Brothers Rape Sister : దారుణం.. అన్నయ్యలు కాదు కామాంధులు, చిన్నతనం నుంచి చెల్లిపై అత్యాచారం.. ఆఖరికి కన్నతల్లి కూడా

సభ్య సమాజం సిగ్గుతో తలదించుకునే ఘటన ఇది. ఆడపిల్లకు బయటే కాదు ఇంట్లోనూ రక్షణ కరువైంది. అండగా ఉండాల్సిన అన్నయ్యలే కామాంధుల్లా మారారు. సొంత చెల్లి అని కూడా చూడకుండా కోరికలు తీర్చుకున్నారు. చిన్నతనం నుంచి అత్యాచారం చేస్తున్నారు.

Brothers Rape Sister : సభ్య సమాజం సిగ్గుతో తలదించుకునే అత్యంత అమానవీయ ఘటన ఇది. ఆడపిల్లకు బయటే కాదు ఇంట్లోనూ రక్షణ కరువైంది. అండగా ఉండాల్సిన అన్నయ్యలే కామాంధుల్లా మారారు. సొంత చెల్లి పైనే తోడబుట్టిన అన్న, పెద్దమ్మ కొడుకు పలుసార్లు లైంగిక దాడి చేసి తమ కోరిక తీర్చుకున్నారు. ఆమె చిన్నతనం నుంచీ అత్యాచారం చేస్తున్నారు. ఈ దారుణం గురించి కన్నతల్లి దృష్టికి తీసుకెళితే.. కొడుకుని మందలించాల్సిన తల్లి అసభ్యకరంగా మాట్లాడి వేధించింది. పెద్ద దిక్కుగా ఉండాల్సిన పెద్దమ్మ, పెద్దనాన్నలు.. ఇదంతా కామన్‌ అంటూ నీచంగా మాట్లాడారు. ఆ నీచులకు వారు సహకరించడం మరో దారుణం. ఒకటి కాదు రెండు కాదు ఐదేళ్లుగా అఘాయిత్యాలకు పాల్పడుతూనే ఉన్నారు.

కొత్తగూడెంలో ఈ దారుణం వెలుగుచూసింది. కొన్నేళ్లుగా చిత్రహింసలు అనుభవిస్తున్న బాధితురాలు ఎట్టకేలకు పోలీసులను ఆశ్రయించింది. తన తోడబుట్టిన అన్న సుశీల్ కుమార్, పెద్దమ్మ కొడుకు వర్మ అజయ్, పెద్దమ్మపై మంగళవారం(ఏప్రిల్ 6,2021) కొత్తగూడెం టూటౌన్ పోలీసులకు ఫిర్యాదు చేసింది. తనపై అత్యాచారం చేస్తున్న అన్నలను శిక్షించి తనకు న్యాయం చేయాలని 20ఏళ్ల యువతి వేడుకుంది.

బాధిత యువతి చిన్నతనంలోనే తండ్రి కుటుంబాన్ని వదిలేసి వెళ్లిపోయాడు. కుటుంబ బాధ్యతలన్నీ తల్లి చూసేది. ఆమె చిన్నతనంలో వీరి కుటుంబం మణుగూరులో ఉండేది. ఆమె 9వ తరగతి చదువుతున్నప్పటి నుంచే (2009) సొంత అన్నయ్య ఆమెపై అఘాయిత్యానికి పాల్పడేవాడు. కొన్నేళ్ల క్రితం అతడికి ఉద్యోగం రావటంతో కొత్తగూడేనికి వచ్చారు. ఆమె పెద్దదైనా అతడు అలాగే వ్యవహరిస్తున్నాడు. అతడి హింసలు భరించలేక ఇంటర్‌ చదివే సమయంలో కొత్తగూడెంలోనే ఉన్న పెద్దమ్మ ఇంటికి వెళితే అక్కడ వరసకు అన్నయ్య అయిన వాళ్ల కుమారుడు ఆమెపై లైంగికదాడికి దిగాడు. ఎవరికైనా చెబితే చంపేస్తానని బెదిరించేవాడు.

తల్లి, పెద్దమ్మ, పెదనాన్నలకు చెప్పినా పట్టించుకోకపోగా నీచంగా మాట్లాడేవాళ్లు. మెడిసిన్‌ ఎంట్రన్స్‌ శిక్షణ నిమిత్తం ఇటీవల వేరే ప్రాంతానికి వెళ్లినా లాక్‌డౌన్‌ సమయంలో మళ్లీ ఇంటికి చేరక తప్పలేదు. అప్పుడూ అన్నయ్య అఘాయిత్యానికి పాల్పడ్డాడు. విద్యాసంస్థలు ప్రారంభం కావడంతో కొన్ని రోజుల వరకు వారికి దూరంగా ఉన్నా మళ్లీ సెలవులు ఇవ్వడంతో తిరిగి కొత్తగూడేనికి వచ్చిన యువతి పోలీసులను ఆశ్రయించింది. ఇద్దరు అన్నయ్యలతోపాటు తల్లి, పెద్దమ్మ, పెద్దనాన్న నుంచి తనకు ప్రాణహాని ఉందని ఫిర్యాదు చేసింది.

ఈ ఘటన స్థానికంగా సంచలనం రేపింది. అన్నయ్యలే దురాఘాతానికి ఒడిగట్టారని తెలిసి అంతా షాక్ అవుతున్నారు. కాపాడాల్సిన తల్లి, పెద్దనాన్న, పెద్దమ్మలు.. నీచంగా వ్యవహరించడాన్ని జీర్ణించుకోలేకపోతున్నారు. వావి వరుసలు మరిచి చెల్లిపైనే లైంగిక దాడులకు పాల్పడిన కామాంధులను, వారికి సహకరించిన తల్లి, పెద్దయ్య, పెద్దమ్మలను కఠినంగా శిక్షించాలని స్థానికులు డిమాండ్ చేస్తున్నారు.