కరోనా కేసుల్లో కొత్త రికార్డు.. ఒక్క రోజులో 70వేల కేసులు.. 30 లక్షల మార్క్ దాటేసింది
- Published By: vamsi ,Published On : August 23, 2020 / 10:24 AM IST
భారత్‌లో కరోనా తగ్గుముఖం.. రికవరీ రేటు పెరిగింది.. టెస్ట్‌లు ఎక్కువగా చేస్తున్నాం.. అంటూ కేంద్ర వైద్య, ఆరోగ్య శాఖ ఎంతగా ఊదరగొట్టినా కరోనా కేసులు మాత్రం తగ్గకపోగా సరికొత్త రికార్డులను నమోదు చేస్తుంది కరోనా. దేశంలో గడచిన 24 గంటల్లో కొత్తగా 69,239 కరోనా పాజిటివ్‌ కేసులు నమోదు కావడమే ఇందుకు నిదర్శనం. ఒక్కరోజులో ఇంత భారీ స్థాయిలో కేసులు నమోదవడం ఇది మూడవసారి.
ఈ రోజు కరోనా కేసులు మునుపటి రోజు లాగే ప్రపంచంలో అత్యధికంగా భారత్‌లోనే ఉన్నాయి.అమెరికా మరియు బ్రెజిల్లో ఇదే సమయంలో వరుసగా 43,829 మరియు 46,210 కొత్త కేసులు నమోదయ్యాయి. అంతకుముందు ఆగస్టు 22వ తేదీన భారతదేశంలో రికార్డు స్థాయిలో 69,878 కరోనా కేసులు నమోదయ్యాయి.
ఆరోగ్య మంత్రిత్వ శాఖ యొక్క తాజా గణాంకాల ప్రకారం, దేశంలో ఇప్పటివరకు 30 లక్షల 44 వేల 940 మందికి కరోనా సోకింది. వీరిలో 56,706 మంది చనిపోగా.. క్రియాశీల కేసుల సంఖ్య 7 లక్షల 7 వేలకు పెరిగింది. మొత్తం కరోనా రోగుల్లో 22 లక్షల 80 వేల మంది కోలుకున్నారు. ఆరోగ్యకరమైన వ్యక్తుల సంఖ్య చురుకైన కేసుల సంఖ్య కంటే దాదాపు మూడు రెట్లు ఎక్కువగా ఉంది.
ఇక దేశంలో మరణాల రేటు 1.72శాతానికి పడిపోయింది. ఇదికాకుండా, చికిత్స పొందుతున్న క్రియాశీల కేసుల రేటు కూడా 24శాతానికి పడిపోయింది. రికవరీ రేటు 74శాతంగా ఉంది. భారతదేశంలో రికవరీ రేటు నిరంతరం పెరుగుతోంది. దేశంలో మొత్తం 35.5 మిలియన్ నమూనా పరీక్షలు ఆగస్టు 22 వరకు జరగినట్లు ఐసిఎంఆర్ తెలిపింది. పాజిటివిటీ రేటు 7 శాతం కన్నా తక్కువగా ఉంది.
దేశంలో అత్యధిక సంఖ్యలో కరోనా కేసులు మహారాష్ట్రలో ఉన్నాయి. తమిళనాడు రెండో స్థానంలో, ఆంధ్రప్రదేశ్ మూడో స్థానంలో, కర్ణాటక నాలుగవ స్థానంలో, ఉత్తరప్రదేశ్ ఐదవ స్థానంలో ఉన్నాయి. ఈ ఐదు రాష్ట్రాల్లో అత్యంత చురుకైన కేసులు ఉన్నాయి. క్రియాశీల కేసుల విషయంలో భారతదేశం ప్రపంచంలో మూడవ స్థానంలో ఉంది.
