Categories
International

దుక్కలా ఉండేటోడు, పీనుగులా అయిపోయాడు.. అథ్లెట్ కండలు కరిగించేసిన కరోనా

కండలు తిరిగిన బాడీ బిల్డర్ కావొచ్చు, మహా మల్లయోధుడు కావొచ్చు.. ‘డోంట్ కేర్’’ అంటోంది కరోనా. ఎవరైనా నాకు ఒక్కటే. అటాక్ చేశానంటే ప్రాణం తీస్తా లేదా ఏనుగులా ఉండేటోడిని కూడా పీనుగులా చేసిపోతానంటోంది. జాగ్రత్తగా ఉండకపోతే మూల్యం చెల్లించుకోక తప్పదని వార్నింగ్ ఇస్తోంది. కరోనా సామాన్యులనే కాదు వస్తాదులను కూడా వదలడం లేదు. వారి కండలు కరిగించేస్తోంది. ఇప్పటికే కరోనా బారిన పడి అమెరికాకి చెందిన బాడీబిల్డర్ మైక్ షుల్జ్ పీనుగులా మారిపోయాడు. అతడి కండలు పూర్తిగా కరిగిపోయాయి. అతడు బాడీబిల్డర్ అని చెబితే ఎవరూ నమ్మరు. అలా అయిపోయాడు అతడు.

కరోనా దెబ్బకు కరిగిన కండలు:
తాజాగా మరో బాడీబిల్డర్, అథ్లెట్ సైతం అలాంటి పరిస్థితినే ఎదుర్కొన్నాడు. కరోనా దెబ్బకు అతడి కండలు కూడా కరిగిపోయాయి. దుక్కలా ఉండేవాడు నక్కలా మారిపోయాడు. కరోనాకి ముందు అతడి శరీరమంతా మెలితిరిగిన కండలు ఉండేవి. కరోనా దెబ్బకు కండలు పూర్తిగా కరిగిపోయి, బక్క జీవిలా మారిపోయాడు. పరిస్థితి ఎంతవరకు వెళ్లిందంటే అసలు అతడు బతుకుతాడని ఎవరూ అనుకోలేదు.

25 రోజులు కోమాలోనే:
అతడి పేరు అహ్మద్ అయ్యద్. అథ్లెట్. వయసు 40 ఏళ్లు. కరోనా బారిన పడ్డాడు. 25 రోజులు కోమాలోనే ఉన్నాడు. అమెరికా దేశస్తుడు. వాషింగ్టన్ లో నివాసం ఉంటాడు. రెస్టారెంట్, క్లబ్ ని నడుపుతున్నాడు. అహ్మద్ ఓ అథ్లెట్, మారథాన్స్ లో పాల్గొంటాడు. రేసుల్లో పాల్గొనేవాడు. అంతే కాదు కోచ్ కూడా. బాస్కెట్ బాల్, బాక్సింగ్ అంటే అతడికి పిచ్చి. అందులో ట్రైనింగ్ ఇస్తాడు. అథ్లెట్ కావడంతో బాగా ఎక్సర్ సైజులు చేసేవాడు అహ్మద్. దీంతో కండలు తిరిగిన దేహం అతడి సొంతమైంది.

శ్వాస తీసుకోవడం ఇబ్బందిగా మారింది:
ఇది ఇలా ఉండగా, ఓ రోజు అహ్మద్ కు బ్యాడ్ టైమ్ స్టార్ట్ అయ్యింది. అతడు కరోనా బారిన పడ్డాడు. దీంతో జీవితం మొత్తం మారిపోయింది. ఎంతో సులువుగా బరువులు మోస్తూ చిరుతలా పరుగులు తీసే వాడు.. కరోనా ప్రభావంతో నిలబడటం, నడవటమే కష్టంగా మారింది. మెల్లమెల్లగా శరీరంలో శక్తినంతా కోల్పోయాడు. శ్వాస తీసుకోవడం కూడా కష్టంగా మారింది. తనకు ఫ్లూ వచ్చిందేమో అనుకున్నాడు. అయితే ఫ్రెండ్ సలహాతో మార్చి 15 ఆసుపత్రికి వెళ్లి చెక్ చేయించుకున్నాడు. అక్కడ కరోనా నిర్ధారణ పరీక్షలు చేశారు. రిపోర్టులో కరోనా పాజిటివ్ అని వచ్చింది. అతడి ఆరోగ్య పరిస్థితి అప్పటికే విషమంగా ఉంది. దీంతో డాక్టర్లు వెంటనే వెంటిలేటర్ పై ఉంచారు. ఆ ఆసుపత్రిలో వెంటిలేటేర్ పై చికిత్స పొందుతున్న పేషెంట్లలో అహ్మద్ మూడో వాడు.

నెలన్నర తర్వాత ఆసుపత్రి నుంచి డిశ్చార్జి:
సుదీర్ఘమైన ట్రీట్ మెంట్ తర్వాత అహ్మద్ కోలుకున్నాడు. కరోనా రక్కసితో 6 వారాల పాటు పోరాడి విజయం సాధించాడు. ఏప్రిల్ 22న ఆసుపత్రి నుంచి డిశ్చార్జి అయ్యాడు. కానీ..పాపం అతని కండలు మాత్రం.. ఎండలో పెట్టిన ఐస్ క్రీమ్ లా కరిగిపోయాయి. అహ్మద్ ఏకంగా 30 కిలోల బరువు కోల్పోయాడు. ఎడమ చేతిలో బ్లడ్ క్లాట్ అయ్యింది. హార్ట్, లంగ్స్ దెబ్బతిన్నాయి. మనిషి బక్క చిక్కి పోయాడు. అద్దంలో తనను తాను చూసుకున్న అహ్మద్ షాక్ అయ్యాడు. అసలు నేను నేనేనా అని కంగారుపడ్డాడు. నా కండలు తిరిగిన దేహం ఎక్కడ పోయింది? అని కుటుంబసభ్యులను ప్రశ్నించాడు. అహ్మద్.. ఎలా ఉండేటోడివి ఎలాగైపోయావ్.. పోనీలే, కరోనా రక్కసి నుంచి బతికి బైటపడ్డావ్.. కండలది ఏముంది ఎప్పుడైనా సంపాదించుకోవచ్చు..అని బంధువులు, స్నేహితులు అన్నారు.

కండలు కరిగితే కరిగాయి, ప్రాణాలతో ఉన్నాడు అదే చాలు:
ఏమైతేనేం, అహ్మద్ కరోనా నుంచి కోలుకున్నాడు. ప్రాణాలతో బయటపడ్డాడు. అదే చాలని అంతా అన్నారు. కరోనా ఎంత ప్రమాదమో చెప్పడానికి అహ్మద్ కు జరిగిన అనుభవమే నిదర్శనం అంటున్నారు నిపుణులు. కరోనా ఎవరికైనా సోకుతుందని, అందుకే ప్రజలు కరోనాతో జాగ్రత్తగా ఉండాలని, నిత్యం మాస్క్ ధరించాలని సూచిస్తున్నారు. విచ్చలవిడిగా తిరగకుండా జాగ్రత్త పడాలంటున్నారు. వ్యాక్సిన్ వచ్చే వరకు కరోనా ముప్పు తప్పదని, అప్పటివరకు స్వీయ నియంత్రణ చాలా ముఖ్యం అని చెప్పారు. లాక్ డౌన్ నిబంధనలు కచ్చితంగా పాటించి కరోనా కట్టడికి అంతా సహకరించాలని ప్రభుత్వాలు కోరుతున్నాయి.

Read:లాక్‌డౌన్‌ ఎఫెక్ట్‌ : రక్తంలో 20 శాతం పెరిగిన షుగర్ లెవల్

Categories
71706 71715 71745

ఆమె ప్రపంచ ఛాంపియన్.. ఇప్పుడు కొవిడ్-19 పోరాటంలో వైద్యురాలు!

ఆస్ట్రేలియా క్రీడల్లో Jana Pittman అనే పేరు కొత్తేమి కాదు. ఆ అథ్లెట్.. ప్రపంచ ఛాంపియన్, ఒలింపియన్ కూడా. ఆస్ట్రేలియా తరపున 400 మీటర్లు, 400మీటర్ల hurdles, bobsleigh విభాగాల్లో ఆడి అందరిని మెప్పించింది. 1999లో తొలి విజయాన్ని రుచిచూసింది. ప్రపంచ యూత్ చాంపియన్ షిప్స్‌లో బంగారు పతకాన్ని సాధించింది. కానీ, రాబోయే ఏళ్లలో తన విజయం ఒక సంకేతం మాత్రమేనని తెలియజేసింది. 2000లో జానా ప్రపంచ జూనియర్ చాంపియన్ షిప్‌లో 2 బంగారు పతకాలను గెల్చుకుంది. 2002లో రెండు కామన్ వెల్త్ గేమ్స్ లో బంగారు పతకాలను సాధించి తిరుగులేదని నిరూపించుకుంది. 
Jana Pittman, A World Champion Athlete Who Is Now Working As A Doctor On The Frontlines Vs COVID-19

ఒక ఏడాది తర్వాత ప్రపంచ చాంపియన్ షిప్స్ టాప్ లోకి దూసుకెళ్లింది. 2006లో కామన్ వెల్త్ గేమ్స్ లో డబుల్ గోల్డ్ సాధించి స్వదేశానికి తిరిగి వచ్చింది. 2007లో ప్రపంచ చాంపియన్ షిప్స్ లో మరో బంగారు పతకాన్ని సాధించింది. కానీ, తన జీవితాన్ని స్ఫూర్తిదాయకంగా మార్చేసింది. ప్రపంచమంతా కరోనాతో పోరాడుతున్న తరుణంలో తనవంతు సాయంగా ఇప్పుడు ఆమె ఒక వైద్యురాలు అవతారమెత్తింది. కొవిడ్-19 బాధితులకు అండగా ముందుండి వైద్యసాయం అందిస్తోంది. ఒకవైపు తల్లిగా తన బాధ్యతలు నిర్వర్తిస్తూనే.. గత ఏడాదిలో తాను వైద్యురాలు కావాలనే కలను నేరవేర్చుకుంది. 
Jana Pittman, A World Champion Athlete Who Is Now Working As A Doctor On The Frontlines Vs COVID-19

ఇప్పుడు దేశంతో పాటు తాను కూడా బాధితులకు సాయం అందిస్తూ కరోనా మహమ్మారితో పోరాడుతోంది. ఈ సందర్భంగా ఆమె తన అభిప్రాయాన్ని వ్యక్తం చేస్తూ.. కొవిడ్-19 సమయంలో ముందుండి పోరాటం చేయడం ఎంతో అద్భుతంగా ఉంది. నిజాయితీగా చెబుతున్నా.. నా కల నిజమైంది’ అని ఒక మీడియాకు తెలిపింది. కష్టాల్లో ఉన్నవారికి సాయం చేయడానికి కంటే మరొకటి ఉండదని ఆమె చెప్పారు. 

Read: కశ్మీర్‌ మాతోనే ఉంటుంది : అఫ్రిదిపై ధావన్ ఫైర్ 

Categories
National Viral

ఆత్మస్థైర్యం అతని సొంతం : ఒంటి కాలుతో అథ్లెట్ చేసిన ఫీట్ చూడండీ..

రెండు కాళ్లు సక్రమంగా ఉండి..బ్రతికేందుకు ఏమైనా సాధించేందుకు అన్ని అవకాశాలు ఉండి కూడా చిన్న చిన్న కారణాలకే ఆత్మహత్యలు చేసుకునేవారి గురించి విన్నాం. కానీ ఏదైనా సాధించాలనే పట్టుదలతో ఒంటికాలితో హై జంప్ చేసిన ఓ అథ్లెట్ అందరికీ స్ఫూర్తిగా నిలిచారు. అతని పేరు ఫ్రంట్ ఫ్లిప్.ఒక కాలు లేని అథ్లెట్ ఫ్రంట్ ఫ్లిప్ హై జంప్ నెటిజన్లను ఫిదా చేసింది. భారతీయ అటవీ శాఖా అధికారి సుశాంత నందా నెటిజన్లతో షేర్ చేసుకున్న ఈ 17 సెకన్ల క్లిప్ చూస్తే పట్టుదల ఉంటే సాధించలేదని ఏదీ లేదని అర్థమవుతుంది. ఆత్మవిశ్వాసం ఎంత గొప్పదో అర్ధమవుతుంది. సంకల్పం ఉంటే వైకల్యం అయినా తలవంచక తప్పదని రుజువు చేసే ఈ వీడియో ప్రతీ ఒక్కరూ చూడాలి. 

“ఎవరైనా ఒకటి వదులుకోవడానికి ఇష్టపడకపోతే ఒక గొప్ప కథ అనేది జరుగుతుంది.”అంటూ ఆయన ఈ వీడియోను పోస్ట్ చేసారు. ఈ వీడియోను పోస్ట్ చేసిన కొన్ని గంటల్లోనే వైరల్ గా మారింది. “మన మనస్సు మరియు హృదయాన్ని సాధించాలి ఆనుకున దానిపై ఉంచితే మనం సాధించగలిగేది ఆశ్చర్యంగా ఉంటుంది.” అంటూ పలువురు కామెంట్ చేస్తున్నారు. స్పూర్తినిచ్చే వీడియో పోస్ట్ చేసిన నందాను పలువురు అభినందిస్తున్నారు.

Categories
Health Life Style

కోహ్లీ లాంటి వెజిటేరియన్ ప్లేయర్ల ఆహారమిదే

చాలా మంది బాడీ బిల్డింగ్ చేయాలంటే కచ్చితంగా నాన్ వెజ్ తీసుకోవాల్సిందే అనుకుంటారు. కానీ, నాన్ వెజ్‌కు దూరంగా ఉండటం వల్ల జీవిత కాలం పెరగడంతో పాటు గుండె పని తీరు.. రక్త సరఫరా సునాయాసంగా జరుగుతాయని చెబుతున్నారు నిపుణులు. ఎక్కువ సేపు శ్రమించే పనులు నాన్ వెజ్ తోనే సాధ్యమనుకుంటున్న వారికి సమాధానంగా వెజిటేరియన్ డైట్ తోనూ సాధించొచ్చని ప్రూవ్ చేశారు వరల్డ్ టాప్ 5ప్లేయర్లు.

మరి మీరు మెచ్చిన ప్లేయర్ డైట్ గురించి నచ్చిన టిప్స్ తెలుసుకోండిలా:

బాక్సర్ సుశీల్ కుమార్:
మిగతా అథ్లెట్లకు ఫిట్ నెస్ ఉంటే సరిపోతుంది కానీ బాక్సర్లకు కండబలం కూడా కావాలి. మరి అలాంటిది కండల కోసం ఈ సుశీల్ పూర్తిగా వెజిటేరియన్ డైటే ఫాలో అయ్యేవాడంట. ఓ ఛానెల్ కు ఇచ్చిన ఇంటర్వ్యూలో ఇలా చెప్పుకొచ్చాడు. గుడ్లు కూడా లేకుండా బరువును ఎక్కువ తక్కువలు లేకుండా చూసుకుంటాడు. ఉదయం బ్రేక్ ఫాస్ట్ లో గ్లాసు పాలు మొక్కజొన్న గింజలు, వెన్నపూసిన బ్రెడ్, బాదంపప్పులు. లంచ్, డిన్నర్లలో ఏవైనా కూరగాయలతో పాటు ప్రొటీన్ కోసం మీగడ, మల్టీ విటమిన్లు ఉన్న ఫుడ్ తీసుకుంటాడు. 

7 Best Vegan Athlete Diets Will Inspire you To Go Vegetarian

 

విరాట్ కోహ్లీ; 
2019ని సంచనలంగా ముగించిన ప్లేయర్లలో విరాట్ ముందుననాడు. బ్యాట్ తో మెరుపులు కురిపించడమే కాకుండా.. ఆల్ టైం సక్సెస్‌ఫుల్ టెస్ట్ కెప్టెన్ గా  దూసుకుపోతున్నాడు. 2018లోనే నాన్ వెజ్ కు గుడ్ పై చెప్పేసిన కోహ్లీ.. ఫిట్ నెస్ తో పాటు మంచి ఫిజిక్ ను మెయింటైన్ చేస్తున్నాడు. ‘ఓ అథ్లెట్ గా వెజిటేరియన్ ఫుడ్ తీసుకుంటే ఇంత బెనిఫిట్ పొందుతాననుకోలేదు. వెజిటేరియన్ గా మారకముందు వరకూ ఇంత బెటర్ గా ఎప్పుడూ అనిపించలేదు’ అని కోహ్లీ చెప్పాడు. 

7 Best Vegan Athlete Diets Will Inspire you To Go Vegetarian

సెరెనా విలియమ్స్:
ఓ బిడ్డకు తల్లి అయిన తర్వాత కూడా మళ్లీ టెన్నిస్‌లో అడుగుపెట్టి అరాచకం చేస్తుంది సెరెనా. 20ఏళ్లుగా టెన్నిస్ లో రాణిస్తున్న సెరెనా విలియమ్స్ తాను నాన్ వెజిటేరియన్‌ను సోదరి అవస్థను చూసి మానేసిందట. వీనస్ విలియమ్స్‌కు వ్యాధి నిరోధక శక్తిపై తరచూ అటాక్ చేసే వ్యాధి వచ్చినప్పటి నుంచి మాంసాహారానికి దూరంగా ఉండాలని నిర్ణయించుకుంది. ఇప్పుడు ఆమె ఆహారంలో ఎక్కువగా ఆకుకూరలే ఉంటాయని చెప్తుంది. ఉదయం ఓట్స్, ఫ్రూట్, బాదంపప్పులు, వెన్న. మధ్యాహ్నం ఆకుకూరలతో సలాడ్, డిన్నర్ కోసం బ్రౌన్ రైస్ తో ఏదైనా కూర.

7 Best Vegan Athlete Diets Will Inspire you To Go Vegetarian

నొవాక్ జకోవిచ్:
టెన్నిస్ సంచలనం జకోవిచ్.. 2019 సమ్మర్‌లో ఐదో వింబుల్డన్ టైటిల్ గెలుచుకున్నాడు. 8సార్లు చాంపియన్ రోజర్ ఫెదరర్ తో నాలుగు గంటల 57నిమిషాలు అలుపెరగకుండా పోరాడి సుదీర్ఘ వింబుల్డన్ సింగిల్స్ ఫైనల్ చరిత్రలో నిలిచిపోయేలా చేశాడు. విమర్శకులు సైతం జకోవిచ్ వెజిటేరియన్ గా మారిన తర్వాత ఆటతీరులో మార్పు చూసి షాక్ అయ్యారు. 

దీనిపై మాట్లాడిన జకోవిచ్.. నా డైట్ ఆటను మాత్రమే కాదు. నా జీవితాన్నే మార్చేసింది. నా వృత్తిపరమైన జీవితాన్ని ఇంత మారుస్తుందనుకోలేదు. కోర్టులో నా శరీరాన్ని మరింత యాక్టివ్ చేసింది. శరీరంలో టాక్సిన్ మొత్తాన్ని తొలగించేశానుకుంటున్నాను. 

7 Best Vegan Athlete Diets Will Inspire you To Go Vegetarian

సునీల్ ఛెత్రి:
టీమిండియా ఫుట్‌బాల్ కెప్టెన్ సునీల్ ఛెత్రి ఓ ఇంటర్వ్యూలో తాను నాన్ వెజ్ ను ఎందుకు మానేశాడో వెల్లడించాడు. జంతువులను చంపడం కారణంగా గ్లోబల్ వార్మింగ్ జరుగుతుందని అది తనను చాలా బాధిస్తుందని మానేశాడట. వెజిటేరియన్ గా మారిన తర్వాత మైదానంలో మరింత ఆరోగ్యంగా ఉన్నట్లు అనిపిస్తుందన్నాడు. 

7 Best Vegan Athlete Diets Will Inspire you To Go Vegetarian

మరి మైదానంలో అంత యాక్టివ్ గా తిరుగుతున్న ప్లేయర్లే ఫాలో అవుతున్నప్పుడు వెజిటేరియన్ ఫుడ్ మనమూ ఓ సారి ట్రై చైద్దాం అనిపిస్తుందా.. గో ఎ హెడ్.. ఆల్ ద బెస్ట్. 

Categories
Viral

పట్టుదలే పసిడి పతకాలు తెచ్చింది : కాళ్లకు టేపుని షూలా వేసుకుని పరిగెత్తింది

అథ్లెటిక్స్‌ క్రీడా పోటీలు అంటే చిన్న విషయం కాదు.. దానికి ఏంతో కష్టపడాలి. అందులో పతకాలు సాధించాలంటే ఏంతో పట్టుదల ఉండాలి. అయితే ఈ పోటీల్లో ఫిలిప్పైన్స్లోని బలాసన్‌కు చెందిన రియా బుల్లోస్ అనే 11ఏళ్ల బాలిక పట్టుదల చూస్తే.. ఎవ్వరైనా ఫిదా కావాలిసిందే.  

తాజాగా  ఫిలిప్పైన్స్‌లో ఇంటర్ స్కూల్ రన్నింగ్ పోటీలు జరిగాయి. రియా బుల్లోస్ ఆ పోటీల్లో పాల్గొనేందుకు పేరు ఇచ్చింది. కానీ ఆ పోటీల్లో పాల్గొనాలంటే కచ్చితంగా షూ ఉండాల్సిందే. తనకు షూ కొనే స్తోమత కూడా లేకపోవడంతో. తను కాళ్లకు టేపులు చుట్టుకుని పోటీల్లో పాల్గొంది. అంతేకాదు వాటి మీద బ్రాండెడ్ సంస్థ ‘NIKE’ పేరు రాసుకుంది. టేపులు ధరించిన కాళ్లతోనే ఆ చిన్నారి 400 మీటర్లు, 800 మీటర్లు, 1500 మీటర్ల పోటీల్లో మొదటి స్థానంలో నిలిచి మూడు బంగారు పతకాలను సాధించింది.

దీంతో ఆమె కోచ్ ప్రిదిరిక్ ఆ ఫొటోలను సోషల్ మీడియాలో పోస్టు చేశారు. ప్రస్తుతం ఈ ఫొటోలు సోషల్ మీడియాలో వైరల్ కావడంతో నెటిజనులు ఆమె పట్టుదలకు ఫిదా అవుతున్నారు. అంతేకాదు నెటిజన్లు ఆ బాలికకు బూట్లు కొనించేందుకు అవసరమైన ఆర్థిక సాయం అందిస్తామంటు ముందుకొచ్చారు.

ఇక ఈ విషయం తెలుసుకున్న బాస్కెట్ బాల్ స్టోర్ ‘టైటాన్ 22’ CEO జెఫ్ కరియసో ఆమెతో మాట్లాడే అవకాశం కల్పించాలని కోరారు. అనంతరం ఆమెతో మాట్లాడిన ఆయన.. నీకు SM స్టోరులో అవసరమైన స్పోర్ట్స్ షూలు, సాక్స్, స్పోర్ట్స్ బ్యాగ్ తీసుకోమని తెలిపారు. మొత్తానికి ఆమె ఫొటో సోషల్ మీడియాలో పోస్ట్ చేయడం వల్ల తనకు మంచి జరిగింది.