Airtel-Vi OTT Plans : డిస్నీప్లస్ హాట్‌స్టార్ ఫ్రీ OTT సబ్‌స్ర్కిప్షన్‌తో ఎయిర్‌టెల్, Vi ప్లాన్లు ఇవే.. ఫుల్ లిస్టు మీకోసం..!
Airtel-Vi OTT Plans : ప్రముఖ దేశీయ టెలికం దిగ్గజాలైన ఎయిర్‌టెల్ (Airtel), వోడాఫోన్ ఐడియా తమ కస్టమర్ల కోసం సరికొత్త ప్రీపెయిడ్ ప్లాన్లను ప్రవేశపెట్టాయి. ఎయిర్‌టెల్, వోడాఫోన్ ఐడియా ప్రీపెయిడ్ ప్లాన్లతో ఓటీటీ (OTT) బెనిఫిట్స్ పొందవచ్చు.
- Published By: 10TV Digital Team ,Published On : February 27, 2023 / 08:34 PM IST
Airtel And Vodafone-Idea plans with free Disney Plus Hotstar _ Full list of plans, benefits
Airtel-Vi OTT Plans : ప్రముఖ దేశీయ టెలికం దిగ్గజాలైన ఎయిర్‌టెల్ (Airtel), వోడాఫోన్ ఐడియా (Vodafone-idea) తమ కస్టమర్ల కోసం సరికొత్త ప్రీపెయిడ్ ప్లాన్లను ప్రవేశపెట్టాయి. ఎయిర్‌టెల్, వోడాఫోన్ ఐడియా ప్రీపెయిడ్ ప్లాన్లతో ఓటీటీ (OTT) బెనిఫిట్స్ పొందవచ్చు. డిస్నీ+ హాట్‌స్టార్ (Disney+ Hotstar) ప్రీమియర్ లీగ్ 2023 సీజన్ మ్యాచ్‌లను మార్చి 2023 నుంచి అధికారిక OTT బ్రాడ్‌కాస్టర్‌గా నిర్వహించేందుకు రెడీగా ఉంది. అయితే, ఈసారి, రిలయన్స్ జియో (Reliance Jio) నెట్‌వర్క్ ప్రొవైడర్ తమ ప్రీపెయిడ్, పోస్ట్‌పెయిడ్ ప్లాన్‌ల రీఛార్జ్ లిస్టులో ఉచిత డిస్నీ+ హాట్‌స్టార్ సబ్‌స్క్రిప్షన్‌ను తొలగించింది.
మీరు ఎయిర్‌టెల్ లేదా వోడాఫోన్-ఐడియా పోస్ట్‌పెయిడ్ సిమ్ ఉంటే చింతించాల్సిన పనిలేదు. Airtel, Vodafone-Idea (Vi) వినియోగదారులు ఎంచుకున్న పోస్ట్‌పెయిడ్ మొబైల్ రీఛార్జ్ ప్లాన్లతో డిస్నీ+ హాట్‌స్టార్ ఉచిత సభ్యత్వాన్ని పొందవచ్చు. రెండు మొబైల్ ఆపరేటర్‌లు తమ కస్టమర్లకు మరిన్ని బెనిఫిట్స్ అందించడానికి ఉచిత OTT సబ్‌స్క్రిప్షన్‌తో డేటా, కాలింగ్ బెనిఫిట్స్ అందిస్తున్నాయి. ఉచిత డిస్నీ+ హాట్‌స్టార్ సబ్‌స్క్రిప్షన్‌ను అందించే అన్ని Airtel, Vi పోస్ట్‌పెయిడ్ ప్లాన్లను ఓసారి చూద్దాం..
ఉచిత డిస్నీ+ హాట్‌స్టార్‌తో ఎయిర్‌టెల్ పోస్ట్‌పెయిడ్ ప్లాన్ :
రూ. 499 : 75GB డేటాతో పాటు ఈ పోస్ట్‌పెయిడ్ ప్లాన్ డిస్నీ+ హాట్‌స్టార్ మొబైల్, అమెజాన్ ప్రైమ్ వీడియో ఉచిత సబ్‌స్క్రిప్షన్‌తో అన్‌లిమిటెడ్ కాలింగ్, రోజుకు 100 SMSలను అందిస్తుంది.
రూ. 999 : ఈ ప్లాన్ కింద ఎయిర్‌టెల్ 3 ఉచిత ఫ్యామిలీ యాడ్-వన్‌తో 1 సాధారణ సిమ్, 100GB డేటా, అన్‌లిమిటెడ్ కాలింగ్, రోజుకు 100 SMSలను చేర్చింది. OTT విషయానికొస్తే.. ఈ ప్లాన్‌లో డిస్నీ+ హాట్‌స్టార్ మొబైల్, అమెజాన్ ప్రైమ్ వీడియో సబ్‌స్క్రిప్షన్ ఉన్నాయి.
రూ. 1199 : ఈ ప్లాన్‌లో 3 ఉచిత ఫ్యామిలీ యాడ్-ఆన్‌లతో 1 సాధారణ SIM, అన్‌లిమిటెడ్ కాలింగ్, రోజుకు 100SMS కూడా ఉన్నాయి. అయితే, డేటా రోల్‌ఓవర్ కోసం ఈ పోస్ట్‌పెయిడ్ ప్లాన్ డిస్నీ+ హాట్‌స్టార్ మొబైల్, అమెజాన్ ప్రైమ్ వీడియో, నెట్‌ఫ్లిక్స్ బేసిక్ ఉచిత సబ్‌స్క్రిప్షన్‌తో 150GB డేటాను అందిస్తుంది.
Airtel And Vodafone-Idea plans with free Disney Plus Hotstar
రూ. 1499 : ఈ పోస్ట్‌పెయిడ్ ప్లాన్ 4 ఉచిత ఫ్యామిలీ యాడ్-ఆన్‌లతో 1 సాధారణ SIM, 200GB డేటా రోల్ ఓవర్, రోజుకు 100 SMS, అన్‌లిమిటెడ్ కాలింగ్, డిస్నీ+ హాట్‌స్టార్ మొబైల్, అమెజాన్ ప్రైమ్ వీడియో, నెట్‌ఫ్లిక్స్ బేసిక్ ఉచిత సభ్యత్వాన్ని అందిస్తుంది.
ఉచిత డిస్నీ+ హాట్‌స్టార్‌తో Vi పోస్ట్‌పెయిడ్ ప్లాన్ :
రూ. 501 : ఈ ప్లాన్‌లో Vi 90GB డేటా రోల్‌ఓవర్, అన్‌లిమిటెడ్ కాలింగ్, నెలకు 3000 SMS, డిస్నీ+ హాట్‌స్టార్ మొబైల్ ఉచిత సభ్యత్వాన్ని కలిగి ఉంది. అదనంగా, ప్లాన్ అమెజాన్ ప్రైమ్, Vi మూవీస్, టీవీ, హంగామా మ్యూజిక్, మరిన్నింటికి సబ్‌స్క్రిప్షన్‌లను కూడా అందిస్తుంది.
రూ. 701 : ఈ ప్లాన్ కింద అన్‌లిమిటెడ్ డేటా, కాలింగ్, 3000 SMSలను అందిస్తుంది. ఉచిత OTT బండిల్‌లో డిస్నీ+ హాట్‌స్టార్ సూపర్, అమెజాన్ ప్రైమ్, మరిన్నింటికి ఉచిత సబ్‌స్క్రిప్షన్ ఉంటుంది.
రూ. 1101 : ఈ ప్లాన్ Vi ద్వారా అత్యంత ఖరీదైన పోస్ట్‌పెయిడ్ ప్లాన్‌గా లిస్టు అయింది. ఈ ప్లాన్‌లో అన్‌లిమిటెడ్ డేటా, కాలింగ్, నెలకు 3000 SMSలు, Amazon Prime, Disney+ Hotstar Superకి ఉచిత సభ్యత్వాన్ని పొందవచ్చు.
