Pragya Reddy : ‘నన్ను చంపడానికి ప్రయత్నించారు’.. పుల్లారెడ్డి మనవడిపై అతని భార్య సంచలన ఆరోపణలు

పెళ్లి సమయంలో భారీగా కట్నం ఇచ్చినా వేధింపులు ఆగలేదన్నారు. తనను వేధిస్తున్నాడని.. ఇంట్లో పెట్టి బంధించారంటూ ఏక్‌నాథ్‌రెడ్డి భార్య ప్రజ్ఞారెడ్డి పంజాగుట్ట పోలీసులకు ఫిర్యాదు చేశారు.

Pragya Reddy : ప్రముఖ స్వీట్స్‌ షాప్‌ ఓనర్‌ పుల్లారెడ్డి మనవడు ఏక్‌నాథ్‌రెడ్డి వివాదంలో చిక్కుకున్నారు. ఏక్ నాథ్ రెడ్డిపై అతని భార్య ప్రజ్ఞారెడ్డి సంచలన ఆరోపణలు చేశారు. గతంలోనూ తనను చంపడానికి ప్రయత్నించారని తెలిపారు. తనను ఇంట్లో నుంచి బయటకు పంపే ప్రయత్నం చేస్తున్నారని ఆరోపించారు.

పెళ్లి సమయంలో భారీగా కట్నం ఇచ్చినా వేధింపులు ఆగలేదన్నారు. తనను వేధిస్తున్నాడని.. ఇంట్లో పెట్టి బంధించారంటూ ఏక్‌నాథ్‌రెడ్డి భార్య ప్రజ్ఞారెడ్డి పంజాగుట్ట పోలీసులకు ఫిర్యాదు చేశారు. గత కొంతకాలంగా ఏక్‌నాథ్‌రెడ్డి, అతని భార్య మధ్య కుటుంబ కలహాలు ఉన్నట్లు తెలుస్తోంది.

Pullareddy Sweet Shop : ప్రముఖ స్వీట్స్‌ షాప్‌ ఓనర్‌ పుల్లారెడ్డి మనవడిపై గృహహింస కేసు

అయితే.. తనను ఇంట్లోని ఓ రూమ్‌లో పెట్టి బంధించారని.. బయటకు రాకుండా రాత్రికి రాత్రే అడ్డంగా గోడ కట్టారంటూ ఏక్‌నాథ్‌రెడ్డి భార్య కంప్లెయింట్‌ చేశారు. దీంతో ఏక్‌నాథ్‌రెడ్డిపై వరకట్న వేధింపులు, గృహహింస చట్టాల కింద పోలీసులు కేసు నమోదు చేశారు.