Categories
Uncategorized

భార్యను కాపురానికి పంపాలని సెల్ టవర్ ఎక్కిన యువకుడు

తన భార్యను కాపురానికి పంపించటంలేదనే కోపంతో ఓ యువకుడు సెల్ టవర్ ఎక్కాడు. ప్రకాశం జిల్లా పర్చూర్ మండలం అన్నబొట్లవారి పాలెంలో చందు అనే యువకుడు సెల్ టవర్ ఎక్కి హల్ చల్ చేశాడు. తన భార్యను తీసుకొచ్చి కాపురానికి వస్తానని చెప్పే వరకూ టవర్ దిగేది లేదని తెగేసి చెబుతున్నాడు.  దీంతో రంగంలోకి దిగిన పోలీసులు..స్థానికులు చందూని టవర్ పైనుంచి దించేందుకు యత్నిస్తున్నారు. 

గుంటూరుకు చెందిన చందూ అనే యువకుడు డ్రైవర్ గా పనిచేస్తున్నాడు. అతను అన్నంబొట్లపాలానికి చెందిన విజయలక్ష్మీ అనే యువతిని ప్రేమించాడు.ఇద్దరూ కలిసి పెద్దలకు తెలీకుండా పెళ్లి కూడా చేసుకున్నారు. ఈ విషయం తెలిసిన యువతి తల్లిదండ్రులు ఆమెను బలవంతంగా తమ ఇంటికి తీసుకెళ్లిపోయారు. ఆనాటి నుంచి తన భార్యను తనకు కాకుండా చేస్తున్నారనీ..కనీసం కంటికి కూడా కనిపించకుండా దాచేస్తున్నారనీ చందూ ఆరోపిస్తున్నాడు. తన భార్యను తనతో కాపురానికి పంపించాలనీ..లేదంటే సెల్ టవర్ నుంచి దూకి ఆత్మహత్య  చేసుకుంటానని హెచ్చరిస్తున్నారు. 

కాగా చందూ గతంలో కూడా సెల్ఫీ సూసైడ్ కు యత్నించాడు. ప్రాణాపాయ స్థితి నుంచి బైటపడ్డారు. అయినా తన భార్యను తన దగ్గరకు పంపించకుండా అత్తవారు అడ్డుకుంటున్నారనీ..ఇప్పటికీ అత్తవారు మొండి వైఖరితో తమను ఇద్దరినీ విడదీసేందుకు యత్నిస్తున్నాడని వాపోతున్నాడు చందూ. తన భార్యను తనతో పంపేంత వరకూ టవర్ దిగననీ..తనకు న్యాయం చేయమని డిమాండ్ చేస్తున్నాడు. లేదంటే టవర్ పైనుంచి దూకేస్తాననీ బెదిరిస్తున్నాడు. దీంతో అన్నభొట్లవారి పాలెంలో టెన్షన్ వాతావరణం నెలకొంది. 
 

Categories
Hyderabad

ఆర్టీసీని ప్రైవేటు చేసే ప్రయత్నం – అశ్వత్ధామ రెడ్డి

ఆర్టీసీని ప్రైవేటు పరం చేసే కుట్ర జరుగుతోందని ఆరోపించారు ఆర్టీసీ జేఏసీ కన్వీనర్ అశ్వత్ధామమ రెడ్డి. ఎట్టి పరిస్థితిల్లోనూ సమ్మెను కొనసాగిస్తామని, ఇంకా ఉధృతం చేస్తామని తేల్చిచెప్పారు. ఆర్టీసీని ప్రభుత్వంలో విలీనం చేసే దిశగా చర్యలు తీసుకోవాలని మరోసారి డిమాండ్ చేశారు. 2019, అక్టోబర్ 06వ తేదీ ఆదివారం ఆయన మీడియాతో మాట్లాడారు. ప్రభుత్వంపై పలు విమర్శలు గుప్పించారు. 

తమ సమ్మెను చీల్చాలని ప్రభుత్వం పకడ్బందిగా ప్లాన్ చేస్తోందని ఆరోపించారు. అందరూ తమకు సహకరించాలని కోరారు. సమ్మెకు రాజకీయ పార్టీలు, సంఘాలు మద్దతిచ్చాయన్నారు. న్యాయమైన డిమాండ్ల కోసం తాము చేస్తున్న పోరాటాన్ని ప్రజలు స్వాగతిస్తున్నారని చెప్పారు. సమ్మె సందర్భంగా ప్రజలకు ఇబ్బంది కలుగకుండా బస్సులను తిప్పుతున్నట్లు ప్రభుత్వం చెబుతోందని..ఎంత ఆదాయం వచ్చిందో చెప్పాలని, దొంగ లెక్కలు చెప్పకుండా వాస్తవ పరిస్థితి ఏంటో ప్రజలకు తెలియచేయాలని డిమాండ్ చేశారాయన.

50 వేల మంది కార్మికులు సమ్మెలో పాల్గొంటున్నారని, ప్రభుత్వం చేస్తున్న చర్యలను అన్ని ఉద్యోగ సంఘాలు ఖండించాలని పిలుపునిచ్చారు. మరోవైపు వీరు చేస్తున్న సమ్మెపై సీఎం కేసీఆర్ ఉన్నతస్థాయి సమీక్ష సమావేశం నిర్వహించారు. ప్రగతి భవన్‌లో జరుగుతున్న ఈ సమావేశం నాలుగు గంటలకు పైగా కొనసాగుతోంది. ప్రభుత్వం ఎలాంటి నిర్ణయం వెలువరిస్తుందనే దానిపై ఉత్కంఠ నెలకొంది. 

Categories
Uncategorized

My Villagae Show గంగవ్వ కొడుకు ఆత్మహత్యాయత్నం

యూ ట్యూబ్ సెన్సెషనల్ మహిళగా గుర్తింపు పొందిన గంగవ్వ కొడుకు రాజారెడ్డి ఆత్మహత్యాయత్నానికి ప్రయత్నించడం కలకలం రేపింది. పొలంలో పురుగు మందు తాగడాని సమాచారం. ఈయన్ను చూసిన గ్రామస్తులు జగిత్యాల ప్రభుత్వాసుపత్రికి తరలించారు. విషయం తెలుసుకున్న గంగవ్వ హుటాహుటిన జగిత్యాలకు చేరుకుంది. కల్లు తాగి ఉండడంతో మత్తులో తాగి పడుకొని ఉండవచ్చునని మీడియా ఎదుట అనుమానం వ్యక్తం చేసింది గంగవ్వ. 

గంగవ్వ..యూ ట్యూబ్‌లో వీడియోలు ఎంతో ప్రజాదరణను పొందాయి. అచ్చమైన తెలంగాణ భాష..అమాయకమైన చూపులు..పంచ్‌లతో కేరాఫ్‌గా నిలుస్తోంది మై విలేజ్ షో ఫేం గంగవ్వ. జగిత్యాల జిల్లా మల్యాల మండలంలోని లంబాడిపల్లికి గ్రామానికి చెందిన గంగవ్వ ఒక దినసరి కూలిగా ఉండేది. ప్రస్తుతం పల్లెటూరి నుంచి ప్రపంచ స్థాయికి ఎదిగింది. పల్లెటూరి సంస్కృతిని చాటి చెప్పేందుకు శ్రీరాం శ్రీకాంత్ మై విలేజ్ షో అనే యూ ట్యూబ్ ఛానెల్‌ను తీసుకొచ్చాడు.

గంగవ్వను ఆయన ఎంచుకుని వీడియోలు చేయడం ప్రారంభించాడు. అనతికాలంలోనే వీడియోలు తెగ ప్రాచుర్యం పొందాయి. ఇటీవలే గంగవ్వ సినిమా రంగంలోకి కూడా ప్రవేశించింది. చిన్న సినిమాగా విడుదలై పెద్ద విజయం సాధించిన మల్లేశం చిత్రంలో నటించి మరింత గుర్తింపు తెచ్చుకుంది. పూరి జగన్నాథ్ దర్శకత్వంలో వచ్చిన ఇస్మార్ట్ శంకర్ సినిమాలో కూడా నటించింది. 

Categories
National Viral

అదృష్టం బాగుంది లేకుంటే! : చిన్నారిని కిడ్నాప్ చేయటానికి ఎలా ట్రై చేశాడో చూడండీ

అది పంజాబ్ లోని లుథియానాలోని రిషి నగర్. ఆరుబైట గాలి కోసం స్టాండ్ ఫ్యాన్ పెట్టుకుని ఇద్దరు చిన్నారులతో కలిసి భార్యాభర్తలు నిద్రిస్తున్నారు. అదే సమయంలో అక్కడకు ఓ రిక్షావాడు వచ్చాడు. వాడికి 45 ఉంటాయేమో. వాడి కన్ను ఆ చిన్నారులపై పడింది. ఎత్తుకెళ్లిపోదాం అనుకున్నాడు. అటు ఇటూ చూశాడు. ఎవ్వరూ లేరు.  అంతా నిర్మానుష్యంగా ఉంది. అంతే నెమ్మదిగా వారు పడుకున్న మంచాల పక్కకు వచ్చాడు. రిక్షాలో ఉన్న కవర్లను సర్ధిపెట్టాడు. నెమ్మదిగా మంచం పక్కకు వెళ్లి తండ్రి పక్కనే నిద్రస్తున్న చిన్నారిని ఎత్తుకున్నాడు. 

సరిగ్గా అప్పుడే పక్క మంచంపై నిద్రిస్తున్న భార్యకు మెలకువ వచ్చింది. బిడ్డను ఎవరో ఎత్తుకోవటం చూసింది. అంతే ఒక్కసారిగా వాడిపై దాడి చేసింది. కేకలు వేసి భర్తను లేపింది. దీంతో రిక్షావాడు పరారయ్యాడు. వాడిని పట్టుకునేందుకు భర్త కొద్ది దూరం వెళ్లేసరికే వాడు పరారయ్యాడు.

దీంతో బైట పడుకోవటం క్షేమం కాదని భావించిన ఆమె తలుపు తాళం తీసి చిన్నారులతో సహా అందరూ లోపలికెళ్లిపోయారు.  చూశారా? ఎంతలో ఎంత ప్రమాదం తప్పిందో. అలా చిన్నారుల్ని ఎత్తుకుపోయుంటే?..ఏం చేసేవాడో కదా..వినటానికే గుండెలు హడలిపోతున్నాయి. కంటిలో కనుపాపను కూడా దొంగిలించే ఈ రోజుల్లో బిడ్డల విషయంలో చాలా చాలా జాగ్రత్తగా ఉండాలి. 

చిన్నారులపై వేధింపులు..కిడ్నాప్ లు రోజు రోజుకు పెరిగిపోతున్నాయి. చిన్నారుల విషయంలో తల్లిదండ్రులు.. బంధువులు అన్ని సమయాల్లోను అప్రమత్తంగా ఉండాలి. ఏమాత్రం ఆదమరిచిన కన్నుమూసి తెరిచేలోగా..బిడ్డల్ని మాయం చేసే ఇటువంటి దుర్మార్గుల బారిన పడతారు. అదృష్టం బాగుంటే బిడ్డలు క్షేమంగా దొరుకుతున్నారు. కానీ అన్ని వేళలా అలా జరగదు. కాబట్టి చిన్నారులు విషయంలో బహుజాగ్రత్తగా ఉండాలి. లేదంటే ఇదిగో ఇటువంటి ఘటనలు జరిగే అవకాశం లేకపోలేదు. 

Categories
Uncategorized

బాబు సొంత ఇలాఖాలో లైంగిక వేధింపులు

చిత్తూరు : సీఎం చంద్రబాబు నాయుడు సొంత నియోజకవర్గమైన కుప్పం తహశీల్దార్ ఆఫీసులో లైంగిక వేధింపుల ఘటన తీవ్ర కలకలం రేపుతోంది. గత కొంతకాలంగా వీఆర్ఏ తనను లైంగికంగా వేధిస్తున్నాడంటూ అటెండర్ భవ్య పోలీసులకు ఫిర్యాదు చేయడం సంచలనం సృష్టించింది. పోలీసులకు కంప్లైట్ చేసినా ఇంతవరకు ఎలాంటి చర్యలు తీసుకోలేదని భవ్య ఆరోపిస్తోంది. 
వీఆర్ఏ ఆనంద్ వేధింపులు…
కుప్పం తహశీల్దార్ కార్యాలయంలో వీఆర్ఏగా ఆనంద్ విధులు నిర్వహిస్తున్నాడు. ఇక్కడ భవ్య అటెండర్‌గా పనిచేస్తోంది. అయితే..లైంగిక వాంఛ తీర్చాలంటూ వేధించడం మొదలు పెట్టాడని భవ్య పేర్కొంటోంది. ఈ వేధింపులు తీవ్రస్థాయిలో ఉన్నాయని…చివరకు తన కుటుంబం ఆత్మహత్య చేసుకొనే వరకు వెళ్లిందని మీడియా ఎదుట వాపోయింది. అయితే..తాను తీవ్ర మనస్థాపానికి..ఆగ్రహానికి గురై..ఆనంద్‌పై చేయి చేసుకొంటే…ఆనంద్..గౌతమిలిద్దరూ తనపై చేయి చేసుకున్నారని వాపోయింది. ఇదంతా ఎమ్మార్వో ఎదుటే జరిగిందన్నారు. అయినా పరిస్థితిలో ఎలాంటి మార్పు లేకపోవడంతో తాను కుప్పం పోలీసులను ఆశ్రయించడం జరిగిందని తెలిపింది. ఈ విషయం జిల్లా కలెక్టర్‌కి తెలిసిందని..వెంటనే రెండు గంటల్లోగా నివేదిక అందచేయాలని సంబంధింత అధికారులకు ఆదేశాలు వెళ్లాయని తెలుస్తోంది.