 కి.మీ ప్రయాణించి రష్యాలోని చుకోట్కాలో పీవెక్‌ అనే ప్రాంతానికి చేరుకుంది. ఈ అణు విద్యుత్‌ కేంద్రం బరువు 21 టన్నులు కాగా, ఎత్తు 470 అడుగులు ఉంటుంది. 

రెండు అణు రియాక్టర్లను ఒక్కొక్కటి 35 మెగావాట్ల సామర్థ్యంతో దీనిని రూపొందించారు. ఈ రియాక్టర్‌ ద్వారా చుకోట్కాలోని 50వేల నుంచి లక్ష మంది వరకూ విద్యుత్‌‌ను అందించవచ్చు. ఏడాది చివరినాటికి ‘ది అకడెమిక్‌ లొమొనోసొవ్‌’ అందుబాటులోకి రానుంది. ఈ ప్లాంట్‌ను ఓసారి ప్రారంభిస్తే 3 నుంచి ఐదేళ్ల వరకూ ఇంధనం మార్చే అవసరమే లేదు. 

త్వరలో అవసరాన్ని బట్టి మొబైల్, చిన్నపాటి సామర్థ్యమున్న ప్లాంట్లను నిర్దిష్ట ప్రాంతాలలో ఏర్పాటు చేయనున్నారు. వీటి ద్వారా గ్లోబల్ వార్మింగ్‌ను తగ్గించవచ్చు. అభివృద్ధితో పాటు విమర్శలు ఉన్నట్లుగా కొన్ని గ్రూపులు, పర్యావరణ ప్రేమికులు దీని మూలంగా భద్రతాపరమైన సమస్యలు రావొచ్చని సూచించారు. 

Categories
International Weather

అంటార్కిటికాలా మారిన అమెరికా

అమెరికా గడ్డకట్టుకుపోయింది. అంటార్కిటికానా..అమెరికానా అని అనుకోవాల్సిన పరిస్థితి. గతంలో ఎన్నడూ లేని విధంగా శీతల గాలులు అమెరికాను వణికిస్తున్నాయి. ఆర్కిటిక్ కంటే తక్కువకు ఉష్ణోగ్రతలు పడిపోయాయి.పోలార్ వొర్టెక్స్ కారణంగా ఆర్కిటిక్ ప్రాంతం నుంచి వీస్తున్న గాలులతో అనేక రాష్ట్రల్లో ఉష్ణోగ్రతలు-53 డిగ్రీల సెల్సియస్ కి పడిపోయాయి. అనేక చోట్ల సరస్సులు, నదులు గడ్డకట్టాయి. మూడు రాష్ట్రాల్లో ఇప్పటికే ఎమర్జెన్సీ ప్రకటించారు. పలు చోట్ల విమానాలు రద్దు అయ్యాయి. విద్యా సంస్థలకు సెలవులు ప్రకటించారు. ఇళ్లు వదిలి ఎవరూ ఒయటకు రావొద్దని ప్రభుత్వం ప్రజలకు సూచించింది.

పోలార్ వొర్టెక్స్ అంటే ఏమిటి?
ఇదొక అతి శీతల వాతావరణ పరిస్థితి. ఉత్తర, దక్షిణ ధ్రువాల నుంచి వీస్తున్న గాలుల కారణంగా ఉష్ణోగ్రతలు బాగా పడిపోతాయి. 5నిమిషాల్లోనే శరీరం సహజ ఉష్ణోగ్రతను కోల్పోయి మొద్దుబారిపోతుంది. ప్రాణాలు కూడా పోవచ్చు. సెల్సియస్ డిగ్రీ కొలమానంలో మైనస్ 32 దగ్గరనే శరీరం గడ్డ కట్టేస్తుంది. అలాంటిది పలుచోట్ల -50వరకు ఉంటే పరిస్థితి ఎంత దారుణమో అర్థం చేసుకోవచ్చు. 5ఏళ్ల తర్వాత ఉత్తర అమెరికాపై పోలార్ వొర్టెక్స్ ప్రభావం కన్పిస్తోంది. దీని ప్రభావం సెప్టెంబర్ నుంచి మొదలయ్యి డిసెంబర్, జనవరిలో పూర్తిస్థాయిలో ప్రభావం చూపిస్తుంది.

అమెరికాలో నెలకొన్న వాతావరణ పరిస్థితులు ఉత్తర భారతంపైనా ప్రభావితం చూపిస్తున్నాయి. ఆర్కిటిక్ ప్రాంతం నుంచి వీస్తున్న చలిగాలులే దీనికి కారణమని ఐఎండీ అధికారులు తెలిపారు. ఆర్కిటిక్ గాలులు పశ్చిమ అవాంతరాలను సాధారణం కంటే ఎక్కువగా దక్షిణ దిశగా నెడుతుండటంతో దక్షిణ ఐరోపా నుంచి ఉత్తర భారతంవైపు చలి గాలులు వీస్తున్నట్లు అధికారులు తెలిపారు.

Categories
National Weather

అంటార్కిటికా ఆనవాళ్లు : గడ్డకడుతున్న ఉత్తర భారతం

ఉత్తరభారతాన్ని చలి వణికిస్తోంది. ఇంట్లో నుంచి ఎవరూ కాలు బయటపెట్టే పరిస్థితి లేదు. భారీగా మంచుకురుస్తూ దాదాపు రెండు నెలలుగా ప్రజలకు చలిపులి చుక్కలు చూపిస్తోంది. ఆర్కిటిక్ ప్రాంతంలో చలి పేళుల్లు కారణంగా ఉత్తరభారతంలో ఈ ఏడాది తీవ్రస్థాయిలో హిమపాతం ఉందని, గతేడాది డిసెంబర్ నుంచి పోలార్ వర్ టెక్స్(ధ్రువ సుడిగుండం) కారణంగా తీవ్రస్థాయిలో చలి ఉందని వాతావరణ శాఖ అధికారులు తెలిపారు. ఉత్తర భారతంలోని అనేక చోట్ల ఉస్ణోగ్రతలు దారుణంగా పడిపోతున్నాయి.

 

మంగళవారం(జనవరి 29, 2019) రాజస్థాన్ లోని చురులో -11డిగ్రీల సెల్సియస్ కి ఉష్ణోగ్రతలు పడిపోయాయి. అమెరికా, యూరప్ లో కూడా ఇదే స్థాయిలో పోలార్ వర్ టెక్స్ కారణంగా తీవ్రస్థాయిలో చలి ఉంది. హియాలయ ప్రాంతాలైన జమ్మూకాశ్మీర్, ఉత్తరఖాండ్, హిమాచల్ ప్రదేశ్, రాష్ట్రాల్లో హిమపాతంలో కూడిన వర్షాలు పడే అవకాశముందని అధికారులు తెలిపారు.

 

మంగళవారం శ్రీనగర్ లో -5.4 డిగ్రీలకు, పహల్గామ్ లో -13.7 డిగ్రీల సెల్సియస్ కు ఉస్ణోగ్రతలు పడిపోగా, సిమ్లాలో 0.8 డిగ్రీలు, కీలాంగ్ లో -16.2 డిగ్రీలకు ఉస్ఫోగ్రతలు పడిపోయాయి. ఉత్తరభారతంలోని కొన్ని చోట్ల సరస్సులు పూర్తిగా గడ్డకట్టిపోయాయి.