Categories
National Political

ఈశాన్య రాష్ట్రాల అసెంబ్లీ అభ్యర్థుల జాబితా రిలీజ్ చేసిన బీజేపీ

ఈశాన్య రాష్ట్రాలు అరుణాచల్ ప్రదేశ్,సిక్కిం అసెంబ్లీ ఎన్నికల్లో పోటీ చేసే అభ్యర్థుల జాబితాను బీజేపీ రిలీజ్ చేసింది. గురువారం సమావేశమైన పార్టీ కేంద్రఎన్నికల కమిటీ(సీఈసీ)ఆమోదం తర్వాత ఈ జాబితా విడుదల అయింది. ప్రధాని నరేంద్రమోడీ,బీజేపీ చీఫ్ అమిత్ షా,కేంద్రమంత్రి అరుణ్ జైట్లీ,విదేశాంగ శాఖ మంత్రి సుష్మా స్వరాజ్,తదితరులు ఈ సమావేశంలో పాల్గొన్నారు.

సిక్కిం రాష్ట్ర అసెంబ్లీ ఎన్నికల్లో పోటీచేసే 12మంది అభ్యర్థులతో కూడిన మొదటి జాబితాను, అదేవిధంగా అరుణాచల్ ప్రదేశ్ లో ఆరుగురు అభ్యర్థులతో సెకండ్ లిస్ట్ ను ఇవాళ బీజేపీ విడుదల చేసింది. ఇప్పటికే అరుణాచ్ ప్రదేశ్ లో 54సీట్లకు అభ్యర్థులను ప్రకటించిన బీజేపీ ఇవాళ మిగిలిన ఆరు సీట్లకు అభ్యర్థులను ప్రకటించింది.అరుణాచల్ ప్రదేశ్ లో ప్రస్థుతం బీజేపీ అధికారంలో కొనసాగుతున్న విషయం తెలిసిందే.

అరుణాచల్ ప్రదేశ్ లోని మొత్తం 60 అసెంబ్లీస్థానాలకు,2లోక్ సభ స్థానాలకు,అదేవిధంగా సిక్కింలోని 32 అసెంబ్లీ స్థానాలకు,1లోక్ సభ స్థానానికి మొదటి విడతలో ఏప్రిల్-11,2019న పోలింగ్ జరుగనుంది.

Categories
National

ఇంకెంత మంది ఉన్నారు! : పాక్ గూఢచారి అరెస్ట్

పాకిస్థాన్ గూఢచర్య సంస్థ ఐఎస్ఐకి చెందిన గూఢచారిగా అనుమానిస్తూ అరుణాచల్ ప్రదేశ్ లోని అంజ్వా జిల్లాలోని భారత్-చైనా సరిహద్దుల్లో ఓ వ్యక్తిని అరెస్ట్ చేసినట్లు  భారత ఆర్మీ వర్గాలు తెలిపాయి. అరెస్ట్ అయిన వ్యక్తిని నిర్మల్ రాయ్ గా గుర్తించారు. నిర్మల్ రాయ్  అస్సాంలోని టిన్ సుఖియా జిల్లాలోని సదియా ప్రాంతానికి  చెందినవాడుగా గుర్తించారు. రెండు దేశాల భద్రత సిబ్బంది ఉండే లైన్ ఆప్ యాక్చువల్ కంట్రోల్(LAC) కిబిత్తు, డిచ్చు దగ్గర నిర్మల్ రాయ్ ఇండియన్ ఆర్మీ పోర్టర్(కూలీ)గా పనిచేసేవాడని అరుణాచల్ ప్రదేశ్ డీజీపీ ఎస్ బీకే సింగ్ తెలిపారు.

రాయ్ నేపాలీ క్యూనిటీకి చెందినవాడని, కిబిత్సుకి రాకముందు 2016-18 మధ్యకాలంలో దుబాయ్ లోని బర్గర్ షాపుల్ పనిచేశాడని తెలిపారు. విచారణ తర్వాత పూర్తి వివరాలు తెలుస్తాయని ఆయన తెలిపారు. అనుమానంగా కన్పించడంతో నెల రోజులుగా అతడిపై నిఘా పెట్టి అరెస్ట్ చేసినట్లు మిలటరీ వర్గాలు తెలిపాయి. ఆర్మీ యూనిట్లు, సెన్సీటీవ్ ఏరియాల లొకేషన్ సమాచారం, ఆయుధాల ఫ్రొఫైల్స్, కిబిత్సులో ఉండే గన్స్ వివరాలు, ఎల్ఏసీలో మౌలిక సదుపాయాలు, అభివృద్ది గురించిన సమాచారాన్ని రాయ్ ఐఎస్ఐకి చేరవేస్తున్నట్లు మిలటరనీ వర్గాలు తెలిపాయి.