WhatsApp: రంగుల్లో.. వాట్సప్లో మరో కొత్త ఫీచర్..
WhatsApp:మిలియన్ల మంది వినియోగదారులకు అత్యంత ఇష్టమైన ఇన్స్టంట్ మెసేజింగ్ యాప్ వాట్సప్.. వినియోగదారుల చాట్ అనుభవాన్ని మెరుగుపరచడానికి కొత్త అప్డేట్లను ఎప్పటికప్పుడు అందుబాటులోకి తీసుకుని వస్తుంది. ప్రతి సంవత్సరం మాదిరిగా, ఈ ఏడాది కూడా చాలా కొత్త ఫీచర్లు వాట్సాప్లో వస్తున్నాయి. ఈ క్రమంలోనే లేటెస్ట్గా మరో ఇంట్రస్టింగ్ ఫీచర్ను వాట్సప్ అందుబాటలోకి తీసుకుని వచ్చింది.
మెసేజింగ్ యాప్ వాట్సాప్ ఇటీవల రూపొందించిన నూతన ప్రైవసీ పాలసీ వివాదాస్పదం అవగా.. కొంతమంది యూజర్లు సిగ్నల్, టెలిగ్రామ్ వంటి యాప్స్కు మారుతున్నారు. ఈ క్రమంలో దిద్దుబాటు చర్యలకు దిగిన వాట్సాప్ తమ యూజర్లు చేజారకుండా ఉండేందుకు కొత్త కొత్త ఫీచర్లను అందుబాటులోకి తెస్తోంది. లేటెస్ట్గా వాట్సాప్ చాట్ బాక్స్ రంగులను మార్చడానికి యూజర్లకు అనుమతి ఇస్తూ కొత్త ఫీచర్ అందుబాటులోకి తీసుకుని వచ్చింది.
అంతేకాక, యూజర్లు తమ సందేశాలను ఇకపై కేవలం నలుపు రంగులోనే కాకుండా ముదురు నీలం ఆకుపచ్చ రంగుల్లోనూ టైప్ చేసే ఫీచర్ను చేర్చింది. దీంతో యూజర్లు అట్రాక్టివ్ కలర్స్లో వాట్సాప్ను మార్చుకోవచ్చు. ఈ ఫీచర్ ప్రస్తుతానికైతే, ఐఓఎస్ బీటా యూజర్లకు మాత్రమే అందుబాటులోకి వచ్చింది. ఆండ్రాయిడ్ యూజర్లకు ఎప్పుడు అందుబాటులోకి వస్తుందనే విషయంపై ఇప్పటికి ఎటువంటి స్పష్టత లేదు.
యూజర్ల సౌలభ్యం కొరకు వాయిస్ మెసేజెస్ ప్లేబ్యాక్ స్పీడ్ను అడ్జెస్ట్ చేసుకునే ఫీచర్పై కూడా వాట్సప్ పనిచేస్తోంది. ఈ ఫీచర్ను కూడా తొలుత iOS బీటా వర్షన్లో అందుబాటులోకి తీసుకుని రానున్నట్లుగా కంపెనీ ప్రకటించింది.