Categories
Movies

రామాయణం సీరియల్ లో ముఖ్య పాత్రలు పోషించిన నటీనటులు ఇప్పుడు ఎలా ఉన్నారో తెలుసా !

ప్రపంచ వ్యాప్తంగా కరోనా వైరస్ వ్యాప్తికి ప్రజలంతా భయపడుతున్నారు. దేశవ్యాప్తంగా లాక్ డౌన్ విధించటంతో ప్రజలు, సెలబ్రిటీలు సైతం ఇళ్లకే పరిమితమయ్యారు. ప్రధాన వినోద సాధనమైన టీవీ సీరియల్స్ లోనూ కొత్త ఎపిసోడ్ లు లేక పాత ఎపిసోడ్ లను, సీరియల్స్ ను రీ టెలికాస్ట్ చేస్తు ప్రజలను అలరిస్తున్నాయి కొన్ని టీవీ ఛానళ్లు.

ఈ లాక్ డౌన్ సమయంలో 1987 లో రామానంద్ సాగర్ నిర్మించిన పౌరాణిక ధారావాహిక రామాయణంను దూరదర్శన్ ఛానల్ పునః ప్రసారం చేయబడింది. ఈ పునః ప్రసారం తర్వాత ప్రధాన పాత్రల్లో నటించిన నటీనటుల ప్రస్తుత ఫోటోలు వైరల్ అవుతున్నాయి. 

అరుణ్ గోవిల్ : 

అరుణ్ గోవిల్ రాముడి పాత్రను పోషించారు. ఈయన రాముడి పాత్రలో చాలా చక్కగా ఒదిగిపోయాడు. తర్వాత మరే ఇతర పాత్రల్లోను నటించలేదు. ఇప్పటికి గ్రామాల్లోని ప్రజలు రామానంద్ సాగర్ నిర్మించిన సీరియల్స్ రామాయణ పోస్టర్ ని ఇళ్లలో పెట్టుకుని పూజలు చేస్తుంటారు. 

దీపికా చిఖ్లియా :

దీపికా చిఖ్లియా సీత పాత్రలో నటించింది. ఈమె రామాయణం తిరిగా పునః ప్రసారం కావటం గురించి మాట్లాడుతూ ‘నేను నా కుటుంబంతో కలిసి మళ్ళీ చూసినందుకు చాలా సంతోషంగా ఉందంటూ’ ఓ స్ధానిక మీడియాకు ఇచ్చిన ఇంటర్వూలో తెలిపింది. ఎందుకంటే మేము షూటింగ్ చేస్తున్న సమయంలో ఎడిట్ చేసినప్పుడు మాత్రమే చూడగలిగాం అని ఆమె తెలిపింది.

సునీల్ లాహ్రీ : 

రాముడి  తమ్ముడు లక్ష్మణుడుని పాత్రలో సునీల్ లాహ్రీ  అద్భుతంగా నటించారు. ఈయన ఇటీవల ది కపిల్ శర్మ షోలో అరుణ్ గోవిల్, దీపికా చిఖ్లియాతో కలిసి పాల్లొన్నారు.

అంజలి వ్యాస్ : 

అంజలి వ్యాస్ లక్ష్మణుని భార్య ఊర్మిలా పాత్రలో నటించింది. ఈమె సీతా దేవి చెల్లిగా, లక్ష్మణుని పాత్రలో ఒదిగిపోయింది.

బాల్ ధూరి : 

రాముడు తండ్రైన దశరథుని పాత్రలో జీవించారు. ఈయన ప్రస్తుతం మరాఠీ చిత్ర పరిశ్రమలో పని చేస్తున్నాడు. అతను ఇప్పుడు, అప్పుడు ఒకేలాగా కనిపిస్తున్నాడు.

అరవింద్ తివారీ : 

అరవింద్ తివారీ లంకాధిపతి అయిన రావణుని పాత్రను పోషించారు. ఈ పాత్రలో ఒదిగిపోయిన తీరు చూస్తే ఎప్పటికీ మరిచిపోలేని జ్ఞాపకంగా నిలిచిపోతుంది. ఈయన హిందీ, గుజరాతీ చిత్రాలలో నటించాడు.

దారా సింగ్ : 

ఈయన హనుమంతుడి పాత్రలో నటించారు. ఈయన ఆ పాత్రలో జీవించిన తీరు చూస్తే ఎంతో అద్భుతంగా ఉంటుంది. ఈయన కొంత అనారోగ్యం కారణంతో చనిపోయారు. కానీ తన చివరి కోరికగా రామాయణం చూడాలని ఉందని చెప్పినట్టు ఆయన కుమారుడు విందు దారా సింగ్ తెలిపారు.  

సమీర్ రాజ్దా : 

సమీర్ రాజ్దా రాముడి తమ్ముడు శత్రుఘ్నడిని పాత్రలో నటించాడు. ఆయన గుజరాతీ సినిమాలు,  టెలివిజన్ షో హమరి దేవ్రానీలలో కనిపించి ప్రజలన్ని అలరించాడు.

సంజయ్ జోగ్ : 
 
సంజయ్ జోగ్ భరతుని పాత్రలో నటించారు. ఆ తర్వాత ఈయన కొన్ని బాలీవుడ్ చిత్రాలలో నటించారు. ఈయన 40 సంవత్సరాలకే కిడ్ని సమస్యతో చనిపోయారు.

Categories
National

పబ్లిక్ డిమాండ్ మేరకు దూరదర్శన్‌లో రామాయణం పునః ప్రసారం 

దూరదర్శన్ ఛానల్ లో 30  ఏళ్ల క్రితం  ప్రసారమై దేశాన్ని భక్తి సాగరంలో ఓలలాడించిన రామానంద్ సాగర్ రామాయణ్ సీరియల్ ను దూరదర్శన్ మళ్లీ ఇన్నేళ్శకు  పునః ప్రసారం చేస్తోంది. 1987-88 మధ్య కాలంలో  ప్రముఖ హిందీ దర్శకుడు రామానంద్ సాగర్ దర్శకత్వంలో  రామునిగా అరుణ్ గోవిల్, సీతగా దీపికా చికిలియా, లక్ష్మణుడిగా సునీల్‌ లహరి, హనుమంతునిగా దారాసింగ్‌ తదితరులు నటించారు.

రాముడిగా నటించిన అరుణ్‌గోవిల్‌ అప్పట్లో ఎక్కడకు వెళ్లినా రాముడే వచ్చాడని ప్రజలు భారీ సంఖ్యలో ఆయన్ను చూసేందుకు వచ్చేవారు. తర్వాతి కాలంలో దీపికా చికిలియా  ఎంపీగా  గెలుపోందారు. 

కరోనా వైరస్ వ్యాప్తి నిరోధానికి దేశవ్యాప్తంగా లాక్ డౌన్ ప్రకటించటంతో ప్రజలంతా ఇళ్లకే పరిమితమవటంతో  వారు బయటకురాకుండా చూసేందుకు కేంద్ర ప్రభుత్వం ఈ నిర్ణయం తీసుకుంది.  అప్పట్లో రామాయణ్ సీరియల్ ప్రసారమయ్యే ఆదివారాల్లో రోడ్లపై జనం లేకుండా నిర్మానుష్యంగా ఉండేవి.  
 

హిందువులు ఎంతో  పవిత్రంగా భావించే రామాయణ గ్రంధానికి  దృశ్యరూపమిచ్చిన ఈ సీరియల్ ను మరో సారి టీవీల్లో ప్రసారం చేయాలని కేంద్రం నిర్ణయించింది. కేంద్ర సమాచారా ప్రసార శాఖ మంత్రి ప్రకాష్ జవదేకర్ ఈవిషయాన్నిట్విట్టర్ లో పోస్టు చేశారు.  శనివారం మార్చి28 నుంచి  ఉదయం 9గంటల నుంచి 10 గంటల వరకు, మొదటి ఎపిసోడ్, రాత్రి 9 గంటలనుంచి 10 గంటల వరకు 2వ ఎపిసోడ్  నేషనల్  దూరదర్శన్ చానల్ లో  ప్రసారం కానుంది. 

See Also | 35 ప్రైవేట్ ల్యాబ్స్ లో కరోనా వైరస్ పరీక్షలు నిర్వహించేందుకు ICMR నిర్ణయం