Categories
Telangana

దిశ ఉసురు తగిలింది : పాపం వారిది.. శాపం ఎవరికి?

దుర్మార్గుల చేతిలో చిత్రహింసలకు గురై..నరక యాతన అనుభించిన దిశ ఉసురు..నిందితుల కుటుంబ సభ్యులను తగిలింది. అయినవారిని కోల్పోయి కంటికి మంటికీ ఏకధాటిగా ఏడుస్తున్నారు నిందితుల కుటుంబ సభ్యులు. ఎన్ కౌంటర్ లో కుక్క చావు చచ్చినవారి కోసం విలపిస్తున్నారు. కానీ పాపం చేసింది వారు..ఘోరానికి పాల్పడింది ఆ నలుగురే..కానీ శాపం తగిలింది కుటుంబాలకు.

నవ్వుతూ బైటకెళ్లిన దిశ అత్యంత దారుణంగా దుర్మార్గులు అరిఫ్, నవీన్, చెన్నకేశవులు,శివ చేతుల్లో పాశవికంగా బలైపోయింది. దిశ నిందితుల్ని ఎన్ కౌంటర్ చేయటంతో దేశ ప్రజలంతా హర్షం వ్యక్తంచేస్తున్నారు. వాళ్లు చేసింది తప్పే గానీ వారి చావుతో మాకు దిక్కేది అంటూ..నిందితుల కుటుంబ సభ్యులు ఏడుస్తున్నారు. కడుపు శోకంతో ఓ తల్లి ఏడుస్తుంటే గర్భంతో ఉన్న మరో నిందితుడు భార్య అమాయకంగా తన భర్త వస్తాడని ఎదురు చూసింది. కానీ కుక్క చావు చచ్చిపోయిన భర్త కోసం ఏడుస్తుంది ఏ4 నిందితుడి చెన్నకేశవులు భార్య. 

ఆమె  ఏడుపు చూస్తే నేరం చేసింది చెన్నకేశవులే అయినా జీవితాంతం శిక్ష అనుభవిచాల్సింది ఈమే కదా అనిపించక మానదు. నా భర్తను పంపిస్తామని చెప్పారు..ఏడి సార్ నా భర్త అని ఆమె అమాయకత్వంతో ప్రశ్నిస్తూ ఏడుస్తోంది గర్భంతో ఉన్న చెన్నకేశవులు భార్య. నా మొఖమన్నా చూడలేదే అంటూ ఏడుస్తోంది. అటువంటి దుర్మార్గుడి భార్య అయినందుకు ఆమె జీవితం నాశమైందనే బాధ కలిగిస్తోంది. 

జొల్లు శివ తల్లిదండ్రులు
నా కొడుకు చేసింది నేరమే..ఘోరమే..ఓ ఆడబిడ్డ మానప్రాణాలు తీసిన శివ దుర్మార్గుడే. కానీ ఇంతకంటే నేరాలు..గోరాలు చేసినవారిని ఇలాగే చంపారా? వారికి శిక్షలు వేశారా? అని ప్రశ్నిస్తున్నారు.   నేరం చేసిందుకు తమ కొడుక్కి శిక్ష విధించాలి..జైల్లో పెట్టాలి..కానీ ఇలా చంపేయటం ఎంతవరకూ సమంజసం అని ప్రశ్నిస్తున్నారు.

Categories
Hyderabad

దిశ కేసులో ఇద్దరు నిందితులకు అస్వస్థత : దోమలు ఎక్కువ ఉన్నాయట

దేశవ్యాప్తంగా సంచలనం సృష్టించిన దిశ హత్యాచారం కేసులో నలుగురు నిందితులు చర్లపల్లిలో జైల్లో ప్రత్యేక నిఘాలో ఉన్నారు. కాగా వారిలో ఇద్దరు అనారోగ్య సమస్యలతో

దేశవ్యాప్తంగా సంచలనం సృష్టించిన దిశ హత్యాచారం కేసులో నలుగురు నిందితులు చర్లపల్లిలో జైల్లో ప్రత్యేక నిఘాలో ఉన్నారు. కాగా వారిలో ఇద్దరు అనారోగ్య సమస్యలతో బాధపడుతున్నారని తెలుస్తోంది. ప్రధాన నిందితుడు ఆరిఫ్ అస్వస్థతకు గురయ్యాడని వార్తలు వస్తున్నాయి. ఆరిఫ్ జ్వరంతో బాధపడుతున్నాడని సమాచారం.

చర్లపల్లి సెంట్రల్ జైల్ సూపరింటెండెంట్ సంపత్ మంగళవారం(డిసెంబర్ 3,2019) నిందితుల గదులను పరిశీలించి వారితో మాట్లాడారట. ఆ సమయంలో జైల్లో దోమలు ఎక్కువగా ఉన్నాయని, తాము ఇబ్బంది పడుతున్నామని నిందితులు ఆయనకు చెప్పినట్లు తెలుస్తోంది. ఆరిఫ్ అస్వస్థతతో ఉన్నట్లు గుర్తించిన సూపరింటెండెంట్.. డాక్టర్‌తో పరీక్ష చేయించారు. ఆరిఫ్ జ్వరంతో బాధపడుతున్నాడని చెప్పిన డాక్టర్ మందులు ఇచ్చారట. ఇక మరో నిందితుడు చెన్నకేశవులు కిడ్నీ సమస్యతో బాధపడుతుండటంతో అతడికీ వైద్యం అందిస్తున్నట్లు జైలు వర్గాలు చెబుతున్నాయి. 

జైల్లో ప్రత్యేక నిఘాలో నలుగురు నిందితులను ఉంచారు. గదులు దాటి బయటకు రాకుండా నిత్యం సిబ్బంది పహారా కాస్తున్నారు. వారికి టిఫిన్, భోజనం తలుపు కింద నుంచే అందిస్తున్నారు. లోపలే బాత్ రూమ్ కూడా ఉంది. కాగా, దిశ ఘటనపై దేశవ్యాప్తంగా నిరసనలు వెల్లువెత్తుతున్నాయి. ఆ నలుగురు నరరూప రాక్షసులను వెంటనే ఉరి తీయాలని డిమాండ్ చేస్తున్నారు. జైల్లో తిండి పెట్టి పోషించడం కరెక్ట్ కాదంటున్నారు. రేపిస్టులను వెంటనే శిక్షిస్తే కానీ పరిస్థితుల్లో మార్పు రాదని మహిళా సంఘాలు అంటున్నాయి. ఆడపిల్లపై చేయి వేయాలన్నా భయపడేలా శిక్షలు ఉండాలని జనం కోరుతున్నారు.

Categories
Crime Hyderabad

బతికుండగానే : దిశ కేసులో వెలుగులోకి మరో దారుణ నిజం

దేశవ్యాప్తంగా సంచలనం సృష్టించిన వెటర్నరీ డాక్టర్ దిశ హత్యాచారం కేసులో దారుణమైన మరో నిజం వెలుగులోకి వచ్చింది. చనిపోయిన తర్వాత దిశను తగలబెట్టారని ఇప్పటివరకు

దేశవ్యాప్తంగా సంచలనం సృష్టించిన వెటర్నరీ డాక్టర్ దిశ హత్యాచారం కేసులో దారుణమైన మరో నిజం వెలుగులోకి వచ్చింది. చనిపోయిన తర్వాత దిశను తగలబెట్టారని ఇప్పటివరకు అంతా అనుకున్నారు. కానీ.. బతికుండగానే దిశను తగలబెట్టారు అనే నిజం వెలుగులోకి వచ్చింది. దిశ నిందితుల్లో ఒకడు జైలు కాపలాదారుడితో ఈ నిజాన్ని చెప్పినట్టు తెలుస్తోంది. కొందరు కాపలాదారులు నిందితులతో మాట కలిపారు. ప్రధాన నిందితుడు ఆరిఫ్.. ఏ మాత్రం భయం లేకుండా తాము చేసిన దుర్మార్గాన్ని పూస గుచ్చినట్టు వారికి చెప్పాడట. 

బలవంతంగా కాళ్లు, చేతులు పట్టుకుని దిశను లాక్కెళ్లామని, ఆమె పెద్దగా కేకలు వేస్తుంటే, ఎవరైనా వింటారన్న భయంతో తమ దగ్గరున్న మద్యాన్ని బలవంతంగా నోట్లో పోశామని, అప్పటికే తీవ్ర భయంతో ఉన్న ఆమె స్పృహ తప్పగా అత్యాచారం చేశామని ఆరిఫ్ చెప్పినట్టు జైలు సిబ్బందిలో ఒకరు వెల్లడించారు. మద్యం తాగించడంతో పాటు అత్యంత క్రూరంగా ప్రవర్తించడంతో ఆమె అపస్మారక స్థితిలోకి వెళ్లిందని, ఆపై పెట్రోల్ పోసి తగులబెట్టామని చెప్పాడట.

ప్రస్తుతం దిశ హత్యాచారం కేసు నిందితులు నలుగురు చర్లపల్లి జైల్లో ప్రత్యేక నిఘాలో ఉన్నారు. కొందరు సిబ్బందిని వీరికి కాపలాగా ఉంచారు. సిబ్బంది వారితో మాట కలిపినప్పుడు ఇప్పటివరకు ఎవరికీ తెలియని విషయాలను ఈ నలుగురు బయటపెట్టినట్టు తెలుస్తోంది.

దిశ హత్యాచారం కేసుని తెలంగాణ ప్రభుత్వం సీరియస్ గా తీసుకుంది. ఈ కేసులో నిందితులను వీలైనంత త్వరగా కఠినంగా శిక్షించాలని నిర్ణయించింది. ఇందులో భాగంగా ఫాస్ట్ ట్రాక్ కోర్టు ఏర్పాటు కోసం చర్యలు చేపట్టింది. ఫాస్ట్ ట్రాక్ కోర్టు ఏర్పాటు చేయాలని కేసీఆర్ ప్రభుత్వం హైకోర్టుకి లేఖ రాసింది. ఫాస్ట్ ట్రాక్ కోర్టు ద్వారా విచారణ త్వరగా పూర్తి చేసి నిందితులను కఠినంగా శిక్షించాలని ప్రభుత్వం కోరింది. ఫాస్ట్ ట్రాక్ ఏర్పాటు కోసం ప్రభుత్వం తరఫున న్యాయశాఖ కార్యదర్శి సంతోష్ రెడ్డి హైకోర్టుకి లేఖ రాశారు. సాయంత్రంలోగా ఫాస్ట్ ట్రాక్ కోర్టు ఏర్పాటుపై హైకోర్టు నిర్ణయం తెలపనుందని సమాచారం.

Read More : నిర్భయ నుంచి దిశ వరకు..! ఏడేళ్లలో మనం ఎంతవరకు మారాం?

Categories
Crime Hyderabad

డాక్టర్ ప్రియాంక ముందు జాగ్రత్తే.. నిందితులను పట్టించింది

వెటర్నరీ డాక్టర్‌ ప్రియాంక ముందు జాగ్రత్తే.. నిందితులను పట్టించింది. కేవలం కొన్ని గంటల వ్యవధిలోనే పోలీసులు నిందితులను పట్టుకోవడానికి ఆధారంగా నిలిచింది. ఈ కేసు

వెటర్నరీ డాక్టర్‌ ప్రియాంక ముందు జాగ్రత్తే.. నిందితులను పట్టించింది. కేవలం కొన్ని గంటల వ్యవధిలోనే పోలీసులు నిందితులను పట్టుకోవడానికి ఆధారంగా నిలిచింది. ఈ కేసు మిస్టరీని ఛేదించేందుకు ప్రియాంక మొబైల్‌ కీలకంగా మారింది. ప్రియాంక తిరిగి రాగానే.. మేడమ్‌.. మీ స్కూటీ పంక్చర్‌ పడింది. మేం సాయం చేస్తాం అని మొదటి ముద్దాయి మహ్మద్‌ నమ్మబలికాడు. వద్దని వెళ్లిపోతున్నా వెంటపడడంతో తప్పనిసరి పరిస్థితుల్లో ఆమె వారికి వాహనం ఇచ్చింది. ఈ క్రమంలోనే.. వాహనాన్ని వాళ్లు తిరిగి తీసుకురాకపోతే ఎలా అనే అనుమానంతో ఆమె మహ్మద్‌ ఫోన్‌ నంబర్‌ తీసుకుంది. అదే నిందితులను పోలీసులకు పట్టించింది.

ప్రియాంక అడగటంతో మహ్మద్‌ తన ఫోన్ నంబర్‌ ని ప్రియాంకకు ఇచ్చాడు. మిగవాళ్లు వాహనం తీసుకెళ్లారు. ఈలోపు ప్రియాంక తన సోదరితో మాట్లాడింది. పావు గంట అయినా తిరిగి రాకపోవడంతో అనుమానం వచ్చి మహ్మద్‌కు ఫోన్‌ చేసింది ప్రియాంక. నా వాహనం ఎక్కడా…? అని అడిగింది. ఇదే ఆమె ఫోన్‌ నుంచి చివరి కాల్‌. ఈ ఫోన్‌ కాలే నిందితులను ఈజీగా పట్టించేసింది.

ప్రియాంక ఫోన్‌ కాల్‌ పోలీసులకు కీలక ఆధారంగా మారింది. ప్రియాంక ఫోన్‌ రా.9.48 గంటకు స్విచ్ఛాఫ్‌ అయింది. ఆమె తన సోదరితో మాట్లాడిన తర్వాత మరొకరికి ఫోన్‌ చేసినట్లు దర్యాప్తులో భాగంగా పోలీసులు గుర్తించారు. అది ఎవరిదని ఆరా తీశారు. ఫోన్‌ నంబర్‌ ఆధారంగా లారీ డ్రైవర్‌ మహ్మద్‌ను గుర్తించారు. లారీలో తనిఖీ చేయగా, రక్తపు మరకలు, ఇతర ఆధారాలు దొరికాయి. వెంటనే మహ్మద్‌ ఇంటికి వెళ్లి అతనిని అదుపులోకి తీసుకున్నారు. అతనిని విచారించగా.. అసలు విషయం బయటపడింది. ప్రియాంక చివరి ఆలోచనే నిందితులను పక్కాగా ఇరికించేసింది. 

హైదరాబాద్‌ నగర శివారు శంషాబాద్‌లో వెటర్నరీ డాక్టర్‌పై అఘాయిత్యం కేసులో సంచలన విషయాలు వెలుగులోకి వస్తున్నాయి. నిందితుల రాక్షస కాండ బయటపడింది. యువతిపై సామూహిక అత్యాచారానికి పాల్పడి చంపేసిన తర్వాత కూడా ఆ కామాంధులు మృతదేహంపైనా అనేకసార్లు అఘాయిత్యానికి పాల్పడినట్లు పోస్టుమార్టం రిపోర్టులో వెల్లడైంది. దీంతో ప్రియాంక కుటుంబసభ్యులతో పాటు పోలీసులు దిగ్భ్రాంతి చెందారు.

బుధవారం (నవంబర్ 27,2019) రాత్రి నుంచి ప్రియాంక రెడ్డి ఆచూకీ లేదు. గురువారం(నవంబర్ 28,2019) ఉదయం ఆమె మృతదేహం కనిపించింది. మృతదేహం దారుణ స్థితిలో ఉంది. గుర్తుపట్టడానికి వీలు లేకుండా మృతదేహాన్ని పెట్రోల్ పోసి తగులబెట్టారు.