Satellite Internet: శాటిలైట్ ఇంటర్నెట్.. అంతరిక్షం నుంచి నేరుగా ఇంటికే సర్వీస్

భూమికి దూరంగా కాకుండా దాదాపు 550కిలోమీటర్ల క్షక్ష్యలో తిరుగుతుంటాయి. వీటి సేవలు కూడా నాణ్యంగా ఉండి గేమింగ్, వీడియో కాలింగ్‌ లాంటివన్నీ వేగంగా ...

Satellite Internet: శాటిలైట్ ఇంటర్నెట్.. అంతరిక్షం నుంచి నేరుగా ఇంటికే సర్వీస్

Satellite Internet

Satellite Internet: లోకల్‌ సర్కిల్స్‌ అనే ఓ సంస్థ ఆన్‌లైన్‌ ఎడ్యుకేషన్ గురించి చేసిన సర్వేలో 43 శాతం పిల్లలు స్మార్ట్‌ఫోన్లూ, ఇంటర్నెట్ లేక పాఠాలు వినలేకపోయినట్లు చెప్పారు. 2021 మార్చి నాటికి ఇండియా వ్యాప్తంగా 82.5 కోట్ల మంది ఇంటర్‌నెట్‌ వాడుతుంటే అందులో 80 కోట్ల యూజర్లు మొబైల్‌ ఫోన్ల ద్వారానే వాడుతున్నారు. ప్రస్తుత అవసరాల రీత్యా వీరందరికీ ఇంటర్నెట్ సదుపాయం కావాల్సిందే.

అంతరాయం లేని ఇంటర్నెట్ వేగవంతంగా, నాణ్యతతో కూడిన సేవలందించే దిశగా శాటిలైట్‌ ఇంటర్నెట్‌ ప్రొవైడర్లకు శ్రీకారం చుట్టారు. దూర ప్రాంతాలకూ, గిట్టుబాటు లేనిచోటికీ ఫైబర్‌ కనెక్షన్‌ ఇచ్చేందుకు సర్వీస్‌ ప్రొవైడర్లు ముందుకు రాకపోయినా.. శాటిలైట్‌ ఇంటర్నెట్‌తో ఆ కష్టాలు తీరతాయి.

ఇతర శాటిలైట్ల మాదిరిగా భూమికి దూరంగా కాకుండా దాదాపు 550కిలోమీటర్ల క్షక్ష్యలో తిరుగుతుంటాయి. వీటి సేవలు కూడా నాణ్యంగా ఉండి గేమింగ్, వీడియో కాలింగ్‌ లాంటివన్నీ వేగంగా జరుగుతాయి. దీని కోసం డిష్‌ కనెక్షన్‌ లాగానే బిగించుకుని.. ఆకాశంలో శాటిలైట్‌కీ డిష్‌కీ మధ్యలో అడ్డం లేకుండా ఉంటే చాలు. డిష్‌కి వైఫై రూటర్‌ని అనుసంధానించడం వల్ల కంప్యూటర్లనూ ఫోన్లనూ ఉపయోగించవచ్చు.

……………………………. : ఈటెలను కలిసిన పూనమ్ కౌర్.. వైరల్ అవుతున్న ఫోటోలు..

టెస్లా, స్పేస్‌ఎక్స్‌ సంస్థల ఆధ్వర్యంలో స్టార్‌లింక్‌ అనే మరో కొత్త సంస్థని పెట్టారు. ప్రపంచవ్యాప్తంగా శాటిలైట్‌ ఇంటర్నెట్‌ సేవల్ని స్పేస్‌ఎక్స్‌ ఫాల్కన్‌9 రాకెట్‌ ద్వారా కక్ష్యలో ప్రవేశపెడతారు. స్టార్‌లింక్‌ కిట్‌లో డిష్‌, రూటర్‌ తదితర పరికరాలన్నీ ఉంటాయి. ప్రస్తుతానికి 50 నుంచి 175 ఎంబీపీఎస్‌ స్పీడ్‌తో పనిచేస్తున్నాయి స్టార్‌లింక్‌ కనెక్షన్లు. భవిష్యత్‌లో 300 ఎంబీపీఎస్‌కి పెంచాలనేది మస్క్‌ లక్ష్యం.

డేటా మీద లిమిట్ లేకుండా.. నెలకింతని ఫిక్స్‌డ్‌ ఛార్జీలతో ప్రాంతాన్ని బట్టి నిర్ణయిస్తారు. కాస్త ఎక్కువ పలికినప్పటికీ కొద్ది రోజుల తర్వాత ధరలు తగ్గుతాయని చెబుతోంది స్టార్‌లింక్‌. ఆసక్తి ఉన్నవారు స్టార్‌లింక్‌ వెబ్‌సైట్‌ ద్వారా నమోదు చేసుకోవచ్చు.

…………………………………… : విశాఖ టీడీపీ ఆఫీసులో పోలీసుల సోదాలు

5జీతో పోల్చలేం
5జీ చాలా వేగంగా ఉంటుంది. అందుబాటులోకి రావాలంటే సెల్‌టవర్లు కావాల్సిందే. శాటిలైట్‌ ఇంటర్నెట్‌ టవర్లేమీ అందుబాటులో లేని ప్రాంతాల్లోనూ వస్తుంది కాబట్టి దాంతో పోల్చడానికి లేదు.

అమెజాన్‌, వన్‌వెబ్‌ పోటాపోటీ
శాటిలైట్‌ ఇంటర్నెట్‌ సేవలు అందించడానికి చాలానే సంస్థలు రంగంలోకి దిగాయి. స్టార్‌లింక్‌తో పోలిస్తే వాటి స్థాయి పరిమితంగా ఉంది. అమెజాన్‌, వన్‌వెబ్‌ లాంటివి మాత్రం స్టార్‌లింక్‌తో పోటీపడుతున్నాయి. ‘ప్రాజెక్ట్‌ క్యూపర్‌’ పేరుతో అమెజాన్‌ ఇప్పటికే రూ.72వేల 500 కోట్ల పెట్టుబడితో రంగంలోకి దిగింది. 3వేల 236 శాటిలైట్స్‌ తయారుచేయించి వచ్చే ఏడాదినుంచీ సేవలు ప్రారంభించనున్నట్లు ప్రకటించింది. 4వేల 600 శాటిలైట్స్‌తో శాంసంగ్‌ కూడా ఈ సేవలు ప్రారంభించనున్నట్లు ఆరేళ్ల క్రితమే చెప్పింది. లండన్‌కి చెందిన వన్‌వెబ్‌ సంస్థ ఇప్పటికే 650 శాటిలైట్స్‌ని ప్రవేశపెట్టింది.

………………………………. : రోడ్డుపై నోట్ల కట్టలు.. జేబుల్లో నింపుకొని పారిపోయిన వాహనదారులు