Home » Technology » Taking Solar Eclipse Photos Can Damage Your Smartphone Camera Nasa Claims
సూర్యగ్రహణం ఫోటోలను ఇలా తీస్తే.. మీ స్మార్ట్ఫోన్ కెమెరా దెబ్బతింటుంది జాగ్రత్త.. నాసా హెచ్చరిక!
Solar Eclipse Photos : సంపూర్ణ సూర్యగ్రహణం సమయంలో నేరుగా స్మార్ట్ఫోన్ కెమెరాలను ఉంచరాదని నాసా హెచ్చరించింది. అలా చేస్తే మీ ఫోన్ కెమెరా సెన్సార్ డ్యామేజ్కు కారణమవుతుందని నాసా హెచ్చరించింది.
Solar Eclipse Photos : ఏప్రిల్ 8న సంపూర్ణ సూర్యగ్రహణం సంభవించనుంది. కొన్ని దేశాల్లో మాత్రమే ఈ సూర్యగ్రహణం కనిపించనుంది. కెమెరాలు, స్మార్ట్ఫోన్లు మొదలైన వాటితో గ్రహణాలను తీయడానికి ఇష్టపడే వారికి నాసా శాస్త్రవేత్తలు ప్రత్యేక సందేశాన్ని అందించారు. ముఖ్యంగా సూర్యగ్రహణం సమయంలో ఉత్తర అమెరికా, యూరప్లోని కొన్ని ప్రాంతాల్లో మాత్రమే కనిపిస్తుంది. భారత్ సహా ఆసియాలో మాత్రం కనిపించదు.
ఫోన్ కెమెరాతో నేరుగా గ్రహణం ఫొటోలు తీస్తున్నారా? :
సూర్యగ్రహణం సమయంలో స్మార్ట్ఫోన్ కెమెరాను సూర్యునికి నేరుగా ఉంచి ఫొటోలు తీయొద్దని నాసా హెచ్చరించింది. గ్రహణాన్ని వీక్షించే ముందు స్మార్ట్ఫోన్ కెమెరాను ఉపయోగించడం గురించి అడిగిన ప్రశ్నకు నాసా ట్విట్టర్ (X) వేదికగా కొన్ని జాగ్రత్తలు సూచించింది. ‘@NASAHQPhoto టీమ్ చెప్పిన సమాధానం ప్రకారం.. ఫోన్ సెన్సార్ ఏదైనా ఇతర ఇమేజ్ సెన్సార్ లాగా దెబ్బతింటుంది. నేరుగా సూర్యుని వైపు చూడొద్దు. మీరు ఫోన్లో ఏదైనా మాగ్నిఫైయింగ్ లెన్స్ అటాచ్మెంట్ని ఉపయోగిస్తుంటే మాత్రం చాలా జాగ్రత్తగా ఉండాలి.
ఇతర కెమెరాల మాదిరిగానే సరైన ఫిల్టర్లను ఉపయోగించాల్సి ఉంటుంది. సూర్యుడిని మొత్తం కాకుండా వేరే ఏ సమయంలోనైనా ఫొటో తీస్తున్నప్పుడు మీ ఫోన్ లెన్స్ల ముందు ఒక పెయిర్ ఎక్లిప్స్ గ్లాసెస్ ఉంచుకోవడం సరైన పద్ధతిగా నాసా సూచించింది. అదనంగా, నాసా మీ స్మార్ట్ఫోన్ కెమెరాకు హాని కలిగించకుండా సూర్యగ్రహణాన్ని వీక్షించేలా కొన్ని టిప్స్ షేర్ చేసింది. అవేంటో ఓసారి లుక్కేయండి.
సూర్యగ్రహణాన్ని వీక్షించేటప్పుడు భద్రతపరంగా అనేక జాగ్రత్తలు తీసుకోవాలి.
సూర్యుడు పాక్షికంగా కనిపించే సమయంలో మీ కళ్లు, కెమెరాను రక్షించడానికి ఎల్లప్పుడూ ప్రత్యేక సోలార్ ఫిల్టర్లను ఉపయోగించండి.
సూర్యుని బయటి వాతావరణాన్ని చూడటానికి ఫిల్టర్ను పూర్తిగా తొలగించండి.
గ్రహణ ఫొటోలను తీయడానికి మీకు ఖరీదైన కెమెరా అవసరం లేదు. ఫొటోగ్రాఫర్ నైపుణ్యం చాలా ముఖ్యం.