ఇంట్లో దీపం వెలిగించి కూలికి వెళ్లిన మహిళ..కాసేపటికే గ్యాస్ సిలిండర్ పేలి దగ్ధమైన ఇల్లు
హైదరాబాద్ లోని బంజారాహిల్స్లో గ్యాస్ సిలిండర్ పేలుడు కలకలం సృష్టించింది. ఒక్కసారిగా పెద్దశబ్ధం రావడంతో...అంబేద్కర్నగర్ వాసులు తీవ్ర భయభ్రాంతులకు గురయ్యారు.
gas cylinder exploded : హైదరాబాద్ లోని బంజారాహిల్స్లో గ్యాస్ సిలిండర్ పేలుడు కలకలం సృష్టించింది. ఒక్కసారిగా పెద్దశబ్ధం రావడంతో…అంబేద్కర్నగర్ వాసులు తీవ్ర భయభ్రాంతులకు గురయ్యారు. ఇవాళ ఉందయం ఇంట్లో దీపం వెలిగించి ఇల్లాలు కూలికి వెళ్లింది. ఆమె వెళ్లిన కాసేపటికే గ్యాస్ సిలిండర్ పేలింది. దీంతో ఆ ఇల్లు పూర్తిగా దగ్ధమైంది.
సిలిండర్ పేలుడుతో స్థానికులు ఉలిక్కిపడ్డారు. చుట్టుపక్కల ఇళ్లకు మంటలు వ్యాపించకుండా నీళ్లు చల్లారు. సమాచారం అందుకున్న వెంటనే ఫైరింజన్లతో వచ్చిన అగ్నిమాపక సిబ్బంది నీళ్లు చల్లి మంటల్ని అదుపులోకి తెచ్చారు. ఇంట్లో ఎవ్వరూ లేకపోవడంతో ప్రమాదం తప్పింది.
ఈ ప్రమాదానికి కారణమేంటనేదానిపై పోలీసులు దర్యాప్తు చేపట్టారు. దీపం అంటుకుని సిలిండర్ పేలిందా? లేకపోతే..గ్యాస్ లీకయి పేలుడు సంభవించిందా అనేదానిపై దర్యాప్తు చేస్తున్నారు.