Categories
Movies

‘అరె అరె మామా.. ఈ ప్రేమంతా ఓ డ్రామా’ – ట్రైలర్ మామూలుగా లేదుగా!

క్రౌడ్ ఫండెడ్ మూవీ ‘మిస్టర్ అండ్ మిస్’ థియేట్రికల్ ట్రైలర్ రిలీజ్..

పూర్తిగా కొత్తవారితో క్రౌడ్‌ ఫండెడ్‌ మూవీగా తెరకెక్కిన యూత్‌ఫుల్ ఎంటర్‌టైనర్.. ‘మిస్టర్ అండ్ మిస్’.. జ్ఞానేశ్వరి కండ్రేగుల, శైలేష్ సన్ని జంటగా నటించగా 2019 సైమా బెస్ట్ డైరెక్టర్ అవార్డ్ గెలుచుకున్న అశోక్‌ రెడ్డి దర్శకత్వంలో రీడింగ్‌ ల్యాంప్‌ క్రియేషన్స్‌  నిర్మించిన ఈ చిత్రం ప్రస్తుతం పోస్ట్‌ ప్రొడక్షన్‌ పనులు జరుపుకుంటోంది.

ఇటీవల విడుదల చేసిన ఫస్ట్‌లుక్‌ పోస్టర్‌, టీజర్‌కు మంచి రెస్పాన్స్‌ వచ్చింది. తాజాగా ఈ సినిమా థియేట్రికల్ ట్రైలర్ ‘మహానటి’ దర్శకుడు నాగ్‌ అశ్విన్‌ రిలీజ్ చేశారు. లవ్, రొమాన్స్, డైలాగ్స్ బ్రేకప్.. కీలకంగా మారిన మొబైల్ మిస్సింగ్.. ఇలా యూత్‌ రిలేటెడ్ కంటెంట్‌తో కట్ చేసిన ట్రైలర్ ఆసక్తికరంగా అనిపిస్తోంది.

హీరో, హీరోయిన్ల కెమిస్ట్రీ, విజువల్స్, ఆర్ఆర్ బాగున్నాయి. మార్చిలో విడుదల కానున్న ఈ చిత్రానికి యశ్వంత్‌ నాగ్‌ సంగీతమందిస్తున్నాడు. లిరిక్స్ : పవన్ రాచేపల్లి, సినిమాటోగ్రఫీ : సిద్దం మనోహర్, ఎడిటింగ్ : కార్తీక్ కట్స్, స్క్రీన్‌ప్లే, డైలాగ్స్ : సుధీర్ వర్మ.

Mr & Miss

Mr & Miss Trailer

Categories
Movies

టీజర్ అంతా ఇంతే…

మిస్టర్ అండ్ మిస్ టీజర్ రిలీజ్.

అర్జున్ రెడ్డి, ఆర్ఎక్స్ 100 సినిమాల ప్రేరణతో, అడల్ట్ కంటెంట్‌తో కొన్ని సినిమాలు రూపొందుతున్నాయి. యూత్‌కి నచ్చే బూతు కామెడీ, డబుల్ మీనింగ్ డైలాగ్స్, విచ్చలవిడి అందాల ఆరబోత, లిప్‌లాక్‌లు.. కంటెంట్ ఉన్నా, లేకపోయినా.. ఇవి ఉంటే చాలనుకుంటున్నారు మేకర్స్.. ఏడు చేపలకథ, చీకటి గదిలో చితక్కొట్టుడు, 4 లెటర్స్ వంటి సినిమాల టీజర్స్.. సోషల్ మీడియాలో ఏ రేంజ్ సెన్సేషన్ క్రియేట్ చేసాయో తెలిసిందే. ఇప్పుడు అదే కోవలో మిస్టర్ అండ్ మిస్ అనే సినిమా రాబోతుంది. రీసెంట్‌గా ఈ మూవీ టీజర్ రిలీజ్ అయ్యింది. ఎటువంటి డైలాగ్స్ లేకుండా, బ్యాక్‌గ్రౌండ్ సాంగ్‌తో, హీరో, హీరోయిన్ల మధ్య రొమాన్స్‌ని హైలెట్ చేస్తూ ఈ టీజర్ కట్ చేసారు. గాఢమైన లిప్‌లాక్‌తో పాటు బెడ్‌రూమ్ షాట్స్ కూడా చూపిస్తూ, రీ కలెక్ట్ యువర్ మెమరీస్ టు అవాయిడ్ బ్రేకప్స్.. అనే మంచి కొటేషన్ ఇస్తూ, టీజర్ ఎండ్ చేసారు.

జ్ఞానేశ్వరి కండ్రేగుల, శైలేష్ సన్నీ జంటగా కనిపించనున్నారు. మిస్టర్ అండ్ మిస్.. క్రౌడ్ ఫండింగ్ సినిమాగా రూపొందుతుంది. అశోక్ రెడ్డి డైరెక్ట్ చేస్తున్నాడు. ఈ మూవీకి స్ర్కీన్‌ప్లే, డైలాగ్స్ : సుధీర్ వర్మ, లిరిక్స్ : పవన్ రాచేపల్లి, మ్యూజిక్ : యశ్వంత్ నాగ్, సినిమాటోగ్రఫీ : సిద్ధం మంధార్, ఎడిటింగ్ : కార్తీక్ కట్స్, ఆర్ట్ : కరిష్ కుమార్, కథ, డైరెక్షన్ : అశోక్ రెడ్డి, బ్యానర్ : రీడింగ్ ల్యాంప్ క్రియేషన్స్.

వాచ్ టీజర్… 

Categories
Political

గిద్దలూరు టికెట్ ఎవరికి : అన్నాతో ఐవీ రెడ్డి ఢీ

ప్రకాశం: జిల్లాలోని పశ్చిమ ప్రాంతం నుంచి వైసీపీకి చెందిన ఓ నేత పట్టు సాధించాలనుకున్నాడు. కొంత వరకు సక్సెస్ అయ్యాడు. అయితే పావులు కదుపుదామనుకున్న చోట పప్పులుడకలేదు. పార్టీలోని వైరి వర్గం ఎదురు తిరగడంతో సదరు నేతకు కొత్త సమస్య వచ్చి పడింది. పట్టు సాధించాలనుకున్న ఆ నేత ఎవరు ? ఆ నేతకు వచ్చిన సమస్య ఏంటి ? ప్రకాశం జిల్లాలోని గిద్దలూరు పాలిటిక్స్‌పై ప్రత్యేక కథనం.

ప్రకాశం జిల్లా గిద్దలూరు నియోజకవర్గం వైసీపీకి పెట్టని కోట. 2014 ఎన్నికల్లో టీడీపీ అభ్యర్థి అన్నా రాంబాబుపై వైసీపీ నేత అశోక్‌రెడ్డి విజయం సాధించారు. తర్వాత అశోక్‌రెడ్డి టీడీపీలో చేరడంతో….నియోజకవర్గ ఇన్‌చార్జ్‌గా ఐవీ రెడ్డిని నియమించింది వైసీపీ. ఐతే.. ఐవీరెడ్డి నాయకుడిగా ప్రజల్లోకి వెళ్లి మాస్‌ లీడర్‌గా ఎదగలేకపోయారు. నాయకత్వ లోపాన్ని గ్రహించిన జగన్‌ బలమైన అభ్యర్థిని వచ్చే ఎన్నికల్లో పోటీ చేయించాలని భావించారు.

ప్రశాంత్ కిషోర్ టీంతో పాటు జగన్ చేయించిన సర్వేల్లోనూ నాయకత్వ మార్పు తథ్యమని తేలింది. ధీటైన అభ్యర్థి కోసం అన్వేషిస్తున్న వైసీపీకి….అన్నా రాంబాబు రూపంలో దొరికాడు. సర్వేలన్ని కూడా రాంబాబుకే జై కొట్టడంతో….మాజీ మంత్రి బాలినేని శ్రీనివాస్‌రెడ్డి వేగంగా పావులు కదిపారు. రాంబాబుకు జగన్‌తో వైసీపీ కండువా కప్పించారు. దీంతో అప్రమత్తమైన అన్నా వైరి వర్గం సాయి కల్పనారెడ్డి, ఐవీరెడ్డిలు ఒక్కటయ్యారు. రాంబాబుకు సీటు ఎలా ఇస్తారంటూ….ఇద్దరు నేతలు నిలదీయాలని డిసైడ్ అయ్యారు. గిద్దలూరు అసెంబ్లీ సీటు కోసం ఒకే సామాజిక వర్గానికి చెందిన ఇద్దరు నేతలు…పోటీ పడుతుండటంతో అన్నా రాంబాబుకు పరిస్థితి వ్యతిరేకంగా మారే అవకాశాలున్నాయి. తమలో ఎవరికిచ్చినా పార్టీ విజయం కోసం పని చేస్తామంటూ…జగన్‌కు వివరించారు. లేదంటే పరిణామాలు వేరుగా ఉంటాయని హెచ్చరికలు పంపారు.

పరిస్థితి చేయి దాటుతుందని గ్రహించిన పార్టీ అధ్యక్షుడు జగన్…గిద్దలూరు సమన్వయకర్తగా ఐవీ రెడ్డినే కొనసాగించాలంటూ యుద్ద ప్రాతిపదికన లేఖను విడుదల చేశారు. అన్నా రాంబాబు ఒకటి తలిస్తే… దైవం మరొకటి తలచింది. దీంతో ఏం చేయాలో తేల్చుకోలేని రాంబాబు…జగన్‌ను కలిసి తాడోపేడో తేల్చుకోవాలని డిసైడ్ అయ్యారు. 2014 ఎన్నికల్లో ఒక సామాజికవర్గం డబ్బు తీసుకొని ఓట్లు వేయలేదంటూ దుమ్మెత్తి పొశారు రాంబాబు. దీంతో గుర్రుగా వున్న రెడ్డి సామాజిక వర్గం వచ్చే ఎన్నికల్లో ఏ పార్టీ టికెట్‌ ఇచ్చినా…వ్యతిరేకంగా పని చేయాలని నిర్ణయించుకుంది. వైసీపీ టికెట్ అన్నాకు కేటాయిస్తే…అశోక్‌రెడ్డికి జై కొట్టాలని ఏకతాటిపైకి వచ్చింది. ఈ నేపథ్యంలో వైసీపీ అధిష్ఠానం ఇప్పుడు అన్నా రాంబాబుకు టికెట్ ఇవ్వాలా? వద్దా అన్న సందిగ్దంలో పడినట్టు తెలుస్తోంది.