Oppo Reno 8 Series : ఒప్పో రెనో 8 వచ్చేస్తోందోచ్.. ఫీచర్లు అదుర్స్.. ధర ఎంత ఉండొచ్చుంటే?
ప్రముఖ చైనా స్మార్ట్ ఫోన్ దిగ్గజం ఒప్పో సబ్ బ్రాండ్ రెనో నుంచి 8 సిరీస్ వచ్చేస్తోంది. భారత మార్కెట్లో అతి త్వరలో అధికారికంగా Oppo Reno 8 సిరీస్ లాంచ్ కానుంది.
- Published By: 10TV Digital Team ,Published On : June 30, 2022 / 04:44 PM IST
Oppo Reno 8 Series Confirmed To Launch In India Soon (2)
Oppo Reno 8 Series : ప్రముఖ చైనా స్మార్ట్ ఫోన్ దిగ్గజం ఒప్పో సబ్ బ్రాండ్ రెనో నుంచి 8 సిరీస్ వచ్చేస్తోంది. భారత మార్కెట్లో అతి త్వరలో అధికారికంగా Oppo Reno 8 సిరీస్ లాంచ్ కానుంది. ఈ కొత్త సిరీస్‌లో Oppo 8, Oppo 8 Pro రెండు వేరియంట్లు ఉండనున్నాయి. అయినప్పటికీ చైనాలో అందుబాటులో Oppo Reno 8 Pro+ సంబంధించి ఎలాంటి సమాచారం లేదు. దేశంలో ఒప్పో రెనో 7 సిరీస్‌ను లాంచ్ చేసిన దాదాపు 4 నెలల తర్వాత Reno 8 సిరీస్‌ను లాంచ్ చేస్తోంది. Oppo అధికారిక లాంచ్ తేదీని ఇంకా వెల్లడించలేదు. లాంచింగ్ ముందే.. Oppo అధికారిక వెబ్‌సైట్‌లో రెనో 8 సిరీస్‌కి మైక్రోసైట్‌ను లైవ్ చేసేసింది.
Oppo Reno 8 Pro వీడియో స్టిల్ ఫొటోలకు MariSilicon X చిప్‌తో వస్తోందని కంపెనీ వెల్లడించింది. Oppo Reno 8 స్పెసిఫికేషన్‌లు రాబోయే రోజుల్లో వెల్లడి కానున్నాయని తెలిపింది. రెనో 8 ప్రో, ఇతర ఫీచర్ల వివరాలను కూడా త్వరలో రివీల్ చేయనున్నట్టు పేర్కొంది. అయితే, Oppo Reno 8, Oppo Reno 8 Pro రెండూ చైనాలో అందుబాటులో ఉన్నాయి. కానీ, భారత మార్కెట్లోకి మాత్రం నిర్దిష్ట మోడల్స్ అదే స్పెసిఫికేషన్‌లతో లాంచ్ కానున్నాయి. Oppo Reno 8 రెగ్యులర్ 120Hz రిఫ్రెష్ రేట్‌తో 6.43-అంగుళాల AMOLED డిస్‌ప్లేతో వస్తుందని ఆశించవచ్చు. మీడియాటెక్ డైమెన్సిటీ 1300 SoC, 50-MP ప్రైమరీ సెన్సార్, 256GB వరకు UFS 3.1 స్టోరేజ్, 80W సూపర్ ఫ్లాష్ ఛార్జ్ ఫాస్ట్ ఛార్జింగ్‌ని అందించే 4,500mAh బ్యాటరీ ఉంటుందని నివేదిక తెలిపింది.
Oppo Reno 8 Series Confirmed To Launch In India Soon
మరోవైపు.. Reno 8pro మోడల్ 6.62-అంగుళాల పూర్తి-HD+ AMOLED E4 డిస్‌ప్లే, Qualcomm Snapdragon 7 Gen 1 SoCతో వచ్చే అవకాశం ఉంది. ఇతర ముఖ్య ఫీచర్లలో గరిష్టంగా 256GB వరకు UFS 2.2 స్టోరేజ్, 50-MP ప్రైమరీ సెన్సార్, 80W సూపర్ ఫ్లాష్ ఛార్జ్ ఫాస్ట్ ఛార్జింగ్ సపోర్ట్‌తో 4,500mAh బ్యాటరీతో రానుంది. ఇంకా ధర వివరాలను రివీల్ చేయనేలేదు ఒప్పో. అయితే Oppo Reno 8 రెగ్యులర్ బేస్ వేరియంట్‌కు రూ. 30,000 చెల్లించాల్సి ఉంటుంది. ఇక ఈ రెనో ప్రో ధర రూ. 35,000 నుంచి రూ. 40,000 వరకు ఉండవచ్చు. ప్రస్తుతం, రెనో 7 ప్రో 5G సింగిల్ 8GB RAM, 258GB స్టోరేజీకి రూ.39,999 వరకు ఉండవచ్చు. Reno 7 5G వేరియంట్ ధర రూ. 28,999గా ఉండనుంది.
Read Also : Oppo Reno 8 Lite 5G : ఒప్పో నుంచి రెనో 8 లైట్ సిరీస్.. లాంచ్‌కు ముందే ఫీచర్లు లీక్..!
