Categories
National

రాజస్తాన్ లాక్‌డౌన్, కరోనా కట్టడికి ప్రభుత్వం కీలక నిర్ణయం

కరోనా వ్యాప్తి నేపథ్యంలో రాజస్తాన్ ప్రభుత్వం కీలక నిర్ణయం తీసుకుంది. రాజస్తాన్ లాక్ డౌన్ ప్రకటించింది. నేటి(మార్చి 22,2020) నుంచి మార్చి 31వ తేదీ వరకు లాక్ డౌన్ ఉంటుందని తెలిపింది. రాజస్తాన్ కు వచ్చే అన్ని జాతీయ రహదారులను మూసివేయాలని ప్రభుత్వం నిర్ణయించింది. దేశవ్యాప్తంగా కరోనా మహమ్మారి విజృంభిస్తున్న నేపథ్యంలో ప్రభుత్వం అలర్ట్ అయ్యింది. కరోనా కట్టడిలో భాగంగా ఈ నిర్ణయం తీసుకుంది.

ప్రజా రవాణ ఆగిపోతుందని సీఎం అశోక్ గెహ్లాట్ తెలిపారు. మాల్స్, షాప్స్ మూసివేసి ఉంటాయన్నారు. అత్యవసర సేవలకు మినహాయింపు ఇచ్చారు. మాల్స్, షాప్స్ మూసివేసియడంతో పేదలకు ఇబ్బందులు కలగకుండా చర్యలు తీసుకుంటామని సీఎం చెప్పారు. ఆర్థికంగా వెనుకబడిన వర్గాల కుటుంబాలకు ఫుడ్ ప్యాకెట్స్ ప్రభుత్వమే సరఫరా చేస్తుందన్నారు. నేషనల్ ఫుడ్ సెక్యూరిటీ యాక్ట్ 2013 లబ్దిదారులకు ఉచితంగా గోధుమల ఇస్తామన్నారు.

”లాక్ డౌన్ ఉన్నప్పటికి అత్యసవర సేవలు పని చేస్తాయి. ప్రభుత్వ, ప్రైవేట్ ఆఫీసులు, మాల్స్, షాప్స్, పరిశ్రమలు, ప్రజా రవాణ బంద్ అవుతాయి. కరోనా వైరస్ మహమ్మారిని ఎదుర్కోవడానికి ప్రజలు ఇళ్లలోనే ఉండటం చాలా ముఖ్యం” అని రాజస్తాన్ సీఎం అశోక్ గెహ్లాట్ అన్నారు.

”ఈ సంక్షోభ పరిస్థితుల్లో ప్రజలకు ప్రభుత్వం అండగా ఉంటుంది. కరోనా వైరస్ ని ఓడించేందుకు ప్రభుత్వం తీసుకునే నిర్ణయాలను, ఇచ్చే సలహాలు, సూచనలను ప్రజలు పాటించండి. పరిస్థితి చేయి దాటి పోకుండా మీ సహకారం కావాలి” అని సీఎం గెహ్లాల్ అన్నారు.

కరోనా వైరస్ వ్యాపించకుండా పంజాబ్, మహారాష్ట్ర సైతం ఇలాంటి నిర్ణయాలే తీసుకున్నాయి. దేశ రాజధాని ఢిల్లీలో మాల్స్ మూసివేశారు. ప్రపంచవ్యాప్తంగా ప్రభావం చూపిస్తున్న కరోనా, భారత్ లోనూ విజృంభిస్తోంది. దేశంలో కరోనా పాజిటివ్ కేసుల సంఖ్య 332కి చేరింది. నలుగురు చనిపోయారు. 22 మంది కరోనా బారి నుంచి కోలుకున్నారు. తెలంగాణలో కరోనా కేసుల సంఖ్య 21కి చేరింది. ఏపీలో 5 కరోనా కేసులు నమోదయ్యాయి. మన దేశంలో 22 రాష్ట్రాలకు మహమ్మారి విస్తరించింది. మహారాష్ట్రలో అత్యధికంగా 63 కరోనా కేసులు నమోదవడం ఆందోళనకు గురి చేస్తోంది.

Categories
National

అరవై ఏళ్ల వయస్సులో పెళ్లి చేసుకున్న కాంగ్రెస్ నాయకులు

కాంగ్రెస్ పార్టీకి చెందిన ఓ సీనియర్ నేత 60ఏళ్ల వయస్సులో వివాహం చేసుకున్నారు. 60 ఏళ్ల కాంగ్రెస్ నేత ముకుల్ వాస్నిక్ ఆదివారం(08 మార్చి 2020) తన పాత స్నేహితురాలు రవీనా ఖురానాను పెళ్లి చేసుకున్నారు.

రాజస్థాన్ ముఖ్యమంత్రి అశోక్ గెహ్లోట్, రాజ్యసభ ఎంపి అహ్మద్ పటేల్ సహా కాంగ్రెస్ అగ్ర నాయకులు అందరూ ఈ పెళ్లికి హాజరయ్యారు.

వీరి వివాహం ఢిల్లీలోని ఓ ఫైవ్ స్టార్ హోటల్‌లో నిరాడంబరంగా జరిగింది. ముకుల్‌ వాస్నిక్‌ ఇప్పటి వరకూ పెళ్లి చేసుకోలేదు. ముకుల్‌ వాస్నిక్ కాంగ్రెస్‌లో పలు పదవులు చేపట్టారు. ప్రస్తుతం ఏఐసీసీ ప్రధాన కార్యదర్శిగా బాధ్యతలు నిర్వహిస్తున్నారు.

ఇక రవీనా ఖురానా న్యాయవాదిగా వ్యాపారవేత్తగా కొనసాగుతున్నారు. వీరిద్దరి మధ్య 1984 నుంచి పరిచయం ఉందని కాంగ్రెస్ నాయకులు చెబుతున్నారు. 

See Also | eSIM సపోర్ట్‌తో Oppo ఫస్ట్ స్మార్ట్ వాచ్ .. ఆపిల్ వాచ్‌లానే ఉంది!

Categories
Education and Job

నో బ్యాగ్ డే : విద్యార్ధులకు హ్యాపీ Saturday

రాజస్థాన్‌ ముఖ్యమంత్రి అశోక్ గెహ్లాట్ గురువారం (ఫిబ్రవరి 20, 2019)న రాష్ట్రవ్యాప్తంగా ప్రభుత్వ పాఠశాల విద్యార్థులకు ఎంతో సంతోషాన్ని ఇచ్చే ఓ నిర్ణయం తీసుకున్నారు. అదేంటంటే.. ఇక నుంచి ప్రతి శనివారం ప్రభుత్వ స్కూళ్లలో ‘నో బ్యాగ్ డే’గా పాటించనున్నారు. వారంలో ఒక రోజు అయినా చిన్నారులకు పుస్తకాలు మోసే బరువును తగ్గించాలని ఆయన తెలిపారు.

ఆ రోజుంతా పిల్లలకు సాంస్కృతిక కార్యక్రమాలు, ఆటలు, స్కౌట్, పర్సనాల్టీ డెవలప్‌మెంట్ వంటి వేరే కార్యక్రమాలు ఉంటాయి. అయితే ఇక్కడో మెలిక కూడా ఉంది. ప్రతి శనివారం పిల్లల ఆటలతో పాటుగా పేరెంట్స్ మీటింగ్ కూడా ఉంటుంది. మీటింగ్ లో తల్లిదండ్రులు, టీచర్లూ కలిసి పిల్లల చదువులు, వాళ్ళకు వచ్చే మార్కుల గురించి చర్చించుకోవాలి. 

ప్రభుత్వ నిర్ణయంపై తల్లిదండ్రులు స్పందిస్తున్నారు. స్కూల్ బ్యాగుల్ని శనివారం రద్దు చేయడం బాగానే ఉంది. కానీ టీచర్లతో మీటింగ్ ఎలా కుదురుతుందని ప్రశ్నిస్తున్నారు. ఉద్యోగాలు చేసేవారికి ప్రతి శనివారం సెలవులు ఉండవనీ… తాము స్కూళ్లకు ఎలా వస్తామని ప్రశ్నిస్తున్నారు. దీనికి ప్రభుత్వం మాత్రం వీలు చూసుకొని సెట్ చేసుకొని రావాలంటోంది.

అసెంబ్లీలో బడ్జెట్‌పై ప్రసంగం చేస్తూ ముఖ్యమంత్రి అశోక్ గెహ్లాట్ ఈ కొత్త నిర్ణయాన్ని ప్రకటించారు. విద్యార్థుల్లో క్రీడా నైపుణ్యాన్ని పెంచాలనీ కోరారు. ఆరోగ్యాన్ని పెంచుకోవడానికి ఏం చెయ్యాలో శనివారం విద్యార్థులకు నేర్పాలన్నారు. విద్యార్థుల కోసమే నిద్రాహారాలు మాని పనిచేస్తున్న తల్లిదండ్రులు… ఆ విద్యార్థులు ఎలా చదువుతున్నదీ, వాళ్లు ఎలాంటి మార్గంలో నడుస్తున్నదీ ప్రతీ శనివారమూ తెలుసుకుంటే మంచిదని తెలిపారు. 

Categories
Crime National Political

కోటా ఆస్పత్రిలో శిశు మరణాలు : మంత్రి వస్తున్నారని కార్పెట్ పరిచారు.. వెళ్లాక తీసేశారు!

రాజస్థాన్‌‌లోని కోట సిటీలోని జేకే లొన్ ప్రభుత్వ ఆస్పత్రిలో 100 మంది చిన్నారులు ప్రాణాలు కోల్పోయిన ఘటన కలకలం రేపింది. డిసెంబర్ ఒకనెలలోనే దాదాపు వంద మంది వరకు శిశువులు మృతిచెందారు. ఆస్పత్రి సిబ్బంది నిర్లక్ష్యం కారణంగానే పసికందులు ప్రాణాలు కోల్పోయారంటూ ఆరోపణలు వెల్లువెత్తుతున్నాయి. స్థానిక అధికారుల నిర్లక్ష్యంపై కూడా దేశవ్యాప్తంగా విమర్శలు వ్యక్తమవుతున్నాయి.

ఈ ఘటనపై విమర్శలు రావడంతో స్పందించిన రాజస్థాన్ ఆరోగ్య శాఖ మంత్రి రఘు శర్మ హుటాహుటినా కోటాలోని జెకే లోన్ ప్రభుత్వ ఆస్పత్రికి వెళ్లారు. మంత్రి గారు వస్తున్నారు అని చెప్పగానే ఆస్పత్రిలో నానా హంగామా సృష్టించారు. ఏదో మీటింగ్ కార్యక్రమానికి వెళ్తున్నట్టుగా ఏర్పాట్లు చేశారు. పరామర్శించేందుకు వెళ్తున్న మంత్రి రఘుకు గ్రీన్ కార్పెట్ తో స్వాగతం పలికారు. మంత్రిగారు వెళ్లిపోగానే వెంటనే వేసిన కార్పెట్ ను తొలగించినట్టు న్యూస్ ఏజెన్సీ నివేదించింది. 

డిసెంబర్ నెలలో కనీసం 100 మంది చిన్నారులు ప్రాణాలు కోల్పోయారు. వారిలో పుట్టిన 10 మంది 48 గంటల్లోనే (డిసెంబర్ 23, డిసెంబర్ 24 తేదీల్లో) మృతిచెందారు. ఈ ఘటనపై స్పందించిన అశోక్ గెహ్లాట్ నేతృత్వంలోని కాంగ్రెస్ ప్రభుత్వం ఒక కమిటీని నియమించింది. గతనెలలో ఆస్పత్రిలోని లోపాలను అన్నింటిపై ప్రభుత్వం ఆరా తీసింది. చిన్నారుల మృతి ఘటనపై ఆస్పత్రికి చేరుకున్న జాతీయ మీడియా.. అక్కడి పేషంట్ల బంధువులను అడిగి వివరాలు సేకరించింది. ఆస్పత్రిలో సౌకర్యాలు అధ్వన్నంగా ఉన్నాయని, పేషంట్లకు ట్రీట్ మెంట్ చేయాలని పిలిచినా పట్టించుకోవడం లేదని ఫిర్యాదు చేశారు. 

మరోవైపు కేంద్ర బృందానికి చెందిన నిపుణులు ఆస్పత్రిని సందర్శించి అక్కడి పరిస్థితిని సమీక్షించారు. దీనిపై వివరణాత్మక రిపోర్టును తర్వాత సమర్పించనుంది. రాష్ట్ర ప్రభుత్వంతో పాటు ఈ బృందం సంయుక్తంగా విశ్లేషణ చేయనుంది. క్లినికల్ ప్రొటోకాల్స్, సర్వీసు డెలివరీ, సిబ్బంది తదితర అంశాలపై పర్యవేక్షించనుంది. ఒక ప్రభుత్వ ఆస్పత్రిలో వందల సంఖ్యలో చిన్నారులు మృతిచెందడంపై రాజస్థాన్ ప్రభుత్వంపై విమర్శలు వెల్లువెత్తుతున్నాయి. ఈ ఘటనకు బాధ్యత వహిస్తూ రాష్ట్ర సీఎంను సైతం తొలగించాలనే ఆరోపణలు తీవ్రతరమయ్యాయి.

బీఎస్పీ సుప్రిమో మాయావతి కూడా దీనిపై స్పందిస్తూ.. సీఎం అశోక్ గెహ్లాట్ ను వెంటనే తొలగించాలని ఆయన స్థానంలో కొత్త వారికి చోటు ఇవ్వాలని లేదంటే మరెందరో తల్లులు తమ బిడ్డలను కోల్పోవాల్సి వస్తుందని మాయావతి డిమాండ్ చేశారు. ఇదిలా ఉండగా, నేషనల్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్ (NCPCR) కూడా ప్రభుత్వానికి షోకాజ్ నోటీసులు జారీ చేసింది. ‘ఆస్పత్రి ఆవరణలో పందులు స్వైర విహారం చేస్తున్నాయి’ అని చైర్ పర్సన్ ప్రియాంక్ కనూంగో తెలిపారు. రాజస్థాన్ ప్రభుత్వ కమిటీ మాత్రం.. ఆస్పత్రిలో శిశువులకు సరైన చికిత్స అందించినట్టు పేర్కొంది.  

Categories
National

నల్లధనంతోనే రాజకీయాలు నడుస్తున్నాయ్…రాజస్థాన్ సీఎం

రాజస్థాన్ సీఎం అశోక్ గెహ్లాట్ సంచలన వ్యాఖ్యలు చేశారు. రాజకీయాలు నల్లధనంతో నడుస్తున్నాయని ఆయన అన్నారు. శనివారం(డిసెంబర్-7,2019)రాజస్థాన్ హైకోర్టు నూతన భవనం ప్రారంభోత్సవం సమయంలో రాష్ట్రపతి రామ్‌నాథ్ కోవింద్, భారత ప్రధాన న్యాయమూర్తి జస్టిస్ ఎస్ ఏ బాబ్డే సమక్షంలోనే గెహ్లాట్ ఈ వ్యాఖ్యలు చేయడం విశేషం.
 
న్యాయ వ్యవస్థ అంటే సత్యాన్ని బలపరిచేదని గెహ్లాట్ అన్నారు. యావత్తు దేశం ప్రస్తుతం ఆందోళన చెందుతోందన్నారు. సత్యమే దైవం, దైవమే సత్యం అని మహాత్మా గాంధీ చెప్పారన్నారు. అవినీతి గురించి మాట్లాడుకుంటే, సుప్రీంకోర్టులో పిటిషన్లను దాఖలు చేస్తుండటం, సుమోటో అపీళ్ళు విచారణ జరగడం తాను చాలా సందర్భాల్లో చూస్తున్నానని చెప్పారు. అవినీతి ఆరోపణలు వచ్చినపుడు ఆదాయపు పన్ను శాఖ, కేంద్ర దర్యాప్తు సంస్థ (సీబీఐ), ఎన్‌ఫోర్స్‌మెంట్ డైరెక్టరేట్ (ఈడీ)లను పంపించడం చూస్తున్నానన్నారు. చట్ట వ్యతిరేక వనరుల నుంచి రాజకీయ పార్టీలకు నిధులు అందడం ఆగే వరకు అవినీతికి కళ్ళెం వేయడం గురించి మాట్లాడటంలో అర్థం లేదన్నారు.

కొత్తగా వచ్చిన నాయకులు తమ తొలి ఎన్నికల్లో పోటీ చేయాలన్నా, చట్ట వ్యతిరేక వనరుల నుంచి వచ్చిన సొమ్ముతోనే మొదలుపెడుతున్నారన్నారు. రాజకీయ క్రీడ మొత్తం రక్తపు సొమ్ముపైనే ఆధారపడిందన్నారు. దీనిని తగ్గించాలన్నారు. నల్లధనం…నగదు, చెక్కులు, బాండ్లు వంటి ఏ రూపంలో ఉన్నా,రాజకీయాలు నల్లధనంపై నడుస్తున్నాయని గెహ్లాట్ అన్నారు.

ఇదే కార్యక్రమంలో పాల్గొన్న సీజేఐ ఎస్ ఏ బోబ్డే హైదరాబాద్ లో దిశ కేసులో నిందితుల ఎన్ కౌంటర్ ను ఉద్దేశించి మాట్లాడుతూ….ప్రతీకారం తీర్చుకోవడమే న్యాయం చేయడం కాదన్నారు. పగ తీర్చుకోవడం వల్ల న్యాయానికి ఉన్న గుణం పోతుందని చెప్పారు. న్యాయ విచారణ జరిగాకే శిక్షలు విధించాలన్నారు. తక్షణ న్యాయం అడగడం సరికాదన్నారు.

Categories
National Political

మోడీ మళ్లీ ప్రధాని అయితే దేశంలోఇక ఎన్నికలు జరగవు

నరేంద్రమోడీ మరోసారి ప్రధాని అయితే దేశంలో ఇక ఎన్నికలే ఉండవన్నారు రాజస్థాన్ సీఎం అశోక్ గెహ్లాట్. చైనా, రష్యాలాగా ఎన్నికలు ఉండొచ్చు.. ఉండకపోవచ్చు అని గెహ్లాట్ అన్నారు. ఆ రెండు దేశాల్లో ఒకే పార్టీ అధికారం చెలాయిస్తుందని, వాళ్లే ప్రధానులు, అధ్యక్షులు అవుతారని అన్నారు.
అధికారంలోకి రావడానికి ఏం చేయడానికైనా మోడీ వెనుకాడరని,దేశం, ప్రజాస్వామ్యం రెండూ ప్రమాదంలో పడ్డాయని గెహ్లాట్ విమర్శించారు. మోడీ మంచి నటుడని, బాలీవుడ్‌లో బాగా రాణిస్తాడని సెటైర్లు వేశాడు. తప్పుడు హామీలు గుప్పించడంలోనూ మోడీ ఆరితేరారని విమర్శించారు.అసలు మోడీ మనసులో ఏముందో అమిత్ షాతోపాటు ఏ పార్టీ నాయకుడికీ తెలియదని గెహ్లాట్ అన్నారు. ప్రజాస్వామ్యంలో సహనం చాలా అవసరమన్నారు.బీజేపీ నాయకులకు ఏ మాత్రం సహనం లేదని,తమను ప్రశ్నించేవారే ఉండకూడదని బీజేపీ నాయకులు అనుకుంటున్నారని,బీజేపీ డీఎన్ఏలోనే సహనం లేదని గెహ్లాట్ ఆరోపించారు.విపక్ష నాయకులను టార్గెట్ చేసేందుకు దర్యాప్తు సంస్థలను మోడీ దుర్వినియోగం చేస్తున్నారని అన్నారు.

అయితే మోడీ ఈ ఎన్నికల్లో విజయం సాధించి మరోసారి ప్రధాని అయితే 2024లో దేశంలో ఇక ఎన్నికలు ఉండవు అంటూ బీజేపీ ఎంపీ సాక్షిమహరాజ్ కూడా ఇటీవల కీలక వ్యాఖ్యలు చేసిన విషయం తెలిసిందే.