Categories
Latest National Viral

వాటే ఐడియా సర్ జీ : చేయి చాపండి..గుళ్లో..తీర్థం పోస్తున్న మెషిన్

కరోనా వేళ కొత్త కొత్త ఐడియాలు వచ్చేస్తున్నాయి. ఈ మహమ్మారి నుంచి కాపాడుకొనేందుకు టెక్నాలజీని ఉపయోగించుకుంటున్నారు కొంతమంది. ఒకరి నుంచి మరొకరికి వేగంగా విస్తరిస్తుండడమే ఇందుకు కారణం. చైనా నుంచి వచ్చిన ఈ రాకాసి..భారతదేశాన్ని కూడా కమ్మేసింది. దీంతో లాక్ డౌన్ విధించింది కేంద్రం. ప్రస్తుతం లాక్ డౌన్ లో కొన్ని సడలింపులు ఇచ్చింది. దీంతో అప్పటి దాక క్లోజ్ అయిన..ఓపెన్ అయ్యాయి.

కేసులు ఏ మాత్రం తగ్గడం లేదు. వందల సంఖ్యలో కేసులు నమోదువుతూనే ఉన్నాయి. ఓపెన్ అయిన దానిలో టెంపుల్స్ కూడా ఉన్నాయి. అయితే..కొన్ని నిబంధనలతో ఆలయాలు ఓపెన్ చేసుకోవచ్చని అధికారులు ప్రకటించిన సంగతి తెలిసిందే. తీర్థం, ప్రసాదాలు పెట్టవద్దనే కండీషన్స్ పెట్టారు. అలాగే గుళ్లో గంట కూడా కొట్టకుండా చూడాలని సూచించారు.

దీంతో కొంతమంది తమ బుర్రకు పదును పెట్టారు. టెక్నాలజీ సహాయంతో మెషిన్లు తయారు చేస్తున్నారు. గంట కొట్టేందుకు సెన్సార్లు ఏర్పాటు చేసిన సంగతి తెలిసిందే కదా. భక్తులు గంట దగ్గరకు వెళ్లగానే..ఆటోమెటిక్ గా గంట కొట్టేస్తుంటుంది. తాజాగా..తీర్థం పంచే యంత్రాన్ని కూడా తయారు చేశారు. అసిస్టెంట్ ప్రోఫెసర్ సంతోష్ దీనిని కనిపెట్టారు.  

కర్నాటక, మంగళూరు ఆలయాల్లో ఇది కనిపిస్తోంది. దీనికి సంబంధించిన ఫొటోలు వైరల్ అవుతున్నాయి.  దీనిని తీర్థ డిస్పెన్సర్ అని పిలుస్తున్నారు. సెన్సార్ టెక్నాలజీతో పనిచేస్తోంది. ఆలయంలోకి వచ్చిన తర్వాత..స్వామిని దర్శించుకోవడం, ప్రదిక్షణాలు చేయడం, పూజలు చేయడం..అన్నీ అయిపోయిన తర్వాత అక్కడే ఏర్పాటు చేసిన మెషిన్ దగ్గరకు వెళ్లాలి.

యంత్రం దగ్గర చేయి పెట్టాలి అంతే. ఆటోమెటిక్ గా సెన్సార్లు గుర్తించి..కొద్దిగా తీర్థం పోస్తుంది. ఇంకేముంది..తాగేయడమే. తీర్థం మాత్రం అందరికీ సమానంగా పోస్తుంది. ప్రస్తుం ఈ మెషిన్ పై ఆలయ నిర్వాహకులు, పూజారులు ఆసక్తి కనబరుస్తున్నారంట. ఈ మెషిన్ ను తయారు చేయడానికి రూ. 2 వేల 700 ఖర్చయిందని అసిస్టెంట్ ప్రోఫెసర్ సంతోష్ తెలిపారు. 

Read:  అరచేతిలో నీళ్లు తాగుతున్న ఆకుపచ్చ పాము..వైరల్ వీడియో

Categories
71684 71715

యువతి ఫొటోలను నగ్నంగా మార్ఫింగ్ చేసి ప్రొఫెసర్ వేధింపులు

అతడు ఓ ప్రొఫెసర్. పవిత్రమైన ఉపాధ్యాయ వృత్తిలో ఉంటున్నాడు. గురువు అంటే దైవంతో సమానం.

అతడు ఓ ప్రొఫెసర్. పవిత్రమైన ఉపాధ్యాయ వృత్తిలో ఉంటున్నాడు. గురువు అంటే దైవంతో సమానం. విద్యార్థులకు క్లాస్ పాఠాలు చెపాల్సిన ఆ ప్రొఫెసర్ కీచకుడయ్యాడు. ప్రేమ పేరుతో కాలేజీలో చదువుతున్న యువతి వెంటపడ్డాడు. ఆమె కాదనేసరికి వేధించడం స్టార్ట్ చేశాడు. అసభ్యకర మేసేజ్ లు పంపాడు. యవతి ఫొటోలను నగ్నంగా మార్ఫింగ్ చేశాడు. వాటిని కుటుంబసభ్యులకు పంపుతానని బెదిరించాడు. చివరకు యువతి పోలీసులను ఆశ్రయించడంతో ఆ కీచక ప్రొఫెసర్ కటకటాల్లోకి వెళ్లాడు. హైదరాబాద్ నగరంలో ఈ ఘటన జరిగింది. ఎంటెక్‌ విద్యార్థిని వేధిస్తున్న అసిస్టెంట్‌ ప్రొఫెసర్‌ను రాచకొండ సైబర్ క్రైమ్ పోలీసులు అరెస్ట్‌ చేశారు.

కొన్ని రోజులు ఫోన్లు, చాటింగ్ లు.. తర్వాత వేధింపులు:
కరీంనగర్‌ అచ్చంపల్లి ప్రాంతానికి చెందిన కోలా హరీష్‌ ఉప్పల్‌ విజయపురి కాలనీలో నివాసం ఉంటున్నాడు. అతడు ఘట్ కేసర్ లోని ఓ కాలేజీలో అసిస్టెంట్‌ ప్రొఫెసర్‌గా పనిచేస్తున్నాడు. అదే కాలేజీలో చదువుకుంటున్న ఓ విద్యార్థినితో పరిచయం పెంచుకున్నాడు. ఆమెతో సన్నిహితంగా మెలిగేవాడు. కొద్ది రోజులు ఫోన్లు, చాటింగ్‌లు చేసుకున్నారు. తర్వాత తనను ప్రేమించాలని వెంటపడ్డాడు.

మార్ఫింగ్ ఫొటోలతో బ్లాక్ మెయిల్:
అయితే ఆ యువతి ప్రేమకు నో చెప్పింది. హరీష్ ను దూరం పెట్టింది. పలుమార్లు ఫోన్‌ చేసినా, మెసేజ్‌ చేసినా స్పందించ లేదు. తనను దూరం పెడుతుందని భావించిన హరీష్ యువతిపై కక్ష పెంచుకున్నాడు. వేధింపులు స్టార్ట్ చేశాడు. అసభ్యకరంగా ఉన్న ఫొటోలను ఆమెకు, ఆమె కుటుంబసభ్యులకు వాట్సాప్‌లో పంపాడు. తనతో స్నేహంగా ఉండాలని లేకపోతే ఫొటోలు సోషల్‌ మీడియాలో పెడతానని బెదిరించాడు. కీచక ప్రొఫెసర్ వేధింపులతో విసిగిపోయిన బాధితురాలు రాచకొండ సైబర్ క్రైమ్ పోలీసులను ఆశ్రయించింది. రంగంలోకి దిగిన పోలీసులు సాంకేతిక ఆధారాల ద్వారా హరీ‌ష్‌ను అరెస్ట్‌ చేసి రిమాండ్ కు తరలించారు. పవిత్రమైన వృత్తిలో ఉంటూ ఇలాంటి నీచపు పనికి పాల్పడిన ప్రొఫెసర్ ను కఠినంగా శిక్షించాలని విద్యార్థులు డిమాండ్ చేశారు.

Read: సహోద్యోగి భార్యతో సంబంధం….బెడ్ రూంలో దొరికిపోవటంతో..