Categories
Movies

పురోహితుడు, నలుగురు అతిథులు.. టెర్రస్‌పై బిగ్ బాస్-2 విన్నర్ వివాహం..

‘Bigg Boss 2’, ‘Roadies Season 5’ విన్నర్ అశుతోష్‌ కౌశిక్‌ ఓ ఇంటివాడయ్యాడు..

లాక్‌డౌన్ కారణంగా శుభకార్యాల ఊసే లేదు. ముందుగా పెళ్లిళ్లు ఫిక్స్ చేసుకున్నవాళ్లు చాలామంది వాయిదా వేసుకున్నారు. తప్పదు అనుకున్న వాళ్లు నియమాలు పాటిస్తూ సింపుల్‌గా కానిచ్చేస్తున్నారు. తాజాగా ‘Bigg Boss 2’, ‘Roadies Season 5’ విన్నర్ అశుతోష్‌ కౌశిక్‌ ఓ ఇంటివాడయ్యాడు. అలీఘర్‌కు చెందిన అర్పితను ఏప్రిల్ 26న పెళ్లి చేసుకున్నాడు. నోయిడాలోని అశుతోష్‌ ఇంటి టెర్రస్‌పై జరిగిన ఈ పెళ్లికి పురోహితుడితో పాటు కేవలం నలుగురు అతిథులు మాత్రమే హాజరయ్యారు.

 

వరుడి తల్లి, సోదరి, వధువు తల్లి, సోదరుడు ఈ పెళ్లికి హాజరైన వారిలో ఉన్నారు. ఇందుకు సంబంధించిన వీడియోను అశుతోష్‌ తన ఫేస్‌బుక్‌లో షేర్‌ చేశాడు. పెళ్లి తంతు జరుగుతుండగా బ్యాటుతో దోమలను కొడుతూ కనిపించాడు కౌశిక్. తన పెళ్లిని నిరాడంబరంగా జరుపుకోవడం ద్వారా ఆదా అయిన డబ్బులను పీఎం కేర్స్‌కు విరాళంగా ఇవ్వనున్నట్టు అశుతోష్‌ తెలిపాడు. అలాగే తన యూట్యూబ్‌ ఛానల్‌ ద్వారా వస్తున్న మొత్తాన్ని కూడా ఛారిటీకి ఇవ్వనున్నట్టు చెప్పాడు.

గతంలో ఓ ఇంటర్వ్యూలో కూడా తాను కేవలం కుటుంబ సభ్యుల సమక్షంలో మాత్రమే పెళ్లి చేసుకుంటానని, పెళ్లి అనేది వ్యక్తిగత అంశమని.. దానికి పెద్ద సంఖ్యలో జనాలు, మ్యూజిక్‌, డ్యాన్స్‌లు ఎందుకని ప్రశ్నించిన అశుతోష్ తనకు నచ్చిన విధంగానే పెళ్లి చేసుకున్నాడు. 

Categories
National Viral

లాక్ డౌన్ వేళ టెర్రస్‌పై పెళ్లి చేసుకున్న బిగ్‌బాస్ 2 విన్నర్ అశుతోష్ కౌశిక్

బిగ్ బాస్ సీజన్ 2 విజేత అశుతోష్ కౌశిక్ లాక్ డౌన్ కొనసాగుతున్న సమయంలో పెళ్లి చేసుకుని ఓ ఇంటివాడయ్యాడు. అలీఘర్ కు చెందిన అర్పితను ఆదివారం(ఏప్రిల్ 26, 2020) న అశుతోష్ వివాహాం చేసుకున్నాడు. నోయిడాలోని అశుతోష్ ఇంటి టెర్రస్ పై జరిగిన వివాహ వేడుకకు పురోహితుడు తో పాటు కేవలం నలుగురు వ్యక్తులు మాత్రమే హాజరయ్యారు. వారిలో వరుడి తల్లి, సోదరి, వధువు తల్లి, సోదరుడు ఉన్నారు. ఈ పెళ్లికి  సంబంధించిన వీడియోలను అశుతోష్ సోషల్ మీడియాలో షేర్ చేశాడు. ప్రస్తుతం ఆ వీడియోలు సోషల్ మీడియాలో వైరల్ అవుతున్నాయి.

అశుతోష్ ఒక తెల్ల చొక్కా, వధువు ఎరుపు రంగు దుస్తులను ధరించినట్లు వీడియోలో కనిపిస్తుంది. పురోహితుడు చేతులకు గ్లౌజ్ లను, ముఖాన్నికి మాస్క్ ధరించి పెళ్లి వేడుకను జరిపించారు. ఈ వివాహానికి కొంతమంది కుటుంబ సభ్యుల సమక్షంలో చేసుకున్నట్లు తెలుస్తుంది. మరికొందరు వీడియో కాన్ఫరెన్స్ ద్వారా వివాహాన్ని వీక్షించారు. 

అశుతోష్ మాట్లాడుతూ.. లాక్ డౌన్ ముందే తమ వివాహం తేదీని నిర్ణయించాం. అంతేకాకుండా అక్షయ తృతీయా అనేది కొత్త ప్రారంభాలకు శుభ సూచికంగా భావిస్తాం. కాబట్టి ఫిబ్రవరిలో మేము ఆ తేదీని నిర్ణయించాం అన్నారు. లాక్ డౌన్ ఉన్న మేము ఆ తేదీన వివాహాం చేసుకోవాలని నిర్ణయించుకున్నాం అని టైమ్స్ ఆఫ్ ఇండియాకు ఇచ్చిన ఇంటర్వ్యూలో తెలిపారు. ఇలా తన పెళ్లిని నిరాడంబరంగా జరుపుకోవడం ద్వారా ఆదా అయిన డబ్బులను పీఎం కేర్స్‌కు విరాళంగా ఇవ్వనున్నట్టు అశుతోష్‌ తెలిపారు.

అంతేకాకుండా వధువు తల్లిదండ్రులను పెళ్లి కోసం దాచిపెట్టిన డబ్బును విరాళంగా ఇవ్వమని కోరినట్లు తెలిపారు. అయితే ఎంత మెుత్తం ఇవ్వనున్నారో వెల్లడించలేదు. టెలివిజన్‌ రియాలిటీ షో స్టార్‌గా మంచి గుర్తింపు తెచ్చుకున్న అశుతోష్‌ కౌశిక్ రోడిస్‌ సీజన్‌ 5, బిగ్‌బాస్‌ సీజన్‌ 2 టైటిల్స్‌ దక్కించుకున్న విషయం తెలిసిందే. జిలా ఘజియాబాద్, కిస్మత్ లవ్ పైసా దిల్లీ వంటి చిత్రాల్లోను నటించాడు.