Categories
International

7రోజుల హింస తగ్గింపు…ఒప్పందంపై సంతకానికి అమెరికా-తాలిబన్లు రెడీ

ఆఫ్గనిస్తాన్ లో వారం రోజులపాటు  హింస తగ్గింపుకు సంబంధించి ఫిబ్రవరి 29,2020న అమెరికా,తాలిబాన్ ఓ ఒప్పందంపై సంతకం చేస్తాయని యుఎస్ విదేశాంగ కార్యదర్శి మైక్ పోంపియో, తాలిబాన్ ప్రతినిధులు శుక్రవారం(ఫిబ్రవరి-21,2020) ప్రకటించారు. అమెరికా-ఇస్లామిక్ ఎమిరేట్ ఆఫ్ ఆఫ్గనిస్తాన్ (తాలిబన్ల పాలనలో ఉన్న రాష్ట్రం)ల మధ్య సుదీర్ఘ చర్చల అనంతరం ఖరారైన ఒప్పందంపై అంతర్జాతీయ అబ్జర్వర్ల సమక్షంలో ఇరు పక్షాలు సంతం చేయనున్నట్లు తాలిబన్ ప్రతినిధి ఓ స్టేట్ మెంట్ లో తెలిపారు. అంతేకాకుండా బంధీలుగా ఉన్నవారిని విడుదలచేసేందుకు ఇరు పక్షాలు ఏర్పాట్లు చేయనున్నట్లు తాలిబన్ ప్రతినిధి జబిహుల్లా ముజాహిద్ తెలిపారు.

ఆఫ్గనిస్తాన్ లో రాజకీయ సెటిల్ మెంట్,ఆ ప్రాంతంలో అమెరికా బలగాల తగ్గింపుకు సంబంధించి అమెరికా-తాలిబన్లు చర్చల్లో పాల్గొన్నట్లు మరో ప్రకటనలో అమెరికా విదేశాంగశాఖ కార్యదర్శి పోంపియో తెలిపారు. తాలిబన్లతో  ముఖ్యమైన మరియు ఆఫ్గనిస్తాన్ వ్యాప్తంగా హింస తగ్గింపును విజయవంతంగా అమలుచేసే ఒక అవగాహనతో ఒప్పందం సంతకం చేయబడుతున్నట్లు ఆయన తెలిపారు.

ఈ ఒప్పందం…. సంవత్సరాల యుద్ధం తరువాత ఆఫ్గనిస్తాన్ దేశంలో శాంతికి అవకాశం ఉంది. మరియు 2001నుంచి ఆ ప్రాంతంలో తాలిబన్లతో అమెరికా బలగాలు పోరాడుతున్న విషయం తెలిసిందే. అమెరికా బలగాలకు కూడా కొంచెం పని తగ్గిపోతుంది. తమ భూభాగ ఆధిపత్యాన్ని తాలిబన్లు విస్తరిస్తుండంతో ఆఫ్ఘనిస్తాన్లో పోరాటం చెలరేగి వేలమంది ప్రజలు,సైనికులు ప్రాణాలు కోల్పోయినప్పటికీ 2018నుంచి ఖతార్ దేశ రాజధాని దోహ సిటీలో  అమెరికా-తాలిబన్ ప్రతినిధులు చర్చలు జరుపుతున్నారు.

ఫ్లాన్ ప్రకారం…నెలలో పూర్తిగా  ఒక వారం తాలిబన్ అండ్ ఇంటర్నేషనల్ మరియు ఆఫ్టాన్ భద్రతా బలగాల మధ్య హింసలో తగ్గింపు ఉంటుందని ఆఫ్గాన్ జాతీయ భద్రతా సలహాదారు జావిద్ ఫైజల్ తెలిపారు. భవిష్యత్తులో ఇది దీర్ఘకాలం పొడిగించబడుతుందని ఆశిస్తున్నట్లు కాల్పుల విరమణ,ఇన్ ట్రా-ఆఫ్గాన్ చర్చలకు మార్గం తెరుస్తుందని ఆశిస్తున్నట్లు జావిద్ తెలిపారు. ఆఫ్గనిస్తాన్ లో ఈ వారం రోజుల హింస తగ్గింపు వచ్చే శుక్రవారం అర్థరాత్రి నుంచే అమలులోకి రానుంది.

కాల్పుల విరమణ కాదు

అయితే ఈ వారం రోజుల సమయాన్ని కాల్పుల విరమణగా పిలవకూడదని ఓ తాలిబన్ లీడర్ చెప్పారు. ప్రతి ఒక్కరికీ ఆత్మరక్షణ హక్కు ఉందని కానీ ఒకరి స్థావరాలపై మరొకరు దాడులు చేయడం ఈ ఏడు రోజుల్లో జరుగదని ఆయన చెప్పారు. ఇది ఆఫ్గనిస్తాన్ లో భద్రతా వాతావరణాన్ని సృష్టించేందుకేనని,అమెరికాతో శాంతి ఒప్పందంపై సంతకాల తర్వాత పరిస్థులు బాగుంటే ఏడు రోజుల గడువు పొడిగించబడుతుందని ఆయన తెలిపారు.

Categories
Hyderabad

సర్వం సిద్ధం : నేడు మున్సిపల్ ఎన్నికల పోలింగ్ 

మున్సిపల్ ఎన్నికలకు సర్వం సిద్ధమైంది. తెలంగాణలోని 9 నగరపాలక, 120 పురపాలక సంఘాల్లో బుధవారం (జనవరి 22, 2020) పోలింగ్ జరగనుంది.

మున్సిపల్ ఎన్నికలకు సర్వం సిద్ధమైంది. తెలంగాణలోని 9 నగరపాలక, 120 పురపాలక సంఘాల్లో బుధవారం (జనవరి 22, 2020) పోలింగ్ జరగనుంది. టెండర్‌ ఓటు ఒక్కటి పడినా ఆ ప్రాంతాల్లో రీ పోలింగ్‌ జరిపిస్తామని న్నికల సంఘం కమిషనర్‌ నాగిరెడ్డి అన్నారు. ఎన్నికల్లో ధన ప్రవాహం అరికట్టేందుకు పార్టీల నేతలు కూడా సహకరించాలని విజ్ఞప్తి చేశారు.

మున్సిపల్‌ ఎన్నికలకు అన్ని ఏర్పాట్లు పూర్తయ్యాయి. బుధవారం ఉదయం 7 గంటల నుంచి సాయంత్రం 5 గంటల వరకు పోలింగ్‌ జరగనుంది. రాష్ట్రంలోని 9 నగర పాలక సంస్థలు, 120 మున్సిపాలిటీల్లోని ప్రజలు తమ ఓటు హక్కును వినియోగించుకోనున్నారు. సెల్‌ఫోన్లు, ఇంటర్నెట్‌ ద్వారా ప్రచారం చేయకూడదని ఎన్నికల సంఘం స్పష్టంచేసింది. నిబంధనలు ఉల్లంఘించిన వారికి రెండేళ్ల వరకు జైలు శిక్ష, జరిమానా విధిస్తామని హెచ్చరించింది.  

9 కార్పొరేషన్లలోని 324 కార్పొరేటర్‌ పదవులతో పాటు 120 మున్సిపాలిటీల్లో 2647 కౌన్సిలర్‌ పదవులకు ఎన్నికలు జరగనున్నాయి. ఎన్నికల్లో తెలుపురంగు బ్యాలెట్‌ పేపర్‌ను వినియోగిస్తున్నారు. ఎన్నికలు జరిగే ప్రాంతాల్లో బుధవారం సెలవు ప్రకటించారు. పోలింగ్‌ పూర్తి అయ్యే వరకు మద్యం దుకాణాలు, బల్క్ మెస్సేజ్‌లను నిషేధించారు. ఈనెల 25న ఓట్ల లెక్కింపు చేపట్టనున్నారు. మరోవైపు కరీంనగర్‌ కార్పొరేషన్‌ పరిధిలో మాత్రం ప్రచార గడువు ఈనెల 22 వరకు ఉంది. 

రాష్ట్రంలో 53 లక్షలకు పైగా ఓటర్లు తమ ఓటు హక్కును వినియోగించనున్నారు. రంగారెడ్డి జిల్లాలో అత్యధికంగా ఆరున్నర లక్షల మంది, జనగామ జిల్లాలో అత్యల్పంగా 39వేల 729 మంది ఓటర్లు ఉన్నారు. దేశంలోనే తొలిసారిగా ఫేస్ రికగ్నైజేషన్ యాప్ వినియోగిస్తుంది ఎన్నికల సంఘం. కొంపల్లిలోని 10 పోలింగ్ బూత్‌లలో పైలట్ ప్రాజెక్ట్‌గా యాప్‌ను వాడుతోంది ఎన్నికల సంఘం. 

టీఆర్‌ఎస్‌ నుంచి బరిలో 2 వేల 972 మంది అభ్యర్థులున్నారు. కాంగ్రెస్‌ నుంచి పోటీలో 2 వేల 616  మంది అభ్యర్థులున్నారు. బీజేపీ నుంచి బరిలో 2 వేల 313 మంది అభ్యర్థులు పోటీలో ఉన్నారు. టీడీపీ నుంచి 347మంది.. ఎంఐఎం 276 స్థానాల్లో పోటీ చేస్తోంది. సీపీఐ నుంచి 177 మంది, సీపీఎం నుంచి 166 మంది అభ్యర్థులు బరిలో ఉన్నారు. పలు గుర్తింపు పొందిన పార్టీల నుంచి 281 మంది పోటీ పడుతుండగా.. 3 వేల 750 మంది స్వతంత్రులు బరిలో ఉన్నారు. 80 వార్డుల్లో టీఆర్‌ఎస్‌, 3 వార్డుల్లో ఎంఐఎం అభ్యర్థులు ఏకగ్రీవంగా ఎంపిక అయ్యారు.

టెండర్‌ ఓటు ఒక్కటి పడినా ఆ ప్రాంతాల్లో రీ పోలింగ్‌ జరిపిస్తామని న్నికల సంఘం కమిషనర్‌ నాగిరెడ్డి అన్నారు. ఎన్నికల్లో ధన ప్రవాహం అరికట్టేందుకు పార్టీల నేతలు కూడా సహకరించాలని విజ్ఞప్తి చేశారు. ఎన్నికల ఖర్చు వివరాలను తప్పుగా చూపిస్తే కఠిన చర్యలు తీసుకుంటామని కమిషనర్‌ హెచ్చరించారు.

పోలింగ్‌ కేంద్రాల్లో పోటీ చేసే అభ్యర్థి వివరాలను నోటీసు బోర్డులో ఉంచుతామని, అభ్యర్థుల చరిత్ర, నేర చరిత్ర, ఆస్తుల వివరాలు అందుబాటులో ఉంచుతామని తెలిపారు. మున్సిపల్ ఎన్నికల్లో విన్నింగ్ మార్జిన్ పదుల్లోనే ఉంటుందని, అందుకే ప్రతి ఓటు కీలకమైనదేనంటూ.. ప్రతి ఒక్కరూ ఓటు హక్కు వినియోగించుకోవాలని సూచించారు. 
 

Categories
National

కాంగ్రెస్ కు మోడీ ఆఫర్ : కశ్మీర్ వెళ్లాలనుకుంటే ఏర్పాట్లు చేస్తా

కశ్మీర్ వెళ్లాలనుకునే కాంగ్రెస్ నాయకులు తనకు సమాచారం ఇస్తే తాను వారు కశ్మీర్ వెళ్లేందుకు ఏర్పాట్లు చేస్తానని ప్రధానమంత్రి మోడీ అన్నారు. మహారాష్ట్ర అసెంబ్లీ ఎన్నికల ప్రచారంలో భాగంగా పర్లిలో నిర్వహించిన ర్యాలీలో మోడీ మాట్లాడుతూ కాంగ్రెస్ పై తీవ్రస్థాయిలో ఫైర్ అయ్యారు. దేశ ప్రజల ఆకాంక్షల దృష్యా  తీసుకున్న ఆర్టికల్ 370రద్దు గురించి చరిత్రలో ప్రస్తావనకు వస్తే ప్రజలు దానిని తిరస్కరిస్తారని,ఆర్టికల్ 370రద్దు తప్పు అని మాట్లాడేవాళ్లకు ప్రజలు తగిన బుద్ది చెబుతారన్నారు. 

కశ్మీర్‌లో హిందువులు ఉంటే బిజెపి ప్రభుత్వం ఈ నిర్ణయం తీసుకోలేదని కాంగ్రెస్ నాయకుడు చెప్పారని (ఆర్టికల్ 370 ను రద్దు చేయడం), దేశం  ఐక్యత మరియు సమగ్రతలో మీరు ‘హిందూ-ముస్లిం’ని చూస్తున్నారా అని మోడీ కాంగ్రెస్ ను ప్రశ్నించారు. మరో కాంగ్రెస్ నాయకుడు మాట్లాడుతూ..ఆర్టికల్ 370రద్దుతో దేశం ముక్కలవుతుందన్నారు.

రద్దు చేసి మూడు నెలల అవుతుందని దేశం ముక్కలైందా అని మోడీ ప్రశ్నించారు. ఆర్టికల్ 370రద్దుతో మనం కశ్మీర్ ను కోల్పోతున్నాం అని మరో కాంగ్రెస్ లీడర్ చెప్పాడని,మనం కశ్మీర్ ను కోల్పోయామా అని మోడీ ప్రశ్నించారు. కశ్మీర్ వెళ్లాలనుకుంటే తనకు చెప్తే తానే స్వయంగా ఏర్పాటు చేస్తానని మోడీ అన్నారు.