Samsung Galaxy S23 Ultra : ఫిబ్రవరి 1న శాంసంగ్ గెలాక్సీ S23 సిరీస్ వచ్చేస్తోంది.. లాంచ్‌కు ముందే Ultra మోడల్ ధర లీక్.. ఏయే ఫీచర్లు ఉండొచ్చుంటే?
Samsung Galaxy S23 Ultra : ప్రముఖ సౌత్ కొరియన్ దిగ్గజం శాంసంగ్ (Samsung) నుంచి కొత్త గెలాక్సీ S23 సిరీస్ వచ్చేస్తోంది. భారత మార్కెట్లో ఫిబ్రవరి 1న (Samsung Galaxy S23) సిరీస్ లాంచ్ అయ్యేందుకు రెడీగా ఉంది.
- Published By: 10TV Digital Team ,Published On : January 24, 2023 / 05:26 PM IST
Samsung Galaxy S23 Ultra _ This is how much Samsung Galaxy S23 Ultra may cost in India
Samsung Galaxy S23 Ultra : ప్రముఖ సౌత్ కొరియన్ దిగ్గజం శాంసంగ్ (Samsung) నుంచి కొత్త గెలాక్సీ S23 సిరీస్ వచ్చేస్తోంది. భారత మార్కెట్లో ఫిబ్రవరి 1న (Samsung Galaxy S23) సిరీస్ లాంచ్ అయ్యేందుకు రెడీగా ఉంది. అధికారిక లాంచ్‌కు ముందు.. పవర్‌ఫుల్ Galaxy S23 Ultra ధర ఆన్‌లైన్‌లో లీక్ అయింది. రాబోయే శాంసంగ్ Galaxy S23 సిరీస్ గెలాక్సీ S22 సిరీస్‌కు అప్‌గ్రేడ్ వెర్షన్‌గా రానుంది. Galaxy S22 సరసమైన S22, S22 Plus,S22 Ultraతో సహా వివిధ కేటగిరీలలో మొత్తం 3 ఫోన్‌లతో వచ్చింది.
ఈ కొత్త S23 సిరీస్‌లో శాంసంగ్ 3 ఫోన్‌లను లాంచ్ చేయనుంది. కెమెరా పరంగా చూస్తే.. అవసరమైన అప్‌గ్రేడ్‌లతో రానున్నాయి. ఈసారి అందరి దృష్టి S23 Ultra మోడల్‌పైనే ఉంది. S23 అల్ట్రా డిజైన్, స్పెసిఫికేషన్‌లు ఇప్పటికే మార్కెట్లోకి లీక్ అయ్యాయి. లేటెస్టుగా గెలాక్సీ S23 Ultra మోడల్ ధర కూడా Slashleaks అనే వెబ్‌సైట్లో లీక్ అయింది. Galaxy S23 Ultra ధర 1,400 డాలర్లు (రూ. 1,13,400)తో రావచ్చని టిప్‌స్టర్ నివేదిక తెలిపింది. అదే నిజమైతే.. గెలాక్సీ S23 అల్ట్రా మోడల్ రూ. 1,09,999 ప్రారంభ ధరతో రానుంది.
Samsung Galaxy S23 Ultra _ how much Samsung Galaxy S23 Ultra may cost in India
ముందు వెర్షన్ S22 అల్ట్రా కన్నా S23 అల్ట్రా చాలా ఖరీదైనదిగా ఉండనుంది. శాంసంగ్ S23 అల్ట్రా కలర్ ఆప్షన్‌లను టిప్‌స్టర్ వెల్లడించింది. గెలాక్సీ S23 అల్ట్రాను బొటానిక్ గ్రీన్, కాటన్ ఫ్లవర్, మిస్టీ లిలక్, ఫాంటమ్ బ్లాక్ కలర్ ఆప్షన్‌లలో చూడవచ్చు. బాక్స్‌లో ఛార్జర్‌ మిస్ చేసే అవకాశం ఉందని టిప్‌స్టర్ అంచనా వేసింది.
శాంసంగ్ Galaxy S23 Ultra ఫీచర్లు ( అంచనా) :
గెలాక్సీ S23 Ultra, S23 సిరీస్‌లోని లైన్ మోడల్‌లో అగ్రస్థానంలో ఉంది. 1440×3088 పిక్సెల్ రిజల్యూషన్‌తో 6.8-అంగుళాల డిస్‌ప్లేను కలిగి ఉంటుంది. స్మార్ట్‌ఫోన్ ఆక్టా-కోర్ క్వాల్‌కామ్ స్నాప్‌డ్రాగన్ 8 Gen 2 చిప్‌సెట్‌తో పాటు 12GB RAM, 1TB వరకు ఇంటర్నల్ స్టోరేజీతో వస్తుందని భావిస్తున్నారు. ఆప్టిక్స్ పరంగా Samsung Galaxy S23 ఫోన్ 200-MP ప్రైమరీ సెన్సార్‌ను కలిగి ఉంటుంది. 200-MP సెన్సార్‌తో పాటు, 108MP సెకండరీ కెమెరా, రెండు 12MP సెన్సార్లు ఉంటాయి. ముందు భాగంలో, సెల్ఫీల కోసం 12-MP స్నాపర్ కూడా ఉండనుంది.
WATCH : 10TV LIVE : “నాన్ స్టాప్ న్యూస్ అప్ డేట్స్ కోసం 10TV చూడండి”..
