Categories
National Political

ఢిల్లీ అల్లర్ల బాధితులకు ఎంఐఎం విరాళం

పౌరసత్వ సవరణ చట్టానికివ్యతిరేకంగా ఢిల్లీలో జరిగిని అల్లర్లలో  బాధితులకు ఎంఐఎం ప్రజాప్రతినిధులు ఒక నెల జీతం విరాళంగా ఇస్తున్నట్లు ఎంఐఎం అధ్యక్షుడు అసదుద్దీన్ ఒవైసీ ప్రకటించారు. అల్లర్లలో చనిపోయిన వారంతా భారతీయులేనని ఆయన అన్నారు. ఢిల్లీలో జరిగిన అల్లర్ల గురించి…అక్కడ జరిగిన హింసాకాండ గురించిప్రధాని నరేంద్ర మోడీ ఎందుకు మాట్లాడటంలేదని ఆయన ప్రశ్నించారు.

దేశ రాజధానిలో ఇంత మారణ కాండ జరుగుతుంటే ఎన్డీఏ నాయకులు ఎందుకు మాట్లాడటంలేదని..ఇప్పటికైనా ప్రధాని బాధితకుటుంబాలను పరామర్శించాలని ఆయన అన్నారు. ఢిల్లీలో జరిగిన హింసాకాండలో 42 మంది దాకా ప్రాణాలు కోల్పోయారని, మరో 200 మంది గాయపడ్డారని వారంతా భారతీయులే కాబట్టి మోడీ ఈ విషయం స్పందించాలన్నారు.

హైదరాబాద్ లోని దారుస్సలాంలో ఎంఐఎం పార్టీ 62వ ఆవిర్భావ దినోత్సవ సభలో ఆయన మాట్లాడారు. 2002 లో  గుజరాత్ లో జరిగిన మారణహోమంతో మోడీ పాఠం నేర్చుకున్నారనుకున్నాను కానీ 2020 లో ఢిల్లీలో కూడా మారణహోమం జరిగిందని…వారి పార్టీ నాయకులు చేసిన ప్రకటన వల్లే ఇదంతా జరిగిందని  ఒవైసీ ఆరోపించారు.

2002 లో జరిగిన అల్లర్ల అనంతరం రామ్ విలాస్ పాశ్వాన్,  తన  కేంద్ర మంత్రి పదవికి రాజీనామా చేశారు.  అకాలీదళ్ 1984 రోజులను మర్చిపోయిందా అని ఒవైసీ ప్రశ్నించారు. విద్వేష పూరిత ప్రసంగాలు చేస్తున్నానని తనపై కేసులు పెట్టినా భయపడన్ననారు. ఢిల్లీలో  శాంతి భద్రతల పరిస్ధితికి  కేంద్రమే బాధ్యత వహించాలని ఒవైసీ అన్నారు. 

Categories
Hyderabad Political

ఒవైసీని అరెస్ట్ చేయండి : రాజాసింగ్ డిమాండ్

అయోధ్యలో వివాదాస్పద రామజన్మభూమి స్ధల వివాదంపై శనివారం నవంబర్ 9న సర్వోన్నత న్యాయస్ధానం తీర్పు చెప్పింది.  సుప్రీం తీర్పపై దేశవ్యాప్తంగా పలువురు రాజకీయ నాయకులు, ప్రముఖులు ప్రజలంతా సంయమనం పాటించాలని, శాంతితో మెలగాలని  సందేశమిస్తున్నారు. 

అయితే.. అయోధ్యలోని వివాదాస్పద స్థలాన్ని హిందువులకు కేటాయిస్తూ తీర్పు చెప్పడంపై ఎంఐఎం అధినేత అసదుద్దీన్ ఓవైసీ తీవ్ర అసంతృప్తి వ్యక్తం చేశారు. మసీదు నిర్మాణానికి అయోధ్యలోనే మరోచోట భూమిని కేటాయించాలని సుప్రీం ఇచ్చిన తీర్పుపై స్పందిస్తూ.. ‘మాకు ఎవరి భిక్ష అవసరం లేదు’ అని అన్నారు. ఐదెకరాల ప్రత్యామ్నాయ భూమిని ‘ఆల్ ఇండియా ముస్లిం పర్సనల్ లా బోర్డు’ తిరస్కరించాలని సూచించారు.

కాగా ఒవైసీ వ్యాఖ్యలపై హైదరాబాద్ , గోషా మహల్ ఎమ్మెల్యే రాజాసింగ్ అభ్యంతరం తెలిపారు. ఓవైసీ  భయానక వాతావరణాన్ని సృష్టించాలని చూస్తున్నారని ఆయన విమర్శించారు. ఇరు మతాలకు చెందిన ప్రజలు తీర్పును స్వాగతించారని చెప్పారు. హైదరాబాద్‌లో గానీ, ఇతర నగరాల్లో గానీ ప్రశాంత వాతావరణాన్ని చెడగొట్టాలని చూస్తే సహించేది లేదని ఆయన చెప్పారు. రెచ్చగొట్టే విధంగా వ్యాఖ్యలు చేస్తున్న ఓవైసీని అరెస్ట్ చేయాలని దేశ హోం మంత్రిత్వ శాఖకు, హోం మంత్రి అమిత్‌షాను కోరుతూ ఆయన ట్విట్టర్‌లో ట్యాగ్ చేశారు.