Categories
National

జైట్లీ భౌతికకాయానికి ప్రముఖుల నివాళులు

అనారోగ్య సమస్యలతో ఢిల్లీ ఎయిమ్స్ లో ట్రీట్మెంట్ పొందుతూ ఇవాళ మధ్యాహ్నాం కన్నుమూసిన మాజీ కేంద్రమంత్రి అరుణ్ జైట్లీ భౌతికకాయాన్ని ఆయన నివాసానికి తరలించారు. జైట్లీ భౌతికకాయాన్ని సందర్శించి నివాళులర్పించారు భారత రాష్ట్రపతి రామ్ నాథ్ కోవింద్. జైట్లీ కుటుంబసభ్యులను కోవింద్ ఓదార్చారు.

జైట్లీ మరణం దేశానికి తీరని లోటు అని ఆయన అన్నారు. జైట్లీ మరణం తనను ఎంతగానో బాధించిందని రాష్ట్రపతి తెలిపారు. అంతకుందుకు కేంద్ర హోంమంత్రి అమిత్ షా,కేంద్ర ఆరోగ్యశాఖ మంత్రి డాక్టర్ హర్షవర్థన్,బీజేపీ వర్కింగ్ ప్రెసిడెంట్ జేపీ నడ్డా,విదేశాంగశాఖ మంత్రి జైశంకర్, రవిశంకర్ ప్రసాద్,యూపీ సీఎం యోగి ఆదిత్యనాథ్,ఢిల్లీ సీఎం అరవింద్ కేజ్రీవాల్,డిప్యూటీ సీఎం మనీష్ సిసోడియా,కాంగ్రెస్ నాయకుడు జ్యోతిరాధిత్య సింధియా పలువురు జైట్లీ భౌతికకాయాన్ని సందర్శించి నివాళులర్పించారు.

Categories
National

మసూద్ గ్లోబల్ టెర్రరిస్ట్…ఇది భారతీయుడి విజయం

జైషే చీఫ్ మ‌సూద్ అజ‌హర్‌ను గ్లోబల్ టెర్రరిస్ట్ గా బుధవారం(మే-1,2019)యునైటెడ్ నేషన్స్ ప్రకటించిన సందర్భంగా ఇవాళ(మే-2,2019) కేంద్ర ప్ర‌భుత్వం దీనిపై స్పందించింది.ఇది ప్ర‌తి భార‌తీయుడి విజ‌యం అని కేంద్ర మంత్రి అరుణ్ జైట్లీ అన్నారు. మ‌సూద్ ను ఉగ్ర‌వాదిగా ప్ర‌క‌టించేందుకు త‌మ ప్ర‌భుత్వం తీవ్ర ప్ర‌య‌త్నం చేసింద‌న్నారు. ఈ విష‌యంలో ప్ర‌భుత్వాన్ని, ప్ర‌ధాని మోడీని మెచ్చుకోవాల‌ని జైట్లీ అన్నారు. దేశం గెలిచిన‌ప్పుడు, అది ప్ర‌తి భార‌తీయుడి విజ‌యం అవుతుంద‌న్నారు. ప్ర‌తిప‌క్షాలు ఈ విక్ట‌రీని పంచుకోవ‌డంలో ఇబ్బందిప‌డుతున్నాయ‌ని విమ‌ర్శించారు. 
ఉగ్ర‌వాదాన్ని ఏమాత్రం స‌హించేది లేద‌ని రక్షణశాఖ మంత్రి నిర్మ‌లా సీతారామ‌న్ అన్నారు. మ‌సూద్‌ ను గ్లోబ‌ల్ టెర్ర‌రిస్టుగా యూఎన్ ప్ర‌క‌టించ‌డంచెప్పుకోదగిన విష‌య‌మ‌న్నారు.విదేశాంగ శాఖ నిరంత‌రం చేప‌ట్టిన చ‌ర్య‌ల వ‌ల్ల, ప్రధాని మోడీ నేతృత్వంలో,ఆయన స్వతహాగా ప‌దేప‌దే చేప‌ట్టిన ప‌ర్య‌ట‌న‌ల వ‌ల్ల ఇది వీలైంద‌ని మంత్రి సీతారామ‌న్ తెలిపారు.

Categories
Political Viral

మోడీ,షా,యోగి కొత్త హెయిర్ స్టైల్ చూశారా!

ప్రముఖ హేర్‌ స్టైలిస్ట్‌ జావెద్‌ హబీబ్‌ రెండు రోజుల క్రితం బీజేపీలో చేరిన విషయం తెలిసిందే.అయితే హబీబ్ చేరిన వెంటనే ప్రధాన మంత్రి నరేంద్ర మోడీ, పార్టీ అధ్యక్షుడు అమిత్‌ షా,యూపీ సీఎం యోగి ఆదిత్యనాధ్,తదితర బీజేపీ నాయకుల హేర్‌ స్టైల్స్‌ సడన్ గా మారిపోయాయి. ప్రధాని మోడీ తలతలలాడుతున్న తన తెల్లటి జుట్టుకు జెల్‌ పూసి పాప్ సింగర్‌లా వెనక్కి దువ్వుకోగా, అమిత్‌ షా కూడా జెల్‌ పూసుకొని హాలీవుడ్‌ స్టార్‌ లాగా కాస్తా పక్కకు నిక్కపొడుచుకున్నట్లు దువ్వారు. 
 మీకంటే మేమేం తక్కువ, కుర్రాళ్లం! అనుకున్నారేమో యూపీ సీఎం యోగి ఆదిత్యనాథ్, ఆర్థిక మంత్రి అరుణ్‌ జైట్లీ, మహారాష్ట్ర సీఎం దేవేంద్ర ఫడ్నవీస్‌లు పోటీ పడి మరీ తమ హేర్‌ స్టైల్స్‌ మార్చుకున్నారు. వారు మార్చుకోలేదు. నెటిజెన్లు మార్చారు.దేశవ్యాప్తంగా 110 నగరాల్లో 846 హేర్, బ్యూటీ సెలూన్లు కలిగిన ప్రముఖ హేర్‌ స్టైలిస్ట్‌ జావెద్‌ హబీబ్‌ బీజేపీలో చేరారనే వార్త తెలియగానే ట్విట్టర్‌ యూజర్లు తమదైన శైలిలో స్పందించారు. బీజేపీ నేతల ఫొటోలను తీసుకొని మార్ఫింగ్‌ ద్వారా వారి హేర్‌ స్టైల్స్‌ను మార్చి వేశారు. అంతటి ప్రముఖుడు పార్టీలో చేరినప్పుడు నేతల జుట్టు స్టైల్స్‌ మారాల్సిందేగదా! అంటూ నెటిజన్లు ఫన్నీగా కామెంట్స్ చేస్తున్నారు సోషల్ మీడియాలో ఇప్పుడు బీజేపీ నేతల హెయిల్ స్టైల్స్ కి సంబంధించిన మార్ఫింగ్ ఫొటోలు వైరల్ గా మారాయి.

Categories
National

కాంగ్రెస్ మేనిఫెస్టో చాలా ప్రమాదకరం

కాంగ్రెస్ ఎన్నికల మేనిఫెస్టో లో కొన్ని ప్రమాదకర వాగ్దానాలు ఉన్నాయని,మేనిఫెస్టోలో భారత్ ను విడగొట్టే ఆలోచన కనిపిస్తోందని విమర్శించారు కేంద్ర ఆర్థికమంత్రి అరుణ్ జైట్లీ. కాంగ్రెస్ ఎన్నికల మేనిఫెస్టోను రాహుల్ గాంధీ మంగళవారం(ఏప్రిల్-2,2019) విడుదల చేశారు.

కాంగ్రెస్ మేనిఫెస్టోపై జైట్లీ మాట్లాడుతూ…రాహుల్ గాంధీ ఇచ్చిన కొన్ని హామీలు ప్రమాదకరమైనవి.దేశ ప్రజలు ఆయనను నమ్మే పరిస్థితిలో లేరు.దేశద్రోహం చట్టాన్ని ఎత్తివేస్తామని వారు చెబుతున్నారు, ఇందుకు సిద్ధమవుతున్న పార్టీకి ఒక్క ఓటు కూడా పొందే అర్హత లేదు.టుక్డే టుక్డే గ్యాంగ్ లోని కాంగ్రెస్ అధ్యక్షుడి మిత్రులు ఈ మేనిఫెస్టోకు డ్రాఫ్టింగ్ చేసినట్టుంది.భారత్ ను విడదేసే ఆలోచనలు మేనిఫెస్టోలో కనిపిస్తున్నాయి.ఉగ్రవాదంపై పోరు 26/11తో ప్రారంభం కాలేదు.ఇండియాను విడగొట్టాలని చూస్తున్న శక్తులు చాలాకాలంగా దేశంలో చురుకుగా పనిచేస్తున్నాయి.

70 ఏళ్ల పాటు సాగించిన తప్పిదాలే ఇవాళ కశ్మీర్ పరిస్థితికి కారణం. చట్టబద్ధ పాలనను మేము ఏర్పాటు చేస్తుంటే, ఉగ్రవాదుల, చొరబాటుల రూల్స్‌ కోసం కాంగ్రెస్ పాటుపడుతోంది.కశ్మీర్ పండిట్ల ప్రస్తావనే కాంగ్రెస్‌ మేనిఫెస్టోలో లేదు.కాంగ్రెస్ ప్రకటించిన జీఎస్టీ సింగిల్ శ్లాబ్ ను అర్థం లేని హామీ అని జైట్లీ అన్నారు.ప్రతి వస్తువుపై ఒకే రేటు (సింగిల్ శ్లాబ్) ఎలా వేయగలమని ఆయన ప్రశ్నించారు.

Categories
National

కాంగ్రెస్ కు థ్యాంక్స్ : సిన్హా కాంగ్రెస్ చేరికపై జైట్లీ సెటైర్

కాంగ్రెస్‌ పార్టీకి కేంద్ర ఆర్థికమంత్రి అరుణ్ జైట్లీ శుక్రవారం (మార్చి-29,2019) కృతజ్ఞతలు చెప్పారు. అయితే జైట్లీ కాంగ్రెస్ కు కృతజ్ణతలు చెప్పడం ఏంటబ్బా అని ఆలోచిస్తున్నారా? అవును ఇది నిజమే. కాంగ్రెస్ అధ్యక్షుడు రాహుల్ గాంధీని గురువారం బీజేపీ ఎంపీ శతృఘ్నసిన్హా కలిశారు.
Read Also : కేసీఆర్ సర్వే : బీజేపీకి వచ్చేది 150 సీట్లే

త్వరలోనే తాను అధికారికంగా కాంగ్రెస్ లో చేరనున్నట్లు సిన్హా ప్రకటించారు. అంతేకాకుండా మరికొందరు బీజేపీ నాయకులు కూడా పార్టీని వీడి కాంగ్రెస్ లో చేరేందుకు రెడీ అయిన తెలిసిందే. దీన్ని ఉద్దేశిస్తూ… బీజేపీకి చెందిన కొందరు మాజీ నేతలను కాంగ్రెస్‌ తమకు కానుకగా భావిస్తూ పార్టీలో చేర్చుకుంటోంది.

అందుకు మేం కాంగ్రెస్‌ కు కృతజ్ఞతలు చెబుతున్నాం. మా సమస్య ఇప్పుడు మీ పార్టీలో ఉంది. గుడ్‌ లక్‌.. థ్యాంక్యూ కాంగ్రెస్ అంటూ జైట్లీ ఫేస్‌బుక్‌ బ్లాగ్‌లో పోస్టు చేశారు. ఈ సందర్భంగా ప్రతిపక్షాల మహాకూటమిపై కూడా జైట్లీ విమర్శలు చేశారు. మహాకూటమి ఓ సర్కస్‌లా ఉందని అని ఎద్దేవా చేశారు. ఎన్నికల సమయం దగ్గరపడుతున్నా ఇంతవరకూ కూటమి ఏర్పడలేదని ఆరోపించారు. ప్రతిపక్షాలకు సరైన నాయకుడు లేడని, స్థిరత్వం లేదన్నారు.
Read Also : దేన్నీ వదలటం లేదు : రైల్వేలో టీ కప్పులపై మోడీ చౌకీదార్