Categories
Crime News National

అరెస్ట్ సమయంలో… గ్యాంగ్ స్టర్ వికాస్ చెంప చెల్లుమనిపించిన ఎంపీ పోలీస్

ఉత్తరప్రదేశ్‌ రాష్ట్రంలోని కాన్పూర్‌లో 8మంది పోలీసుల మృతికి కారణమైన కేసులో ప్రధాన నిందితుడు, మోస్టు వాటెండ్‌ క్రిమినల్‌ వికాస్‌ దూబే మధ్యప్రదేశ్‌ రాష్ట్రంలోని ఉజ్జయిని మహాంకాళి ఆలయంలో గురువారం ఉదయం పోలీసులకు పట్టుబడిన విషయం తెలిసిందే.

అయితే వికాస్ ను అరెస్ట్ చేసే సమయంలో ఓ పోలీస్ కానిస్టేబుల్ అతడిని గట్టిగా పట్టుకున్నాడు. దీంతో స్వరం పెంచిన నిందితుడు… . ‘మై వికాస్ దూబే హూ.. కాన్పూర్ వాలా.. (నేను వికాస్ దూబే.. నాది కాన్పూర్)’ అని అరిచాడు. పోలీసులనే చంపేశాడుగా.. తన పేరు చెబితేనే గడగడలాడిపోతారని అనుకున్నాడేమో.. పట్టుబడేటప్పుడు కూడా అదే గాంభీర్యం ప్రదర్శించాడు. కానీ, అవతల పట్టుకున్న కానిస్టేబుల్ అంతకంటే మొండివాడిలా ఉన్నాడు. ‘చుప్.. ఆవాజ్ నహీ.. (అరవకు.. సౌండ్ వినపడొద్దు) అంటూ చెంప చెల్లుమనిపించాడు. వికాస్ దూబే నోట్లో నుంచి ఇంకా మాట బయటకు రాలేదు. ఆ తర్వాత మరికొంత మంది పోలీసులు వచ్చి అతడిని బంధించి పోలీసు వాహనంలోకి ఎక్కించి తీసుకెళ్లారు.

ఆ వీఐపీ పాస్ ఎక్కడిది? 
వికాస్ దూబే వీఐపీ పాస్‌తో మహాంకాళి ఆలయానికి వచ్చినట్లు పోలీసులు గుర్తించారు. అతడు వీఐపీ పాస్ ఎవరి ద్వారా పొందాడనే విషయాన్ని కనిపెట్టడానికి పోలీసులు దర్యాప్తు చేస్తున్నారు. ఆలయం ముందుకు వచ్చి అమ్మవారికి నమస్కారం చేస్తున్న వికాస్ దూబేను అక్కడే ఉన్న ఓ వ్యాపారి గుర్తించి ఆలయంలోని భద్రతా సిబ్బందిని అలర్ట్ చేసినట్లు తెలుస్తోంది. దీంతో వాళ్లు వచ్చి అతడిని పట్టుకున్నారు. అనంతరం ఉజ్జయినీ పోలీసులు వచ్చి తీసుకెళ్లిపోయారు

జూన్‌ 3న కాన్పూర్‌ పోలీసులు హత్య కేసులో వికాస్‌ దూబేను అరెస్టు చేసేందుకు బిక్రూ గ్రామానికి వెళ్తుండగా వారి వాహనానికి దూబే అనుచరులు భూమిని చదును చేసే యంత్రాన్ని అడ్డుపెట్టి వాహనాల చాటు నుంచి‌ పోలీసులపైకి కాల్పులు జరిపారు. కాల్పుల్లో ఓ డిప్యూటీ ఎస్పీస్థాయి అధికారితోపాటు, ముగ్గురు ఎస్‌ఐలు, నలుగురు కానిస్టేబుళ్లు మృతి చెందారు. నాటి నుంచి వికాస్‌ దూబే పరారీలో ఉండగా పోలీసులు 40బృందాలుగా ఏర్పడి అతడి ఆచూకీ కనుగొనే పనిలో పడ్డారు. శుక్రవారం హర్యానాలో పోలీసుల కంటపడిన దూబే చిక్కినట్లే చిక్కి తప్పించుకున్నాడు. ఈ ఐదురోజులుగా సాగిన వేటలో వికాస్‌ దూబేకు చెందిన ఐదుగురు అనుచరులను పోలీసులు మట్టుబెట్టారు. చాలా మందిని విచారించి చివరకు గురువారం దూబేను పట్టుకున్నారు.

Categories
National

చిక్కాడు, మోస్ట్ వాంటెడ్ గ్యాంగ్‌స్టర్ వికాస్ దూబే అరెస్ట్

యూపీలో మోస్ట్ వాంటెడ్ గ్యాంగ్‌స్టర్ వికాస్ దూబే దొరికాడు. గురువారం(జూలై 9,2020) పోలీసులు వికాస్‌ను అరెస్ట్ చేశారు. వారం రోజుల నుంచి తప్పించుకుని తిరుగుతున్న వికాస్ దూబేని యూపీ పోలీసులు మధ్యప్రదేశ్ ఉజ్జయినిలో పట్టుకున్నారు. అతడిని అదుపులోకి తీసుకున్నారు. కాన్పూర్ లో 8మంది పోలీసులను కాల్చి చంపిన కేసులో వికాస్ దూబే ప్రధాన నిందితుడు. ఆ ఘటన తర్వాత వికాస్ దూబే తప్పించుకుని తిరుగుతున్నాడు. అతడి కోసం తీవ్రంగా గాలించిన యూపీ పోలీసులు చివరికి సక్సెస్ అయ్యారు. కాగా, ఇప్పటికే వికాస్ దూబే ముగ్గురు ప్రధాన అనుచరులను పోలీసులు హతం చేశారు. నిన్న(జూలై 8,2020) వికాస్ దూబే రైట్ హ్యాండ్ అమర్ దూబేని ఎన్ కౌంటర్ చేసిన పోలీసులు ఇవాళ(జూలై 9,2020) మరో ఇద్దరు అనుచరులను చంపేశారు. వికాస్ దూబేపై పోలీసులు 5లక్షల రూపాయల రివార్డు కూడా ప్రకటించిన సంగతి తెలిసిందే.

8మంది పోలీసులను పొట్టన పెట్టుకున్నారు:
జూలై 3వ తేదీన బిక్రూ గ్రామంలో వికాస్ దూబేని పట్టుకునేందుకు పోలీసులు వెళ్లారు. ఆ సమయంలో వికాస్ దూబే గ్యాంగ్ కాల్పులు జరిపింది. ఈ కాల్పుల్లో 8మంది పోలీసుల చనిపోయారు. దేశవ్యాప్తంగా ఈ ఘటన సంచలనం రేపింది. యూపీ ప్రభుత్వం, పోలీసులు ఉన్నతాధికారులు ఈ ఘటనను సీరియస్ గా తీసుకున్నారు. ప్రతీకారంతో రగిలిపోయారు. పోలీసులను హతమార్చి పారిపోయిన వికాస్ దూబే కోసం పోలీసులు ముమ్మరంగా గాలించారు. ఏకంగా 40 పోలీసు బృందాలు రంగంలోకి దిగి వికాస్ కోసం వేటాడాయి. పొరుగు రాష్ట్రాల పోలీసులను కూడా అప్రమత్తం చేశారు. వికాస్ దూబే చిక్కినట్టే చిక్కి తప్పించుకున్నాడు. చివరికి ఉజ్జయినిలో దొరికిపోయాడు.

వికాస్ దూబే ఇద్దరు అనుచరులు హతం:
వికాస్‌దూబే మరో ఇద్దరు అనుచరులను యూపీ పోలీసులు గురువారం(జూలై 9,2020) వేర్వేరు చోట్ల ఎన్ కౌంటర్ చేశారు. వికాస్ సన్నిహిత అనుచరుడు ప్రవీణ్ అలియాస్ బవువా దూబేను కాల్చి చంపారు. 8మంది పోలీసులను చంపి పరారీలో ఉన్న వికాస్ దూబేతోపాటు అతని ముఠా సభ్యుల కోసం యూపీ ప్రత్యేక పోలీసులు గాలిస్తున్న సమయంలో ఇటావా పట్టణంలో గురువారం తెల్లవారుజామున జరిగిన ఎన్‌కౌంటర్‌లో వికాస్ దూబేకు సన్నిహిత అనుచరుడైన బవువా దూబే హతమయ్యాడు.

పోలీసుల ఎదురుకాల్పుల్లో హతం:
ఇటావా పట్టణ సమీపంలోని బాకేవార్ పోలీస్ స్టేషన్ పరిధి మహీవా దగ్గర జాతీయ రహదారిపై గురువారం తెల్లవారుజామున 3 గంటలకు స్పార్పియోలో వచ్చిన నలుగురు సాయుధులు స్విఫ్ట్ డిజైర్ కారును చోరీ చేసి పారిపోతుండగా పోలీసులు వారిని కచురా రోడ్డు దగ్గర అడ్డుకున్నారు. దీంతో వేగంగా వస్తున్న స్విఫ్ట్ డిజైర్ కారు చెట్టును ఢీకొట్టింది. అనంతరం కారులో వారు పోలీసులపై కాల్పులు జరిపారు. దీంతో పోలీసులు ఎదురుకాల్పులు జరిపారు. ఈ కాల్పుల్లో ఒకరు మరణించారు. మరణించింది ప్రవీణ్ అలియాస్ బవువా దూబే అని తేలింది. మృతుడి నుంచి ఒక పిస్టల్, మరో డబుల్ బ్యారల్ గన్, తూటాలను పోలీసులు స్వాధీనం చేసుకున్నారు. మరో ముగ్గురు ముఠా సభ్యులు స్కార్పియోలో పారిపోయారు. పారిపోయిన ముఠా సభ్యుల కోసం సమీప జిల్లాల్లో గాలింపు ముమ్మరం చేశామని ఈటావా ఎస్పీ ఆకాష్ తోమర్ చెప్పారు.

తప్పించుకునే ప్రయత్నంలో ఎన్‌కౌంటర్:
వికాస్ దూబే మరో అనుచరుడు ప్రభాత్ మిశ్రాను కాన్పూర్ దగ్గర పోలీసులు కాల్చి చంపారు. పోలీసుల కస్టడీ నుంచి పారిపోతుండగా జరిపిన కాల్పుల్లో ప్రభాత్ మిశ్రా హతమయ్యాడు. ప్రభాత్ మిశ్రాను బుధవారం పోలీసులు అరెస్టు చేసి, రిమాండుకు తరలిస్తుండగా అతను పారిపోయేందుకు యత్నించాడు. ప్రభాత్ మిశ్రాను కారులో కాన్పూరుకు తరలిస్తుండగా పంకీ దగ్గర కారు టైరుకు పంక్చర్ అయింది. దీంతో ప్రభాత్ పోలీసు నుంచి పిస్టల్ లాక్కొని కాల్పులు జరిపాడని, తాము ఎదురుకాల్పులు జరిపామని, ఈ కాల్పుల్లో ప్రభాత్ మరణించాడని పోలీసులు వెల్లడించారు.

Categories
Crime

న్యూడ్ ఫొటోల బెదిరింపు కేసులో మరో నలుగురు అరెస్టు..నిందితుల నుంచి కీలక సమాచారం రాబడుతున్న పోలీసులు

గుంటూరులో సంచలనం రేపిన న్యూడ్ ఫోటోల బెదిరింపు కేసులో పోలీసులు విచారణ ముమ్మరం చేశారు. ఇవాళ మరో నలుగురిని అదుపులోకి తీసుకుని విచారిస్తున్నారు. పోలీస్ కస్టడీలో ఉన్న ఏ1, ఏ2లను రెండు రోజులుగా విచారిస్తున్నారు. విచారణలో వారి నుంచి కీలక విషయాలను రాబట్టారు. ఘటనలో పాలుపంచుకున్న వారంతా ఒకే కాలేజీకి చెందిన వారిగా గుర్తించారు. ఈ కేసులో ఇప్పటికే 9 మందిని అరెస్టు చేశారు. అయితే మొత్తం ఎపిసోడ్ పై రౌడీ షీటర్ల పాత్ర ఉందా అనే కోణంలో పోలీసులు ఆరా తీస్తున్నారు.

ఇటీవల యువతి నగ్న చిత్రతాలను ఇన్ స్టాగ్రామ్ లో పోస్టు చేసి, బెదిరించిన కేసులో దాదాపు తొమ్మిది మందిని ఇప్పటికే పోలీసులు అరెస్టు చేశారు. ఇందులో ఏ1, ఏ2 లను రెండు రోజుల క్రితం కస్టడీలోకి తీసుకున్నారు. అయితే వీరు చెప్పిన ఆధారాల ప్రకారం మరో నలుగురు యువకులను అదుపులోకి తీసుకున్నారు. ముఖ్యంగా ఇందులో లేడీస్ పాత్ర ఎంత వరకు ఉందని విచారణ చేస్తున్నారు.

అయతే రౌడీ షీటర్లు కూడా ఇందులో ఇన్వాల్వ్ అయ్యారు..వారిలో కొంతమంది సెటిల్ మెంట్ చేస్తున్నారన్న విషయంపై కూడా పూర్తిగా విచారణ చేస్తున్నారు. మరోవైపు నగ్న చిత్రాలు పోస్టు చేసిన హ్యాకర్ ద్వారా ఇదంతా జరిగిందని పోలీసులు భావిస్తున్నారు. ఆ హ్యాకర్ ఎవరు అనేదానిపై కూడా పోలీసులు విచారణ చేస్తున్నారు.

Categories
Crime

13ఏళ్ల బాలికను కిడ్నాప్ చేసి రేప్ చేసిన ఫేస్‌బుక్ ఫ్రెండ్

ముంబైలో దారుణం జరిగింది. ఫేస్ బుక్ లో పరిచయమైన ఫ్రెండ్ ఘాతుకానికి ఒడిగట్టాడు. 13ఏళ్ల బాలికను కిడ్నాప్ చేసి అత్యాచారం చేశాడు. మంగళవారం(జూలై 7,2020) ఈ ఘటన జరిగింది. వెంటనే రంగంలోకి దిగిన పోలీసులు ప్రధాని నిందితుడిని, అతడికి సహకరించిన నలుగురిని అరెస్ట్ చేశారు. ప్రధాన నిందితుడు వయసు 22 ఏళ్లు. రాజస్తాన్, మధ్యప్రదేశ్ ప్రాంతాల్లో రెయిడ్స్ చేసి నిందితులను పట్టుకున్నారు. బాలికను వారి చెర నుంచి కాపాడారు.

minor girl rape at hyderabad

ముంబై టు రాజస్తాన్:
జూలై 1వ తేదీ నుంచి బాలిక కనిపించడం లేదు. కంగారుపడిన తల్లిదండ్రులు పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాఫ్తు చేపట్టారు. ఫేస్ బుక్ ఫ్రెండ్ తో బాలిక టచ్ లో ఉన్నట్టు పోలీసులు విచారణలో కనుగొన్నారు. సెల్ ఫోన్ సిగ్నల్స్ ఆధారంగా నిందితుడి ఆచూకీ కనిపెట్టారు. వెంటనే ఓ పోలీసు బృందం రాజస్తాన్ లోని జల్వాడ్ కు మరో టీమ్ మధ్యప్రదేశ్ లోని రాజ్ గర్ కు వెళ్లింది. ఏకకాలంలో రెండు చోట్ల దాడులు చేసిన పోలీసులు కిడ్నాపర్ ను పట్టుకున్నారు. బాలికను వారి చెర నుంచి విడిపించారు.

బాలికను కిడ్నాప్ చేసి రేప్:
తన నలుగురు స్నేహితుల సాయంతో బాలికను కిడ్నాప్ చేసి రాజస్తాన్ తీసుకెళ్లి రేప్ చేసినట్లు పోలీసుల విచారణలో నిందితుడు ఒప్పుకున్నాడు. లాక్ డౌన్ కారణంగా సరిహద్దుల్లో చెక్ పోస్టులు ఉన్నాయి. అయినా నిందితుడు ధైర్యంగా బాలికను కిడ్నాప్ చేసి ఓ వాహనంలో మరో రాష్ట్రానికి తీసుకెళ్లాడు. కాగా, దారిలో ఎక్కడా కూడా వాహనాన్ని ఆపి తనిఖీ చేయకపోవడం విమర్శలకు తావిస్తోంది. లాక్ డౌన్ నిబంధనలకు అనుగుణంగా ఒక రాష్ట్రం నుంచి నుంచి మరో రాష్ట్రం వెళ్లాలంటే పర్మిషన్ ఉండాలి. పాస్ తీసుకోవాలి. కానీ అవేమీ లేకుండా నిందితుడు కిడ్నాప్ చేసి తీసుకెళ్లాడు. ప్రధాని నిందితుడు, అతడికి సహకరించిన వారిపై పోలీసులు పోక్సో చట్టం కింద కేసు నమోదు చేశారు.

rape attempt

సోషల్ మీడియాలో అపరిచిత వ్యక్తులతో పరిచయాలు ప్రమాదకరం:
కాగా, ఈ ఘటన స్థానికంగా సంచలనం రేపింది. ఫేస్ బుక్ ద్వారా పరిచయమైన వాడు ఇంతటి దురాఘతానికి పాల్పడటం అందరిని షాక్ కి గురి చేసింది. సోషల్ మీడియాలో అపరిచిత వ్యక్తులతో పరిచయాలు మంచివి కాదని పోలీసులు పదే పదే చెబుతున్నారు. సోషల్ మీడియా వేదికగా కంత్రీగాళ్లు అమ్మాయిలకు ఎరవేస్తున్నారు. స్నేహం పేరుతో పరిచయం చేసుకుని దురాఘతాలకు ఒడిగడుతున్నారు. బ్లాక్ మెయిల్, కిడ్నాప్, అత్యాచారాలకు పాల్పడుతున్నారు. పిల్లల విషయంలో తల్లిదండ్రులు కూడా అప్రమత్తంగా ఉండాలని పోలీసులు సూచిస్తున్నారు. పిల్లలు ఏం చూస్తున్నారు? ఎవరితో స్నేహం చేస్తున్నారు? ఎవరితో మాట్లాడుతున్నారు? అనే విషయాలపై నిత్యం కన్నేసి ఉంచాలంటున్నారు. తల్లిదండ్రులు ఎంత జాగ్రత్తగా ఉంటే అంత మంచిది అంటున్నారు.

Read Here>>పోలీసుల రివెంజ్, గ్యాంగ్‌స్టర్ వికాస్ దూబే రైట్ హ్యాండ్ హతం

Categories
Crime

కథ అడ్డం తిరిగింది, చెల్లి పెళ్లి డబ్బు కోసం కిడ్నాప్ డ్రామా, సల్మాన్ అరెస్ట్

కథ అడ్డం తిరిగింది. ప్లాన్ బెడిసికొట్టింది. డబ్బు చేతికి అందకపోగా జైలు పాలయ్యాడు. చెల్లి పెళ్లి డబ్బు కోసం కిడ్నాప్ డ్రామా ఆడిన వ్యక్తి కటకటాల పాలయ్యాడు. పోలీసులు ఆ వ్యక్తిని అరెస్ట్ చేశారు. కేవలం 2 గంటల్లోనే కేసుని చేధించారు పోలీసులు. కిడ్నాప్ డ్రామా ఆడిన వ్యక్తిని పోలీసులు జైలుకి తరలించారు. దేశ రాజధాని ఢిల్లీలోని వజీరాబాద్ లో ఈ ఘటన జరిగింది. అతడి పేరు సల్మాన్. వయసు 24 ఏళ్లు. పేద కుటుంబం. సల్మాన్ కు ఓ చెల్లి ఉంది. ఆమెకి పెళ్లి చేయాలని అనుకున్నాడు. అయితే సల్మాన్ దగ్గర అంత డబ్బు లేదు. ఎలాగైనా చెల్లి వివాహం జరిపించాలని డిసైడ్ అయిన సల్మాన్ కిడ్నాప్ స్కెచ్ వేశాడు.

Corona virus positive for 2557 police men in maharastra

అంకుల్ నుంచి డబ్బు రాబట్టేందుకు:
ఈ క్రమంలో సల్మాన్ కన్ను తన బంధువు అయిన అంకుల్ ముదాసిర్ పైన పడింది. ముదాసిర్ బాగా డబ్బున్న వ్యక్తి. ఎలాగైనా అతడి నుంచి డబ్బు సంపాదించాలకున్నాడు. ఇందులో భాగంగా కిడ్నాప్ డ్రామాకి తెరలేపాడు. తాను కిడ్నాప్ అయ్యానని, తనను ఓ రూమ్ లో బంధించారని సల్మాన్ తన సోదరుడికి ఫోన్ చేశాడు. తనను క్షేమంగా వదిలేయాలంటే కిడ్నాపర్లు రూ.5లక్షలు డిమాండ్ చేస్తున్నారని చెప్పాడు. కంగారు పడిన సల్మాన్ సోదరుడు పోలీసులను ఆశ్రయించాడు. కేసు నమోదు చేసుకుని రంగంలోకి దిగిన పోలీసులు దర్యాఫ్తు చేపట్టారు. పలు బృందాలుగా రంగంలోకి దిగిన పోలీసులు కిడ్నాపర్స్ కోసం గాలించడం మొదలు పెట్టారు. సెల్ ఫోన్స్ సిగ్నల్స్ ఆధారంగా పోలీసులు సల్మాన్ ఉంటున్న ప్రాంతాన్ని గుర్తించారు. అక్కడికి వెళ్లి చూడగా అక్కడ ఎవరూ లేరు. ఆ తర్వాత సల్మాన్ ఫోన్ స్విచ్చాఫ్ వచ్చింది. పోలీసులు స్థానికంగా ఉన్న సీసీటీవీ ఫుటేజీ పరిశీలించారు. దీంతో సల్మాన్ బండారం మొత్తం బయటపడింది. అక్కడ సల్మాన్ తప్ప మరెవరూ లేరు. దీంతో సల్మాన్ కిడ్నాప్ డ్రామా ఆడినట్టు వారికి అర్థమైపోయింది. ఆ తర్వాత పోలీసులు సల్మాన్ ని కనిపెట్టి పట్టుకున్నారు. తమదైన స్టైల్ లో విచారించారు.

అడ్డంగా దొరికిపోయిన సల్మాన్:
తనను ఎవరూ కిడ్నాప్ చేయలేదని, తాను కిడ్నాప్ డ్రామా ఆడినట్టు సల్మాన్ పోలీసుల విచారణలో ఒప్పుకున్నాడు. ఎందుకిలా చేశావు అని అడిగితే, తన చెల్లి పెళ్లి డబ్బు కోసం అని చెప్పాడు. తన అంకుల్ ముదాసిర్ బాగా డబ్బున్న వ్యక్తి అని, తాను కిడ్నాప్ అయినట్టు తెలిస్తే తనను విడిపించుకోవడానికి ఆయన రూ.5లక్షలు ఇచ్చేవాడని పోలీసులతో చెప్పాడు. తాను తన సోదరుడికి ఫోన్ చేసి తాను కిడ్నాప్ అయినట్టు చెబితే, అతడు అంకుల్ ముదాసిర్ కు ఫోన్ చేసి విషయం చెప్పి రూ.5లక్షలు ఇప్పించుకునే వాడని సల్మాన్ వివరించాడు. అయితే కథం అడ్డం తిరిగింది. సల్మాన్ కిడ్నాప్ డ్రామాకు తెరపడింది. సల్మాన్ ను రెడ్ హ్యాండెడ్ గా పోలీసులకు దొరికిపోయాడు. కటకటాల పాలయ్యాడు.

Read Here>>అత్యాచార నిందితుడికి కరోనా..60మంది పోలీసులు క్వారంటైన్ కి

Categories
Crime National

గ్యాంగ్‌రేప్‌కు గురైన ఇద్దరు మైనర్లు.. వీడియో తీసి బ్లాక్ మెయిల్ చేసిన ఐదుగురు

అస్సాంలోని విశ్వనాథ్ జిల్లాలో జరిగిన ఘటన ఆలస్యంగా వెలుగులోకి వచ్చింది. ఇద్దరు గిరిజన బాలికలను గ్యాంగ్ రేప్ చేసి బ్లాక్ మెయిల్ చేసిన ఘటన వివరాలు ఇలా ఉన్నాయి. పోలీసులు ఐదుగురిని నిందితులుగా గుర్తించి అరెస్టు చేశారు. ప్రణబ్‌జ్యోతి పత్‌గిరి నిందితులలో ఒకరు. అతనే ఇద్దరు బాలికలను హెలెమ్ లోని ఐసోలేటెడ్ ఏరియా ఇంట్లోకి లాక్కెళ్లాడు.

పత్‌గిరి తనతో పాటు మరికొందరు స్నేహితులతో కలిసి గ్యాంగ్ రేప్ చేసినట్లు వెల్లడించాడు. నిందితులు ఘటనను వీడియో చిత్రించినట్లు కొద్ది రోజుల తర్వాత తెలిసింది. ఆ తర్వాత వీరంతా కలిసి బ్లాక్ మెయిల్ చేసి మరోసారి రేప్ చేయాలనుకున్నారు. శనివారం ఘటనపై పోలీసులకు కంప్లైంట్ చేశారు.

ఆదివారం విశ్వనాథ్ జిల్లా పోలీసులు పలు లొకేషన్లలో ఆపరేషన్ స్టార్ట్ చేసి హెలెమ్ ఏరియాలో ఐదుగురిని అరెస్టు చేశారు. ‘వారందరిపై సెక్సువల్ అఫెన్సెస్(పోక్సో) చట్టం కింద కేసు నమోదు చేశారు. ఎఫ్ఐఆర్ ఆధారంగా ఇద్దరు బాధితుల కోసం పోలీసులు ఐదుగురిని అరెస్టు చేశారు. ఇదే కాకుండా ఇన్వెస్టిగేషన్ జరుగుతుంది’ అని సింగ్ అన్నారు.

చట్ట ప్రకారం.. వ్యక్తుల పట్ల యాక్షన్ తీసుకుంటామని అన్నారు. అరెస్టు అయిన ఐదుగురు ప్రణబ్‌జ్యోతి పత్‌గిరి, సోనూ అగర్వాల్, సంజీబ్ ఫుకాన్, దీపక్ గురుంగ్, రాకేశ్ పాయేంగ్ లుగా పేర్కొన్నారు.

Categories
Andhrapradesh

విశాఖలో డ్రగ్స్ రాకెట్ కలకలం..నలుగురు అరెస్టు..భారీగా మాదక ద్రవ్యాలు స్వాధీనం

విశాఖలో డ్రగ్స్ రాకెట్ కలకలం రేపుతోంది. టాస్క్ ఫోర్స్ పోలీసులు డ్రగ్స్ రాకెట్ గుట్టురట్టు చేశారు. డ్రగ్స్ అమ్ముతున్న నలుగురిని అదుపులోకి తీసుకున్నారు. సత్యనారాయణ, అజయ్, రవికుమార్, మనోజ్ స్వరూప్ ను పోలీసులు అరెస్టు చేశారు. వీరిని నుంచి భారీగా మాదక ద్రవ్యాలను స్వాధీనం చేసుకున్నారు. నిందితులను నుంచి 61 ఎల్ ఎస్ డీ స్టిక్కర్లు, 2.5 గ్రాముల ఎండీఎంఏ, 60 గ్రాముల గంజాయి, రూ.9,500 నగదు, నాలుగు మొబైల్స్ ను స్వాధీనం చేసుకున్నారు.

గతంలో రేవ్ పార్టీలో వాడిన మత్తు పదార్థాలు మరోసారి ప్రత్యక్షం అయ్యాయి. ఎల్ ఎస్ డీ స్టిక్కర్లు, ఎండీఎంఏ పౌడర్ అనేది అత్యంత ఖరీదైనవి. ముఖ్యంగా ఎల్ ఎస్ డీ స్టిక్కర్లు, ఎండీఎంఏ పౌడర్ సేవించనట్లైతే దాదాపు 9 గంటలు 12 గంటల వరకు మత్తు ఎక్కువ వస్తుంది. మత్తు అనేది 12 గంటల వరకు ఉంటుంది. ఈ మత్తు కోసం అనేక మంది యువత, యువతులు వీరిని ఆశ్రయిస్తున్నారు. ఈ క్రమంలోనే గోవాకు వెళ్లి డ్రగ్స్ కు సంబంధించిన వారితో సంబంధాలు కొనసాగించే వాడు. ఈ క్రమంలోనే అతను డ్రగ్స్ ను సేకరించి విశాఖకు తీసుకొచ్చి విక్రయిస్తూ ఉంటాడు.

గతంలో రుషికొండలోని ఒక ప్రైవేట్ రిసార్ట్ లో డ్రగ్స్, ఎల్ ఎస్ డీ స్టిక్కర్లు, ఎండీఎంఏ భారీ ఎత్తున లభ్యమయ్యాయి. అక్కడ దాదాపు వంద మంది యువత కలిసి పార్టీ చేసుకున్నప్పుడు ఏదైతే డ్రగ్స్ లభ్యమయ్యాయో అదే డ్రగ్స్ మళ్లీ విశాఖలో కలకలం సృష్టించాయి. విశాఖలో ఎలాంటి డ్రగ్స్ సంస్కృతి తీసుకురాకుండా ఉండేందుకు చర్యలు చేపడతాం, దీనిపై ఉక్కుపాదం మోపుతామని గతంలో చెప్పారు. కానీ గతంలో రుషికొండ పార్టీలో ఎవరైతే మాణికొండ సత్యనారాయణ అనే వ్యక్తి సరఫరా చేశారో మళ్లీ అదే వ్యక్తి లాక్ డౌన్ సడలింపుల తర్వాత ఇక్కడకు తీసుకొచ్చి డ్రగ్స్ ను విక్రయిస్తూ రెడ్ హ్యాండెడ్ గా టాస్క్ ఫోర్స్ పోలీసులకు పట్టుబడ్డాడు.

నిర్మానుష్యంగా ఉన్న ప్రదేశాన్ని ఎంచుకున్నాడు. కైలాసపురంలోని పోర్టు స్కూల్ వద్ద ఈ డ్రగ్స్ అమ్ముతుండగా టాస్క్ ఫోర్స్ పోలీసులు గుర్తించారు. అతనితోపాటు నలుగురు వ్యక్తులను అదుపులోకి తీసుకున్నారు. భారీ మోతాదులో విక్రయిస్తున్నట్లు గుర్తించిన పోలీసులు నిందితులను నుంచి మరిన్ని వివరాలను రాబడుతున్నారు.

Categories
Andhrapradesh

మాజీ మంత్రి కొల్లు రవీంద్ర అరెస్టు…వైసీపీ నేత హత్య కేసులో ఆయనపై అభియోగాలు

మాజీ మంత్రి, టీడీపీ నేత కొల్లు రవీంద్రను పోలీసులు అరెస్టు చేశారు.  తూర్పుగోదావరి జిల్లా తునిలో కొల్లు రవీంద్రను అదుపులోకి తీసుకున్నారు. వైసీపీ నేత మేక భాస్కర్ రావు హత్య కేసులో కొల్లు రవీంద్రపై అభియోగాలు ఉన్నాయి. పరారీలో ఉన్న కొల్లు రవీంద్రను పోలీసులు తునిలో అదుపులోకి తీసుకున్నారు. ఆయనను తుని నుంచి విజయవాడకు తరలించారు.

భాస్కర్ రావు హత్య కేసులో పోలీసులు ఇప్పటికే ఐదుగురు నిందితులను అరెస్టు చేశారు. వారిని తమదైన శైలిలో విచారించారు. కొల్లు రవీంద్ర ప్రోద్బలంతోనే భాస్కర్ రావును చంపినట్లు నిందితులు పోలీసులకు వాంగ్మూలం ఇచ్చారు. దీంతో కొల్లు రవీంద్రపై 302, 109 సెక్షన్ల కింద కేసు నమోదు చేశారు. రవీంద్రకు నోటీసులు ఇచ్చామని పోలీసులు తెలిపారు.

కొల్లు రవీంద్ర అరెస్టును టీడీపీ అధినేత చంద్రబాబు ఖండించారు. ప్రాథమిక విచారణ లేకుండా ఎలా అరెస్టు చేశారని ప్రశ్నించారు. మాజీ మంత్రిని అరెస్టు చేయడం కక్ష్య సాధింపు చర్యే అని అన్నారు. ఎమర్జెన్సీలో కూడా ఇన్ని అరాచకాలు జరుగలేదన్నారు. ప్రతిపక్ష నేతలపై వైసీపీ ప్రభుత్వం కక్ష గట్టిందన్నారు. బీసీ నేతలను జగన్ టార్గెట్ చేస్తున్నారని చెప్పారు.

Categories
Andhrapradesh Political Slider

టీడీపీ కీలక నేతలు అరెస్ట్.. అమరావతిలో టెన్షన్, టెన్షన్

అమరావతిలో కరకట్ట దగ్గర ఉద్రిక్తత నెలకొంది. టీడీపీ కీలక నేతలను పోలీసులు అరెస్ట్ చేశారు. జగన్ సీఎం

అమరావతిలో కరకట్ట దగ్గర ఉద్రిక్తత నెలకొంది. టీడీపీ కీలక నేతలను పోలీసులు అరెస్ట్ చేశారు. జగన్ సీఎం అయ్యాక అమరావతి ప్రాంతంలో కరకట్ట దగ్గర టీడీపీ ప్రభుత్వం నిర్మించిన ప్రజా వేదిక కూల్చివేసిన సంగతి తెలిసిందే. ప్రజావేదిక కూల్చివేతకు నేటికి(జూన్ 25,2020) ఏడాది. ఈ సందర్భంగా ప్రజావేదిక ప్రదేశాన్ని మరోసారి పరిశీలించాలని నిర్ణయించిన టీడీపీ నేతలు పెద్ద సంఖ్యలో అక్కడికి వెళ్లేందుకు యత్నించారు. విషయం తెలుసుకున్న పోలీసులు ప్రజా వేదికకు వెళ్లే మార్గంలో బారికేడ్లను ఏర్పాటు చేసి టీడీపీ నేతలను అడ్డుకున్నారు. దీంతో కరకట్ట దాని పరిసర ప్రాంతాల్లో ఉద్రిక్తత నెలకొంది.

ఇది అన్యాయం అన్న టీడీపీ నేతలు:
కరకట్ట దగ్గర ఎలాంటి నిరసనలకు అనుమతి లేదని పోలీసులు స్పష్టం చేశారు. ఈ విషయమై పోలీసులు, టీడీపీ నేతలకు మధ్య వాగ్వాదం, తోపులాట జరిగాయి. తమను ఎందుకు వెళ్లనివ్వడం లేదని టీడీపీ నేతలు పోలీసులను ప్రశ్నించారు. చంద్రబాబు ఇంటికి వెళ్లే మార్గాన్ని కూడా పోలీసులు బ్లాక్ చేశారు. కరకట్ట దగ్గర టీడీపీ నేతలు వర్ల రామయ్య, దేవినేని ఉమ, కొల్లు రవీంద్ర, తెనాలి శ్రవణ్‌కుమార్‌, నక్కా ఆనంద్ బాబులను అడ్డుకున్న పోలీసులు వారిని వెనక్కు పంపించారు. అయినా టీడీపీ నేతలు తగ్గకపోవడంతో పోలీసులు వారిని అరెస్ట్ చేశారు. వారిని మంగళగిరి పోలీస్ స్టేషన్‌కు తరలించారు పోలీసులు. పోలీసుల తీరుపై టీడీపీ నేతలు ఫైర్ అయ్యారు. ఇది అప్రజాస్వామికం అన్నారు. తాము చంద్రబాబు ఇంటికి వెళ్తుంటే పోలీసులు అడ్డుకున్నారని టీడీపీ నేతలు మండిపడ్డారు. కరోనా నిబంధలు తమకు తెలుసని.. తమ అధినేత ఇంటికి వెళ్లనివ్వరా అని ఫైర్ అయ్యారు.

ప్రజావేదిక అక్రమ కట్టడం అంటూ కూల్చివేత:
నిబంధనలను ఉల్లంఘించి ప్రజా వేదికను నిర్మించారని కలెక్టర్ల సమావేశంలో సీఎం వైఎస్ జగన్ అప్పట్లో ప్రకటించారు. అక్రమంగా నిర్మించిన ప్రజా వేదికను కూల్చివేయాలని కలెక్టర్ల సమావేశం నుండే జగన్ అధికారులను ఆదేశించారు. ఈ భవనాన్ని తనకు కేటాయించాలని చంద్రబాబు లేఖ రాసినా సీఎం జగన్ నుంచి ఎలాంటి సమాధానం రాని విషయాన్ని టీడీపీ నేతలు గుర్తు చేస్తున్నారు. అక్రమంగా ఈ భవనాన్ని నిర్మిస్తే అదే భవనంలో ఎందుకు సమావేశం పెట్టారో చెప్పాలని టీడీపీ నేతలు గతంలో ప్రశ్నించారు. ప్రజా వేదిక నిర్మాణానికి సీఆర్‌డీఏ అనుమతి కూడా లేదని అధికార పార్టీ నేతలు చెబుతున్నారు. చంద్రబాబు నివాసం కూడా అక్రమ నిర్మాణమే అని ఆరోపిస్తున్నారు. ప్రజావేదిక ప్రీ ఫ్యాబ్రికేటెడ్ పద్దతిలో నిర్మించినందున దాన్ని కూల్చకుండా వేరే ఎక్కడైనా ఏర్పాటు చేయండని టీడీపీ శ్రేణులు కోరినా అక్రమ కట్టడాల కూల్చివేతలన్నీ ఇక్కడి నుండే ప్రారంభిస్తామని తేల్చి చెప్పిన జగన్.. ప్రజావేదిక కూల్చి వేయించారు.

ప్రజావేదిక కూల్చి ఏడాది దాటినా శిథిలాలు అక్కడే:
ప్రజా సమస్యల పరిష్కారం కోసం అనువుగా ఉంటుందని, గ్రీవెన్స్ హాల్ గా ప్రజావేదిక పేరుతో సీఎంగా ఉన్న సమయంలో చంద్రబాబు తన నివాసం పక్కనే దీన్ని నిర్మించారు. అయితే జగన్ అధికారంలోకి వచ్చాక ఇది అక్రమ కట్టడం అని చెబుతూ దీన్ని కూల్చేశారు. ప్రజావేదిక కూల్చి నేటికి ఏడాది పూర్తయింది. సంవత్సర కాలం గడిచినా అక్కడి స్క్రాప్‌ను(శిథిలాలు) మాత్రం తొలగించకుండా అలాగే వదిలేశారు. దీంతో ప్రజావేదిక ప్రదేశాన్ని మరోసారి పరిశీలించేందుకు టీడీపీ నేతలు యత్నించారు.

Read: నోరు మూసుకొనే కన్నా..చావడం మిన్న PVP Tweet

Categories
Andhrapradesh Latest

ఏపీలో అరెస్టుల కాలం : త్వరలో గంటా శ్రీనివాస్‌ అరెస్ట్‌! ఏం జరుగబోతోంది

ఏపీలో మరో అరెస్ట్‌కు రంగం సిద్ధమైందా? ఇప్పటికే అచ్చెన్నాయుడు, జేసీ ప్రభాకర్‌రెడ్డిని అరెస్ట్‌ చేసిన ప్రభుత్వం.. ఇప్పుడు మరో నేతను టార్గెట్‌ చేసిందా? గత ప్రభుత్వంలో కీలకశాఖకు మంత్రిగా ఉన్న నేతను అరెస్ట్‌ చేయనుందా? టీడీపీలోని కీలక నేతలకు.. వైసీపీ నాయకులు చేసిన హెచ్చరిక ఏంటి..?

ఏపీలో ఇప్పుడు అరెస్ట్‌ల కాలం నడుస్తోంది. గత ప్రభుత్వంలో ఉండి అక్రమాలకు పాల్పడ్డారన్న ఆరోపణలు ఎదుర్కొంటున్న నేతలపై వైసీపీ ప్రభుత్వం ఫోకస్‌ పెట్టింది. దీంతో ఒక్కొక్కరి అక్రమాల చిట్టా విప్పుతోంది. ఈ నేపథ్యంలో ఇప్పటికే టీడీపీ ఎమ్మెల్యే, మాజీ మంత్రి అచ్చెన్నాయుడిని ప్రభుత్వం అరెస్ట్‌ చేసింది.

అంతేకాదు.. తాడిపత్రి మాజీ ఎమ్మెల్యే జేసీ ప్రభాకర్‌రెడ్డిని అరెస్ట్‌ చేసింది. జేసీతోపాటు ఆయన కుమారుడు అస్మిత్‌ రెడ్డిని అరెస్ట్‌ చేసి జైలుకు తరలించింది. ఇక మాజీమంత్రి అయ్యన్నపాత్రుడిపై నిర్భయ కేసు నమోదైంది. మాజీమంత్రులు యనమల రామకృష్ణుడు, నిమ్మకాయల చినరాజప్పపైనా కేసులు నమోదయ్యాయి. ఇలా వైసీపీ ప్రభుత్వం టీడీపీ నేతలను టార్గెట్‌ చేసింది.

టీడీపీ నేతలను వరుసగా అరెస్ట్‌ చేస్తోన్న ఏపీ ప్రభుత్వం.. మరో అరెస్ట్‌కూ రంగం సిద్ధం చేసినట్టుగా తెలుస్తోంది. ఈసారి మాజీమంత్రి గంటా శ్రీనివాస్‌ను టార్గెట్‌ చేసినట్టు సమాచారం. సోషల్‌ మీడియా ఉదంతంలో ఆయన పాత్ర ఉందన్న ఆధారాలు ప్రభుత్వానికి లభిస్తున్నట్టు తెలుస్తోంది. దీంతో నెక్ట్స్‌ అరెస్ట్‌ గంటాదేనన్న ప్రచారం జరుగుతోంది.

విశాఖలో నలంద కిశోర్‌ అరెస్ట్‌ టీడీపీ వర్గాల్లో కలకలం రేపింది. సోషల్‌ మీడియాలో మహిళలను కించపరుస్తూ… ప్రభుత్వాన్ని అప్రదిష్ట పాలు చేస్తున్నారని నలంద కిశోర్‌ను సీఐడీ అరెస్ట్‌ చేసింది. నలంద కిశోర్‌.. గంటా శ్రీనివాసరావుకు అనుంగు అనుచరుడు. అంతేకాదు.. మంచి మిత్రుడు కూడా.  

దీంతో నలంద కిశోర్‌ అరెస్ట్‌ను గంటా శ్రీనివాసరావు తీవ్రంగా ఖండించారు. కేవలం తనను రాజకీయంగా వేధించడానికే తన మిత్రులపై కేసులు పెడుతున్నారంటూ ఆయన ఆరోపిస్తున్నారు. సోషల్‌ మీడియాలో తప్పుడు పోస్టులు పెట్టిన వారిని వదిలేసి…. వాటిని ఫార్వార్డ్‌ చేసిన వారిపై కేసులు పెట్టడం ఎంతవరకు సమంజసమని ఆయన ప్రశ్నించారు.

కేవలం తనను పొలిటికల్‌గా టార్గెట్‌ చేసుకుని… మిత్రుడైన కిశోర్‌పై అక్రమంగా కేసు పెట్టారని.. దీనిని తాను రాజకీయంగా ఎదుర్కొంటానని ఘంటా స్పష్టం చేశారు.

గంటా వ్యాఖ్యలపై మంత్రి అవంతి శ్రీనివాస్‌, రాజ్యసభ సభ్యుడు విజయసాయిరెడ్డి స్పందించారు. ఈ కేసు ఇక్కడితో ఆగదని… గంటా ఇంట్లో వ్యక్తుల పేర్లు, ఆయన ఇతర అనుచరులు కూడా ఇందులో ఉన్నారని తెలిపారు. చట్టం తప్పు చేసిన ఎవరినీ వదలదని హెచ్చరించారు. మహిళలపై నీచమైన రాతలు రాయడమేంటని ప్రశ్నించారు. సీఐడీ అధికారుల దగ్గర పూర్తి వివరాలు ఉన్నాయికాబట్టే… నలంద కిశోర్‌ను అరెస్ట్‌ చేశారని… ఈ కేసు వెనుక ఎవరున్నా శిక్ష తప్పదన్నారు.

ప్రభుత్వంలోని పెద్దలు మరికొన్ని అరెస్ట్‌లు జరుగుతాయని స్పష్టం చెబుతుండడంతో… గంటా అరెస్ట్‌ కూడా కచ్చితం అన్న సంకేతాలు వినిపిస్తున్నాయి. ఇప్పటికే జిల్లాకు చెందిన మాజీమంత్రి అయ్యన్నపాత్రుడిపై నిర్భయకేసు పెట్టడంతో కోర్టును ఆశ్రయించి ఉపశమనం పొందారు.

విశాఖ తూర్పు ఎమ్మెల్యే వెలగపూడి రామకృష్ణ బాబుపై కరోనా నిబంధనలు ఉల్లంఘించారనే కేసులు పెట్టారు. దీంతో నెక్ట్స్‌ గంటా శ్రీనివాసరావే అన్న ప్రచారం జరుగుతోంది. చూడాలి మరి ఈ కేసులో ప్రభుత్వం ఏ నిర్ణయం తీసుకుంటుందో.

Read: బాకీ తీర్చమన్నందుకు, అప్పు ఇచ్చిన వ్యక్తి దారుణ హత్య