Lucid Motors : టెస్లాను తలదన్నే కారు.. 20ని ఛార్జింగ్ తో 482 కిలోమీటర్ల ప్రయాణం

ఇప్పటివరకు ఎలక్ట్రిక్ కారంటే టెస్లా గురించే చెప్పుకునే వారు. ఇప్పుడు టెస్లాను తలదన్నే ఫీచర్లతో మార్కెట్లోకి రానుంది లూసిడ్ మోటర్స్ ఎలక్ట్రిక్ కారు.

10TV Telugu News

Lucid Motors : ప్రపంచ వ్యాప్తంగా ఎలక్ట్రిక్ వాహనాల హావ నడుస్తోంది. దిగ్గజ కంపెనీలు ఎలక్ట్రిక్ వాహనాల తయారీలో తలమునకలయ్యాయి. ఇప్పటికే కొన్ని కంపెనీల కార్లు రోడ్లపై దూసుకెళ్తుండగా, మరికొన్ని కంపెనీల కార్లు చివరి దశలో ఉన్నాయి. అమెరికా మార్కెట్లో చూసుకుంటే టెస్లా కంపెనీ ఓ రేంజ్ లో కార్ల అమ్మకాలు చేస్తుంది. ఇప్పటి వరకు పోటీ లేకపోవడంతో ఈ కంపెనీ కార్లు హాట్ కేకుల్లా అమ్ముడయ్యాయి. ఇక ఇదే సమయంలో టెస్లాను తలదన్నే విధంగా లూసిడ్ మోటార్స్ ఎయిర్ డ్రీమ్ ఎడిషన్ కారును తీసుకురానుంది.

Read More : Prema Desam : ట్రెండ్ సెట్టర్ ట్రయాంగిల్ లవ్ స్టోరీకి సీక్వెల్..

లూసిడ్‌ కార్లు టెస్లా కార్ల కంటే మరింత ఆకర్షణీయంగా ఉన్నాయి. ఈ కారును ఒక్కసారి ఛార్జ్ చేస్తే సుమారు 840 కిలోమీటర్ల మేర వెళ్తుంది. టెస్లా కార్లు ఒక్క సారి ఛార్జ్‌ చేస్తే సుమారు 758 కిలోమీటర్లకు వరకు ప్రయాణిస్తాయి. టెస్లాతో పోల్చుకుంటే ఈ కారు 100 కిలోమీటర్ల వరకు వెళ్తోంది. అంతేకాకుండా కారులో అల్ట్రా ఫాస్ట్‌ చార్జింగ్‌ను ఏర్పాటు చేయడంతో కేవలం 20 నిమిషాల ఛార్జింగ్‌తో ఈ కారు 482 కిలో మీటర్లు ప్రయాణిస్తోందని లూసిడ్‌ వెల్లడించింది.

Read More : Ola Electric : ఓలా ఎలక్ట్రిక్ స్కూటర్ అమ్మకాలు మళ్లీ ఎప్పుడంటే!

ఈ కారు 2.7 సెకన్లలో 100 కిలోమీటర్ల వేగాన్ని అందుకుంటుంది. ఇక ఈ ఏడాది చివర్లో ఈ కార్లు మార్కెట్లోకి రానున్నాయి. దీని ప్రారంభ ధర రూ. 57 లక్షలుగా ఉన్నట్లు తెలుస్తోంది. లూసిడ్‌ ఎయిర్‌ డ్రీమ్‌ ఎడిషన్‌ 113కేడబ్ల్యూహెచ్‌ బ్యాటరీను అమర్చారు. ఈ కారులో డ్యూయల్‌ ఆక్టివ్‌ కోర్‌ మోటార్‌ను ఏర్పాటుచేశారు. అయితే ఈ కారు డిసైన్ కూడా టెస్లా కంటే ఆకర్షణీయంగానే ఉంది.