Categories
National

స్వామియే శ ‘రణం’ – సుప్రీం తీర్పును గౌరవిస్తాం – పినరయి

తిరువనంతపురం : సుప్రీంకోర్టు ఇచ్చిన తీర్పును గౌరవిస్తామని…కేరళలో గొడవల వెనుక ఆర్ఎస్ఎస్, బీజేపీ హస్తం ఉందని…అయ్యప్ప దర్శనానికి వచ్చే భక్తులను అడ్డుకోవడం సరికాదని కేరళ రాష్ట్ర ముఖ్యమంత్రి పినరయి విజయన్ వెల్లడించారు. ఇద్దరు మహిళలు అయ్పప్పను దర్శించుకోవడంపై హిందూ సంఘాలు తీవ్రంగా ఖండించాయి. జనవరి 3వ తేదీ గురువారం కేరళ రాష్ట్ర బంద్‌కు పిలుపునిచ్చింది. బంద్ రణరంగంగా..హింసాత్మకంగా మారడంతో రాష్ట్రంలోని పలు కీలక ప్రాంతాల్లో తీవ్ర ఉద్రిక్తత పరిస్థితులు తలెత్తాయి. ఈ నేపథ్యంలో సీఎం పినరయి విజయన్ మీడియాతో మాట్లాడారు. 
ఇద్దరు మహిళలు జనవరి 2వ తేదీ తెల్లవారుజామున దర్శనం.
మహిళల దర్శనం అనంతరం ఆలయ తలుపులు మూసివే. శుద్ధి కార్యక్రమం. 
హిందూ సంఘాల ఆగ్రహం. ప్రభుత్వ హస్తం ఉందని ఆరోపణ.

సర్కార్‌తో ఘర్షణకు దిగడం సరికాదన్న పినరయి శాంతి భద్రతల సమస్యలను పోలీసులు చూసుకుంటారని వెల్లడించారు.  దర్శనానికి వచ్చే భక్తులను అడ్డుకోవడం సరికాదన్నారు. మహిళా భక్తులను అడ్డుకోవడం కోర్టు ధిక్కారం అవుతుందని అభిప్రాయం వ్యక్తం చేశారు. మహిళకు రక్షణ కల్పించాల్సిన బాధ్యత రాష్ట్ర ప్రభుత్వంపై ఉంటుందని..శబరిమలను రణరంగంగా మార్చారని, రాజకీయ కుట్రలో భాగంగానే అల్లర్లు జరుగుతున్నాయన్నారు. 
ఇరుముడి లేకుండానే మహిళలను ఎలా దర్శనానికి అనుమతినిస్తారు ? 
జనవరి 3వ తేదీ గురువారం కేరళ బంద్.
బంద్ హింసాత్మకం. ఆందోళనలో పాల్గొన్న బీజేపీ కార్యకర్త మ‌ృతి. 
60 బస్సులపై దాడి. స్తంభించిన జనజీవనం 
Read More : 
కేరళలో ఫుల్ టెన్షన్ : కొనసాగుతున్న కేరళ బంద్
Read More : అయ్యప్ప ఆలయంలోకి మహిళ ఎంట్రీ ఎలాగంటే 

Read More : గురువారం కేరళ బంద్
Read More : నివురుగప్పిన నిప్పులా కేరళ : స్తంభించిన జనజీవనం

Categories
National

నివురుగప్పిన నిప్పులా కేరళ : స్తంభించిన జనజీవనం

పండళంలో బీజేపీ కార్యకర్త మృతి. 
ఎక్కడా తెరుచుకోని దుకాణ సముదాయాలు.
త్రిశూర్‌లో బస్సులపై రాళ్ల దాడి.
దాదాపు 60 బస్సులపై దాడి.
ఎక్కడికక్కడ వాహనాలను అడ్డుకుంటున్న ఆందోళనకారులు.
ఎక్కడా దుకాణాలు తెరుచుకోలేదు. 
అన్ని పరీక్షలను వాయిదా వేసిన కేరళ యూనివర్సిటీ. 

తిరువనంతపురం : కేరళ రాష్ట్రం నివురుగప్పిన నిప్పులా మారిపోయింది. ఎక్కడికక్కడ ఆందోళనలు..నిరసనలు వ్యక్తం అవుతుండడంతో ప్రజాజీవనం స్తంభించింది. బస్సులు డిపోలకే పరిమితమయ్యాయి. ప్రయాణీకులు రోడ్లపై పడిగాపులు పడుతున్నారు. ఆటోలు కూడా తిరగడం లేదు. రోడ్లపై నిరసనకారులు ఆందోళన చేస్తుండడంతో భారీగా ట్రాఫిక్ స్తంభించింది. నిరసనకారులను అదుపు చేసేందుకు పోలీసులు బాష్పవాయువు, లాఠీఛార్జీలకు దిగడంతో పరిస్థితి మరింత ఉద్రిక్తతంగా మారింది. 
మహిళల ఆలయ ప్రవేశంపై ఆందోళనలు…
2019, జనవరి 02వ తేదీన 50 ఏళ్లలోపున్న ఇద్దరు మహిళలు శబరిమలలోని అయ్యప్పను దర్శించుకోవడంపై హిందూ సంఘాలు కన్నెర్ర చేశాయి. దీనివెనుక కేరళ ప్రభుత్వ హస్తం ఉందంటూ ఆరోపిస్తోంది. బ్లాక్ డేగా యూడీఎఫ్ అభివర్ణించింది. హిందూ సంఘాలు జనవరి 03వ తేదీన కేరళ బంద్‌కి పిలుపునిచ్చింది. బంద్‌లో బీజేపీ, హిందూ సంఘాలు, ఇతరులు పాల్గొంటూ ప్రభుత్వంపై మండిపడుతున్నారు. ఇరుముడి లేకుండా దర్శనానికి వెళ్లడంపై అభ్యంతరం వ్యక్తం చేస్తున్నారు. కనీస ఆచారాలు పాటించకుండానే దర్శనం చేయించారా ? అనే అనుమానాలు వ్యక్తమౌతున్నాయి. మరోవైపు కాలికట్ యూనివర్సిటీ పరీక్షలు వాయిదా వేసింది. 
Read More : కేరళలో ఫుల్ టెన్షన్ : కొనసాగుతున్న కేరళ బంద్
Read More : అయ్యప్ప ఆలయంలోకి మహిళ ఎంట్రీ ఎలాగంటే 

Read More : గురువారం కేరళ బంద్

Categories
National

కేరళలో ఫుల్ టెన్షన్ : కొనసాగుతున్న కేరళ బంద్

తిరువనంతపురం : కేరళలో టెన్షన్ వాతావరణం నెలకొంది. ఏ రాయి ఎక్కడి నుండి పడుతుందో…ఎవరు ఎక్కడి నుండి దాడి చేస్తారో తెలియని పరిస్థితి నెలకొంది. కేరళ రాష్ట్ర ప్రభుత్వ తీరుపై తీవ్ర ఆగ్రహంగా ఉన్న కొంతమంది హింసాత్మక ఘటనలకు పాల్పడుతున్నారు. శబరిమల ఆలయంలోకి మహిళలు ప్రవేశించడం పట్ల హిందూ సంఘాలు తీవ్ర నిరసన వ్యక్తం చేస్తున్నాయి. ఆలయ ప్రతిష్ట మంటకలిపారంటూ మండిపడుతున్నారు. 2019, జనవరి 3వ తేదీన కేరళ రాష్ట్ర బంద్ జరుగుతోంది. జనవరి 2వ తేదీన జరిగిన ఆందోళనలో పాల్గొన్న 54 ఏళ్ల చంద్రన్  కార్యకర్త మృతి చెందడంతో కేరళలో పరిస్థితి అదుపు తప్పుతోంది. 
హింసాత్మకంగా బంద్…
ఈ బంద్ హింసాత్మకంగా మారుతోంది. బీజేపీ, యువమోర్చా కార్యకర్తలు ఆందోళనలు..నిరసనలు చేపడుతున్నారు. స్వామియే శరణం అయ్యప్ప…అయ్యప్ప శరణం…అంటూ అయ్యప్ప భక్తులు నడి రోడ్లపై భజనలు చేస్తూ తమ నిరసనను తెలియచేస్తున్నారు. ఎక్కడికక్కడ ట్రాఫిక్ స్తంభిస్తోంది. పందలంలోని సీపీఎం కార్యాలయంపై ఆందోళనకారులు రాళ్ల దాడికి పాల్పడ్డారు. రాళ్ల దాడిలో 60 బస్సులు ధ్వంసమయ్యాయి. చెన్నై టూరిజం హోటల్స్‌పైకి కూడా దాడికి పాల్పడ్డారు. హిందూ సంఘాలే ఈ దాడి చేసి ఉంటారనే అనుమానాలు వ్యక్తమౌతున్నాయి. ఈ నేపథ్యంలో ఆయా హోటల్స్ వద్ద పోలీసులు భారీ బందోబస్తు ఏర్పాటు చేశారు.