Categories
Latest National

ప్రత్యేక రైళ్లు : నిబంధనలివే..90 నిమిషాల ముందే రావాలి

దేశ వ్యాప్తంగా 2020, జూన్ 01వ తేదీ సోమవారం నుంచి ప్రత్యేక రైళ్లు ప్రారంభమవుతున్న నేపథ్యంలో ప్రయాణికులకు దక్షిణ మధ్య రైల్వే అధికారులు పలు కీలక సూచనలు చేశారు. రైలు బయల్దేరడానికి 90 నిమిషాల ముందే స్టేషన్‌కు రావాలని సూచించించారు. టికెట్లు ఉన్నవారికి మాత్రమే రైల్వే ప్రాంగణం, రైళ్లలోకి అనుమతి ఉంటుంది. కరోనా లక్షణాలున్న ప్రయాణికులను అనుమతించబోమని స్పష్టం చేశారు. రైళ్లలో ప్రయాణికులకు దుప్పట్లు ఇవ్వబోమని తెలిపారు. అనారోగ్యంతో ఉన్న వారు ప్రయాణం చేయకపోవడమే మంచిదని తెలిపారు. గర్భిణీలు, పదేళ్లలోపు పిల్లలు, 65 ఏళ్లు దాటిన వాళ్లు ప్రయాణించవద్దని కోరారు. 

అన్‌రిజర్వ్‌డ్ కోచ్‌లు :-
ఈ 200 ప్రత్యేక రైళ్లలో అన్‌రిజర్వ్‌డ్ కోచ్‌లు ఉండవు. కాబట్టి UTS టికెట్లు కూడా ఉండవు. అన్నీ రిజర్వ్‌డ్ కోచ్‌లే. ఈ రైళ్లకు ఆన్‌లైన్‌లోనే అంటే IRCTCలోనే రైలు టికెట్లు తీసుకోవాలి. ఈ స్పెషల్‌ రైళ్లలో AC, NON AC క్లాసెస్ ఉంటాయి. ఈ ప్రత్యేక రైళ్లలో ప్రయాణించేవారందరికీ సీటు లభిస్తుంది. జనరల్ కోచ్‌లలో సీటు బుక్ అయితే సెకండ్ సీటింగ్ ఛార్జీ వసూలు చేస్తుంది రైల్వే. అడ్వాన్స్ రిజర్వేషన్ పీరియడ్ గరిష్టంగా 30 రోజులు ఉంటుంది. 

90 నిమిషాల ముందే :-
తత్కాల్, ప్రీమియం తత్కాల్ బుకింగ్స్ ఉండవు. రైల్వే ప్రయాణికుల టికెట్ క్యాన్సలేషన్, ఫేర్ రీఫండ్ రూల్స్-2015 నిబంధనలే ప్రత్యేక రైళ్లకూ వర్తిస్తాయి. రెగ్యులర్ రైళ్లలో ఉన్నట్టే ప్రత్యేక రైళ్లలో అన్ని కోటాలు ఉంటాయి. దివ్యాంగులకు ఇచ్చే 4 రకాల కన్సెషన్స్, పేషెంట్లు ఇచ్చే 11 రకాల కన్సెక్షన్స్ ప్రత్యేక రైళ్లలోనూఒ పొందొచ్చు. ఇక రైలు బయల్దేరడానికి 4 గంటల ముందు మొదటి చార్ట్, 2 గంటల ముందు రెండో చార్ట్ రిలీజ్ అవుతుంది. టికెట్ కన్ఫామ్ అయిన ప్రయాణికులు 90 నిమిషాల ముందే రైల్వే స్టేషన్‌కు చేరుకోవాల్సి ఉంటుంది.

ప్రయాణీకులందరికీ స్ర్కీనింగ్ :-
రైలు టికెట్ కన్ఫామ్ అయిన ప్రయాణికులను మాత్రమే రైల్వే స్టేషన్‌లోకి అనుమతిస్తారు. వెయిటింగ్ లిస్ట్‌లో ఉన్న ప్రయాణికుల్ని రైలు ఎక్కనివ్వరు. వారికి పూర్తి రీఫండ్ ఇస్తారు. రైలు ఎక్కే ముందు ప్రయాణీకులందరికి స్క్రీనింగ్ చేస్తారు. కరోనా వైరస్ లక్షణాలు లేని ప్రయాణికులను మాత్రమే రైలులోకి అనుమతిస్తారు.  ప్రయాణికులకు రైళ్లలో దుప్పట్లు, కర్టయిన్స్‌ అందించరు. అవసరం అనుకుంటే ప్రయాణికులే సొంత దుప్పట్లు తెచ్చుకోవాల్సి ఉంటుంది. ప్రయాణికులు తప్పనిసరిగా మాస్కులు లేదా ఫేస్ కవర్స్ ధరించాలి. సోషల్ డిస్టెన్స్ పాటించాలి. రైళ్లలో కేటరింగ్ సేవలు ఉండవు. అందుకే ప్రయాణికులు ఆహారం, నీళ్లు తీసుకెళ్లాలి. 

ఆరోగ్య సేతు యాప్ :-
ప్యాంట్రీ కార్ ఉన్న రైళ్లలో పరిమితంగా ఆహారపదార్థాలు, ప్యాకేజ్డ్ డ్రింకింగ్ వాటర్ కొనుక్కోవచ్చు. రైల్వే స్టేషన్లలో స్టాల్స్ తెరిచే ఉంటాయి. ఫుడ్ ప్లాజాలో ఫుడ్ పార్శిల్స్ తీసుకోవచ్చు. ప్రయాణికులు తమ గమ్యస్థానాలకు చేరుకున్నప్పుడు ఆయా రాష్ట్రాలు, కేంద్ర పాలిత ప్రాంతాలు సూచించిన హెల్త్ ప్రోటోకాల్స్‌కు కట్టుబడి ఉండాలి. ప్రయాణికులందరూ తప్పనిసరిగా ఆరోగ్య సేతు యాప్ డౌన్‌లోడ్ చేసుకోవాలి. ఈ 200 ప్రత్యేక రైళ్లు తప్ప ఇతర మెయిల్, ఎక్స్‌ప్రెస్, ప్యాసింజర్, సబర్బన్ రైళ్ల సేవలన్నీ రద్దు చేశామని భారతీయ రైల్వే ప్రకటించింది. 

Categories
Andhrapradesh National Telangana

కరోనా ఎఫెక్ట్ : విదేశాల నుంచి వైజాగ్ చేరుకున్న 186 మంది విద్యార్థులు

హమ్మయ్య ఎట్టకేలకు స్టూడెంట్స్ విశాఖలో ల్యాండ్ అయ్యారు. కరోనా ఎఫెక్ట్ తో తీవ్ర ఇబ్బందులు పడిన విద్యార్థులు వైజాగ్ ఎయిర్ పోర్టుకు చేరుకున్నారు.

హమ్మయ్య ఎట్టకేలకు స్టూడెంట్స్ విశాఖలో ల్యాండ్ అయ్యారు. కరోనా ఎఫెక్ట్ తో తీవ్ర ఇబ్బందులు పడిన విద్యార్థులు వైజాగ్ ఎయిర్ పోర్టుకు చేరుకున్నారు. కౌలాలంపూర్ ఫ్లైట్ విశాఖకు చేరుకుంది. మలేషియా, సింగపూర్, ఫిలిఫ్పైన్స్ నుంచి 186 మంది విద్యార్థులు వైజాగ్ చేరుకున్నారు. ఏ-320 ఎయిర్ ఏషియా విమానంలో వచ్చారు. విద్యార్థులు వైజాగ్ కు రావడంతో వారి తల్లిదండ్రులు ఊపరి పీల్చుకున్నారు. ఈ మేరకు వారికి వైద్య పరీక్షలు నిర్వహించేందుకు అధికారులు అన్ని ఏర్పాట్లు చేశారు. విద్యార్థులకు ఎయిర్ పోర్టులో స్క్రీనింగ్ టెస్టులు నిర్వహించారు. ఎయిర్ పోర్టుకు చేరుకున్న విద్యార్థులను క్వారంటైన్ కు తరలిస్తారు. 

మొత్తం మూడు క్యాటగిరిల్లో విద్యార్థులకు టెస్టులు నిర్వహిస్తారు. స్క్రీనింగ్ పరీక్షలు నిర్వహించేందుకు వైద్య బృందం సిద్ధంగా ఉంది. విదేశాల్లో ఉన్నత విద్యనభ్యసిస్తున్న 186 విద్యార్థులు వైజాగ్ కు చేరుకున్నారు. విద్యార్థులను ఏ, బీ, సీ క్యాటగిరీలుగా విభజిస్తారు. సీ క్యాటగిరి విద్యార్థులను కూడా అబ్జర్వేషన్లలో ఉంచి, టెస్టులు నిర్వహించిన తర్వాతనే ఇంటికి పంపిస్తామని అధికారులు చెబుతున్నారు. 14 రోజుల తర్వాతనే ఇంటికి పంపిస్తామంటున్న అధికారులు. 

ఏపీ, తెలంగాణనే కాదు వివిధ రాష్ట్రాలకు చెందిన విద్యార్థులను వైజాగ్ కు వచ్చారు. ఆయా రాష్ట్రాల అధికారులకు సమాచారం అందిస్తామని చెప్పారు. వీరిలో తెలంగాణ, కేరళకు చెందిన విద్యార్థులు కూడా ఉన్నారు. విదేశాల నుంచి వచ్చిన ప్రతి విద్యార్థిని కూడా ఆస్పత్రికి తరలించేందుకు అంబులెన్స్ లు సిద్ధంగా ఉన్నాయన్నారు. క్వారంటైన్ లు, అన్ని టెస్టులు నిర్వహించి వైరస్ సోకలేదని నిర్ధారించిన తర్వాతనే వారిని పేరెంట్స్ దగ్గరకు పంపుతామని అధికారులు అన్నారు. 
 

Categories
Andhrapradesh National

పాకిస్తాన్ చెర నుంచి విడుదల : ఢిల్లీకి చేరుకున్న ఉత్తరాంధ్ర జాలర్లు

ఉత్తరాంధ్ర మత్స్యకారులు పాకిస్తాన్ చెర నుంచి విడుదలయ్యారు. అమృత్ సర్ నుంచి ఢిల్లీ చేరుకున్నారు.

ఉత్తరాంధ్ర మత్స్యకారులు పాకిస్తాన్ చెర నుంచి విడుదలయ్యారు. అమృత్ సర్ నుంచి ఢిల్లీ చేరుకున్నారు. ఢిల్లీ నుంచి విమానంలో హైదరాబాద్ తరలించేందుకు ఏర్పాట్లు చేశారు. రోడ్డు మార్గం ద్వారా విజయవాడకు వెళ్లనున్నారు. మత్స్యకారులు సాయంత్రం ఏపీ సీఎం జగన్ ను కలవనున్నారు. ఆ తర్వాత తమ స్వగ్రామాలకు బయల్దేరి వెళ్తారు. 20 మంది విడుదలతో బాధిత కుటుంబాల్లో ఆనందం వ్యక్తం అవుతుంది. 

 

నిన్న భారతగడ్డపై 20 మంది మత్స్యకారులు అడుగుపెట్టారు. వాఘా వద్ద మత్స్యకారులను పాకిస్తాన్ భారత్ కు అప్పగించింది. అధికారులు మత్స్యకారులను వాఘా నుంచి అమృత్ సర్ కు తరలించారు. మత్స్యకారులు రాత్రి అమృత్ సర్ లోనే బస చేశారు. శ్రీకాకుళం, విజయనగరం జిల్లాకు చెందిన 29 మంది మత్స్యకారులు 2018లో గుజరాత్ నుంచి పాకిస్తాన్ జలాల్లోకి ప్రవేశించారు. 

 

ఏడాది కాలంగా పాకిస్తాన్ జైల్లో మగ్గుతున్న ఉత్తరాంధ్రకు చెందిన 20 మంది జాలర్లు భారత్ చేరుకున్నారు. సోమవారం (జనవరి6, 2020) తేదీ సాయంత్రం వారిని పాక్ రేంజర్లు వాఘా సరిహద్దు వద్ద భారత సరిహద్దు భద్రతా సిబ్బందికి అప్పగించారు. వీరంతా ఆంధ్రప్రదేశ్ లోని విజయనగరం, శ్రీకాకుళం.తూర్పు గోదావరి జిల్లాలకు చెందిన జాలర్లు. ఏపీ మత్య్సశాఖ మంత్రి మోపిదేవి వెంకట రమణ వారిని అక్కడి నుంచి రాష్ట్రానికి తీసుకురానున్నారు. 

 

ఉపాధి కోసం గుజరాత్ వెళ్లిన ఏపీకి చెందిన జాలర్లు డిసెంబర్ 2018 లో పాక్ జలాల్లోకి వెళ్లటంతో వారిని పాకిస్తాన్ నౌకాదళం అరెస్టు చేసింది.  ఏపీలో జగన్  ప్రభుత్వం అధికారంలోకి వచ్చిన తర్వాత పార్టీకి చెందిన ఎంపీలు కేంద్ర విదేశాంగ శాఖ మంత్రి  జయశంకర్ ను కలిసి జాలర్లను విడిపించాల్సిందిగా విజ్ఞప్తి చేస్తూ వినతి పత్రం ఇచ్చారు. ఈవిషయమై పలుమార్లు కేంద్రంతో సంప్రదింపులు జరిపారు. దీంతో కేంద్ర విదేశాంగ శాఖ పాకిస్తాన్తో చర్చలు జరిపింది.

 

ఉభయ దేశాల మధ్య జరిగిన చర్చలతో పాకిస్తాన్ జాలర్లను విడిచిపెట్టేందుకు అంగీకరించింది. మొత్తం 22 మంది తెలుగు జాలర్లు పాక్ జైళ్లలో మగ్గుతున్నారు. వీరిలో 20 మంది ఇప్పుడు విడుదలయ్యారు. వీరిలో శ్రీకాకుళం, విజయనగరం, తూర్పుగోదావరి జిల్లాలకు చెందినవారు ఉన్నారు. మరో ఇద్దరు పశ్చిమగోదావరి జిల్లాకు చెందిన వారిని పాక్ త్వరలో విడుదల చేయనుంది. 

 

పాక్ జైళ్లలోని 20 మంది తెలుగు జాలర్లను డిసెంబర్5న పాకిస్తాన్ విడుదల చేసింది. వారిని రైలు ద్వారా లాహోర్ కు తరలించారు. అక్కడి ఇధి ఫౌండేషన్ వారికి నిన్నరాత్రి ఆశ్రయం ఇచ్చింది.  ఈ రోజు వారిని వాఘా సరిహద్దుకు తీసుకువచ్చిన పాక్ రేంజర్స్ భారత సరిహద్దు భద్రతా సిబ్బందికి అప్పగించారు. 

Categories
Sports

దక్షిణాఫ్రికాతో టీ20 : ధర్మశాలలో టీమిండియా

టీమిండియా క్రికేటర్లు ధర్మశాలలో అడుగు పెట్టారు. దక్షిణాఫ్రికాతో భారత జట్టు తలపడనుంది. వెస్టిండీస్ టెస్టు సిరీస్‌ని క్లీన్ స్వీప్ చేసి..ఫుల్ హుషారుతో ఉంది జట్టు. సెప్టంబర్ 13వ తేదీ శుక్రవారం అడుగపెట్టిన భారత క్రీడాకారులకు ఘన స్వాగతం లభించింది. ఈ టోర్నీలో రబాడా ఆడుతున్నాడు. ఇండియాకు రావడం పట్ల సంతోషంగా ఉందని వెల్లడించాడు. ట్విట్టర్ వేదికగా ఆయన తన ఆనందాన్ని పంచుకున్నాడు. ఇండియాలో మళ్లీ అడుగు పెట్టి క్రికెట్ ఆడడం చాలా ఆనందంగా ఉందన్నాడు. 

సెప్టెంబర్ 09న ధర్మశాలకు సఫారీ ఆటగాళ్లు చేరుకున్నారు. విరామం దొరకడంంతో మెక్లోడ్ గంజ్ ప్రాంతంలో షాపింగ్ చేశారు. కొందరు హెయిర్ కట్ చేసుకున్నారు. అక్కడున్న వస్తువులను కొనుగోలు చేశారు. టిబెటియన్ డంప్‌లింగ్స్ వంటి సంప్రదాయ ఆహార పదార్థాలను తిన్నారు. భారత్ – దక్షిణాఫ్రికా మధ్య ఆదివారం రాత్రి తొలి టీ 20 మ్యాచ్ జరుగనుంది. మొత్తం మూడు టీ20లు, మూడు వన్డేల సిరీస్‌ని టీమిండియా ఆడనుంది. 

టీమిండియా చేతులో ఒక్కసారి కూడా టీ 20ల్లో సౌతాఫ్రికా ఓడిపోలేదు. అదే రికార్డును కొనసాగించాలని ఉత్సుహకతో ఉంది. సొంతగడ్డపై టీ 20 గెలిచి తీరాలని కోహ్లీ సేన టీం ఉవ్విళ్లూరుతోంది. దీంతో టీ 20 సిరీస్ ఆసక్తికరంగా మారింది. 

మూడు టెస్ట్ ల సిరీస్ కోసం సెప్టెంబర్ 12వ తేదీన జట్టును ప్రకటించింది బీసీసీఐ. రోహిత్ శర్మకు దక్షిణాఫ్రికాతో టెస్ట్ సిరీస్ కు అవకాశం ఇచ్చింది. వరుసగా విఫలవుతున్న కేఎల్ రాహుల్‌కి మాత్రం టెస్ట్ టీమ్ లో ఈసారి చోటు దక్కలేదు. జట్టును ప్రకటించిన చీఫ్ సెలక్టర్ ఎమ్మెస్కే ప్రసాద్ మాట్లాడుతూ.. రోహిత్ శర్మకు ఓపెనర్‌గా అవకాశం ఇస్తున్నట్టు వెల్లడించారు. 

Read More : టెస్ట్ సిరీస్ కు భారత జట్టు ఇదే: ఆంధ్రలోనే ఫస్ట్ మ్యాచ్.. రాహుల్ అవుట్
భారత జట్టు:  విరాట్ కోహ్లీ(కెప్టెన్), మయాంక్ అగర్వాల్, రోహిత్ శర్మ, చతేశ్వర్ పుజారా, అజింక్య రహానే (వైస్ కెప్టెన్), హనుమ విహారి, రిషభ్ పంత్ (వికెట్ కీపర్), వృద్ధిమాన్ సాహా (వికెట్ కీపర్), రవిచంద్రన్ అశ్విన్, రవీంద్ర జడేజా, కుల్దీప్ యాదవ్, మహమ్మద్ షమీ, జస్ప్రిత్ బుమ్రా, ఇషాంత్ శర్మ, శుభ్‌మన్ గిల్.

సెప్టెంబర్ 15 :  తొలి టీ 20  ధర్మశాల
సెప్టెంబర్ 18 :  రెండో టీ 20 మొహాలి
సెప్టెంబర్ 22 :  మూడో టీ 20 బెంగళూరు
అక్టోబర్ 2 -6 తొలి టెస్టు విశాఖపట్టణం
అక్టోబర్ 10 – 14 రెండో టెస్టు ఫుణె
అక్టోబర్ 19 – 23 మూడో టెస్టు రాంచి