కోడలిపై మామ అత్యాచారం, హైదరాబాద్ లాడ్జిలో దారుణం

కోడలిపై మామ అత్యాచారం, హైదరాబాద్ లాడ్జిలో దారుణం

uncle molested daughter law: స్త్రీకి రక్షణ కరువైంది. వీధిలోనే కాదు ఇంట్లోనూ భద్రత లేదు. ఎప్పుడు ఏ కామాంధుడు అఘాయిత్యానికి ఒడిగడతాడో తెలీదు. రక్షణగా ఉండాల్సిన బంధుమిత్రులు కూడా కామంతో కాటేస్తున్నారు. బంధాలు, వావి వరుసలు మరిచి కామవాంఛలు తీర్చుకుంటున్నారు. హైదరాబాద్ నడిబొడ్డున అలాంటి దారుణమే జరిగింది. కోడలిపై మామ అత్యాచారం చేశాడు.

ఈ దారుణం హబీబ్‌నగర్‌లో వెలుగుచూసింది. బాధితురాలి ఫిర్యాదుతో పోలీసులు అత్యాచారం చేసిన వ్యక్తిని అదుపులోకి తీసుకుని అతడిపై కేసు నమోదు చేశారు. ఢిల్లీకి చెందిన ఓ వస్త్రవ్యాపారి(52) అతడి కొడుకు భార్య(21) దుస్తుల కొనుగోలు చేసేందుకు హైదరాబాద్‌కు వచ్చారు. బజార్‌ఘాట్‌ రోడ్డులోని సుభాన్‌ బేకరీ ఎదురుగా ఉండే ఎన్‌ఆర్‌ రెసిడెన్సీలో ఓ గదిని అద్దెకు తీసుకున్నారు.

బుధవారం(ఫిబ్రవరి 24,2021) రాత్రి లాడ్జిలోని అద్దె గదిలోనే ఇద్దరూ బస చేశారు. కాగా, మామయ్యే కదా అని సాయంగా రావడమే ఆమె పాలిట పాపమైంది. ఇంటి దగ్గర బుద్ధిగా ఉండే మామ.. హోటల్ గదిలో అర్థరాత్రి సమయంలో కామ పిశాచిగా మారాడు. కోడలిపై అత్యాచారం చేశాడు. అంతేకాదు విషయాన్ని ఎవరికీ చెప్పొద్దని కోడలిని బెదిరించాడు. తెల్లారే వరకు మౌనంగా ఉండిపోయిన కోడలు.. తెల్లారాక హబీబ్‌నగర్‌ పోలీసులను ఆశ్రయించింది. తన మామ అత్యాచారం చేశాడని ఫిర్యాదు చేసింది. బాధితురాలి ఫిర్యాదును స్వీకరించిన పోలీసులు నిందితుడిని అదుపులోకి తీసుకున్నారు. బాధితురాలిని భరోసా కేంద్రానికి పంపించారు. భరోసా కేంద్రం నుంచి కేసుకు సంబంధించిన నివేదిక రాగానే చట్టపరమైన చర్యలు తీసుకుంటామని పోలీసులు తెలిపారు.