ప్రమాదంగా మారిన PUB-G.. పిల్లలను నేరాల వైపు మళ్లిస్తుంది: శాస్త్రవేత్తలు

మల్టీ-ప్లేయర్ బ్యాటిల్ గేమ్ బానిసైన ఎంతోమంది యువకులు చనిపోతుండగా.. కొందరు పిచ్చివాళ్లు అవుతున్నారు. రాత్రిపూట మొత్తం కూడా కొందరు PUBG(PlayerUnknownnsBattlegrounds) గేమ్ ఆడుతున్నారని, అది డేంజర్ అని అంటున్నారు. ఇదిలా ఉంటే PUBG కారణంగా నేరాలు చెయ్యాలనే ఆలోచన పెరుగుతుందని, మూర్ఖులుగా మారిపోతున్నారని కొత్తగా అధ్యయనాల్లో వెల్లడైంది.

గతేడాది మహారాష్ట్రలోని థానే జిల్లాలో భివాండికి చెందిన 15 ఏళ్ల బాలుడు తన మొబైల్ ఫోన్‌లో PUBG అతిగా ఆడుతున్నాడని తిట్టినందుకు తన అన్నయ్యను చంపాడు. ఇటువంటి సంఘటనలు ప్రపంచవ్యాప్తంగా ఎక్కువ అవుతున్నాయని భారత అంతరిక్ష పరిశోధన సంస్థ మాజీ చైర్మన్ జి మాధవన్ నాయర్ చెప్పారు. PUBG వల్ల మంచి అనేదే లేదని, హాని ఎక్కువగా జరుగుతుందని ఆయన అభిప్రాయపడ్డారు.

ఇది పిల్లలను నేరాల మరియు యుద్ధ ప్రపంచానికి దగ్గర చేస్తుందని, ఎవరినైనా చంపడంలో ఆనందం వెతుక్కునేందుకు పిల్లలు దీని వల్ల ఆలోచిస్తారని, ఇది ఆటగాళ్ల, ముఖ్యంగా పిల్లల నైపుణ్యం లేదా మేధో సామర్థ్యాన్ని పెంచదని అన్నారు. ఇది వ్యసనంగా మారి నేర మనస్తత్వాన్ని పెంపొందించడానికి మాత్రమే సహాయపడుతుంది అని అన్నారు.

ఏదైనా ఆన్‌లైన్ గేమ్, ముఖ్యంగా పిల్లల కోసం, ఉత్తమ అంతర్జాతీయ ప్రమాణాలకు అనుగుణంగా ఉండాలి అని ఇండస్ట్రీ బాడీ అసోచామ్ అన్నారు. భారతదేశంలో, గేమింగ్ కంపెనీలు అదే ఉత్తమ ప్రపంచ భద్రతా ప్రమాణాలను పాటించాలని అస్సోచం ప్రతినిధి ఒకరు తెలిపారు. ఇన్ఫర్మేషన్ టెక్నాలజీ పరిశ్రమకు చెందిన ప్రముఖ వ్యక్తి మోహన్‌దాస్ మాట్లాడుతూ.. ఆటల నిబంధనలు, నియంత్రణలు ఉన్నంతవరకు వాటిని నిషేధించాల్సిన అవసరం లేదని అన్నారు.

ఏదేమైనా, తల్లిదండ్రుల నియంత్రణలు, వయస్సు రేటింగ్‌లు, వినియోగదారు డేటా గోప్యత మరియు స్థానికీకరణ, గుర్తింపు దొంగతనం రక్షణలు మొదలైన వాటి విషయానికి వస్తే గేమ్ డెవలపర్లు మరియు ప్రచురణకర్తలు జవాబుదారీగా ఉండాలి. పిల్లల శారీరక మరియు మానసిక ఆరోగ్యంపై ప్రతికూల ప్రభావాన్ని చూపి వ్యసనంగా మారేలా ఉండకూడదని, వారు అభిప్రాయపడ్డారు.