CM KCR : తెలంగాణ భాష పెడితే సినిమాలు హిట్ : సీఎం కేసీఆర్

తెలంగాణ సమాజం తెలివిగా ఉద్యమాన్ని నిలబెట్టడంతో రాష్ట్రం సాకారమైందన్నారు. ఆకలి చావులు, ఆత్మహత్యలు లక్షల సంఖ్యలో వలసలు చూశామరని చెప్పారు.

Telangana Assembly budget meetings : తెలంగాణ గతంలో కొంతకాలం దేశంగా ఉందన్నారు. ఇండియన్ యూనియర్ లో విలీనమైన తర్వాత ఒక రాష్ట్రంగా ఉందని తెలిపారు. ఆ తర్వాత ఆంధ్రప్రదేశ్ లో అంతర్భాగంగా ఉందన్నారు. తెలంగాణ అసెంబ్లీ బడ్జెట్ సమావేశాలు రెండో రోజు ప్రారంభమయ్యాయి. ఈ సందర్భంగా నిరుద్యోగం, ఉద్యోగ నియామకాలపై సీఎం కేసీఆర్ కీలక ప్రకటన చేస్తోన్నారు. ఉద్యోగాలు రావడం లేదని యువత తుపాకులు పట్టుకుని తీవ్రవాదులు అయిన సందర్భార్లు చూశామని చెప్పారు.

తెలంగాణ సమాజం తెలివిగా ఉద్యమాన్ని నిలబెట్టడంతో రాష్ట్రం సాకారమైందన్నారు. ఆకలి చావులు, ఆత్మహత్యలు లక్షల సంఖ్యలో వలసలు చూశామరని చెప్పారు. రాజకీయాలంటే ఇతర పార్టీలకు గేమ్ అని విమర్శించారు. రాజకీయాలంటే టీఆర్ఎస్ కు టాస్క్..పవిత్రమైన కర్తవ్యం అన్నారు. ఇప్పుడు అడ్డం పొడవు మాట్లాడేవాళ్లు గతంలో ఏం చేశారో ప్రజలకు తెలుసన్నారు.

CM KCR : ప్రభుత్వ పాఠశాలల్లో ఇంగ్లీష్ మీడియం : సీఎం కేసీఆర్

వ్యక్తిగతంగా తనను కూడా నిందించినా.. చిల్లగరాళ్లు అని వదిలిపెట్టామని చెప్పారు. తమ ఏకాగ్రత, లక్ష్యం దెబ్బ తినొద్దని అనుకున్నామని తెలిపారు. గతంలో తెలంగాణ భాష మాట్లాడితే జోకర్.. ఇప్పుడు తెలంగాణ భాష మాట్లాడే హీరో ఉంటేనే సినిమా సక్సెస్ అవుతుందని చెప్పారు. తెలంగాణ భాష, సంస్కృతిని రక్షించుకున్నామని తెలిపారు.

సేవాలాల్ మహారాజ్, సమ్మక్క సారక్క జాతర అధికారికంగా జరుపుకుంటున్నామని తెలిపారు. నీళ్లలో కూడా వాటా తెచ్చుకున్నామని చెప్పారు. తమ లక్ష్యం తెలంగాణ ప్రజలకు మంచి చేయడం.. అందులో తాము సఫలీకృతం అయ్యామని తెలిపారు. తెలంగాణకు రావాల్సిన నీటి కోసం పోరాడుతున్నామని చెప్పారు.