Categories
Movies

పురోహితుడు, నలుగురు అతిథులు.. టెర్రస్‌పై బిగ్ బాస్-2 విన్నర్ వివాహం..

‘Bigg Boss 2’, ‘Roadies Season 5’ విన్నర్ అశుతోష్‌ కౌశిక్‌ ఓ ఇంటివాడయ్యాడు..

లాక్‌డౌన్ కారణంగా శుభకార్యాల ఊసే లేదు. ముందుగా పెళ్లిళ్లు ఫిక్స్ చేసుకున్నవాళ్లు చాలామంది వాయిదా వేసుకున్నారు. తప్పదు అనుకున్న వాళ్లు నియమాలు పాటిస్తూ సింపుల్‌గా కానిచ్చేస్తున్నారు. తాజాగా ‘Bigg Boss 2’, ‘Roadies Season 5’ విన్నర్ అశుతోష్‌ కౌశిక్‌ ఓ ఇంటివాడయ్యాడు. అలీఘర్‌కు చెందిన అర్పితను ఏప్రిల్ 26న పెళ్లి చేసుకున్నాడు. నోయిడాలోని అశుతోష్‌ ఇంటి టెర్రస్‌పై జరిగిన ఈ పెళ్లికి పురోహితుడితో పాటు కేవలం నలుగురు అతిథులు మాత్రమే హాజరయ్యారు.

 

వరుడి తల్లి, సోదరి, వధువు తల్లి, సోదరుడు ఈ పెళ్లికి హాజరైన వారిలో ఉన్నారు. ఇందుకు సంబంధించిన వీడియోను అశుతోష్‌ తన ఫేస్‌బుక్‌లో షేర్‌ చేశాడు. పెళ్లి తంతు జరుగుతుండగా బ్యాటుతో దోమలను కొడుతూ కనిపించాడు కౌశిక్. తన పెళ్లిని నిరాడంబరంగా జరుపుకోవడం ద్వారా ఆదా అయిన డబ్బులను పీఎం కేర్స్‌కు విరాళంగా ఇవ్వనున్నట్టు అశుతోష్‌ తెలిపాడు. అలాగే తన యూట్యూబ్‌ ఛానల్‌ ద్వారా వస్తున్న మొత్తాన్ని కూడా ఛారిటీకి ఇవ్వనున్నట్టు చెప్పాడు.

గతంలో ఓ ఇంటర్వ్యూలో కూడా తాను కేవలం కుటుంబ సభ్యుల సమక్షంలో మాత్రమే పెళ్లి చేసుకుంటానని, పెళ్లి అనేది వ్యక్తిగత అంశమని.. దానికి పెద్ద సంఖ్యలో జనాలు, మ్యూజిక్‌, డ్యాన్స్‌లు ఎందుకని ప్రశ్నించిన అశుతోష్ తనకు నచ్చిన విధంగానే పెళ్లి చేసుకున్నాడు. 

Categories
National

మతం అడ్డు కాదు: వినాయకునికి హారతి ఇచ్చి స్టెప్పులేసిన సల్మాన్ ఖాన్

కొందరు మతం పేరుతో… మూఢ నమ్మకాల పేరుతో పరాయి మతం వాళ్లను దూషిస్తూ ఉంటారు.. ఇబ్బందులు పెడుతుంటారు. కొందరైతే ప్రసాదాలను కూడా స్వీకరించరు. కానీ బాలీవుడ్ కండ‌ల వీరుడు స‌ల్మాన్ ఖాన్ మాత్రం అటువంటి మత పరిమితులు మాత్రం లేవు అంటున్నారు. మత పట్టింపులు లేకుండా హిందువుల పండుగ.. ముస్లీంల ఫెస్టివల్ అనే భేదం లేకుండా ప్రతీ పండుగను ఘనంగా జరుపుకుంటుంటారు సల్మాన్ ఖాన్.

ఈ క్రమంలోనే లేటెస్ట్ గా సల్మాన్ ఖాన్ వినాయకుని ముందు చిందేసి తన లౌకికత్వ స్వభావాన్ని చాటుకున్నాడు. సల్మాన్ ఖాన్ సోద‌రి అర్పితా ఖాన్ ప్రతీ సంవత్సరం ఇంట్లో వినాయ‌కుడిని పెట్టుకుని, ఘ‌నంగా పూజా కార్య‌క్ర‌మాలు నిర్వ‌హిస్తుంది. ఈ ఏడాది కూడా అలాగే వినాయకుని విగ్ర‌హాన్ని పెట్టుకుని మంగ‌ళ‌వారం నిమ‌జ్జ‌నం చేశారు.

ఈ నిమ‌జ్జ‌న కార్య‌క్ర‌మానికి వచ్చిన స‌ల్మాన్ ఖాన్, స్వ‌ర భాస్క‌ర్, డైసీ షా వినాయకుని ముందు తీన్మార్ స్టెప్పులు వేశారు. స‌ల్మాన్ వేసిన స్టెప్పులు అక్క‌డిని వారిని ఎంత‌గానో ఆక‌ట్టుకోగా సల్మాన్ కు సంబంధించిన వీడియోలు ప్ర‌స్తుతం సోషల్ మీడియాలో వైర‌ల్‌గా మారాయి. అలాగే స‌ల్మాన్ త‌న మేన‌ల్లుడు అహిల్‌ని ఎత్తుకొని వినాయ‌కుడికి హార‌తి ఇచ్చిన వీడియో.. త‌ల్లి స‌ల్మా ప‌క్క‌న కూర్చొని భ‌జ‌న చేస్తున్న వీడియో సోషల్ మీడియాలో వైరల్ అవుతున్నాయి.