Crime News: యువతినంటూ మహిళలకే టోకరా వేసిన కేటుగాడు: 500 మంది నుంచి రూ.3.5 కోట్లు స్వాహా | Young man dupes more than 500 women and collected rupees 3.5 crore

Crime News: యువతినంటూ మహిళలకే టోకరా వేసిన కేటుగాడు: 500 మంది నుంచి రూ.3.5 కోట్లు స్వాహా

ఒక యువకుడు..యువతినంటూ తనను తాను వేరే మహిళలకు సోషల్ మీడియా ఖాతాల ద్వారా పరిచయం పెంచుకుని.. ఆనక వారి నుంచి కోట్లలో డబ్బు వసూలు చేశాడు

Crime News: యువతినంటూ మహిళలకే టోకరా వేసిన కేటుగాడు: 500 మంది నుంచి రూ.3.5 కోట్లు స్వాహా

Crime News: ఒక యువకుడు..యువతినంటూ తనను తాను వేరే మహిళలకు సోషల్ మీడియా ఖాతాల ద్వారా పరిచయం పెంచుకుని.. ఆనక వారి నుంచి కోట్లలో డబ్బు వసూలు చేశాడు. గత ఐదేళ్లుగా పోలీసుల కళ్లుగప్పి తిరుగుతున్న జోగాడా వంశీకృష్ణ అలియాస్ హర్ష, హర్ష వర్ధన్ ను సైబరాబాద్ పోలీసులు పట్టుకున్నట్లు తెలిసింది. వివరాల్లోకి వెళితే రాజమండ్రికి చెందిన వంశీకృష్ణ ఉద్యోగం కోసం 2014లో హైదరాబాద్ వచ్చాడు. మొదట్లో చిన్న చిన్న పనులు చేసిన వంశీకృష్ణ..తరువాత బెట్టింగుల వైపు దృష్టిపెట్టాడు. ఉద్యోగాలు ఇప్పిస్తానంటూ ఆరేళ్ళ క్రితం కొందరు యువతీయువకుల నుంచి పెద్ద మొత్తంలో డబ్బు వసూలు చేశాడు. దీనిపై అప్పట్లో కూకట్ పల్లి పోలీస్ స్టేషన్లో వంశీకృష్ణపై కేసు కూడా నమోదు అయింది.

Also read:Two Girls Love: యువతుల మధ్య ప్రేమ.. రక్షణ కల్పించాలని పోలీసులను ఆశ్రయించిన జంట!

ఆనాటి నుంచి అతను పోలీసుల కళ్లుగప్పి తిరుగుతూనే ఉన్నాడు. ఇన్స్టాగ్రామ్ లో నకిలీ ఖాతాలు సృష్టించి..వాటిలో తన ఫోటోకి బదులుగా అందమైన యువతి ఫోటో పెట్టిన వంశీకృష్ణ..మహిళలు, యువతులే లక్ష్యంగా సోషల్ మీడియాలో పరిచయాలు పెంచుకున్నాడు. తాను కూడా అమ్మాయిగానే పరిచయం చేసుకున్న వంశీకృష్ణ..వారికీ తనపై నమ్మకం కలిగించేందుకు అప్పుడప్పుడు వారి బ్యాంకు ఖాతాలో డబ్బులు వేస్తుండేవాడు. మనోడి మోసానికి ఎమ్మెల్యే ఫోటో కూడా సాక్ష్యంగా నిలిచింది. ఎమ్మెల్యే ఫోటోతో ఇన్స్టా ఖాతా తెరిచిన వంశీ..ఎమ్మెల్యేగానే యువతులతో చాటింగ్ చేసేవాడు.

Also read:Money Notes: సరస్సులో కట్టల కొద్ది రూ.2000 నోట్లు: ఆశ్చర్యపోయిన స్థానికులు

అనంతరం వారితో పలుమార్లు ఆర్ధిక లావాదేవీలు జరిపి నమ్మకం కలిగించాడు. అంతేకాదు ఆన్ లైన్ మాట్రిమోనిలో రిజిస్టర్ అయిన వితంతువులు, విడాకులు పొందిన మహిళలే లక్ష్యంగా వారిని పెళ్ళి చేసుకుంటానని నమ్మించి డబ్బులు వసూలు చేశాడు. 2016 నుంచి ఇప్పటివరకు 500 మంది మహిళలను వంశీకృష్ణ మోసం చేసినట్లు తెలిసింది. అయితే వారిలో కేవలం 10 – 12 శాతం మంది మాత్రమే అంటే 50, 60 మంది మహిళలే వంశీకృష్ణ పై పోలీసులకు ఫిర్యాదు చేశారు. ఐదేళ్ల వేట అనంతరం వంశీకృష్ణను సైబరాబాద్ సైబర్ క్రైమ్ పోలీసులు అదుపులోకి తీసుకున్నారు. నిందితుడికి సంబంధించి పూర్తి వివరాలు ఇంకా తెలియాల్సి ఉంది.

×