అదిరిపోయే ఫీచర్లతో రియల్ మే స్మార్ట్‌ఫోన్.. సెప్టెంబర్ 3వ తేదీ నుంచి ఇండియాలో!

Realme 7, Realme 7 Pro: సి-సిరీస్‌లో మూడు బడ్జెట్ స్మార్ట్‌ఫోన్‌లను ఒకదాని తరువాత ఒకటి లాంచ్ చేసిన తరువాత, రియల్ మే ఇప్పుడు కొన్ని శక్తివంతమైన ఫోన్‌లను విడుదల చేయబోతోంది. రియల్‌మే 7 , రియల్‌మే 7 ప్రో స్మార్ట్‌ఫోన్‌లను భారత్‌లో విడుదల చేసేందుకు సిద్దమైంది చైనా స్మార్ట్‌ఫోన్ తయారీ సంస్థ రియల్‌మే. సంస్థ ఇటీవల రెండు బడ్జెట్ సిరీస్ స్మార్ట్‌ఫోన్‌లైన రియల్‌మే సి 11 మరియు రియల్‌మే సి 15 లను విడుదల చేయగా.. రియల్‌మే సి 15కు మంచి ఆదరణ లభించింది.



ఈ ఫోన్‌ను సెప్టెంబర్ 3వ తేదీన భారత్‌లో విడుదల చేయనున్నట్లు సంస్థ ప్రకటించింది. అదే రోజు మధ్యాహ్నం 12.30 గంటలకు ఇది డిజిటల్ లాంచ్ అవుతుండగా.. రియల్‌.కామ్‌తో పాటు, ప్రముఖ ఆన్‌లైన్ ప్లాట్‌ఫామ్‌ల ద్వారా ఫోన్ అమ్మబడుతుంది.
https://10tv.in/c-u-soon-releasing-on-1st-september/
Realme 7 Smart phone:
హెలియో జి 95 ప్రాసెసర్‌ను రియల్‌మే 7 స్మార్ట్‌ఫోన్‌లో చూడవచ్చు. మీడియాటెక్ హెలియో జీ 90 టి ప్రాసెసర్ రియల్‌మే 6 లో ఇవ్వబడింది. ఫోన్ 6.5-అంగుళాల పూర్తి HD + LCD డిస్‌ప్లేను కలిగి ఉంది. డిస్‌ప్లే 90Hz రిఫ్రెష్ రేట్‌తో రావచ్చు. 64 మెగాపిక్సెల్‌ల ప్రాధమిక కెమెరాను ఫోన్‌లో చూడవచ్చు, అయితే ఈసారి కంపెనీ శామ్‌సంగ్‌కు బదులుగా సోనీ సెన్సార్‌ను ఉపయోగిస్తుంది. 5,000 ఎంఏహెచ్ బ్యాటరీని ఫోన్‌లో చూడవచ్చు, ఇది 30 W ఫాస్ట్ ఛార్జింగ్‌ అవుతుంది.



Realme 7 pro :
రియల్మే 7 ప్రోస్మార్ట్‌ఫోన్‌లో కంపెనీ 60z రిఫ్రెష్ రేట్‌తో సూపర్ అమోల్డ్ డిస్‌ప్లేను పొందవచ్చు. క్వాల్కమ్ స్నాప్‌డ్రాగన్ 720 జి లేదా క్వాల్కమ్ స్నాప్‌డ్రాగన్ 765 జి ప్రాసెసర్‌ను ఫోన్‌లో చూడవచ్చు. ఇది కాకుండా, భారతదేశంలో అత్యంత వేగవంతమైన ఛార్జింగ్ వేగాన్ని కూడా ఫోన్‌లో చూడవచ్చు. నివేదికల ప్రకారం, 65 వాట్ల ఫాస్ట్ ఛార్జింగ్ ఇవ్వవచ్చు. ఈ స్మార్ట్‌ఫోన్‌ల ధర సుమారు 20 వేల రూపాయలు.