Categories
Latest National

లద్దాక్ కు ప్రధాని మోడీ..టాప్ కమాండర్లతో మీటింగ్

భారత ప్రధాని నరేంద్ర మోడీ లద్దాఖ్ లో పర్యటించారు. 2020, జులై 03వ తేదీ శుక్రవారం ఉదయం జరిగిన ఈ అకస్మిక పర్యటన ప్రాధాన్యత సంతరించుకుంది. శుక్రవారం ఉదయం CDF Chief బిపిన్ రావత్ తో కలిసి లేహ్ కు చేరుకున్నారు. భారతీయ సైనికులను కలువనున్నారు. ఇటీవలే చైనా సైనికులు జరిపిన దాడిలో భారతీయ జవాన్లు వీరమరణం పొందిన సంగతి తెలిసిందే.

అనంతరం ఇరు దేశాల మధ్య తీవ్ర ఉద్రిక్తతలు చోటు చేసుకున్నాయి. సైనికులు, ఆయుధాలను చైనా భారీగా మోహరిస్తుడడంతో..ధీటుగా భారత్ స్పందిస్తోంది. ఈ క్రమంలో అందరి చూపు ప్రధాని మోడీ పర్యటనపై నెలకొంది.  సరిహద్దు ప్రతిష్టంభనపై సైనికాధికారులతో మోడీ సమీక్ష నిర్వహించనున్నారు.

అంతేగాకుండా టాప్ కమాండర్లతో సమావేశమై..తీసుకుంటున్న..తీసుకోవాల్సిన చర్యలపై అడిగి తెలుసుకోనున్నారు. చైనా సైనికులు జరిపిన దాడిలో గాయపడిన జవాన్లను మోడీ పరామర్శించనున్నారని తెలుస్తోంది. సైనికులకు భరోసా ఇవ్వడం, చైనాకు ఓ గట్టి సందేశాన్ని ఇవ్వడంలో భాగంగా మోడీ అక్కడ పర్యటించారని సమాచారం. 2020, జూన్‌ 15న గల్వాన్‌ లోయలో చోటు చేసుకున్న హింసాత్మక ఘటనలో భారత్‌కు చెందిన 20 మందిసైనికులు మృత్యువాతపడ్డ విషయం తెలిసిందే.

తూర్పు లడఖ్ లోని గల్వాన్ వ్యాలీలో భారత సైనికులపై డ్రాగన్‌ ఆ‍ర్మీ అత్యంత దారుణంగా దాడికి పాల్పడిన విషయం తెలిసిందే. అయితే మన జవాన్లపై దాడికి చైనా లాంటి తుపాకులు ఉపయోగించకుండా.. ఇసుక రాడ్లు, మారణాయుధాలతో దాడి చేసి అత్యంత కాఠిన్యం ప్రదర్శించింది. భారత ఆర్మీ చైనా బలగాలను బలంగా తిప్పిగొట్టగలిగారు. 43 మంది చైనా సైనికులు కూడా మరణించారని పలు అంతర్జాతీయ మీడియా సంస్థలు కథనాలు రాస్తున్నాయి. కాగా సరిహద్దుల్లో సమస్య సమసిపోయే విధంగా భారత్‌-చైనా చర్చలు జరుపుతున్న విషయం తెలిసిందే.

Read:సెప్టెంబర్‌ 15వ తేదీ నుంచి తరగతులు..

Categories
National

2 రోజుల లడఖ్ పర్యటనకు వెళ్లిన ఆర్మీ చీఫ్..గాయపడిన సైనికులకు పరామర్శ

తూర్పు లడఖ్ సరిహద్దులో చైనాతో యుద్ధ వాతావరణం నెలకొన్న నేపథ్యంలో భారత ఆర్మీ చీఫ్‌ జనరల్‌ మనోజ్‌ ముకుంద్‌ నరవాణే మంగళవారం లఢక్‌ లో పర్యటించారు. తూర్పు లడఖ్ లో రెండు రోజుల పర్యటన కోసం ఇవాళ ఉదయం ఢిల్లీ నుంచి వాయుసేన ప్రత్యేక విమానంలో లేహ్ వెళ్లారు ఆర్మీ చీఫ్. విమానం ఎక్కే ముందు జనరల్‌ నరవాణేకు థర్మల్‌ స్క్రీనింగ్‌ నిర్వహించారు. 

మధ్యాహ్నం లేహ్ చేరుకున్న ఆర్మీ చీఫ్..మిలిటరీ హాస్పిటల్ ను సందర్శించారు.  ఇటీవల గల్వాన్ వ్యాలీలో చైనాతో జరిగిన ఘర్షణలో గాయపడి ట్రీట్మెంట్ పొందుతున్న జవాన్లను ఆర్మీ చీఫ్ పరామర్శించారు.  లేహ్‌ సైనిక కేంద్రానికి చేరుకున్న తర్వాత 14 కార్స్‌ అధికారులతో ఆయన సమీక్ష జరుపుతారు. చైనా అధికారులతో జరుగుతున్న చర్చల పురోగతిని ఆర్మీ చీఫ్‌ అడిగి తెలుసుకుంటారు. 

లఢక్‌ సరిహద్దులో చైనాతో ఘర్షణ వాతావరణం నెలకొన్న నేపథ్యంలో భారత వాయుసేన చీఫ్‌ ఎయిర్‌ చీఫ్‌ మార్షల్‌ రాకేశ్‌ కుమార్‌ సింగ్‌ బదయూరియా ఇటీవల లేహ్‌తోపాటు శ్రీనగర్‌ వైమానిక కేంద్రాలను రెండు రోజులపాటు రహస్యంగా సందర్శించారు. జూన్‌ 15-16 తేదీల్లో లఢక్‌లోని గల్వాన్‌ లోయలో భారత్‌, చైనా మధ్య జరిగిన ఘర్షణలో తెలంగాణకు చెందిన కల్నల్  ‌సంతోష్‌ బాబుతోసహా 20 మంది జవాన్లు అమరులైన సంగతి తెలిసిందే. ఈ ఘటన నేపథ్యంలో ఇరు దేశాల మధ్య ఉద్రిక్తతలు తీవ్రస్థాయికి పెరిగాయి. ఇటువంటి పరిస్థితుల్లో  ఆర్మీ, ఎయిర్‌ఫోర్స్‌ చీఫ్‌లు లఢక్‌కు వెళ్లడం ప్రాధాన్యత సంతరించుకున్నది.  

ప్రస్తుతం లడఖ్ లో పరిస్థితులు ఎప్పటి కప్పుడు మారిపోతున్నాయి.  ఓ వైపు చర్చలు జరుగుతున్నా.. సరిహద్దుల్లో భారీగా బలగాల మోహరింపు జరుగుతున్నట్లు  సమాచారం. ఈ బలగాల మోహరింపుతో భారత్‌-చైనా సరిహద్దుల్లో ఉద్రిక్త వాతావరణం పెరుగుతోంది. ఒక రకంగా చెప్పాలంటే యాక్చువల్ లైన్ ఆఫ్ కంట్రోల్ వద్ద పరిస్థితులు వేడెక్కుతున్నాయి.  ఇరు వైపుల వెయ్యిమందికి పైగా బలగాలు మోహరించినట్లు సమాచారం. గాల్వాన్‌ లోయలోని పెట్రోలింగ్‌ పాయింట్‌-14 , పాంగాంగ్‌ టీఎస్‌వో వద్ద ఇరు దేశాల సైనికులు వచ్చి చేరుతున్నారు. 

Categories
National

తక్కువ మాట్లాడి…ఎక్కువ పని చేయండి : ఆర్మీ చీఫ్ కు కాంగ్రెస్ హితవు

పాకిస్థాన్ ఆక్రమిత కశ్మీర్ (POK)పై భారత ఆర్మీ చీఫ్ మనోజ్ ముకుంద్ చేసిన వ్యాఖ్యలపై కాంగ్రెస్ ఫైర్ అయింది. ఆర్మీ చీఫ్ మాటలు తగ్గించి ఎక్కువ పని చేయాలని కాంగ్రెస్ లోక్ సభ పక్ష నాయకుడు అధిర్ రంజన్ చౌదరి అన్నారు.

శనివారం ఆర్మీ చీఫ్ జనరల్ మనోజ్ ముకుంద్ మాట్లాడుతూ…పీఓకే వెనక్కి తెచ్చుకోవాలని పార్లమెంట్ ఆదేశిస్తే ఆపరేషన్ పీఓకే నిర్వహించి భారత్ లో కలిపేసేందుకు సైన్యం సిధ్దంగా ఉందన్నారు. జమ్మూకశ్మీర్ భారత అంతర్భాగమని పార్లమెంట్ తీర్మానం చేసిందని.. ఒకవేళ పీఓకె కూడా మనకే చెందాలని భావిస్తే.. దానిపై పార్లమెంట్‌లో తీర్మానం చేయాల్సి ఉంటుందని అన్నారు. ఆ తీర్మానంపై తమకు ఆదేశాలు అందితే పీఓకెపై చర్యలకు రెడీ ఉన్నామని ఆయన చెప్పారు. భారత దేశం లౌకిక, ప్రజాస్వామిక, గణతంత్ర దేశమని చెప్తున్న రాజ్యాంగ విలువలకు సైన్యం కట్టుబడి ఉంటుందని కూడా ఆయన చెప్పారు.

అయితే ఆర్మీ చీఫ్ వ్యాఖ్యలపై లోక్‌సభలో కాంగ్రెస్ పక్ష నేత అధిర్ రంజన్ చేసిన ఓ ట్వీట్ లో…1994లో పార్లమెంటు ఏకగ్రీవంగా ఆమోదించిన తీర్మానాన్ని ప్రస్తావించారు. జమ్మూ-కశ్మీర్ భారత దేశంలో అంతర్భాగమని, పాకిస్థాన్ ఆక్రమించిన ప్రాంతాల నుంచి తన దళాలను పాకిస్థాన్ ఉపసంహరించుకోవాలని ఈ తీర్మానం చెప్తోందని గుర్తు చేశారు. పీఓకేపై చర్య తీసుకోవాలనుకుంటే, సీడీఎస్ జనరల్ బిపిన్ రావత్‌తోనూ, ప్రధాన మంత్రి నరేంద్ర మోడీతోనూ మాట్లాడాలని సలహా ఇచ్చారు. ఆర్మీ చీఫ్ మాటలు తగ్గించి, పని పెంచాలన్నారు.

Categories
National Political

ఎప్పుడు ఆదేశిస్తే అప్పుడు… పీఓకే ను భారత్ లో కలిపేస్తాం

పాక్ ఆక్రమిత కాశ్మీర్ విషయం పై ఆర్మీ చీఫ్ జనరల్  మనోజ్ ముకుంద్ నవరణే  సంచలన వ్యాఖ్యలు చేశారు. పీఓకే వెనక్కి తెచ్చుకోవాలని పార్లమెంట్ ఆదేశిస్తే ఆపరేషన్ పీఓకే నిర్వహించి భారత్ లో కలిపేసేందుకు తమ సైన్యం సిధ్దంగా ఉందని ఆయన తెలిపారు. జనవరి 11, శనివారం ఢిల్లీలో ఆయన విలేకరులతో మాట్లాడుతూ…. సరిహద్దు వెంట ఎటువంటి పరిస్థితులనైనా ఎదుర్కొనేందుకు ఆర్మీ సర్వసన్నద్ధంగా ఉందని చెప్పారు.

భారత ఆర్మీ ఎప్పుడూ హుందాగా వ్యవహరిస్తుందని, పాకిస్థాన్‌లా అనాగరికంగా సామాన్యులపై కాల్పులకు దిగడం లాంటివి చేయదని, శత్రువును నేరుగా ఎదుర్కొంటామని చెప్పారు. జమ్మూకశ్మీర్ భారత అంతర్భాగమని పార్లమెంట్ తీర్మానం చేసిందని.. ఒకవేళ పీఓకె కూడా మనకే చెందాలని భావిస్తే.. దానిపై పార్లమెంట్‌లో తీర్మానం చేయాల్సి ఉంటుందని అన్నారు. ఆ తీర్మానంపై తమకు ఆదేశాలు అందితే పీఓకెపై చర్యలకు రెడీ ఉన్నామని ఆయన చెప్పారు.

 

చైనా సరిహద్దులు గురించి 
పాక్‌తో పాటు చైనా సరిహద్దుల్లోనూ సైన్యం సమానంగా దృష్టి పెట్టాల్సి ఉందని ఆర్మీ చీఫ్ వివరించారు. ఈ విషయంలో సైన్యాన్ని బ్యాలెన్సింగ్ చేసుకుంటున్నామని తెలిపారు. చైనా ఆర్మీ వెస్ట్రన్ కమాండ్‌తో త్వరలో భారత మిలటరీ ఆపరేషన్స్ డీజీకి హాట్ లైన్ ఏర్పాటు చేయబోతున్నట్లు తెలిపారు.  దీనివల్ల సరిహద్దు వెంట ఏ సమస్యలు రాకుండా రెండు దేశాల మధ్య అవగాహన ఏర్పడుతుందని మనోజ్ ముకుంద్ తెలిపారు. జమ్ము, కాశ్మీర్తో సహా సరిహద్దులో ఉన్న ప్రతి సైనికుడూ నిరంతరం అప్రమత్తంగా ఉంటారని, ప్రజల మద్దతు తమకు ఉందని ఆయన అన్నారు. మిలటరీ పోలీసు విభాగాల్లోకి త్వరలో మహిళల్ని తీసుకోబోతున్నట్లు తెలిపారు. జనవరి 6న తొలి బ్యాచ్ కింద 100 మంది మహిళా జవాన్లకు శిక్షణ మొదలైందని చెప్పారు ఆర్మీ చీఫ్.
 

 

పాక్ సరిహద్దులు గురించి 
ఎల్ఓసీ వద్ద పాక్ ఆర్మీ, ఉగ్రవాదుల నుంచి  భారత్ సైన్యానికి ఎదురవుతున్న ముప్పును  గురించి ప్రస్తావిస్తూ…. ఎల్ఓసీ వెంబడి అత్యంత అప్రమత్తతో ఉంటున్నామని…. ప్రతిరోజూ నిఘా వర్గాల నివేదికలు అందుతుంటాయని చెప్పారు. వచ్చిన ఇంటిలిజెన్స్ రిపోర్టులను చాలా సీరియస్‌గానే పరిగణించి పాకిస్థాన్ ప్రత్యేక బలగాల చర్యలను సమర్ధవంతంగా తిప్పికొడుతుంటామని చెప్పారు. 

 

జమ్మూకశ్మీర్‌లో ఆర్టికల్ 370ను రద్దుచేసిన  తర్వాత… కేంద్ర ప్రభుత్వం తదుపరి లక్ష్యం పాక్ ఆక్రమిత కశ్మీరేనని…..పీఓకెను కూడా స్వాధీనం చేసుకోవాలని పలువురు కేంద్రమంత్రులు బహిరంగంగానే వ్యాఖ్యలు చేశారు. కేంద్రమంత్రి ఎస్ జైశంకర్ పీఓకె భారత అంతర్భాగమని గతేడాది సెప్టెంబర్‌లో వ్యాఖ్యానించారు. అంతేకాదు,ఏదో ఒకరోజు దానిపై భౌతిక చర్యకు దిగుతామని చెప్పారు.

Categories
Crime International

హెలికాఫ్టర్ క్రాష్…తైవాన్ ఆర్మీ చీఫ్ మృతి

హెలికాఫ్ట్రర్ క్రాష్ ఘటనలో తైవాన్ ఆర్మీ చీప్ ప్రాణాలు కోల్పోయాడు. ప్రతికూల వాతావరణంలో రాజధాని తైపీకి దగ్గర్లో జరిగిన హెలికాఫ్టర్ ప్రమాదంలో ఆర్మీ చీఫ్ జనరల్ షెన్ యి మింగ్‌తో మరో ఎనిమిది మంది ప్రాణాలు కోల్పోయారు.

గురువారం బ్లాక్ హాక్ హెలికాప్టర్‌లో జనరల్ షెన్ యి మింగ్‌తో పాటు 12 మంది ఆర్మీ ఉన్నతాధికారులు బయలుదేరారు. ఇలన్ కౌంటీలో ఉన్న డాంగావో మిలటరీ బేస్‌ను వారు తనిఖీ చేయాల్సి ఉంది. వారు బయలుదేరిన అరగంట తర్వాత ప్రయాణిస్తున్న హెలికాప్టర్‌తో సమాచారం కట్ అయింది. అయితే, వాతావరణ పరిస్థితుల కారణంగా వారు ప్రయాణిస్తున్న హెలికాప్టర్ కొండల్లో అత్యవసరంగా దిగాల్సి వచ్చింది. ఆ సమయంలో ప్రమాదం జరగ్గా జనరల్ షెన్ యి మింగ్ సహా ఎనిమిది మంది ప్రాణాలు కోల్పోయారు.

తొలుత ఆయన మిస్ అయినట్టు వార్తలు వచ్చాయి. కొందరు హెలికాప్టర్ శకలాల కింద ప్రాణాలతో ఉన్నారని ప్రచారం జరిగింది. అయితే, చివరకు ఆర్మీ చీఫ్ చనిపోయినట్టు ధ్రువీకరించారు. ఘటన జరిగిన ప్రాంతానికి రెండు బ్లాక్ హాక్ హెలికాప్టర్లను పంపారు. సహాయక చర్యల నిమిత్తం 80 మంది సైనికులను అందులో పంపారు. కొండ ప్రాంతాలు కావడంతో సహాయకచర్యలు ఆటంకం కలుగుతోందని తైవాన్ మిలటరీ అధికారులు తెలిపారు.
 

Categories
National Political

ఆర్మీ చీఫ్ గా బాధ్యతలు చేపట్టిన మనోజ్‌ ముకుంద్‌ నరవణే

భారత ఆర్మీకి నూతన సైన్యాధిపతిగా లెఫ్టినెంట్‌ జనరల్‌ మనోజ్‌ ముకుంద్‌ నరవణే మంగళవారం  డిసెంబర్ 31న బాధ్యతలు చేపట్టారు. బిపిన్‌ రావత్‌ స్థానంలో సైన్యాధిపతిగా జనరల్‌ నరవణే బాధ్యతలు స్వీకరించారు. భారత  ఆర్మీకి నరవణే  28వ సైన్యాధిపతి. జనరల్ మనోజ్ ముకుంద్…తన 37 సంవత్సరాల సర్వీసులో వివిధ బాధ్యతలను నిర్వహించారు. శ్రీలంకలో ఇండియన్ పీస్ కీపింగ్ ఫోర్స్ లో కూడా మనోజ్ ముకుంద్ ఒకడిగాపనిచేశారు.

లెఫ్టినెంట్‌ జనరల్‌ నరవణే.. మహారాష్ట్రకు చెందిన వ్యక్తి. పుణెలోని జనన ప్రబోధిని పాఠశాలలో ప్రాథమిక విద్యను అభ్యసించారు. ఉన్నత విద్యను పుణెలోని నేషనల్‌ డిఫెన్స్‌ అకాడమీ, డెహ్రాడూన్‌లోని ఇండియన్‌ మిలటరీ అకాడమీలో పూర్తి చేశారు. డిఫెన్స్‌ స్టడీస్‌లో మాస్టర్స్‌ డిగ్రీని చెన్నైలోని మద్రాస్‌ యూనివర్సిటీలో పూర్తి చేశారు. ఇండోర్‌లోని దేవీ అహిల్య విశ్వవిద్యాలయంలో డిఫెన్స్‌ అండ్‌ మేనేజ్‌మెంట్‌లో ఎంఫిల్‌ చేశారు.

1980లో తొలిసారిగా సిఖ్‌ లైట్‌ ఇన్‌ఫాంట్రీ ఏడో బెటాలియన్‌లో నియామకం అయ్యారు నరవణే. జమ్మూకశ్మీర్‌లోని రాష్ట్రీయ రైఫిల్‌లో కమాండెంట్ గా, అసోం రైఫిల్స్‌లో ఇన్‌స్పెక్టర్‌గా జనరల్‌గా నరవణే సేవలందించారు. చైనాతో 4000 కిలోమీటర్ల సరిహద్దు గల ప్రాంతాన్ని రక్షించే ఈస్టెర్న్ కమాండ్ అధిపతిగా, శ్రీలంకలో ఇండియన్ పీస్ కీపింగ్ ఫోర్స్లోనూ, మయన్మార్లోని భారత రాయబార కార్యాలయంలోనూ బాధ్యతలు నిర్వహించారు. 2019, సెప్టెంబర్‌ ఒకటో తేదీన ఆర్మీ వైస్‌ ఛీఫ్‌గా నరవణే నియామకం అయ్యారు. ఆయన అందించిన సేవలకు గాను విశిష్ట్ సేవా మెడల్, అతి విశిష్ట్ సేవా మెడల్‌లు నారావణేను వరించాయి. ఆయన భార్య వీణా నరవణే టీచర్‌‌గా పనిచేస్తున్నారు. వీరికి ఇద్దరు కుమార్తెలు ఉన్నారు.
 

Categories
National

కొత్త ఆర్మీ చీఫ్ ఈయనే

భారత ఆర్మీ నూతన చీఫ్ గా జనరల్ మనోజ్ ముకుంద్ నర్వానే ఎంపికయ్యారు. మంగళవారం(డిసెంబర్-31,2019)జనరల్ మనోజ్ ముకుంద్ బాధ్యతలు చేపట్టనున్నారు. 2016 డిసెంబర్-31న 27వ ఆర్మీ చీఫ్ గా బాధ్యతలు చేపట్టిన బిపిన్ రావత్ మంగళవారం రిటైర్డ్ అవుతున్న సమయంలో నూతన ఆర్మీ చీఫ్ గా మనోజో బాధ్యతలు స్వీకరించనున్నారు. 1.3మిలియన్ల శక్తివంతమైన ఫోర్స్ ని లీడ్ చేసే చీఫ్ ఆఫ్ డిఫెన్స్ స్టాఫ్ గా బిపిన్ రావత్ పేరును ఇప్పటికే కేంద్రప్రభుత్వం ప్రకటించిన విషయం తెలిసిందే. 

తనను ఆర్మీ చీఫ్ గా ఎంపిక చేయడం పట్ట మనోజ్ ముకుంద్ సంతోషం వ్యక్తం చేశారు. ఈ బాధ్యతను ఇవ్వడం గౌరవంగా ఉందని అన్నారు. నూతన ఆర్మీ చీఫ్ గా నియమితులైన జనరల్ మనోజ్ ముకుంద్…తన 37 సంవత్సరాల సర్వీసులో వివిధ బాధ్యతలను నిర్వహించారు. శ్రీలంకలో ఇండియన్ పీస్ కీపింగ్ ఫోర్స్ లో కూడా మనోజ్ ముకుంద్ ఒకడిగా ఉన్నారు. 

మహారాష్ట్రకు చెందిన మనోజ్ ముకుంద్ మయన్మార్ లోని భారత రాయబార కార్యాలయంలో మూడేళ్లు భారత డిఫెన్స్ అటాచీగా కూడా పనిచేశారు. సెప్టెంబరులో ఆర్మీ స్టాఫ్ వైస్ చీఫ్ గా బాధ్యతలు చేపట్టడానికి ముందు..ఆర్మీ తూర్పు కమాండ్ కు నాయకత్వం వహించారు లెఫ్టినెంట్ జనరల్ మనోజ్ ముకుంద్.  ఇది చైనాతో భారతదేశం యొక్క దాదాపు 4,000 కిలోమీటర్ల సరిహద్దును చూసుకుంటుంది.
 

Categories
National Political

ఆర్మీ చీఫ్ కి రాజకీయాలు ఎందుకు : అసదుద్దీన్ ఒవైసీ సీరియస్

ఆర్మీ చీఫ్ బిపిన్ రావత్ పొలిటికల్ లీడర్‌గా మారాలనుకుంటున్నారా..ఇదే ఆరోపణ ఇప్పుడు విపక్షాలు చేస్తున్నాయ్..పౌరసత్వ సవరణ చట్టంపై జరుగుతున్న ఆందోళనలపై ఆయన

ఆర్మీ చీఫ్ బిపిన్ రావత్ పొలిటికల్ లీడర్‌గా మారాలనుకుంటున్నారా..ఇదే ఆరోపణ ఇప్పుడు విపక్షాలు చేస్తున్నాయ్..పౌరసత్వ సవరణ చట్టంపై జరుగుతున్న ఆందోళనలపై ఆయన చేసిన కామెంట్లే ఇందుకే కారణమంటున్నాయ్.. దీంతో బిపిన్ రావత్‌కి బిజెపి మద్దతుగా నిలిస్తే..కాంగ్రెస్, ఎంఐఎం మాత్రం మాటల దాడికి దిగాయ్..ఇంతకీ బిపిన్ రావత్ ఏమన్నారు

ఆర్మీ చీఫ్ బిపిన్ రావత్ సరైన లీడర్‌షిప్ ఎలా ఉండాలో చెబుతూ చేసిన కామెంట్లు వివాదానికి దారి తీశాయ్. సిక్స్ సిగ్మా హెల్త్‌ కేర్ లీడర్‌షిప్ అవార్డ్స్ కార్యక్రమంలో పాల్గొన్న బిపిన్ రావత్ లీడర్‌ అంటే అందరినీ సరైన దిశలో నడిపించేవారని..తప్పుడు దిశలో నడిపించేవారు కాదన్నారు. ప్రస్తుతం యూనివర్సిటీల దగ్గర విద్యార్ధులు చేస్తోన్న ఆందోళనలు గమనిస్తూనే ఉన్నామని..విధ్వంసం, హింసకు పాల్పడుతున్న ఈ ఆందోళనని నడిపించడం లీడర్‌షిప్ కాదంటూ కామెంట్ చేశారాయన.

బిపిన్ రావత్ వ్యాఖ్యలని ఎంఐఎం అధినేత అసదుద్దీన్ ఒవైసీ తప్పుబట్టారు. ప్రజాస్వామ్యంలో ప్రతి ఒక్కరికీ ఆందోళన చేసే హక్కు ఉఁటుందన్నారు. ఆర్మీ చీఫ్‌గా ఉండి ఇలా మాట్లాడకూడదని, రావత్ వైఖరి ప్రభుత్వం తరపున వకాల్తా పుచ్చుకున్నట్లు ఉందంటూ ఆరోపించారు.

మరోవైపు కేంద్రహోంమంత్రి అమిత్‌షా కూడా కాంగ్రెస్‌ని టార్గెట్ చేశారు. ఢిల్లీలో ప్రశాంతతని కాంగ్రెస్, ఆ పార్టీ ఆధ్వర్యంలోని తుక్డే గ్యాంగ్‌లే చెల్లా చెదురు చేస్తున్నాయంటూ తీవ్రస్థాయిలో మండిపడ్డారు. ఢిల్లీ వాసులే వారికి బుద్ది చెప్తారన్నారు.

ఆర్మీ చీఫ్ బిపిన్ రావత్ వ్యాఖ్యలని కాంగ్రెస్ కూడా సీరియస్‌గా తీసుకుంది. రావత్ ప్రజాస్వామ్యానికి వ్యతిరేకంగా మాట్లాడారని, ఇలా అయితే ఆయన ఏదో ఒక రోజు సైనికచర్యకి కూడా పాల్పడతారంటూ కాంగ్రెస్ నేత బ్రిజేష్ కలప్పా ట్వీట్ చేశారు. ఐతే కేంద్రమంత్రి రాందాస్ అథవాలే మాత్రం ఓ పౌరుడిగా తన అభిప్రాయం చెప్పే హక్కు రావత్‌కి ఉందంటూ ఆయనకి మద్దతుగా నిలిచారు. డిసెంబర్ 31న పదవీ విరమణ చేయనున్న బిపిన్ రావత్ మొదటి సిడిఎస్‌ రేసులో ఉన్నారనే ప్రచారం జరుగుతోంది. ఈ నేపధ్యంలోనే ఆయన కామెంట్లకి రాజకీయంగా కూడా ప్రాధాన్యత ఏర్పడింది.

Categories
National

‘భారత్‌లో యుద్ధం లేదు.. శాంతి లేదు’

భారత్‌లో యుద్ధం లేదు.. శాంతి లేదు అని ఆర్మీ చీఫ్ జనరల్ బిపిన్ రావత్ సంచలన వ్యాఖ్యలు చేశాడు. పాకిస్తాన్ టెర్రరిస్టుల కారణంగానే భారత్‌లో ఇటువంటి వాతావరణం ఏర్పడిందన్నారు. డెఫ్‌కమ్ ఘటన సందర్భంగా ఉగ్రవాదం గురించి ఆర్మీ చీఫ్ ప్రస్తావించారు. 

‘మనం యుద్ధం లేదు. శాంతి లేదు అనే స్థితిలో ఉన్నాం. సెక్యూరిటీ బలగాలకు రహస్య వైఖరి ఉండాలి. ఆ విషయంలో రాజీపడితే చేయడానికి పనేమీ ఉండదు. ఈ ఉద్దేశ్యంతోనే దేశీయ వ్యవస్థను బలపరిచాం. ఇవాళ మనం రాజీపడిన వ్యవస్థలోనే ఉన్నాం’

‘టెక్నాలజీ రోజురోజుకూ పెరుగుతోంది. మనమింకా పాత పద్ధతుల్లోనే పనిచేస్తున్నాం. ఇంకా అభివృద్ధి చెందకపోతే వ్యవస్థ పూర్తిగా పాడైపోతుంది’ అని అన్నారు. ప్రస్తుతం భారత రక్షణా బలగాలు రాజీపడిన సెక్యూరిటీ వ్యవస్థతో నడుస్తున్నాయని, కమ్యూనికేషన్ వ్యవస్థలో అభివృద్ధి చెందాలని రహస్య వైఖరి నెలకొనాలని ఆయన అన్నారు. 

Categories
National

3 ఉగ్రవాద శిబిరాలు ధ్వంసం చేశాం : ఆర్మీచీఫ్.జనరల్. బిపిన్ రావత్ 

పీవోకే లోని  ఉగ్రవాద స్దావరాల పై భారత సైన్యం ఆదివారం, అక్టోబరు20న జరిపిన దాడిలో 6నుంచి 10 మంది పాక్ సైనికులు మరణించి ఉంటారని భారత ఆర్మీ చీఫ్ జనరల్ బిపిన్ రావత్ చెప్పారు.  వీరితో పాటు మరో 10 మంది ఉగ్రవాదులు కూడా మరణించి ఉంటారని ఆయన తెలిపారు. నీలం వ్యాలీలో లష్కరే తోయిబా, హిజ్బుల్ ముజాహిదీన్ ఉగ్రవాదులకు చెందిన నాలుగు స్థావరాలు లక్ష్యంగా భారత్ సైన్యం దాడులు చేసిందని. వాటిలో మూడు స్థావరాలు పూర్తిగా ధ్వంసం కాగా, మరొకటి స్వల్పంగా ధ్వంసమైందని ఆయన చెప్పారు.

జురా, అత్ముకమ్, కుండల్సాహి  ప్రాంతాల్లోని స్థావరాల్లో ఎక్కువ సంఖ్యలో ఉగ్రవాదులు ఉన్నారని సమాచారం అందిందని బిపిన్ రావత్ చెప్పారు. భారత సేనల దృష్టి మరల్చి.. పాకిస్థాన్ ప్రేరేపిత ఉగ్రవాదులను ఆదివారం ఉదయం సరిహద్దు దాటించాలన్న కుట్రతో కాల్పుల విరమణ ఒప్పందాన్ని ఉల్లంఘించి, పాక్ కాల్పులకు దిగింది. తాంగ్ధర్ సెక్టార్ లో జరిపిన కాల్పుల్లో ఇద్దరు భారత సైనికులు, ఒక సామాన్యుడు ప్రాణాలు కోల్పోయారు. దీన్ని తిప్పికొట్టేందుకు భారత ఆర్మీ రంగంలోకి దిగి పాకిస్తాన్ కు స్ట్రాంగ్ కౌంటర్  ఇచ్చింది.

తాంగ్ధర్ సెక్టార్ లో  జరిగిన కాల్పుల విషయంపై రక్షణ శాఖ మంత్రి రాజ్ నాథ్ సింగ్ ఆర్మీ చీఫ్ బిపిన్ రావత్ కు  ఫోన్ చేసి ప్రస్తుత పరిణామాల గురించి అడిగి తెలుసుకున్నారని సమాచారం.