Categories
National

మీరెప్పుడైనా అనకొండ రైలును చూశారా?

భారత రైల్వే చరిత్రలో సరికొత్త అధ్యాయం. దేశంలోనే తొలిసారిగా మూడు గూడ్స్ రైళ్లను జత చేసి ఒకే రైలుగా విజయవంతంగా నడిపించి రికార్డు సృష్టించింది. బిలాస్ పూర్ డివిజన్ సౌత్ ఈస్ట్ సెంట్రల్ రైల్వే జోన్ కు చెందిన మూడు గూడ్స్ రైళ్లను జత చేసి నడిపి నూతన ఒరవడికి శ్రీకారం చుట్టింది. రైల్వే శాఖ తెలిపిన వివరాల ప్రకారం లోడుతో ఉన్న మూడు రైళ్లను జత కలిపి బిలాస్ పూర్-చక్రధర్ పూర్ డివిజన్ల మధ్య విజయవంతంగా నడిపినట్లు పేర్కొంది.

15 వేల టన్నులకు పైగా సరకుతో ఉన్న మూడు రైళ్లను అనకొండను పోలినట్లుగా నడిపించినట్లు తెలిపింది. గూడ్స్ రైలు సర్వీసుల రవాణా సమయాన్ని తగ్గించేందుకే ఈ వినూత్న ప్రయోగం చేపట్టినట్లు తెలిపింది. ఇటీవల రైల్వే మంత్రి పియూష్ గోయల్ మాట్లాడుతూ కరోనా సంక్షోభ సమయంలో ఆహార ధాన్యాలు, ఎరువులు, బొగ్గుతోపాటు ఇతర నిత్యవసర సామాగ్రిని తరలించడంపై రైల్వే శాఖ దృష్టి పెట్టిందని చెప్పారు.

శ్రామిక్ ప్రత్యేక రైళ్ల ద్వారా వలసకూలీలను వారి గమ్యస్థానాలకు చేరుస్తున్నట్లు తెలిపారు. రైల్వే శాఖ దేశంలో ప్యాసింజర్ రైళ్ల కదలికను పరిమితం చేసినప్పటికీ గూడ్స్ రైలు సేవలు యథాతథంగా నడుస్తున్నాయని వెల్లడించారు.

Categories
National

ఆరోపణలు ఎదుర్కొంటున్న వ్యక్తి స్థిరాస్థులు పోలీసులు స్వాధీనం చేసుకోరాదు

దర్యాప్తు కొనసాగుతున్న సమయంలో నేరారోపణలు ఎదుర్కొంటున్న వ్యక్తికి సంబంధించిన స్థిరాస్తుల‌ను పోలీసులు స్వాధీనం చేసుకునే,సీజ్ చేసే అధికారం పోలీసులకు లేదని ఇవాళ(సెప్టెంబర్-24,2019)సుప్రీంకోర్టు త‌న తీర్పులో తెలిపింది. ఫ్ జ‌స్టిస్ రంజ‌న్ గ‌గోయ్‌, జ‌స్టిస్ దీప‌క్ గుప్తా, సంజీవ్ ఖ‌న్నాల‌తో కూడిన ఇద్దరు సభ్యుల ధర్మాసనం ఈ తీర్పు వెల్లడించింది. 

2010 లో ముంబై హైకోర్టు జారీ చేసిన ఇలాంటి ఉత్తర్వులకు వ్యతిరేకంగా మహారాష్ట్ర ప్రభుత్వం దాఖలు చేసిన పిటిషన్ పై ఇవాళ కోర్టు విచారణ జరిపింది.  ఒక ప్రొఫెసర్ చేసిన కంప్లెయింట్ పై దర్యాప్తు చేస్తున్నప్పుడు పోలీసులు తన ఆస్తులను సీజ్ చేశారని,సీజ్ చేసిన తన ఆస్తులను తిరిగి ఇప్పించాలని కోరుతూ పూణేకు చెందిన డెవలపర్ సుధీర్ కర్ణాటకి పిటిషన్ పై 2010లో ముంబై హైకోర్టు  దర్యాప్తు కొనసాగుతున్న సమయంలో విచార‌ణ ఎదుర్కొంటున్న వ్యక్తికి సంబంధించిన స్థిరాస్తుల‌ను పోలీసులు స్వాధీనం చేసుకునే,సీజ్ చేసే అధికారం పోలీసులకు లేద ని2010లో ముంబై హైకోర్టు తెలిపింది. హైకోర్టు తీర్పుని మ‌హా ప్ర‌భుత్వం సుప్రీంలో స‌వాల్ చేసింది.

దర్యాప్తు కొనసాగుతున్న సమయంలో నేరారోపణలు ఎదుర్కొంటున్న వ్యక్తికి సంబంధించిన బ్యాంకు అకౌంట్లు సీజ్ చేసే అధికారం పోలీసులకు ఉందని గతంలో తాపస్ నియోగి కేసులో సుప్రీం ఇచ్చిన తీర్పుని తన పిటిషన్ లో మహా ప్రభుత్వం ప్రస్తావించింది. అయితే సీఆర్‌పీసీలోని 102వ సెక్ష‌న్ ప్ర‌కారం.. క్రిమిన‌ల్ కేసులో విచార‌ణ ఎదుర్కొంటున్న వ్య‌క్తి స్థిరాస్థులను టాచ్ చేసే,సీజ్ చేసే అధికారం పోలీసుల‌కు లేద‌ని సుప్రీంకోర్టు ఇవాళ సృష్టం చేసింది. 

Categories
Uncategorized

బిగ్ షాక్ : సుజనా గ్రూపుపై ఈడీ కొరడా

దేశంలో బ్యాంకులకు రుణాలు ఎగ్గొట్టే కంపెనీలు, వ్యక్తులు పెరిగిపోతున్నారు. సుజనా గ్రూప్‌పై ఈడీ కొరడా ఝులిపించింది. బ్యాంకు రుణం కేసులో రూ. 315 కోట్లను సీజ్ చేసింది. షెల్ కంపెనీల నుండి భారీగా నిధులు మళ్లించినట్లు గుర్తించింది. హైదరాబాద్, ఢిల్లీ, చెన్నై, బెంగళూరులోని ఆస్తులను ఏప్రిల్ 02వ తేదీ మంగళవారం అటాచ్ చేసింది. బీసీఈపీఎల్ కంపెనీ పేరిట రూ. 364 కోట్ల రుణాన్ని సుజనా గ్రూప్ తీసుకుంది. చెన్నైలోని ఆంధ్రాబ్యాంకు, సెంట్రల్ బ్యాంకు, కార్పొరేషన్ బ్యాంకుల నుండి ఈ సంస్థ రుణాలు తీసుకుంది. వైస్రాయ్ హోటల్, మహల్ హోటల్స్‌కు రూ. 316 కోట్లు బదిలీ అయినట్లు ఈడీ అధికారులు గుర్తించారు. 

ప్రస్తుతం ఎన్నికల సీజన్ కావడంతో ఈడీ ఆస్తులను అటాచ్ చేయడం రాజకీయంగా కలకలం రేపుతోంది. ఇటీవలే సుజనా కంపెనీలపై సోదాలు చేసి షెల్ కంపెనీలను గుర్తించింది. బ్యాంకుల నుంచి తీసుకున్న రుణాలను మిగిలిన కంపెనీలకు బదలాయించాయనే ఆరోపణలున్నాయి. దీని గురించి పూర్తి వివరాలు తెలియాల్సి ఉంది.