Categories
National

పాకిస్తాన్ జిందాబాద్ అన్న అమూల్యను చంపితే రూ.10లక్షలు బహుమతి

అమూల్య.. ఇప్పుడీ పేరు దేశవ్యాప్తంగా మారుమోగుతోంది. ఒక నినాదంతో అమూల్య తీవ్ర వివాదానికి దారితీసింది. కాంట్రవర్సీకి కేరాఫ్ అయ్యింది. పాకిస్తాన్ జిందాబాద్ అంటూ

అమూల్య.. ఇప్పుడీ పేరు దేశవ్యాప్తంగా మారుమోగుతోంది. ఒక నినాదంతో అమూల్య తీవ్ర వివాదానికి దారితీసింది. కాంట్రవర్సీకి కేరాఫ్ అయ్యింది. పాకిస్తాన్ జిందాబాద్ అంటూ కలకలం రేపింది. పౌరసత్వ సవరణ చట్టానికి(సీఏఏ) వ్యతిరేకంగా కర్నాటక రాజధాని బెంగళూరు నగరంలో జరిగిన ఓ కార్యక్రమంలో ‘పాకిస్తాన్ జిందాబాద్’ అని నినదించిన అమూల్య లియోనా తలకు శ్రీరాంసేన వెలకట్టింది. ఆమె చంపిన వారికి రూ.10 లక్షలిస్తామని ఓ వీడియోలో ప్రకటించింది. ఆ వీడియో ఫుటేజీలో శ్రీరాం సేన కార్యకర్త సంజీవ్ మరాడి మాట్లాడుతూ.. అమూల్యను విడుదల చేయవద్దని ప్రభుత్వాన్ని కోరారు. ఒకవేళ ఆమెను విడుదల చేస్తే చంపేస్తామని హెచ్చరించారు. 

‘‘రాష్ట్ర, కేంద్ర ప్రభుత్వాలు ఆమెను ఎట్టి పరిస్థితుల్లోనూ విడుదల చేయొద్దు. ఒకవేళ ఆమె బయటకి వచ్చిందంటే చంపేస్తాం’’ అని ఆ వీడియోలో సంజీవ్ హెచ్చరించారు. అంతేకాదు, ఆమెను చంపిన వారికి రూ. 10 లక్షలు బహుమతిగా ఇస్తామని కూడా ప్రకటించారు.

సీఏఏ, ఎన్‌ఆర్‌సీలకు వ్యతిరేకంగా గురువారం(ఫిబ్రవరి 20,2020) సాయంత్రం బెంగళూరు ఫ్రీడంపార్క్‌లో నిరసన కార్యక్రమం నిర్వహించారు. ఎంఐఎం అధినేత అసదుద్దీన్‌ ఒవైసీ సహా పలువురు ఈ ర్యాలీకి హాజరయ్యారు. ఈ సభలో అమూల్య లియోన్‌ అనే యువతి.. వేదికపై పాకిస్తాన్‌ జిందాబాద్‌ అంటూ నినాదాలు చేసింది. దీంతో కంగుతిన్న నిర్వాహకులు ఆమె నుంచి మైక్‌ లాక్కుందామని ప్రయత్నించినా.. అమూల్య నినాదాలు కొనసాగించింది. పోలీసులు అమూల్యను అరెస్ట్ చేశారు. దేశద్రోహం కేసు నమోదు చేశారు. 14 రోజుల పాటు ఆమెను జ్యుడిషియల్‌ కస్టడీకి తీసుకోవాల్సిందిగా న్యాయమూర్తి ఆదేశించారు. దేశ ప్రజల్లో విద్వేషాలు పెంచడానికి ప్రయత్నించిందని అమూల్యపై ఆరోపణలు వెల్లువెత్తాయి.

అమూల్య(18) బెంగళూరులోని ఒక కాలేజీలో చదువుతోంది. ఆమె ఇంతకు ముందు సీఏఏ వ్యతిరేక ర్యాలీలో కన్నడ భాషలో ఇచ్చిన ప్రసంగంతో చర్చల్లో నిలిచింది. ఫేస్‌బుక్‌లో పరిచయం చేసుకుంటూ తను కొప్పాలో నివసిస్తానని, బెంగళూరు NMKRV కాలేజ్ ఫర్ విమెన్‌లో చదువుతున్నానని చెప్పింది.

ఈ ఘటనపై ఆగ్రహించిన ఒవైసీ తర్వాత ‘పాకిస్తాన్ ముర్దాబాద్’ నినాదాలు చేశారు. ఉదారవాదులపై విరుచుకుపడ్డారు. “నేను ఈ సోకాల్డ్ లిబరల్స్‌కు చెబుతున్నా. మీరు మీ షాహీన్‌బాగ్, బిలాల్ బాగ్ తయారు చేసుకోండి. మాకు వచ్చి చెప్పకండి. మీరే సమర్థులని, మేము అసమర్థులని మీరు అనుకుంటున్నారు. మాకు మీ పాట్రనైజింగ్ ఆటిట్యూడ్ (పరిరక్షణ వైఖరి) అవసరం లేదు” అని అన్నారు. దీనిపై స్పందించిన బీజేపీ నేతలు.. అమూల్య దేశద్రోహి అన్నారు. ఆమెలాంటి వారు ఇంకా చాలామంది దేశద్రోహులు ఉన్నారని ఆరోపించారు. పాకిస్తాన్ మద్దతుదారులు భారత్‌లో అశాంతి సృష్టించే ప్రయత్నం చేస్తున్నారని మండిపడ్డారు.

Categories
National

MP ఒవైసీ సభలో జై..పాకిస్తాన్ జిందాబాద్ నినాదాలు..!!

బెంగళూరులో జరిగిన సీఏఏ, ఎన్నార్సీ వ్యతిరేక ఆందోళనల్లో ఓ యువతి పాకిస్తాన్ జిందాబాద్ అంటూ చేసిన నినాదాలు రచ్చలేపాయి. ఎంఐఎం అధినేత అసదుద్దీన్‌ ఓవైసీ సమక్షంలో గురువారం ‘సేవ్‌ కాన్‌స్టిట్యూషన్‌’పేరుతో సభ జరిగింది. ఒవైసీ వస్తుండగానే వేదికపైకి వచ్చిన అమూల్య లియోనా అనే మహిళ ‘పాకిస్తాన్‌ జిందాబాద్‌’అని నినాదాలు చేయడం ప్రారంభించింది. ఆందోళనకారులను కూడా తనతో పాటు నినదించమని కోరింది. 

దీంతో వేదికపై ఉన్న వారంతా ఒక్కసారిగా షాక్‌కు గురయ్యారు. యువతి అలాగే పలుమార్లు నినాదం చేస్తుండటంతో అసదుద్దీన్ ఓవైసీ వెనక్కి వచ్చి మైక్ లాక్కునేందుకు ప్రయత్నించారు. ఆ తర్వాత కూడా అలాగే నినాదాలు చేస్తూ పోయింది. నిర్వహకులు ఆపడానికి ప్రయత్నిస్తుంటే చివరకీ ‘హిందూస్థాన్ జిందాబాద్’ అని మాట మార్చింది.  అయినప్పటికీ ఆమె నుంచి మైక్ లాక్కోవడంతో పాటు వెనక్కి తీసుకెళ్లిపోయారు పోలీసులు. 

సదరు యువతిపై పోలీసులు ఐపీసీ సెక్షన్ 124 కింద కేసు నమోదు చేశారు. ఆమెను ప్రశ్నించిన అనంతరం జడ్జి ముందు హాజరు పరచనున్నట్లు తెలుస్తోంది. పోలీసులు ఆమెను అదుపులోకి తీసుకొని తరలిస్తుండగా.. అక్కడున్నవారు పెద్దగా అరిచారు. తర్వాత ప్రసంగించిన అసదుద్దీన్.. మహిళతో, ఆమె అభిప్రాయాలతో తమ పార్టీకి ఎలాంటి సంబంధం లేదన్నారు. అటువంటి వాళ్లను కార్యక్రమానికి ఆహ్వానించకుండా ఉంటే బావుండేదన్నారు. 

‘ఆమె ఇలా ప్రవర్తిస్తారని తెలిస్తే.. నేను ఈ కార్యక్రమానికి వచ్చేవాడిని కాదు. మేం భారతీయులం. శత్రుదేశం పాకిస్తాన్‌కు మద్దతిచ్చే ప్రశ్నే లేదు. భారత్‌ను కాపాడాలనేదే మా ఉద్యమం ఉద్దేశం’ అని ఓవైసీ వివరించారు. ఈ ఘటనపై బీజేపీ స్పందించింది. సీఏఏ వ్యతిరేక ఆందోళనలన్నీ పాకిస్తాన్, కాంగ్రెస్‌ నేతృత్వంలోని జాతివ్యతిరేక శక్తుల మధ్య జాయింట్‌ వెంచర్‌లో భాగమని ఆరోపించింది. బెంగళూరు ఘటనను కాంగ్రెస్‌ కూడా ఖండించింది.  
 

Read More>>పాయిజన్ కలిసిన దగ్గు మందు తాగి 9 మంది మృతి

See Also>>“పాకిస్తాన్ జిందాబాద్” వ్యాఖ్యలు చేసిన యువతికి నక్సల్స్ తో సంబంధాలు

Categories
Hyderabad Political

హైదరాబాదీలకు ఆధార్ నోటీసులపై అసదుద్దీన్ ఫైర్

పౌరసత్వాన్ని నిరూపించుకోవాలంటూ హైదరాబాద్‌లో నివసిస్తున్న 127 మందికి భారత విశిష్ట గుర్తింపు ప్రాధికార సంస్థ Aadhaar (ఉడాయ్‌) నోటీసులు జారీ చేయడంపై  ఏఐఎంఐఎం చీఫ్‌, ఎంపీ అసదుద్దీన్‌ ఓవైసీ ఉడాయ్‌, తెలంగాణ పోలీసులపై తీవ్రంగా మండిపడ్డారు. ఉడాయ్‌ నోటీసులు అందుకున్న 127 మందిలో ముస్లింలు, దళితులు ఎంతమంది ఉన్నారని  ఆయన  ట్విట్టర్ లో ప్రశ్నించారు.

ఆధార్‌ సంస్థ తన అధికారాలను దుర్వినియోగం చేసిందని, సరైన ప్రామాణికాలు అనుసరించకుండానే పక్షపాత వైఖరితో వ్యవహరించిందని ఆరోపించారు. కార్డన్‌ సెర్చ్‌ కార్యక్రమంలో ఆధార్‌ చూపమని అడగటం  పోలీసులు విరమించుకోవాలని, ఇలా చేయడానికి మీకు చట్టబద్ధ అనుమతి లేదని తెలంగాణ పోలీసులను ఉద్దేశించి అసదుద్దీన్ ట్వీట్‌ చేశారు.

 

నోటీసులో పౌరసత్వ వెరిఫికేషన్‌ అనే పదాన్ని ఉపయోగించారని, ఆధార్‌ వ్యాలిడిటీ గురించి ప్రస్తావించలేదని, ఈ నోటీసును జారీ చేసిన డిప్యూటీ డైరెక్టర్‌ను ఉడాయ్‌ సస్పెండ్‌ చేయాలని మరో ట్విట్టర్ పోస్టులో ఆయన కోరారు.  కాగా …   ఉడాయ్(ఆధార్ ) అధికారులకు రాష్ట్ర పోలీసుల నుండి వచ్చిన నివేదికలు ఆధారంగా  నోటీసులు జారీ చేయబడినట్లు తెలిసింది.  ఆధార్ పంపిన నోటీసులకు “పౌరసత్వంతో సంబంధం లేదని… ఆధార్ కార్డు రద్దు చేయడం ఏ నివాసి యొక్క జాతీయతకు సంబంధించినది కాదని ఆధార్ తన ట్విట్టర్ లో తెలిపింది.

కాగా….. మహ్మద్ సత్తార్ ఖాన్ అనే వ్యక్తి హైదరాబాద్‌లో నివసిస్తున్నాడు. హైదరాబాద్ అడ్రస్‌తో అతడికి ఆధార్ కార్డు కూడా ఉంది. ఆటో రిక్షా నడుపుతూ జీవనం సాగిస్తున్నాడు. ఫిబ్రవరి 3న ఖాన్‌కు ఆధార్ సంస్థ UIDIA నుంచి నోటీసులు వచ్చాయి. నువ్వు భారత పౌరుడివి కాదు.. తప్పుడు ధృవపత్రాలను సృష్టించి ఆధార్ కార్డ్ తీసుకున్నట్లు ఫిర్యాదు అందిందని తెలిపింది.

ఈ నేపథ్యంలో భారత పౌరసత్వాన్ని నిరూపించుకోవాలని స్పష్టం చేసింది. ఫిబ్రవరి 20న రంగారెడ్డిలోని బాలాపూర్‌ రాయల్ కాలనీలోని మెగా గార్డెన్స్ లో ఎంక్వైరీ ఆఫీసర్ ఎదుట హాజరై పౌరసత్వాన్ని నిరూపించుకునేందుకు అవసరమైన అన్ని ఒరిజినల్ డాక్యుమెంట్లు చూపించాలని ఆదేశించింది. 

ఒకవేళ ఈ విచారణకు హాజరు కాకపోయినా, పౌరసత్వం నిరూపించుకునేందుకు అవసరమైన డాక్యుమెంట్లు సమర్పించకపోయినా.. భారతీయ పౌరుడు కాదనే ఆరోపణను నిజంగా భావించాల్సి ఉంటుందన్నారు. ఒకవేళ భారత పౌరుడివి కాకుంటే.. దేశంలోకి చట్టబద్ధంగా ప్రవేశించినట్లుగా నిరూపించుకోవాల్సి ఉంటుందని UIDIA తేల్చిచెప్పింది. విచారణకు రాకుంటే సుమోటోగా తాము నిర్ణయం తీసుకుంటామని హెచ్చరించింది. అలాగే, రూల్ 29 ప్రకారం ఆధార్ కార్డును కూడా రద్దు చేస్తామని వెల్లడించింది.  

ఇదే విధంగా మొత్తం 127 మందికి నోటీసులు జారీ చేసిన ఉడాయ్‌ అన్ని ఒరిజినల్‌ సర్టిఫికెట్లతో ఫిబ్రవరి 20లోగా విచారణకు రావాలని వారిని ఆదేశించింది. సరైన పత్రాలు సమర్పించక పోయినా, భారత పౌరులమని నిరూపించుకోలేకపోయినా వారి ఆధార్‌ కార్డులను రద్దు చేస్తామని హెచ్చరించింది.

ఆధార్  ఇచ్చిన నోటీసుల ఫలితంగా  ప్రజలలో భయాందోళనలు మొదలయ్యాయని ఒవైసీ అన్నారు. అసలు పౌరసత్వాన్ని ధృవీకరించే అధికారం యుఐడిఎఐకి లేదంటూ  ఎంపీ అసదుద్దీన్  ఆధార్ అధికారులపై తీవ్ర ఆగ్రహం వ్యక్తం చేసారు.

Read More>> సీఎం జగన్‌కు నాని సవాల్.. చంద్రబాబుని ఓడిస్తానన్న ఎంపీపై ప్రశంసలు

Categories
Amaravathi Political

సీఎం జగన్‌కు నాని సవాల్.. చంద్రబాబుని ఓడిస్తానన్న ఎంపీపై ప్రశంసలు

పౌరసత్వ సవరణ చట్టం(సీఏఏ), జాతీయ పౌర పట్టిక (ఎన్‌ఆర్‌సీ)లకు వ్యతిరేకంగా విజయవాడలో మంగళవారం(ఫిబ్రవరి 18,2020) భారీ సభ జరిగింది. ఈ సభలో టీడీపీ నేతలు కేశినేని నాని, జలీల్ ఖాన్ తో పాటు హైదరాబాద్ ఎంపీ, ఎంఐఎం చీఫ్ అసదుద్దీన్ ఒవైసీ పాల్గొన్నారు. ఈ సభలో కేంద, రాష్ట్ర ప్రభుత్వాలపై ఎంపీ కేశినేని నాని ఫైర్ అయ్యారు. హైదరాబాద్ ఎంపీ అసదుద్దీన్ ఒవైసీపైన ప్రశంసల వర్షం కురిపించారు. ఒవైసీ ఆరేళ్లుగా చూస్తున్నా.. దేశంలో పార్లమెంటేరియన్ అంటే ఇలా ఉండాలనిపించేలా వ్యవహరిస్తున్నారు అటూ కేశినేని నాని కొనియాడారు.

నా తల్లి పౌరసత్వాన్ని ఎలా నిరూపించుకోవాలి:
కేంద్రంలోని బీజేపీ ప్రభుత్వంపై నాని విరుచుకుపడ్డారు. ఒక మతం పట్ల వివక్ష చూపుతున్నారని ఆరోపించారు. సీఏఏ, ఎన్ఆర్సీ అందులో భాగమే అన్నారు. కులం, మతం ఆధారంగా ప్రజలను, దేశాన్ని విభజించే హక్కు ప్రధాని మోడీ, అమిత్ షాకు ఎవరిచ్చారని నిలదీశారు. నేను భారతీయున్ని అని రుజువు చేసుకోవాల్సిన పరిస్థితి వస్తుందని కలలో కూడా ఊహించలేదన్నారు. తన తల్లి పౌరసత్వాన్ని తాను ఎలా నిరూపించుకోవాలని కేశినేని నాని ప్రశ్నించారు. ఎన్ఆర్సీ, సీఏఏను వెనక్కి తీసుకోవాలని కేంద్ర ప్రభుత్వాన్ని కేశినేని నాని డిమాండ్ చేశారు. 22మంది వైసీసీ ఎంపీలు, టీడీపీకి చెందిన ఇద్దరు ఎంపీలు సీఏఏకు అనుకూలంగా ఓటేశారని చెప్పిన నాని.. తాను మాత్రం వ్యతిరేకించి బయటికి వచ్చానని తెలిపారు.

జగన్ కు టీడీపీ ఎంపీల మద్దతు:
ఈ క్రమంలో సీఎం జగన్ ను ఇరుకున పెట్టేలా కేశినేని నాని మాట్లాడారు. సీఎం జగన్ కు సవాల్ విసిరారు. కేరళ తరహాలోనే సీఏఏ, ఎన్ఆర్సీకు వ్యతిరేకంగా తీర్మానం ప్రవేశపెట్టాలని జగన్ ప్రభుత్వాన్ని డిమాండ్ చేశారు కేశినేని నాని. ఇందుకు టీడీపీకి చెందిన 22 మంది ఎమ్మెల్యేలు కూడా మద్దతు పలుకుతారని చెప్పారు. మూడు రాజధానుల బిల్లుకు బదులు సీఏఏ, ఎన్ఆర్సీకి వ్యతిరేకంగా తీర్మానం చేస్తే తామేంతో సంతోషించేవాళ్లమన్నారు. సీఏఏను సవాల్ చేస్తూ జగన్ ప్రభుత్వం కోర్టులో పిటిషన్ దాఖలు చేయాలన్నారు కేశినేని నాని.

చంద్రబాబుని ఇరుకునపడేశారా?
సభలో ఎంపీ కేశినేని నాని చేసిన వ్యాఖ్యలు చర్చకు దారితీశాయి. నాని తీరు చంద్రబాబుని ఇరుకునపడేసిందనే అభిప్రాయం వ్యక్తమవుతోంది. జగన్ ను ఇరుకునపెట్టాలని కేశినేని నాని చేసిన వ్యాఖ్యలు చంద్రబాబుకి కొత్త తలనొప్పి తెచ్చాయని తమ్ముళ్లు కూడా అనుకుంటున్నారు. ఒకవేళ అసెంబ్లీలో సీఏఏ, ఎన్ఆర్సీలను వ్యతిరేకిస్తూ జగన్ ప్రభుత్వం తీర్మానం ప్రవేశపెడితే అందుకు టీడీపీ సభ్యులు తప్పనిసరిగా మద్దతు తెలపాల్సి ఉంది. అదే కనుక జరిగితే.. పార్లమెంటులో సీఏఏకు మద్దతు తెలిపి, అసెంబ్లీలో సీఏఏ వ్యతిరేక తీర్మానానికి మద్దతు తెలిపితే టీడీపీ విమర్శల పాలు కావాల్సి ఉంటుంది. పైగా, చంద్రబాబుని ఓడించేందుకు ఏపీకి కూడా వెళ్తామంటూ ఎన్నికల ప్రచారంలో తీవ్ర వ్యాఖ్యలు చేసిన ఒవైసీపై.. టీడీపీ ఎంపీ కేశినేని నాని ప్రశంసలు కురిపించడం ఏంటని తమ్ముళ్లు మండిపడుతున్నారు.

మతం ఆధారంగా చట్టమా?
ఇదే సభలో టీడీపీ నేతలతో కలిసి వేదిక పంచుకున్న అసదుద్దీన్ ఒవైసీ.. ఎప్పుడూ లేని విధంగా మతం ఆధారంగా చట్టం చేశారని మండిపడ్డారు. ప్రధాని మోడీ నేతృత్వంలోని బీజేపీ ప్రభుత్వం కుట్రపూరితంగా పౌరసత్వ సవరణ చట్టం(సీఏఏ) తెచ్చిందని ఆరోపించారు. ముస్లింలను ఉద్దేశపూర్వకంగా దూరం పెట్టే విధంగా చట్టం తెచ్చారని ఆగ్రహం వ్యక్తం చేశారు. సీఏఏ ఆజాద్ హిందూస్తాన్ కు వ్యతిరేకం అన్నారు. దేశాన్ని ప్రేమించే వారు ఎవరైనా.. సీఏఏని వ్యతిరేకించాలన్నారు. ఈ సభలో టీడీపీ నేతలు ఎంపీ కేశినేని నాని, మాజీ ఎమ్మెల్యే జలీల్ ఖాన్ పాల్గొన్నారు. అధికార పార్టీకి చెందిన వైసీపీ నేతలు మాత్రం ఈ సభకు దూరంగా ఉన్నారు.

జగన్, చంద్రబాబు చేతులు కలపాలి:
ఏపీ సీఎం జగన్ సీఏఏని వ్యతిరేకించాలని అసద్ పిలుపునిచ్చారు. అలాగే ప్రతిపక్ష నేత, టీడీపీ అధినేత చంద్రబాబు సైతం సీఏఏని వ్యతిరేకించాలని, తమ పోరాటంలో కలిసిరావాలని కోరారు. టీడీపీ నేత జలీల్ ఖాన్ పై ఒవైసీ ప్రశంసలు కురిపించారు. జలీల్ ఖాన్ లా ధైర్యంగా చంద్రబాబుతో పాటు అందరూ ముందుకు రావాలని, సీఏఏని వ్యతిరేకించాలని కోరారు. ఇది కేవలం ముస్లింల సమస్య మాత్రమే కాదన్న ఒవైసీ.. ప్రతి ఒక్కరు సీఏఏని వ్యతిరేకించాలన్నారు.

1

Read More>> 19 ఏళ్లలో రూ.17 కోట్లు దానం : భర్త ఆశయం నెరవేస్తున్నసాధారణ గృహిణి

Categories
Amaravathi Political

జగన్, చంద్రబాబు చేతులు కలపండి

పార్లమెంటు చేతిలో ఎప్పుడూ లేని విధంగా మతం ఆధారంగా చట్టం చేశారని ఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ మండిపడ్డారు. ప్రధాని మోడీ నేతృత్వంలోని బీజేపీ

పార్లమెంటులో ఎప్పుడూ లేని విధంగా మతం ఆధారంగా చట్టం చేశారని ఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ మండిపడ్డారు. ప్రధాని మోడీ నేతృత్వంలోని బీజేపీ ప్రభుత్వం కుట్రపూరితంగా పౌరసత్వ సవరణ చట్టం(సీఏఏ) తెచ్చిందని అసద్ ఆరోపించారు. ఏపీలోని విజయవాడలో సీఏఏకు వ్యతిరేకంగా ఏర్పాటు చేసిన బహిరంగ సభలో ఒవైసీ మాట్లాడారు. కేంద్ర ప్రభుత్వంపై విరుచుకుపడ్డారు. ముస్లింలను ఉద్దేశపూర్వకంగా దూరం పెట్టే విధంగా చట్టం తెచ్చారని ఆగ్రహం వ్యక్తం చేశారు. సీఏఏ ఆజాద్ హిందూస్తాన్ కు వ్యతిరేకం అన్నారు. దేశాన్ని ప్రేమించే వారు ఎవరైనా.. సీఏఏని వ్యతిరేకించాలన్నారు. ఈ సభలో టీడీపీ నేతలు పాల్గొన్నారు. ఎంపీ కేశినేని నాని, మాజీ ఎమ్మెల్యే జలీల్ ఖాన్ పాల్గొన్నారు. కాగా, అధికార పార్టీకి చెందిన వైసీపీ నేతలు మాత్రం ఈ సభకు దూరంగా ఉన్నారు.

ఏపీ సీఎం జగన్ సీఏఏని వ్యతిరేకించాలని అసద్ పిలుపునిచ్చారు. అలాగే ప్రతిపక్ష నేత, టీడీపీ అధినేత చంద్రబాబు సైతం సీఏఏని వ్యతిరేకించాలని, తమ పోరాటంలో కలిసిరావాలని కోరారు. టీడీపీ నేత జలీల్ ఖాన్ పై ఒవైసీ ప్రశంసలు కురిపించారు. జలీల్ ఖాన్ లా ధైర్యంగా చంద్రబాబుతో పాటు అందరూ ముందుకు రావాలని, సీఏఏని వ్యతిరేకించాలని అసద్ కోరారు. ఇది కేవలం ముస్లింల సమస్య మాత్రమే కాదన్న ఒవైసీ.. ప్రతి ఒక్కరు సీఏఏని వ్యతిరేకించాలన్నారు.

ఇది కేవలం ముస్లింల సమస్యగా భావించి సీఎం జగన్ మౌనంగా ఉండిపోతే.. భవిష్యత్తులో బీజేపీ ఇతర మతాలను టార్గెట్ చేస్తూ చట్టాలు తీసుకొచ్చే ప్రమాదం ఉందని ఒవైసీ హెచ్చరించారు. కాగా ఏపీలో సీఏఏ, ఎన్ఆర్సీ అమలు చేసేది లేదని ఇప్పటికే సీఎం జగన్ ప్రకటించిన సంగతి తెలిసిందే. ఏపీలో కనుక సీఏఏ, ఎన్ఆర్సీని అమలు చేస్తే తన పదవికి రాజీనామా చేస్తానని ఏపీ డిప్యూటీ సీఎం అంజాద్ భాషా ప్రకటించారు. సీఏఏని జగన్ ప్రభుత్వం వ్యతిరేకించినా.. కొన్ని రోజుల క్రితం ఢిల్లీకి వెళ్లిన సీఎం జగన్ ప్రధాని మోడీ, కేంద్ర హోంమంత్రి అమిత్ షాలను కలిశారు. దీంతో బీజేపీతో వైసీపీ పొత్తు పెట్టుకోనుంది అనే వార్తలు వినిపించాయి. ఈ క్రమంలో సీఏఏని వ్యతిరేకిస్తూ తీసుకున్న నిర్ణయానికి జగన్ ప్రభుత్వం కట్టుబడి ఉంటుందా? లేక ఏమైనా మార్పు ఉంటుందా? అనే అనుమానాలు వ్యక్తమవుతున్నాయి.

Categories
National Political

ప్రధాని మోడీకి వ్యతిరేకంగా మాట్లాడేలా మా పిల్లలకు కూడా నేర్పిస్తాం

ఎంఐఎం చీఫ్, హైదరాబాద్ ఎంపీ అసదుద్దీన్ ఒవైసీ కాంగ్రెస్, బీజేపీపై వివాదాస్పద వ్యాఖ్యలు చేశారు. ప్రధాని మోడీకి వ్యతిరేకంగా మాట్లాడేలా మా పిల్లలకు నేర్పిస్తామన్నారు. ప్రధానికి

ఎంఐఎం చీఫ్, హైదరాబాద్ ఎంపీ అసదుద్దీన్ ఒవైసీ కాంగ్రెస్, బీజేపీపై మరోసారి వివాదాస్పద వ్యాఖ్యలు చేశారు. ప్రధాని మోడీకి వ్యతిరేకంగా మాట్లాడేలా తమ పిల్లలకూ నేర్పిస్తామన్నారు. ప్రధానికి వ్యతిరేకంగా మాట్లాడినందుకు జైలుకి పంపినా వెళ్తామన్నారు. 25ఏళ్లుగా భద్రత లేకుండా తిరుగుతున్నా అని చెప్పిన ఒవైసీ.. నన్ను చంపాలనుకుంటే చంపేసుకోవచ్చని సవాల్ విసిరారు. కాంగ్రెస్ పైనా తీవ్ర వ్యాఖ్యలు చేశారు. ఈ దేశంలో ముస్లింలకు కాంగ్రెస్ పార్టీ కూడా అవసరం లేదన్న ఒవైసీ.. కాంగ్రెస్ నేతల వ్యాఖ్యలు తన చెప్పుతో సమానం అన్నారు. కాంగ్రెస్.. ఎప్పటికీ అధికారంలోకి రాదని ఒవైసీ జోస్యం చెప్పారు. కర్నాటకలోని గుల్బార్గాలో ఓ బహిరంగ సభలో ఒవైసీ ఈ కామెంట్స్ చేశారు.

వివాదాస్పద వ్యాఖ్యలు చేయడం ఒవైసీకి కొత్త కాదు. గతంలోనూ అనేకసార్లు తన వ్యాఖ్యలతో కాంట్రవర్సీ క్రియేట్ చేశారు. బీజేపీ అంటే భగ్గుమంటారు. కేంద్రం తీసుకొచ్చిన పౌరసత్వ సవరణ చట్టం(సీఏఏ)ని అసద్ తీవ్రంగా వ్యతిరేకిస్తున్నారు. ముస్లింలకు ద్రోహం చేసేందుకు కేంద్ర ప్రభుత్వం కుట్ర పన్నిందని ఆరోపిస్తున్నారు. సీఏఏ రాజ్యాంగ విరుద్ధం అంటున్నారు. 

తాజాగా ఒవైసీ చేసిన వ్యాఖ్యలు కొత్త వివాదాన్ని రాజేశాయి. ప్రధానికి వ్యతిరేకంగా ఆయన అన్న మాటలు దుమారం రేపుతున్నాయి. దీనిపై బీజేపీ నేతలు ఏ విధంగా రియాక్ట్ అవుతారో చూడాలి. ఇక కాంగ్రెస్ నేతల వ్యాఖ్యలు నా చెప్పుతో సమానం అంటూ అసద్ అన్న మాటలూ మంటలు పుట్టిస్తున్నాయి. దీనిపై కాంగ్రెస్ నేతల రియాక్షణ్ ఎలా ఉంటుందో చూడాలి.

Categories
Political Telangana

దేశానికి స్వాతంత్ర్యం రాకుండా అడ్డుకున్న పార్టీతో కేసీఆర్ కలిశారు

తెలంగాణ సీఎం కేసీఆర్ పై కేంద్రమంత్రి కిషన్ రెడ్డి మండిపడ్డారు. పౌరసత్వ సవరణ చట్టం(సీఏఏ) గురించి సీఎం కేసీఆర్ చేసిన వ్యాఖ్యలను కిషన్ రెడ్డి ఖండించారు. ప్రజలను తప్పుదారి

తెలంగాణ సీఎం కేసీఆర్ పై కేంద్రమంత్రి కిషన్ రెడ్డి మండిపడ్డారు. పౌరసత్వ సవరణ చట్టం(సీఏఏ) గురించి సీఎం కేసీఆర్ చేసిన వ్యాఖ్యలను కిషన్ రెడ్డి ఖండించారు. ప్రజలను తప్పుదారి పట్టిస్తున్నారని ఆగ్రహం వ్యక్తం చేశారు. సీఏఏలో దేశ ప్రజలకు నష్టం కలిగించే అంశం ఏముందో చెప్పాలని సీఎం కేసీఆర్ ని డిమాండ్ చేశారు. దేశానికి స్వాతంత్ర్యం రాకుండా అడ్డుకున్న ఎంఐఎం పార్టీతో కేసీఆర్ కలిశారని, కుటిల రాజకీయాలు చేస్తున్నారని కిషన్ రెడ్డి ధ్వజమెత్తారు. మజ్లిస్ తో అంటకాగుతున్న కేసీఆర్ కు హిందువుల గురించి మాట్లాడే అర్హత లేదన్నారు కిషన్ రెడ్డి. 

ఒవైసి కుట్రలో కేసీఆర్ పావుగా మారారు:
తెలంగాణ బీజేపీ చీఫ్ లక్ష్మణ్ సైతం సీఎం కేసీఆర్ పై మండిపడ్డారు. సీఏఏ గురించి, కేంద్ర ప్రభుత్వం గురించి కేసీఆర్ చేసిన వ్యాఖ్యలను ఖండించారు. కేంద్ర ప్రభుత్వం రాష్ట్ర ప్రభుత్వంపై ఎలాంటి వివక్ష చూపడం లేదన్నారు. తెలంగాణకు రావాల్సిన నిధులను కేంద్రం ఇస్తోందన్నారు. కేంద్ర పథకాలను ప్రభుత్వం అమలు చేయడం లేదని లక్ష్మణ్ ఆరోపించారు. కేసీఆర్ ప్రభుత్వం రాజ్యాంగాన్ని ఉల్లింఘిస్తోందన్నారు. సీఏఏను అపహాస్యం చేసేలా సీఎం కేసీఆర్ మాట్లాడారని సీరియస్ అయ్యారు. సీఏఏకు వ్యతిరేకంగా ప్రాంతీయ పార్టీలను ఏకం చేస్తామని కేసీఆర్ అనడం విడ్డూరంగా ఉందన్నారు.

ఎంఐఎం నేత అసదుద్దీన్ ఓవైసీ కుట్రలో కేసీఆర్ పావుగా మారారని లక్ష్మణ్ అన్నారు. అవకాశవాద రాజకీయ వాదులను తిప్పికొట్టాలని తెలంగాణ ప్రజలకు ఆయన పిలుపునిచ్చారు. మున్సిపల్ ఎన్నికల ఫలితాలపై లక్ష్మణ్ స్పందించారు. మున్సిపల్ ఎన్నికల్లో బీజేపీ మెరుగైన ఫలితాలు సాధించిందని చెప్పారు.

Categories
Telangana

సీఏఏకి వ్యతిరేకంగా భారీ మానవహారం : ముస్లింలకు ఒవైసీ పిలుపు

హైదరాబాద్‌లో మజ్లిస్‌ పార్టీ, యునైటెడ్‌ ముస్లిం యాక్షన్‌ కమిటీ సభ ఘనంగా జరిగింది. సీఏఏ, ఎన్నార్సీకి నిరసనగా చార్మినార్‌ సమీపంలోని ఖిల్వత్‌ గ్రౌండ్స్‌లో ఈ సభను

హైదరాబాద్‌లో మజ్లిస్‌ పార్టీ, యునైటెడ్‌ ముస్లిం యాక్షన్‌ కమిటీ సభ జరిగింది. సీఏఏ, ఎన్నార్సీకి నిరసనగా చార్మినార్‌ సమీపంలోని ఖిల్వత్‌ గ్రౌండ్స్‌లో శనివారం(జనవరి 25,2020) ఈ సభను నిర్వహించారు. సీఏఏ, ఎన్సార్సీలకు వ్యతిరేకంగా జనవరి 30న హైదరాబాద్‌లో భారీ మానవహారం ఏర్పాటు చేయాలని తలపెట్టినట్లు ఎంఐఎం అధినేత, ఎంపీ అసదుద్దీన్‌ ఒవైసీ తెలిపారు. పోలీసులు అనుమతిస్తే ఈ కార్యక్రమాన్ని నిర్వహిస్తామన్నారు. ఇందులో పెద్ద ఎత్తున పాల్గొనాలని ముస్లింలకు పిలుపునిచ్చారు.

caa

దేశవ్యాప్తంగా సీఏఏ ప్రకంపనలు:
కేంద్రంలోని మోడీ ప్రభుత్వం తీసుకొచ్చిన పౌరసత్వ సవరణ చట్టం (సీఏఏ) ప్రకంపనలు దేశవ్యాప్తంగా కొనసాగుతున్నాయి. సీఏఏకు వ్యతిరేకంగా ప్రతిపక్షాలు.. అనుకూలంగా బీజేపీ పోటాపోటీ ప్రదర్శనలు చేపడుతున్నాయి. సీఏఏ చట్ట వ్యతిరేకం అని, రాజ్యాంగ విరుద్ధం అని ప్రతిపక్షాలు ఆరోపిస్తున్నాయి. దేశ పౌరుల హక్కులను కాలరాస్తుందని చెబుతున్నాయి. మత ప్రాతిపదికన ప్రజలను విడగొట్టే ప్రయత్నం జరుగుతోందని అంటున్నాయి. పౌరసత్వ సవరణ చట్టం(సీఏఏ)ను వ్యతిరేకిస్తూ పలు రాష్ట్రాలు అసెంబ్లీలో తీర్మానం కూడా చేశాయి. కేరళ, రాజస్థాన్, పంజాబ్, వెస్ట్ బెంగాల్ రాష్ట్రాలు సీఏఏని తీవ్రంగా వ్యతిరేకిస్తున్నాయి.

ca1

పౌరసత్వం ఇచ్చేది.. లాక్కునేది కాదు:
బీజేపీ నేతలు మాత్రం విపక్షాల ఆరోపణలను ఖండిస్తున్నారు. సీఏఏ… పౌరసత్వం ఇచ్చేది.. లాక్కునేది కాదని స్పష్టం చేస్తున్నారు. ఎవరూ ఆందోళన చెందాల్సిన అవసరం లేదని చెబుతున్నారు. ప్రతిపక్షాలు తమ స్వార్థ రాజకీయ ప్రయోజనాల కోసం సీఏఏని వాడుకుంటున్నాయని, ప్రజలను రెచ్చగొడుతున్నాయని మండిపడ్డారు. ప్రపంచంలోని పలు ప్రాంతాలలో కంటే భారతదేశంలోనే ముస్లింలు సురక్షితంగా ఉన్నారని బీజేపీ నేతలు చెప్పారు. ప్రపంచంలోనే ముస్లింలకు అత్యంత మెరుగ్గా సమాన అవకాశాలు కల్పిస్తున్న దేశం భారత్ అని, వారు భారత్‌లోనే సురక్షితంగా ఉన్నారని వివరిస్తున్నారు.

Categories
Karimnagar National

షాకు ఓవైసీ కౌంటర్ : సీఏఏపై రాహుల్,మమత ఎందుకు…గడ్డం ఉన్న నాతో డిబేట్ చెయ్యండి

సీఏఏ,ఎన్ఆర్సీలపై తనతో డిబేట్ కు రావాలని కాంగ్రెస్ నాయకుడు రాహుల్ గాంధీ,వెస్ట్ బెంగాల్ సీఎం మమతా బెనర్జీ, సమాజ్ వాదీ పార్టీ నేత అఖిలేష్ యాదవ్ లకు మంగళవారం అమిత్ షా సవాల్ విసిరిన విషయం తెలిసిందే. లక్నోలో నిర్వహించిన ర్యాలీలో పాల్గొన్న అమిత్ షా ఈ వ్యాఖ్యలు చేశారు. సీఏఏపై కాంగ్రెస్,ఎస్పీ,తృణముల్ పార్టీలు అసత్యాలు ప్రచారం చేస్తున్నాయని షా ఆరోపించారు.

సీఏఏకు వ్యతిరేకంగా ఆందోళనలు చేసేవాళ్లు తమ ఆందోళనలు కంటిన్యూ చేసుకోవచ్చని…ప్రభుత్వం మాత్రం ఈ చట్టం ఉపసంహరించుకోదని హోంమంత్రి అన్నారు. అయితే అమిత్ షా వ్యాఖ్యలపై ఎంఐఎం చీఫ్,హైదరాబాద్ ఎంపీ అసదుద్దీన్ ఓవైసీ ఘాటుగా స్పందించారు. రాహుల్,మమతలతో ఎందుకు డిబేట్ చేయడం…దమ్ముంటే గడ్డం (అసదుద్దీన్)వాడితో డిబేట్ చేయాలని ఓవైసీ అన్నారు.

తెలంగాణ రాష్ట్రంలోని కరీంనగర్ లో ఓ సభలో ఓవైసీ మాట్లాడుతూ…వారితో ఎందుకు చర్చించాలి? కావాలంటే నాతో చర్చించండి. వారితో చర్చిస్తే ఏం వస్తుంది. ఇప్పుడు చర్చ జరగాల్సింది గడ్డం ఉన్న ముస్లిం వ్యక్తితో కదా అని ఒవైసీ విమర్శలు గుప్పించారు. అదే విధంగా సీఏఏ, ఎన్‌ఆర్‌సీ, ఎన్‌పీఆర్‌ ముస్లింలపై వివక్ష చూపుతున్నాయని ఓవైసీ ఆరోపించారు.

Categories
Political Telangana

ఇద్దరు భార్యలు : నిజం ఏంటో చెప్పిన ఓవైసీ

కామారెడ్డిలో ఎంఐఎం బహిరంగ సభ జరిగింది. ఇందులో హైదరాబాద్ ఎంపీ, ఎంఐఎం చీఫ్ అసదుద్దీన్ ఓవైసీ పాల్గొన్నారు. మజ్లిస్ ఒక్క హైదరాబాద్ కే పరిమితమైన పార్టీ కాదని ఆయన అన్నారు. తెలంగాణ రాష్ట్రమంతా విస్తరిస్తోందన్నారు. ప్రస్తుతం మజ్లిస్ గాలి వీస్తోందని చెప్పారు. మజ్లిస్.. హిందూ-ముస్లింల మధ్య కొట్లాటలు పెడుతుందని కొందరు అంటున్నారని.. అది నిజం కాదని అసదుద్దీన్ చెప్పారు. నాకు ఇద్దరు భార్యలు ఉన్నారని ప్రచారం జరుగుతోందని ఓవైసీ చెప్పారు. దీనిపై స్పందించిన ఓవైసీ.. ఒక భార్యతోనే పరేషాన్ అవుతున్నా.. రెండో భార్యను ఎలా చేసుకుంటా, ఎలా ఏగేది అని వాపోయారు. ఇద్దరు భార్యల ప్రచారంలో వాస్తవం లేదన్నారు. దుష్ప్రచారం చేసి తనను అభాసుపాలు చేయాలని కొందరు చూస్తున్నారని ఓవైసీ ఆరోపించారు. కామారెడ్డిలో మున్సిపల్ ఎన్నికల ప్రచారంలో ఓవైసీ పాల్గొన్నారు. మజ్లిస్ పార్టీ తరపున పోటీ చేస్తున్న అభ్యర్థులను ప్రజలకు పరిచయం చేశారు.

కాంగ్రెస్.. అసలు సెకులర్ పార్టీనేనా?
కాంగ్రెస్ పార్టీపై ఓవైసీ ఫైర్ అయ్యారు. అసలు కాంగ్రెస్ పార్టీ సెక్యులర్ పార్టీనేనా అని ప్రశ్నించారు. బీజేపీకి భయపడి.. కేరళకు వెళ్లి రాహుల్ పోటీ చేశారని ఎద్దేవా చేశారు. సొంత లీడర్ ను గెలిపించుకోలేని కాంగ్రెస్ ఇక తనపై ఏం పోటీ చేస్తుందన్నారు. బీహార్ లో నితీష్ కుమార్ ను ఓడించింది తానేనని చెప్పారు. అలాంటి నాకు కాంగ్రెస్ కనీసం థ్యాంక్స్ కూడా చెప్పలేదన్నారు. కాంగ్రెస్ పార్టీ ప్రస్తుతం ఓ శవమని అన్నారు. మహారాష్ట్ర రాజకీయాలను ఉద్దేశించి మాట్లాడిన అసద్.. దేశంలో పొలిటికల్ మ్యారేజ్ చట్టం వచ్చిందని ఎద్దేవా చేశారు. శివసేన, కాంగ్రెస్ పెళ్లి చేసుకుంటే… రిసెప్షన్ శరద్ పవార్ చేసుకున్నాడని సెటైర్ వేశారు.

modi

యూపీలో 25మంది ముస్లింలను ప్రభుత్వం చంపింది:
దేశంలో బీజేపీ పాలన హిట్లర్ పాలనను తలపిస్తోందని అసద్ అన్నారు. ముస్లింలకు తప్ప అందరికి పౌరసత్వం ఇస్తున్నారని ఆరోపించారు. కోటి 30 లక్షల మంది భారతీయులకు మోడీ అబద్ధాలు చెబుతున్నారని చెప్పారు. NPR, NRC ల పై అనేక అనుమానాలు ఉన్నాయన్నారు. మజ్లిస్ పార్టీ తిరంగా ర్యాలీ తీస్తే కాంగ్రెస్, బీజేపీలు పరేషాన్ అయ్యాయని చెప్పారు. తెలంగాణ మున్సిపాలిటీ ఎన్నికల్లో బీజేపీ అభ్యర్థులను ఓడించాలని పిలుపునిచ్చారు. ఉత్తరప్రదేశ్ లో 25మంది ముస్లింలను యోగి ప్రభుత్వం పొట్టన పెట్టుకుందని అసద్ ఆరోపించారు. ఇప్పటికి పోస్టుమార్టం రిపోర్ట్ కూడా ఇవ్వలేదన్నారు.

 

asad

ఇప్పటివరకు కామారెడ్డిలో మజ్లిస్ ఎందుకు ఓడిపోతుందో తనకు అర్థం కావడం లేదన్నారు ఓవైసీ. ఇప్పడు తాను వచ్చానని ప్రతి ఒక్కరూ గెలుస్తారని చెప్పారు. తన తండ్రి కాలం నుంచి కామారెడ్డిలో పార్టీ ఉందని తమకేమీ ఈ టౌన్ కొత కాదని చెప్పారు. ఏ పార్టీ అధికారంలోకి వచ్చినా మజ్లిస్ కు పోయేదేమి లేదన్నారు. ఏ పార్టీకి బలం ఉంటే ఆ పార్టీ మాటే చెల్లుతుందన్నారు.

Also Read : CAA ఎఫెక్ట్ : బీజేపీ యువ ఎంపీ హత్యకు కుట్ర