Uma Maheswara Ugra Roopasya - Teaser

రేయ్ మహేషూ.. కొట్రావాణ్ణి..

Share on facebook
Share on twitter
Share on telegram
Share on whatsapp

సత్యదేవ్ ప్రధాన పాత్రలో నటిస్తున్న ‘ఉమామహేశ్వర ఉగ్రరూపస్య’ టీజర్ విడుదల..

‘కేరాఫ్ కంచెరపాలెం’ వంటి విభిన్న కథా చిత్రంతో ప్రేక్షకుల ఆదరణ, విమర్శకుల ప్రశంసలు అందుకున్న యువ దర్శకుడు వెంకటేష్ మహా తెరకెక్కిస్తున్న తాజా చిత్రం.. ‘ఉమామహేశ్వర ఉగ్రరూపస్య’.. #UMUR మలయాళంలో విజయవంతమైన ‘మహేశింతే ప్రతీకారమ్’ చిత్రానికి రీమేక్ ఇది.

‘బాహుబలి’ నిర్మాతలు శోభు యార్లగడ్డ, ప్రసాద్ దేవినేని నిర్మాతలు. సత్యదేవ్ ప్రధాన పాత్ర పోషిస్తుండగా సీనియర్ నటుడు నరేష్ కీలకపాత్రలో కనిపించనున్నారు. మహా శివరాత్రి సందర్భంగా  ఈ సినిమా టీజర్ విడుదల చేశారు. విలేజ్ నేపథ్యంలో రూపొందుతున్న ‘ఉమామహేశ్వర ఉగ్రరూపస్య’లో సత్యదేవ్ ఫోటోగ్రాఫర్‌గా కనిపిస్తున్నాడు. విజువల్స్, ఆర్ఆర్ బాగున్నాయి. ‘కేరాఫ్ కంచెరపాలెం’ తరహాలోనే దర్శకుడు వైవిధ్యంగా ఈ చిత్రాన్ని తెరకెక్కిస్తున్నారని అర్థమవుతోంది.

త్వరలో ‘ఉమామహేశ్వర ఉగ్రరూపస్య’ ప్రేక్షకుల ముందుకు రానుంది. సుహాస్, జబర్ధస్త్ రామ్ ప్రసాద్, టీఎన్ఆర్, రవీంద్ర విజయ్ తదితరులు నటిస్తున్న ఈ చిత్రానికి నేషనల్ అవార్డ్ విన్నర్ బిజిబాల్ సంగీతమందిస్తున్నారు. సినిమాటోగ్రఫీ : అప్పూ ప్రభాకర్, ఎడిటింగ్ : రవితేజ గిరిజాల, కథ : శ్యామ్ పుష్కరన్.

Related Posts