Categories
Hyderabad

విద్యార్థి సంఘాల హర్షం : ఇంటర్ బోర్డు సెక్రటరీ బదిలీ

తెలంగాణ ఇంటర్ బోర్డ్ కార్యదర్శి అశోక్ కుమార్‌పై ఎట్టకేలకు వేటు పడింది. ఇంటర్ అడ్మిషన్స్‌తో పాటు ఫలితాల వరకు నిర్లక్ష్యంగా వ్యవహరించాడనే ఆరోపణలున్నాయి. 2019 మార్చ్‌లో జరిగిన ఇంటర్ ఎగ్జామ్స్ ఫలితాల విడుదలలో జరిగిన తప్పులు దేశవ్యాప్తంగా చర్చనీయాంశమయిన సంగతి తెలిసిందే. ఫెయిల్ అయిన విద్యార్థుల్లో కొందరు ఆత్మహత్య చేసుకున్నారు. ఆ సమయంలో ఆయన చేసిన వ్యాఖ్యలు మరింత వివాదాస్పమయ్యాయి. విద్యార్థి సంఘాలు ఆందోళనలు, నిరసన కార్యక్రమాలు చేపట్టాయి. 

ఇంటర్ విద్యార్థుల మార్కుల మెమోల్లో చిత్ర విచిత్రమైన కోడ్‌లు కనిపించాయి. మార్కులకు బదులు.. ఏపీ, ఏఎఫ్ అక్షరాలు కనిపించాయి. ఫెయిల్ అయిన విద్యార్థులు రీ వెరిఫికేషన్‌లో పాసవడం, ఎంఈసీ స్టూడెంట్స్‌ మార్కుల్లో తేడా రావడం,.. తెలుగులో జీరో మార్కులొచ్చినా రీవెరిఫికేషన్‌లో 99 రావడం లాంటి ఘటనలు అశోక్ హయాంలో జరిగాయి. విద్యార్థుల చావులపై అశోక్ చేసిన కామెంట్స్ పెద్ద దుమారం రేగింది. అంతే కాకుండా తప్పులు రెగ్యులర్‌గా జరుగుతాయంటూ వ్యాఖ్యానించడం వివాదాస్పదమైంది. అధికారుల నిర్లక్ష్యంతోనే ఇంటర్ ఫలితాల్లో తప్పులు జరిగాయని ప్రభుత్వం వేసిన త్రిసభ్య కమిటీ రిపోర్ట్ ఇచ్చింది.

ప్రజాసంఘాలు, విద్యార్థి సంఘాలు, ప్రతిపక్షాలు ఎంత వత్తిడి తెచ్చినా అశోక్ కుమార్‌పై ఎలాంటి చర్యలు తీసుకోలేదు. తాజాగా ప్రభుత్వం అశోక్ కుమార్‌ను బదిలీ చేసింది. ఆయన స్థానంలో 1998 బ్యాచ్ ఐఏఎస్ అధికారి  సయ్యద్‌ ఉమర్‌ జలీల్‌ను బోర్డు కార్యదర్శిగా నియమించింది. బోర్డ్ కార్యదర్శిగా అశోక్‌ను తప్పించిన ప్రభుత్వం.. అతనికి ఎక్కడా పోస్టింగ్ ఇవ్వలేదు. 

కానీ ..బాసర ట్రిపుల్ ఐటీ ఇన్‌ఛార్జ్ వీసీ పదవి నుంచి అశోక్‌ను ప్రభుత్వం తప్పించలేదు. అశోక్ హయాంలో ఆర్జీయూకేటీలో జరుగుతున్న అక్రమాలను 10tv బయటకు తెచ్చింది. యూనిఫామ్ నుంచి కంప్యూటర్లు, తాగు నీటి వరకు అనేక అంశాలకు సంబంధించిన టెండర్లలో జరిగిన అక్రమాలను ఆధారాలతో సహా బయటపెట్టింది. అడ్డంగా దొరికిపోయినా.. అతని అనుచరులు తప్పించుకునే ప్రయత్నం చేశారు. మరి ఆర్జీయూకేటీ వీసీ పోస్టు ఉంటుందా.. ఊడుతుందో అనే విషయంపై కొన్ని రోజుల్లో క్లారిటీ రానుంది. ప్రభుత్వం తీసుకున్న నిర్ణయంపై విద్యార్థులతో పాటు విద్యార్థి సంఘాలు హర్షం వ్యక్తం చేస్తున్నాయి.

Categories
National

ఎంత పెద్ద మనసో : పేదలకు చెప్పులు పంచిన పోలీస్

ప్రార్థించే పెదవుల కన్నా సాయం చేసే చేతులు మిన్న అని మదర్ థెరిస్సా సాటి చెప్పారు. మానవసేవే మాధవ సేవల అని ఎంతోమంది మహానుభావులు చెప్పారు. సేవే పరమార్థంగా జీవించారు. బాధల్లో ఉన్నవారికి సాయం చేయటం అంటే భారీగా విరాళాలు ఇవ్వటం కాదు. తనకున్నదాంట్లో పేదలకు సాయం చేయటం అని సాటి చెబుతున్నాడు ఓ పోలీస్. తనకొచ్చే కొద్దిపాటి జీతంతోనే పేదలకు సాయం చేస్తు శెభాష్ పోలీసన్నా అనిపించుకుంటున్నారు లూథియానాలో ట్రాఫిక్ ఏఎస్సైగా పనిచేస్తున్న అశోక్ కుమార్. 

లుధియానాలో ట్రాఫిక్ ఏఎస్సై అశోక్‌కుమార్ ఎంతోమంది పేదవాళ్లను చూస్తుంటారు. వారి  కష్టాలు చూసి చలించిపోయని ఆయన తనవంతుగా ఏదోకటి చేయాలనుకున్నారు. మంచి పని చేయటానికి ఆలోచించాల్సిన పనిలేదు..అనుకున్నప్పుడే చేసేయాలని అని పెద్దల సూక్తిని పాటించారు అశోక్ కుమార్. తన జీతంలోని కొంతభాగాన్ని పేదల కోసం ఖర్చు పెడుతున్నారు. బట్టలు..దుప్పట్లు ఇలా వారి వారి అవసరాలను బట్టి సాయం చేయటం అలవాటుగా చేసుకున్నారు అశోక్ కుమార్. 

ఇలా రోడ్డు పక్కన నివసించే చెత్త సేకరించే చిన్నారులు  ఎర్రటి ఎండలో కాళ్లకు చెప్పులు కూడా లేకుండా నడవటం చూశారు.  అది చూసి ఎంతో బాధపడ్డారు. దీంతో వారికి చెప్పులు పంపిణీ చేయాలని నిర్ణయించుకున్నారు. అనుకున్నదే తడవుగా వెయ్యి జతల  చెప్పులు కొన్ని పంపిణీ చేశారు.  చెత్త సేకరించే చిన్నారులతో పాటు పలువురు పేదలకు పంపిణీ చేశారు.