Categories
National Political

ఏడేళ్ల ఎదురు చూపులకు ఎండ్ కార్డ్ : నిర్భయకు న్యాయం జరిగింది

నిర్భయకు న్యాయం జరిగింది. ఆమె తల్లిదండ్రుల ఏడేళ్ల ఎదురుచూపులకు ఎండ్ కార్డ్ పడింది. ఉరిని తప్పించుకునేందుకు ఆఖరి క్షణం వరకు దోషులు ఆడిన డ్రామాలు ఫలితాన్నివవ్వలేదు. కొద్దిగంటల ముందు చేసిన ప్రయత్నాలు ఫలించలేదు. ఉరిపై స్టే ఇవ్వాలన్న దోషుల అభ్యర్థనను ఢిల్లీ హైకోర్టు తోసిపుచ్చడం, ఆపై సుప్రీంకోర్టు వెళ్లినా చావుదెబ్బ తగలడంతో ఎట్టకేలకు నలుగురూ ఉరి కంభానికి వేలాడారు. 

నలుగురు దోషులకు ఉరి : – 
దేశవ్యాప్తంగా సంచలనం సృష్టించిన నిర్భయ హత్యాచారం కేసులో శిక్ష నుంచి తప్పించుకోవడానికి దోషులు చేసిన చివరి ప్రయత్నం కూడా విఫలమైంది. ఢిల్లీ హైకోర్టులో దాఖలు చేసిన స్టే పిటిషన్‌ను న్యాయస్థానం కొట్టిపారేయడంతో నలుగురు దోషులు ముకేశ్ కుమార్, పవన్‌ గుప్తా, అక్షయ్ ఠాకూర్, వినయ్‌ని ఉరితీశారు. నాలుగో డెత్‌ వారెంట్ మేరకు వారికి 2020, మార్చి 20వ తేదీ శుక్రవారం ఉదయం 5.30 గంటలకు శిక్షను అమలు చేశారు.

నాలుగో డెత్ వారెంట్ :- 
మూడుసార్లు డెత్‌ వారెంట్‌ జారీ అయినా రకరకాల కారణాలను సాకుగా చూపి ఉరిశిక్ష నుంచి తప్పించుకున్న నలుగురు దోషులు… నాలుగో డెత్‌ వారెంట్‌ నుంచి మాత్రం తప్పించుకోలేకపోయారు. ఇంతవరకు చట్టంలోని లొసుగులను తమకు అనుకూలంగా మలుచుకొని వంతుల వారీగా న్యాయపరమైన అవకాశాలను వినియోగించుకున్నారు. క్యూరేటివ్ పిటిషన్, క్షమాభిక్ష పిటిషన్, రివ్యూ పిటిషన్లను ఒక్కొక్కరుగా దాఖలు చేస్తూ శిక్షను ఆలస్యం చేశారు. మూడుసార్లు డెత్ వారంట్ జారీ చేసినప్పటికీ మరణ శిక్షను వాయిదా వేయించగలిగారు. నాలుగో డెత్‌ వారెంట్ జారీ అయ్యాక కూడా అదే పని చేశారు. ఆఖరి గడియల్లో అదే ఉద్దేశంతో ఢిల్లీ హైకోర్టులో అత్యవసర పిటిషన్ దాఖలు చేశారు. కానీ వారి ప్రయత్నాలు ఫలించకపోవడంతో ఉరి కంభానికి వేలాడక తప్పలేదు.

సంతోషం వ్యక్తం చేసిన నిర్భయ తల్లిదండ్రులు : – 
ఏడేళ్ల తర్వాత నిర్భయకు న్యాయం జరిగిందన్నారు ఆమె తల్లి ఆశాదేవి. మార్చి 20వ తేదీ చరిత్రలో నిలిచిపోతుందన్నారు. దోషులు ఎన్నికుట్రలు పన్నినా న్యాయవ్యవస్థ ముందు అవన్నీ పనిచేయలేదన్నారు. నలుగురు దోషుల ఉరిపై ఆమె హర్షం వ్యక్తంచేశారు. ఇది దేశ మహిళలందరికీ దక్కిన న్యాయమని.. ఇందుకుగాను రాష్ట్రపతికి, న్యాయవస్థకు ధన్యావాదాలు తెలిపారు. నలుగురు దోషులను ఉరి తీయడంపై నిర్భయ తండ్రి హర్షం వ్యక్తంచేశారు. ఏడేళ్ల తర్వాత తన ముఖంపై నిజమైన సంతోషపు ఛాయలు కనిపిస్తున్నాయన్నారు. దోషులకు ఉరిపడేలా సహకరించిన వారందరికీ ఆయన ధన్యవాదాలు తెలిపారు.

More News On Nirbhaya Case Convicts:

న్యాయం జరిగింది.. దేశ చరిత్రలో ఇదే తొలిసారి.. అరగంటపాటు ఉరి కొయ్యలకే!

వాళ్లు రేపటి సూర్యున్ని చూడలేరు..: ఆఖరి అవకాశం అయిపోయింది.. ఇక ఉరే!

జైలు లాక్‌డౌన్‌: నిర్భయ దోషుల ఉరికి ఏర్పాట్లు పూర్తి

 

Categories
National

నా కూతురు పేగుల్ని లాగిన కిరాతకులు వేదాలు వల్లిస్తున్నారు : అక్షయ్‌ పిటిషన్‌పై నిర్భయ తల్లి ఆగ్రహం

నా కూతురు పేగుల్ని బయటకు లాగి..అత్యంత కిరాతకంగా అత్యాచారం చేసిన దుర్మార్గులు ఇప్పుడు ఇప్పుడు వేదాలు వల్లిస్తున్నారనీ..తన బిడ్డపై అనాగరికంగా..అత్యంత ఘోరంగా దాడికి పాల్పడినప్పుడు వారికి మానవ హక్కుల సంగతి గుర్తుందా? అంటూ నిర్భయ తల్లి ఆశాదేవి తీవ్ర  ఆగ్రహం వ్యక్తం చేశారు. తన కూతురు పడిన శారీరక..మానసిక వేదనకు తగిన న్యాయం జరిగేలా నిర్భయ దోషులకు విధించిన ఉరిశిక్షను నిర్ణయించిన డిసెంబర్ 16నే వారిని ఉరి తీయాలని ఆమె డిమాండ్ చేశారు. 

2012 డిసెంబరులో.. దేశ రాజధాని ఢిల్లీలో కదిలే బస్సులో నిర్భయపై అత్యాచారానికి పాల్పడిన దోషుల్లో ఒకడైన అక్షయ్‌ కుమార్‌ సింగ్‌..తనకు  క్షమాభిక్ష పెట్టాలని కోరుతూ సుప్రీంకోర్టులో పిటిషన్‌ వేసిన సంగతి తెలిసిందే. ఆ పిటీషన్ లో వేదాలు, పురాణాలను గురించి ప్రస్తావించిన విషయం..ఢిల్లీలో వాయు,నీటి కాలుష్యం వల్ల ఎలాగూ జీవితం హరించుకుపోతున్నది. ఇక ఉరిశిక్షలు ఎందుకు? అని ప్రస్తావించడంపై నిర్భయ తల్లి తీవ్రంగా మండిపడ్డారు.

నిర్భయ దోషఉలకు మరణానికి కారకులైనవారికి మానవహక్కులు అంటూ నీతులు వల్లించటానికి స్వేచ్ఛ ఉంటుంది..కానీ బాధితులకు..వారి కుటుంబాలకు మాత్రం మానవహక్కులూ అంటూ తర్కం చెబుతారా? బాధితులకు మాత్రమే ఇవి వర్తిస్తాయా? అంటూ నిప్పులు చెరిగారు. నిర్భయ నిందితులు ఎంతమాత్రం క్షమాభిక్షకు అర్హులు కారనీ వాళ్లను డిసెంబరు 16నే ఉరి తీయాలని ఆమె డిమాండ్ చేశారు.